2016.9.29, Пүрэв гараг / Билгийн тооллын: 29
Намрын дунд улаагчин тахиа сар
Таван шар мэнгэтэй Хөх бар өдөр

Аргын тооллын: 2016.9.29, Пүрэв гараг
Наран ургах шингэх: 06.49-18.36
Үс засуулбал: Сүлд тэнэж одно
Барилдлага: Хүчин төгсөх
Шүтэн барилдлага: Сэрэхүй

Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохойболой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.

БАРУУН АЙМГУУДЫН НУТГААР: Солигдмол үүлтэй. Нутгийн хойд хэсгээр хур тунадас орно. Салхи баруунаас секундэд 5-10 метр, өдөртөө Алтайн уулсаар секундэд 12-14 метр хүрч ширүүснэ. Шөнөдөө Алтай, Хангайн уулархаг нутгаар 0-5 градус хүйтэн, бусад нутгаар 0-5 градус, өдөртөө Хангайн уулархаг нутгаар 7-12 градус, Алтайн өвөр говиор 15-20 градус, бусад нутгаар 11-16 градус дулаан байна.



ТӨВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө нутгийн хойд хэсгээр хур тунадас орно. Салхи баруунаас секундэд 5-10 метр, өдөртөө зарим газраар секундэд 12-14 метр хүрч ширүүснэ. Хангай, Хөвсгөл, Хэнтэйн уулархаг нутгаар шөнөдөө 0-5 градус хүйтэн , өдөртөө 8-13 градус дулаан, бусад нутгаар шөнөдөө 2 градус хүйтнээс 3 градус дулаан , өдөртөө 11-16 градус дулаан байна.



ЗҮҮН АЙМГУУДЫН НУТГААР: Багавтар үүлтэй. Хур тунадас орохгүй. Салхи зүүн өмнөөс секундэд 5-10 метр, өдөртөө зарим газраар секундэд 12-14 метр хүрч ширүүснэ. Хэнтий, Дорнодын хойд хэсгээр шөнөдөө 0-5 градус хүйтэн, өдөртөө 9-14 градус дулаан, бусад нутгаар шөнөдөө 2 градус хүйтнээс 3 градус дулаан, өдөртөө 12-17 градус дулаан байна.



ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Хур тунадас орохгүй. Салхи баруун өмнөөс секундэд 6-11 метр. Шөнөдөө 0-2 градус , өдөртөө 15-17 градус дулаан байна.



ГОВИЙН АЙМГУУДЫН НУТГААР: Солигдмол үүлтэй. Хур тунадас орохгүй. Салхи баруунаас секундэд 5-10 метр, өдөртөө зарим газраар секундэд 12-14 метр хүрч ширүүснэ. Дундговийн нутгаар шөнөдөө 3 градус хүйтнээс 2 градус дулаан, өдөртөө 13-18 градус, бусад нутгаар шөнөдөө 3-8 градус, өдөртөө 16-21 градус дулаан байна.



УЛААНБААТАР ХОТ: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи баруунаас секундэд 6-11 метр. Шөнөдөө 0-2 градус, өдөртөө 12-14 градус дулаан байна.

Улаанбаатар хотын цагаар өнөөдөр 14.00 цагийн орчимд Монгол, Оросын хувь нийлүүлсэн Улаанбаатар төмөр зам /УБТЗ/ нийгэмлэгийн ерөнхий хорооны ОХУ-ын талын гишүүд Д.Жигжиднямааг УБТЗ-ын даргаар томилох шийдвэрт гарын үсэг зурж, баталгаажуулжээ. Мөн УБТЗ-ын ерөнхий инженерээр ОХУ-ын Эрхүү хотын төмөр замын дарга томилогдсон байна.

ОХУ-ын Москва хотноо хоёр өдрийн өмнө болсон хурлаас хойш УБТЗ нийгэмлэгийн ерөнхий хорооны хоёр талын гишүүд ойлголцолд хүрч, санал нэгдэхгүй асуудлууд байсан ч эцэст нь Зам тээврийн хөгжлийн дэд сайд Б.Цогтгэрэл УИХ-ын дарга, Ерөнхий сайд нартай зөвшилцөн Д.Жигжиднямааг замын даргад нэр дэвшүүлэх саналыг хэлэлцэн, шийдвэрлэсэн тухай эх сурвалж мэдээллээ.

Ингэснээр 1.9 жилийн хугацаанд УБТЗ-ын даргын албан тушаалыг хашсан Л.Пүрэвбаатар халаагаа өгөх нь тодорхой боллоо.

Эх сурвалжийн мэдээлснээр УИХ-ын дарга М.Энхболд ОХУ-ын талд хүсэлт тавьж, маргаантай байсан УБТЗ-ын даргын томилгооны асуудлыг ийнхүү эцэслэжээ.

