Монгол Улсын Их Хурлын дарга З.Энхболд Япон Улсын Парламентын Зөвлөхүүдийн танхимын гишүүн М.Наошима, Т.Мики нарыг өнөөдөр /2016.04.21/ хүлээн авч уулзлаа.

Хүнс, Хөдөө аж ахуйн сайд Р.Бурмаа Дорнын Бүгд Найрамдах Уругвай Улсаас Монгол Улсад суух Онц бөгөөд Бүрэн эрхт Элчин сайд Фернандо Лугрис-ийг хүлээн авч уулзлаа.


Уулзалтын эхэнд, Элчин сайд Фернандо Лугрис “Уругвай улс нь хүнс, хөдөө аж ахуйн салбарт ялангуяа үхэр, хонины аж ахуй, мах, сүү, сүүн бүтээгдэхүүний үйлдвэрлэл, экспортын чиглэлээр арвин туршлагатай, энэ салбарт мэргэшсэн боловсон хүчинтэй, эрдэм шинжилгээ судалгааны салбар өндөр түвшинд хөгжсөн улс” гэдгийг дурдаад, цаашид энэ чиглэлээр Монгол Улстай арга туршлага хуваалцах, худалдаа хөрөнгө оруулалт, хувийн хэвшлийн хамтын ажиллагааг хөгжүүлэх сонирхолтой байгаагаа илэрхийлэв.
ХХАА-н сайд Р.Бурмаа Элчин сайдын дэвшүүлсэн санал санаачилгыг дэмжиж хамтран ажиллахаа илэрхийлээд, хамтарсан төсөл хэрэгжүүлэх, хоёр талын төр хувийн хэвшлийн төлөөлөгчдийн уулзалт, харилцан айлчлал, хурал, форумыг зохион байгуулах замаар энэ хамтын ажиллагааг хөгжүүлэх боломжтойг онцоллоо.

2016 оны 04 дүгээр сарын 21-ний өдрийн гадаад валютын дуудлага худалдаагаар банкууд 1971.50-1977.16 төгрөгийн ханшаар 6.8 сая ам.доллар худалдах, 1988.00-1989.00 төгрөгийн ханшаар 4.0 сая ам.доллар худалдан авах, 305.50 төгрөгийн ханшаар 5.0 сая юань худалдах, 307.00 төгрөгийн ханшаар 2.0 сая юань худалдан авах санал тус тус ирүүлсэн бөгөөд Монголбанк энэ удаагийн дуудлага худалдаанд оролцоогүй болно.
2016 оны 04 дүгээр сарын 21-ний өдрийн ээлжит гадаад валютын своп, форвард хэлцлээр банкууд 72.5 сая ам.доллар худалдан авах төгрөгийн своп хэлцэл, 20.0 сая ам.доллар худалдах ам.долларын своп хэлцэл байгуулах саналыг тус тус ирүүлсэн бөгөөд Монголбанкнаас нийт 72.5 сая ам.доллар худалдан авах төгрөгийн своп хэлцэл байгуулах саналыг 100 хувь биелүүлж, Монголбанкинд 20.0 сая ам.доллар худалдах ам.долларын своп хэлцэл байгуулах саналыг биелүүлээгүй болно.

Лхагва гаригт Францын Ерөнхий Сайд тус улсын аюулгүй байдлын талаар мэдэгдэл хийлээ. Ерөнхий Сайд Мануэль Валльс өнгөрсөн 11 дүгээр сард Парис хотноо гарсан халдлагын дараагаар улс орон даяар зарласан онцгой байдлын хугацааг дахин хоёр сарын хугацаанд сунгах гэж байгаа тухай мэдэгдсэн байна. Тус улсад зохион байгуулагдах хөл бөмбөгийн ЕАШТ болон мөн Тур-Де-Франс олон улсын дугуйн уралдаантай холбоотойгоор ийнхүү онцгой байдлын хугацааг сунгахаар болсон бөгөөд парламентаас уг саналыг зөвшөөрсөн тохиодолд хучин төгөлдөр болох юм байна. Сүүлийн саруудад гарсан халдлагуудаас үзэхэд олон хүн цугларсан газарт террористууд халдлага үйлдэж байгаа учир уг саналыг гаргаж байгаа юм. Францын албаныхны мэдээлснээр ирэх 6, 7 дугаар сард болох дээрх тэмцээн, уралдааныг 8 сая гаруй хүн үзнэ гэсэн урьдчилсан тооцоо гарсан гэжээ.

