Өвөрмонголын Урадын тал нутгийн Хятад Монголын хилийн бүсээр энэ жил огт цас ороогүй байна. Одоо, нутгийн газар доорх усны төвшин доошилсоор 3 мянга гаруй малчид, 300 мянган мал ундны усаар гачигдаж байгаа гэнэ. Өнгөрсөн жилүүдэд Урадын тал нутагт хур тунадасны хэмжээ мэдэгдэхүйц багасаж, тал нутгийн газар доорх усны төвшин ч доошилсон байна. Одоо хилийн бүсийн ойр орчмын худгуудын гурваны хоёр хувийн усны түвшин доошилж, хаврын хавсаргатай хахир цаг агаар үргэлжилж байгаа аж. Ихэнх малчид малаа услах, ус зөөх ажил дээр ихэнх цагаа зарцуулж байгаа нь үйлдвэрлэл амьдралд нь сөргөөр нөлөөлж байгаа гэнэ. 2 сая га талбайтай Урадын хойд хошууны 3600 гаруй хүн, 340 мянган мал ундны усны гачигдалтай тулгараад байгаа аж. Хаврын улирлын төл тосох ажилд ч бэрхшээл тулгарч байгаа юм байна.