Д.Жигжиднямаа нь Москвагийн Зам харилцааны улсын их сургуулийг Төмөр замын тээврийн удирдлагын инженер мэргэжлээр төгсөж, 1988-1990 онд Багануурын нүүрсний уурхайн төмөр замын цехийн холбогч, найруулагч, диспетчер, албаны орлогч дарга, 1990-1992 онд Улаанбаатар төмөр замд кассир, конторын эрхлэгч, албаны инженер, ахлах инженер, 1993-1998 онд Москва хот дахь Монгол Улсын худалдааны төлөөлөгчийн газрын мэргэжилтэн, 2007 оноос өнөөг хүртэл Улаанбаатар төмөр замын Тээвэр эрхэлсэн орлогч дарга, Тээвэрлэлт, хөдөлгөөн эрхэлсэн орлогч даргаар ажиллаж байжээ.

Иргэд, аж ахуйн нэгж байгууллагад хандаж сануулахад Монгол Улсын хилээр цацрагийн үүсгүүрийг нэвтрүүлэхдээ мэргэжлийн хяналтын байгууллагаас заавал зөвшөөрөл авдаг. Тодруулбал, цацраг идэвхт бодис, ионжуулах цацрагийн бусад үүсгүүрийг импортлоход захиалах шатнаас эхлээд ашиглах, хадгалах, хаягдал болгон устгах хүртэлх бүхий л үйл ажиллагааг мэргэжлийн хяналтын байгууллагын хяналтын дор цацрагийн аюулгүйн шаардлага, дүрмийн дагуу хийж гүйцэтгэх шаардлагатай байдаг. Тиймээс цацрагийн үүсгүүрийг импортлохдоо мэргэжлийн хяналтын байгууллагад хандаж зөвшөөрөл аваарай.

Манай улсад эрүүл мэнд, хөдөө аж ахуй, уул уурхай, аж үйлдвэрийн гээд бүхий л салбарт цацрагийн үүсгүүрийг хэрэглэдэг. Өнгөрсөн оны байдлаар 252 аж ахуйн нэгж 935 цацрагийн үүсгүүр хэрэглэж байгаа гэх тоон мэдээ бий. Үүнээс эрүүл мэндийн салбарт 164, аж үйлдвэрийн салбарт 7, бусад лабораториудад 243 үүсгүүр хэрэглэдэг байна.

Ийнхүү цацрагийн үүсгүүрийн хэрэглээ нэмэгдэхийн хэрээр түүнд тавих хяналт чухал. МХЕГ АНУ-ын Эрчим хүчний яам, Цөмийн аюулгүй байдлын газартай хамтран “Цөмийн материалын хууль бус хөдөлгөөнийг илрүүлэх, саатуулах” төслийг 2008 оноос 7 үе шаттай хэрэгжүүлж, хилийн 15 боомтод цацрагийн хяналтын 82 төхөөрөмж суурилуулаад байна. Түүнчлэн цөмийн болон бусад цацраг идэвхт материалыг илрүүлэх, хоёрдогч үзлэг шалгалтад ашиглах гар багажнуудыг нийлүүлээд байгаа юм.

УИХ-ын гишүүн, УИХ-ын дэд дарга Ц.Нямдорж Уулын баяжуулах “Эрдэнэт” үйлдвэр болон “Монголросцветмет” нэгдлийн Оросын талын 49 хувийг “Монголиан коппер корпораци” нэгдэл худалдан авсан талаархи асуудлаар Монгол Улсын Ерөнхий сайд Ж.Эрдэнэбатад санал хүргүүлсэн байна. Тэрбээр энэ талаар өнөөдөр /2016.09.29/ Төрийн ордонд хэвлэлийн бага хурал хийж, хувьчлалын асуудлаар ард түмэнд үнэн зөв мэдээлэл өгөхийг хэвлэл мэдээллийнхнээс хүссэн юм.

УИХ-ын дэд дарга Ц.Нямдорж хэвлэлийн бага хурдын эхэнд “УИХ-ын чуулганы хуралдааны үеэр Засгийн газрын анхны хийх ажил бол “Эрдэнэт” үйлдвэрийн 49 хувийн луйврын учрыг олж, ард түмэнд үнэн зөв мэдээллийг өгөх ёстой. Энэ асуудлыг би шахаж ажиллах болно гэдгээ мэдэгдэж байсан. Энэ ч үүднээс асуудалд хандаж Ерөнхий сайдад санал хүргүүлэх болсон” гэдгээ онцлов.