“Херо энтертайнтэнт”

Пауэрлифтингийн хэвтээ шаталтын ДАШТ Дани улсад энэ сарын 19-нд эхэлсэн билээ. Тэгвэл тус тэмцээнд манай улсын “Стронг” клубын тамирчин Л.Мөнхбаяр М1 ангиллын 93 кг-д 272.5 кг шахаж, мөнгөн медаль хүртлээ.

Тус тэмцээн энэ сарын 24 хүртэл үргэлжлэх бөгөөд манай улсаас өсвөр үеийн ангиллын 66 кг-д С.Сүхбат, залуучуудын 105 кг-д Д.Түмэнжаргал, насанд хүрэгчдийн 120 кг-д ДАШТ-ий хүрэл медальт Б.Чимэдцэрэн, Б.Алтангэрэл, М1 ангиллын 83 кг-д Азийн аварга М.Анхбаяр, +120 кг-д П.Болдбаатар нар хүч бяраа сорин өрсөлдөж байна.

Улсын их дэлгүүрээс Цирк хүрэх зам автомашингүй гудамж болно

hhh

Тэгсэн, ЦЕ厂-ын даргыг чөлөөлөх, томилоход саналаа оруулах нь Хууль зүйн сайдад хуулиар олгогдсон эрх. Хуулийн энэ заалтын хүрээнд Р.ЧингисиАг ЦЕГ-ын даргаас чөлөөлөх саналаа Ерөнхий сайдад хүргүүлсэн. Энд хууль зөрчсөн зүйл байхгүй.
•Шалтгаан нь юу юм бол.”?
-Асуудал байгаа учраас л Ерөнхий сайдад хандсан. Тэр бүгдийг хэвлэлээр дэлгээд байх шаардлагагүй. Наад зах нь л гэхэд ажлын арга барилын хувьд, салбарын бусад байгууллагатайгаа уялдаатай ажиллах тал дээр зөрчлүүд бий. Ер нь манайхан одоо цагдаагийн, цагдаагиАн байгууллагын талаархи ойлголтоо жаахан өөрчлөх хэрэгтэй юм. Цагдаа бол хүчний байгууллага биш шүү дээ. Хэдийгээр гэмт хэрэг, зөрчлийн эсрэг тэмцдэг ч, цагдаа бол нэг талаасаа хүний эрх, эрх чөлөөг хуулийн хүрээнд хамгаалдаг хүний эрхийн байгууллага. Иргэдээ аливаа халдлага, үймээн бужигнаанаас хамгаалдаг болохоос, үймээн самуун өдөөх, өртөх урьтач нөхцөлийг бий болгодог бүтэц биш. Цагдаа бол илүү иргэний талдаа ажиллах ёстой байгууллага.

Монгол Улсын Гадаад хэргийн сайд Л.Пүрэвсүрэн Монгол Улсад албан ёсны айлчлал хийж буй Бүгд Найрамдах Итали Улсын Парламентын Сенатын танхимын Ерөнхийлөгч Пьетро Грассод бараалхав.

Уулзалтын үеэр Бүгд Найрамдах Итали Улсын Парламентын Сенатын танхимын Ерөнхийлөгч П.Грассо Итали, Монголын харилцаа, хамтын ажиллагааг хөгжүүлэх боломж өргөн байгааг тэмдэглээд удахгүй нээх гэж буй Бүгд Найрамдах Итали Улсын Элчин сайдын яам үүнд чухал үүрэг гүйцэтгэнэ гэдэгт итгэлтэй байгаагаа илэрхийлэв. Тэрээр хоёр талын хамтын ажиллагааг арьс шир боловсруулах, ноолууран бүтээгдэхүүний үйлдвэрлэл, хүнсний үйлдвэрлэл зэрэг салбарт хөгжүүлэх боломжтойгоос гадна ногоон эдийн засаг, дэд бүтэц, эрчим хүч зэрэг салбарт ч хөгжүүлэх боломж байгааг дурдав.