Сонгуулийн санал хураалтын өмнөх өдөр буюу 6 дугаар сарын 28-нд Уулын баяжуулах “Эрдэнэт” үйлдвэр болон “Монголросцветмет” нэгдлийн Оросын талын 49 хувийг “Монголиан коппер корпораци” нэгдэл худалдан авсан талаархи асуудлыг шалгаж дүнг танилцуулах чиглэл Засгийн газарт өгөгдсөн байна. Энэ талаар Ерөнхий сайдын захирамж гарч таван сайдын бүрэлдэхүүнтэй ажлын хэсэг байгуулагдаж, наймдугаар сарын 05-ны дотор шалгалтын дүнг танилцуулах үүрэг өгөгдсөн боловч нааштай шийдвэр гарсангүй гэж үзэж байгаагаа тэрбээр энэ үеэр хэллээ.

Мөн “Эрдэнэт” үйлдвэрийн хувьчлалын асуудлаар нөхцөл байдлыг судалж үзэхэд дээрх үйлдвэрүүдийг удирдах бүх эрх мэдэл нь 49 хувийг худалдаж авсан гэх “Монголиан коппер корпораци” болон Худалдаа хөгжлийн банкны удирдлагад шилжиж, төрийн эзэмшлийн 51 хувийг Засгийн газар бүрэн алдсан гэж үзэж байгаагаа мэдэгдлээ. Учир нь дээрх үйлдвэрүүдийн ТУЗ-ийн бүрэлдэхүүний 50 хувийг болон ТУЗ-ийн даргаар нь цөөнхийн төлөөллийг томилж, төрийн мэдлийн 51 хувийн эрх ашгийг хамгаалах үүрэгтэй Б.Шинэбаатар нь 2016 оны 07 дугаар сарын 07-нд өөрийгөө “Эрдэнэт” үйлдвэрийн ерөнхий захирлын нэгдүгээр орлогчоор томилсныг Худалдаа хөгжлийн банк болон “Монголиан коппер корпораци”-ийн эрх ашгийг хамгаалагч болсон гэж үзэхэд хүргэж байна гэлээ. Иймээс тэрбээр УИХ-ын гишүүний хувьд Ерөнхий сайд Ж.Эрдэнэбатад дараахь саналыг хүргүүлсэн байна.

Үүнд:

-Ажлын хэсгийн шалгалтын урьдчилсан дүнг Засгийн газрын хуралдаанаар яаралтай хэлэлцүүлэх,

-Сангийн сайд асан Б.Болорын 2016 оны 06 дугаар 27-ны өдрийн н/255, н/256 дугаар тушаалыг хүчингүй болгох,

-Дээрх үйлдвэрүүдийн хувьцаа эзэмшигчдийн хурлыг дахин эхнээс нь зохион байгуулах,

-“Эрдэнэт” үйлдвэр, “Монголросцветмет нэгдэлд” төрийн өмчийн төлөөллийг хэрэгжүүлэх хүмүүсийн шинээр томилж ажилд оруулах,

-Дээрх үйлдвэрүүдийн ТУЗ-ийг байгуулах, гүйцэтгэх удирдлагыг томилох, дүрмийг батлахдаа 51х49 гэсэн харьцааг хатуу баримтлах,

-Дээрх үйлдвэрүүдийн 49 хувийг “Монголиан коппер корпораци” ямар эх үүсвэрээр худалдаж авсан болон хууль ёсны байсан эсэхийг онцгойлон анхаарч шалгалтаа үргэлжлүүлэхийг хүссэн байна.

УИХ-ын гишүүн, УИХ-ын дэд дарга Ц.Нямдорж “Эрдэнэт” үйлдвэрийн хувьчлалыг шударга болгож, Монгол Улсын төрийн 51 хувийг үнэгүйдүүлэхгүй эзэнтэй байлгаж, ард түмний эрх ашгийн төлөө тууштай ажиллана гэдгээ мэдэгдлээ.

2016 оны эхний найман сарын байдлаар “Оюутолгой” ХХК нь 244.6 тэрбумын татвар төлсөн байхад “Эрдэнэт” үйлдвэр нь 20.3 тэрбум төгрөгийн татвар төлснийг харьцуулахад энэ үйлдвэр яаж ажиллаж байгаа нь харагдаж байна гэлээ.

УИХ-ын дэд дарга Ц.Нямдорж мэдээллийн дараа сэтгүүлчдийн сонирхсон асуултад хариулт өгөв гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

. “Нүүрсний хэрэг”-ээр Л.Гансүхийг хэрхэн хорьсоныг олон нийт тод санаж байгаа. Харин одоо Г.Дэнзэнг хорилоо. Г.Дэнзэнгийн дараа хоригдох хүнийг Э.Бат-Үүл гэх мэдээлэл ч гарч эхлэв. Э.Бат-Үүлийг С.Зориг агсны аллагад буруутган хэргийн газарт малгайгаа орхисон гэх үндэслэлээр ТЕГ-аас шалгаж буйг тэрбээр өөрөө мэдэгдсэн.

Б.Цогнэмэхийн зохиол “Тэнгэрийн хүү” жүжиг ирэх аравдугаар сарын 1, 2-нд УДЭТ-ын тайзнаа дахин тоглогдох гэж байна.



Тус бүтээл нь түүхэн жүжгийн уралдаанд шалгарч байсан юм. Мөн 2011 оны шилдгийн шилдгийг шалгаруулах “Гэгээн муза” наадмын гран при, оны шилдэг уран бүтээлчдийг шалгаруулах “Мөнгөн мод” ёслолын ажиллагааны шилдэг бүтээлийн цомыг хүртэж байв.



Найруулагчаар Монгол Улсын төрийн соёрхолт, УДЭТ-ын ерөнхий найруулагч Н.Наранбаатар, хөгжмийн зохиолчоор урлагийн гавьяат зүтгэлтэн Т.Сэр-Од, гол дүр Модун Шаньюйд УДЭТ-ын жүжигчин Г.Эрдэнэбилэг, Могул хатанд төрийн соёрхолт, ардын жүжигчин Н.Сувд нар тоглосон билээ.

Монгол улсын гавъяат жүжигчин Бадамраагийн Магсаржав 2016 оны есдүгээр сарын 28-ны өдөр таалал төгсчээ. Тэрээр та бидний сайн мэдэх ”Улаан дарцаг” киноны тогооч Дагва, ”Говийн зэрэглээ”, ”Тэнгэрийн хүү”, ”Хошин аялгуу”, ”Гарьд магнай” киноны Равсал панз зэрэг тайз дэлгэцийн олон сайхан дүрүүдийг бүтээсэн билээ.


Гэр бүл, төрөл төрөгсдөд нь гүн эмгэнэл илэрхийлье.

Монгол Улсын Их Хурлын дарга Миеэгомбын Энхболдод өнөөдөр /2016.09.29/ Монголбанкны ерөнхийлөгч Н.Баяртсайхан “Төрөөс мөнгөний бодлогын талаар 2017 баримтлах бодлого батлах тухай” УИХ-ын тогтоолын төслийг өргөн мэдүүллээ.
Монгол Улсын санхүү, эдийн засгийн нөхцөл байдал хүндэрч, банкны системийн хэмжээнд эрсдэл нэмэгдэж буй өнөөгийн нөхцөлд макро эдийн засгийн болон санхүүгийн тогтвортой байдлыг хадгалах, санхүүгийн системийн эрсдэл даах чадварыг дээшлүүлэх зайлшгүй шаардлагыг харгалзан Төрөөс мөнгөний бодлогын талаар 2017 онд баримтлах үндсэн чиглэлийн төслийг боловсруулжээ.
Монголбанкны ерөнхийлөгч Н.Баяртсайхан, өнгөрсөн жилүүдэд хэрэгжүүлсэн төсвийн шинж чанартай мөнгөний бодлогын үйл ажиллагааг цаашид хумиж, зах зээлийн зарчимд нийцүүлсэн арга хэмжээг үе шаттайгаар авч хэрэгжүүлэх, эдийн засгийн хүндрэлийг хохирол багатай даван туулах, эдийн засгийг богино хугацаанд тогтворжуулж дунд хугацаанд эдийн засгийн тогтвортой өсөлтийг хангах нөхцөлийг бүрдүүлэхэд макро эдийн засгийн бодлогыг чиглүүлэх зайлшгүй шаардлагатай талаар Улсын Их Хурлын даргад танилцуулав.
Манай улсын эдийн засгийн гадаад орчны таатай бус нөхцөл байдалтай давхцан Засгийн газар, Хөгжлийн банк, Монголбанк болон хувийн секторын гадаад өр, Засгийн газрын дотоод зээлийн эргэн төлөлтийн хугацаа ойртсон нь төсвийн болон төлбөрийн тэнцлийн хүндрэлийг давхар үүсгэж болзошгүй байгаа юм байна.
Дунд хугацаанд макро эдийн засгийн болон улсын өрийн тогтвортой байдлыг хангасан, валютын ханшийн уян хатан байдал, санхүүгийн системийн эрсдэл даах чадварыг эрс нэмэгдүүлэх, гадаад валютын нөөцийг сэргээхэд чиглэсэн макро эдийн засгийн цогц бодлогыг авч хэрэгжүүлэх зайлшгүй шаардлага үүссэн бөгөөд энэхүү бодлогыг амжилттай хэрэгжүүлэхэд төсвийн сахилга бат, өрийн зохистой удирдлага чухал болохыг төслийн танилцуулгад онцолжээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Ерөнхий сайдыг ес, сайд нарыг 24 хоногийн дараа томилжээ

ХБНГУ-ын Макс-Планкийн институттэй хамтран ажиллана.

“Face of beauty international” олон улсын тэмцээн ирэх сарын 9-нийг хүртэл Улаанбаатар хотноо зохиогдох бөгөөд тэмцээний албан ёсны хэвлэлийн бага хурал яг одоо GRAND HILL зочид буудалд боллоо. Дэлхийн өнцөг булан бүрээс буюу 60 гаруй орны миссүүд хүрэлцэн ирж гоо үзэсгэлэнгээрээ өрсөлдөх юм.


Тэрээр олон улсын хэмжээний тэмцээний шүүгчээр найман хүн ажиллах бөгөөд ерөнхий зохион байгуулагч Мила Мануел /Mila Maneul/, “Missosology” сайтын тэргүүлэгч Павее Винтура /Pawee Ventura/, өнгөрсөн жилийн тимтийн эзэн Мексикийн гоо бүсгүй Ералди Барраза /Yeraldi barraza/ нар юм байна. Харин Монгол улсаас тус тэмцээнийг “Монгол тулгатны 100 эрхэм” нэвтрүүлгийн хөтлөгч П.Анужин болохыг ”Mongolian Beauty Association”-аас албан ёсоор мэдэгдлээ.

Хөгжлийн бэрхшээлтэй иргэдийн аюулгүй байдлыг хэрхэн хангах талаар сургалт зохион байгууллаа

Төрийн албаны зөвлөлийн шалгалтын комиссоос нэр бүхий гурван яамны Төрийн нарийн бичгийн дарга нарыг тодруулах сонгон шалгаруулалтыг зохион байгуулсан билээ.

Монгол Улсын Их Хурлын дарга Миеэгомбын Энхболдод өнөөдөр /2016.09.29/ Монголбанкны ерөнхийлөгч Н.Баяртсайхан “Төрөөс мөнгөний бодлогын талаар 2017 онд баримтлах бодлого батлах тухай” УИХ-ын тогтоолын төслийг өргөн мэдүүлсэн юм. Энэ үеэр тэрбээр валютын ханшийн өөрчлөлтийн талаар байр сууриа илэрхийллээ.

Мэдээллийн эхэнд тэрбээр Монголбанкийг валютын ханшийн өөрчлөлтөд ямар нэгэн оролцоогүй байгаа мэтээр хэвлэл мэдээллийн хэрэгсэл болон цахим сүлжээгээр ташаа мэдээлэл цацагдаж байгаад тайлбар хийж байгаагаа онцлоод “Төв банк /МонголБанк/-ны тухай хуульд төгрөгийн тогтвортой байдлыг хангах нь тус банкны нэг үндсэн чиг үүрэг болохыг заасан байдаг. Үүнд ханшийн тогтвортой байдал ч тодорхой хэмжээгээр багтдаг. Тиймээс төгрөгийн тогтвортой байдлыг хангахын тулд Монголбанк анхаарч ажиллана. Валютын ханш замбараагүй өсөх нь импортын барааны үнэ ханшид шууд нөлөөлж, түүнийгээ дагаад ард иргэдийн амьдралд хүндрэл үүсгэдэг. Нөгөө талаар арилжааны банкуудын зээлийн бодлогод нөлөөлдөг. Ихэнх зээлдэгч нар вальютын зээлтэй байдаг учраас бид энэ асуудалд анхаарал хандуулж байгаа” хэмээн мэдэгдэв.

Монголбанкнаас мөнгөний бодлогын хүүг 10.5-аас 15 хувь болгож өсгөж, валютын нөөцөө хамгаалах, хурдтай өсөж байгаа валютын ханшийн өсөлтийг тогтворжуулах зарчмыг баримталсан байна. Түүнчлэн цаашид их хэмжээний валют гаргаж интервенци хийх замаар ханшийг тогтворжуулах боломж манай улсын хувьд хомсдож байгаа аж. Монголбанкны ерөнхийлөгч Н.Баяртсайхан, “Өнгөрсөн жилүүдэд ихэвчлэн интервенци хийснээр гадаад валютын нөөц багассан. Бид цаашид интервенци хийх ч гэсэн гол зарчим болгон ажиллахгүй. Үүний хажуугаар мөнгөний бодлогын хүүг нэмэгдүүлэх уламжлалт аргаа хэрэглэсэн. Энэ нь цаанаа хүмүүст хүнд тусах хэдий ч эдийн засгийн суурь нөхцөл байдал сайжирч, гадаад валютын нөөц нэмэгдэж, импортын урсгал нэмэгдэх тусам Монголбанк бодлогын хүүгээ бууруулах арга замыг үе шаттайгаар хэрэгжүүлнэ” хэмээв гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

БСШУСЯ-нд Япон улсын Ардын дипломатын байгууллагын орлогч захирал Наохито Ито болон Япон улсын эрдэмтэн судлаач, үе үеийн элчин сайдууд зочилсон билээ.



Тэднийг БСШУС-ын сайд Ж.Батсуурь хүлээн авч уулзсан юм. Уулзалтын хүрээнд боловсролын салбарт хоёр орны хамтын ажиллагааны талаар ярилцсан. Уулзалтын үеэр салбарын сайд цаашид хийж, хэрэгжүүлэх ажлынхаа товч төлөвлөгөөг танилцуулахад боловсролын салбарт тулгамдаж байгаа гол асуудал болох сургууль цэцэрлэгийн тоог нэмэгдүүлэхэд Япон улсын зүгээс буцалтгүй тусламж үзүүлэх боломжтой гэдгээ илэрхийлсэн юм. Мөн өмнө нь хэрэгжүүлж байсан төсөл хөтөлбөрүүдийг үргэлжлүүлэх талаар харилцан санал солилцлоо.



Тодруулбал “Өвсний үндэс” хөтөлбөрийн хүрээнд 500 гаруй төсөл хэрэгжсэний 300 гаруй нь боловсролын салбарт амжилттай хэрэгжсэн тул үүнийг үргэлжлүүлэх нь зөв гэж үзэж буйгаа илэрхийллээ.

ОУВС-тай хэлцэл хийж эхлэхэд бэлэн буйгаа илэрхийллээ

Монгол Улсын Их Хурлын дарга Миеэгомбын Энхболдод өнөөдөр /2016.09.29/ Монголбанкны ерөнхийлөгч Н.Баяртсайхан “Төрөөс мөнгөний бодлогын талаар 2017 онд баримтлах бодлого батлах тухай” УИХ-ын тогтоолын төслийг өргөн мэдүүлсэн юм. Энэ үеэр тэрбээр ипотекийн зээлтэй холбоотой асуудлаар мэдээлэл хийв. Монголбанкны ерөнхийлөгч Н.Баяртсайхан, “Ипотекийн зээлийн хөтөлбөрийг анх Монголбанк санаачилж, Засгийн газарт шилжүүлсэн. Шинэ Засгийн газар байгуулагдаад эргээд Монголбанкинд шилжүүлж байх шиг байна. Ипотекийн зээлийн хөтөлбөрийг Монголбанк цаашид үргэлжлүүлнэ гэсэн байр суурьтай байна” хэмээн мэдэгдэв.

Ипотекийн зээлийн хөтөлбөрт тав болон найман хувийн хүүтэй хоёр төрлийн зээл байгаа бөгөөд таван хувийн хүүтэй зээлийг улс орны эдийн засгийн нөхцөл байдал, зах зээлийн зарчмыг үндэслэн зогсоохоор болсон байна. Тодруулбал, Монголбанкнаас мөнгөний бодлогын хүүг 15 хувиар тогтоосон. Тус банкнаас гарч буй зээлийн хүү 2 хувь, үүн дээр арилжааны банкууд 3 хувийн хүүг нэмж 5 хувийн хүүтэй зээлийг орон сууц худалдан авч буй иргэдэд олгож байсан. Гэтэл бодлогын хүүгээ 15 хувь болгосон атал арилжааны банкууд ийм бага хүүтэй зээл гаргах нь зах зээлийн зарчимтай нийцэхгүй байгаа учраас ийнхүү зогсоох шийдвэр гаргасан байна.

Өнөөдрийн байдлаар таван хувийн хүүтэй ипотекийн зээлэнд хамрагдахаар хүсэлт, өргөдлөө гаргасан нийт 4000 гаруй иргэнд 90 орчим тэрбум төгрөг зарцуулахаар байгаа аж.

Харин найман хувийн хүүтэй ипотекийн зээлийг Засгийн газартай хамтран цаашид үргэлжлүүлнэ гэдгээ Монголбанкны Ерөнхийлөгч Т.Баяртсайхан мэдэгдлээ. Уг зээлийн хөтөлбөрийг 80 хүртэлх ам.метр талбайтай орон сууц худалдан авах иргэдэд үргэлжлүүлэн олгож, 80 ам.метрээс дээш талбайтай орон сууцыг зах зээлийн зарчмаар арилжааны банкны зээлийн хүүгээр худалдан авах нь зүйтэй гэсэн байр суурьтай байгаагаа илэрхийлсэн юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Монгол улсад эмнэлгийн техникийн дээд боловсролтой мэргэжилтэн бэлтгэж эхэлсний 20 жил, Монголын эмзүйн байгууллагуудын нэгдсэн “Эм” холбооны 20 жилийн ойг тохиолдуулан Эрүүл мэндийн яам, Олон улсын эмнэлгийн инженерүүдийн холбоо (IFBME), Эм холбоо, Монголын эмнэлгийн инженерчлэлийн нийгэмлэг, Мишээл групптэй хамтран “ЭРҮҮЛ МЭНДИЙН ТЕХНОЛОГИ - 2016” үзэсгэлэнг 2016 оны 09 дүгээр сарын 30-наас 10 дугаар сарын 02-ны өдрүүдэд ЭРҮҮЛ МЭНДИЙН САЙДЫН ИВЭЭЛ дор зохион байгуулах гэж байна.



ЗОРИЛГО:

1. Эрүүл мэндийн салбарт нэвтэрсэн эмчилгээ, оношилгооны дэвшилтэд технологи, арга аргачлал, тоног төхөөрөмжийг олон нийтэд сурталчилан таниулах

2. Гадны болон дотоодын эм, эмнэлгийн хэрэгсэл, эмнэлгийн тоног төхөөрөмж ханган нийлүүлэгч байгуулагуудын шинэ технологи, тоног төхөөрөмжтэй танилцах, туршлага судлах

3. Олон улсын эрүүл мэндийн технологийн өнөөгийн байдал, тулгамдаж буй асуудал, мэргэжилтэн бэлтгэж буй чиг хандлага талаар хэлэлцэх



ОРОЛЦОГЧ БАЙГУУЛЛАГА:

ЭМЯ-ны харъяа төв эмнэлэг, тусгай мэргэжлийн төвүүд, Аймаг, нийслэлийн эрүүл мэндийн байгууллагууд, Эм, эмнэлгийн хэрэгсэл, эмнэлгийн багаж, тоног төхөөрөмж ханган нийлүүлэгч байгуулагууд, БНСУ-ын Эм, эмнэлгийн хэрэгсэл, эмнэлгийн багаж, тоног төхөөрөмж ханган нийлүүлэгч байгуулагууд нийт 120 гаруй оролцогч байгууллагууд дараах чиглэлээр төрөлжин оролцоно.

· Улсын болон хувийн эрүүл мэндийн байгууллагууд

· Эм, эмнэлгийн хэрэгсэл, эмнэлгийн тоног төхөөрөмж, ханган нийлүүлэгч байгууллагууд

Эмнэлгийн тоног төхөөрөмжийн инженер, техникч, эмч мэргэжилтэн бэлтгэдэг улсын болон хувийн хэвшлийн сургалтын байгууллагууд

· Гоо сайхан, эрүүл мэнд

· Эрүүл хүнс, биологийн идэвхт бүтээгдэхүүн



ТОВЧ ХӨТӨЛБӨР:



2016.09.30:

Нээлтийн үйл ажиллагаа

Тайзан дээрх байгууллагын танилцуулах сурталчилгаа

Номын баяр – Хүндэтгэлийн арга хэмжээ

Бренд тоног төхөөрөмжийг танилцуулах сургалт

Үзэсгэлэнгийн үйл ажиллагаа үргэлжилнэ

2016.10.01:

Үзэсгэлэнгийн үйл ажиллагаа үргэлжилнэ

Тайзан дээрх байгууллагын танилцуулах сурталчилгаа

Эмнэлгийн тоног төхөөрөмжийн инженерүүдийн гуравдугаар

чуулган, олон улсын анхдугаар хурал /Эрүүл мэндийн яамны Б танхимд/

Үзэсгэлэнгийн үйл ажиллагаа үргэлжилнэ

2016.10.02:

Үзэсгэлэнгийн үйл ажиллагаа үргэлжилнэ

Тайзан дээрх байгууллагын танилцуулах сурталчилгаа

Үзэсгэлэнгийн шилдэг - номинаци шалгаруулах үйл ажиллагаа

Хаалтын үйл ажиллагаа



Үзэсгэлэнгийн үеэр ард иргэдэд үнэ төлбөргүйгээр хараа, сонсгол, даралт, сахарын шинжилгээ, эхо, эрүүл мэндийн боловсролын мэдээлэл, бараа бүтээгдэхүүний амталгаа хийгдэнэ.



БҮРТГЭЛ:

· МИШЭЭЛ ЭКСПО дээр 2016.09.09-ны өдрөөс эхлэн явагдаж байна.

· Үзэсгэлэнд оролцох сонирхолтой байгууллагуудыг урьдчилан оролцох хүсэлтээ ирүүлснээр талбайн хуваарилалтыг хийнэ. (Талбайн зургыг хавсаргав.)

Үзэсгэлэнгийн талбайг өөрийн байгууллагын үйл ажиллагааны онцлогт тохируулан, тусгайлан зохиомжлон тохижуулах боломжтой бөгөөд энэ үедээ талбайн зааварчилгааг мөрдөх шаардлагатай.
Талбайн хуваарилалт болон төлбөрийн асуудлыг “Мишээл групп” ХХК хариуцан ажиллана.



ДЭМЖИГЧ БАЙГУУЛЛАГА

· Олон улсын эмнэлгийн инженерүүдийн холбоо



ЗОХИОН БАЙГУУЛАГЧ



· Эрүүл мэндийн яам

· Монголын эмнэлгийн инженерчлэлийн нийгэмлэг

· Монголын эмзүйн байгууллагуудын нэгдсэн “Эм” холбоо

· Солонгос – Монгол бизнес төв

· Мишээл Экспо ХХК



ХАЯГ: Улаанбаатар хот, Хан-Уул дүүрэг, 2-р хороо, Чингисийн өргөн чөлөө /Мишээл экспо төв/

УТАС: 88077036, 88077031

ФАКС: 75959595

Е-MAIL: Oyu_mt@yahoo.com, info@misheelexpo.mn

Элэгний С вирүсийг устгах 98 хувийн үр дүнтэй шинэ эмийг “Омбол” ХХК өнөөдөр танилцууллаа.

“Хепсинат-ЛП” нэртэй уг эмийг Энэтхэгийн Натко эмийн үйлдвэрт үйлдвэрлэсэн бөгөөд сарын хэрэглээ нь 150 ам.доллар аж.

АНУ-ын Гилеад Сайнс компаний Харвони эм одоо манай зах зээлд худалдаалагдаж байгаа. Энэ эм сарын хэрэглээ нь 400 ам.доллар байсан бөгөөд есдүгээр сарын 23-ны өдрөөс эхлэн 300 ам.доллар болсон. Гэвч энэ эмийн үнийг дийлэхгүй эмчилгээ хийлгэж чадахгүй олон хүн байгааг харгалзан үнэ хямд хэр нь үйлчилгээ ижил эмийг “Омбол” ХХК оруулж ирээд байгаа нь энэ аж.

АНУ-ын Гилеад Сайнс компаний Харвони эмийн үндсэн найрлага болох ледипасвир, софосбувир найрлага бүхий эмийг үйлдвэрлэх зөвшөөрлийг Энэтхэгийн 11 компани авсан байдаг аж. Эдгээр үйлдвэрийн нэг болох Наткогоос “Хепсинат-ЛП” эмийг авч байгаа бөгөөд тус үйлдвэр энэтхэгийн таван том үйлдвэрийн нэг, хамгийн анх энэ эмийг үйлдвэрлэх эрхийг авсан юм байна. Зохих судалгааг хийсэн, чанартай эм гэдгийг “Омбол” ХХК-ийн гүйцэтгэх захирал Б.Мөнхдэлгэр хэлсэн юм.

Эмийн сарын хэрэглээ нь 150 ам.доллар бөгөөд тухайн өвчтөний байдлаас хамаарч 3-6 сар хэрэглэх юм. Эмчийн жорын дагуу шууд эмийн сангаас худалдан авалт хийх боломжтой. Вирүсийн эмчилгээг эмчийн хяналтад зааврын дагуу хийх ёстой учраас цахим жороор эмийн жорыг бичих юм байна. Эмийг Элэгний эмийн мэдээлэл үйлчилгээний төв, хот болон орон нутгийн гэрээт эмийн сангаар худалдаалах аж.

Мөн элэгний С вирүсийг устгах эмийг оруулж ирснээс хойш өвчтөнд шинжилгээнээс эхлээд маш олон зардал гарч байгааг анзаарсан тул “Омбол” ХХК нийгмийн хариуцлагынхаа хүрээнд “Хепсинат-ЛП” эмийг зургаан сар уух хүмүүст сүүлийн сарын эмийг үнэ төлбөргүй өгөхөөр болсноо мэдээллээ.

Чингэлтэй дүүрэг, Жуулчны гудамжинд байрлах Элэгний эмийн мэдээлэл үйлчилгээний төвөөс та илүү дэлгэрэнгүй мэдээллийг авах боломжтой. Эндээс элэгний өвчлөлийн талаар болон хаана шинжилгээ өгөх боломжтой зэрэг олон төрлийн зөвлөгөө мэдээллийг иргэдэд үнэ төлбөргүй өгдөг юм байна.

Манай улсад 400 мянга гаруй хүн элэгний В, С вирүсийн өвчлөлтэй гэсэн судалгаа байдаг бөгөөд нийт хүн амд ногдох өвчлөлөөрөө дэлхийд тэргүүлэх болжээ.