Гадаад хэргийн сайд Л.Пүрэвсүрэн Италийн талаас Парламентын даргын түвшинд хийж буй энэхүү айлчлалд монголын тал өндөр ач холбогдол өгч буйг тэмдэглээд Бүгд Найрамдах Итали Улсын Парламентын Сенатын танхимын Ерөнхийлөгч П.Грассогийн хоёр талын хамтын ажиллагааг хөгжүүлэх саналуудыг дэмжиж байгаагаа илэрхийлэв. Хоёр талын харилцаа, хамтын ажиллагааг хөгжүүлэх өргөн боломжтой салбар бол соёлын салбар хэмээн сайд Л.Пүрэвсүрэн онцлоод энэ чиглэлд 2020 онд хоёр улсын дипломат харилцаа тогтоосны 50 жилийн ой тохиохтой холбогдуулан соёлын хамтарсан цогц арга хэмжээ зохион байгуулах, Монголын дуурийн дуулаачдыг Италид сургадаг тэтгэлэгт хөтөлбөрийг сэргээх, Ла Скала театрын удирдлагыг Монголд айлчлуулах зэрэг асуудалд дэмжлэг үзүүлэхийг хүсэв. Түүнчлэн Монгол улсад музей байгуулах, хөл бөмбөгийн хамтын ажиллагааг хөгжүүлэх, Италийн эртний бичгийн дурсгалууд дахь монголын түүхийн холбогдолтой баримт мэдээллийг хамтран судлах, судалгаа хийх чиглэлээр хамтран ажиллах зэрэг саналыг дэвшүүлэв.

Бүгд Найрамдах Итали Улсын Парламентын Сенатын танхимын Ерөнхийлөгч П.Грассо Гадаад хэргийн сайдын тавьсан саналыг дэмжихээ илэрхийлээд Ази, Европын Парламентын түншлэлийн 9 дүгээр уулзалт болон АСЕМ-ийн дээд түвшиний уулзалтыг амжилттай зохион байгуулахыг хүсэв.

УИХ-ын чуулганы нэгдсэн хуралдаанаар Төрийн болон албаны нууцын тухай хуульд өөрчлөлт оруулах тухай хуулийн төслийг хэлэлцэх болсонтой холбоотойгоор хаалттай горимд шилжүүллээ. Уг хууль нь улсын нууцад хамаарч байгаа учраас хаалттай горимоор хэлэлцэж буй юм.

Үүний өмнө УИХ-аар Зэвсэгт хүчний тухай /шинэчилсэн найруулга/ болон холбогдох бусад хуулийн төслүүдийг хэлэлцээд олонхын саналаар дэмжин, анхны хэлэлцүүлэгт бэлтгүүлэхээр УИХ-ын Аюулгүй байдал, гадаад бодлогын байнгын хороонд шилжүүллээ.

Мөн Цэргийн албаны тухай болон холбогдох бусад хуулийн төслүүдийг гишүүдийн 66.7 хувийн саналаар дэмжин, анхны хэлэлцүүлэгт бэлтгүүлэхээр Аюулгүй байдал, гадаад бодлогын байнгын хороонд шилжүүлсэн бол Цэргийн албан хаагчийн эрх зүйн байдлын тухай хууль болон холбогдох бусад хуулийн төслүүдийг гишүүдийн 74.5 хувийн саналаар дэмжин, анхны хэлэлцүүлэгт бэлтгүүлэхээр Аюулгүй байдал, гадаад бодлогын байнгын хороонд шилжүүлээд байна.

2016 оны УИХ болон аймаг, нийслэлийн ИТХ-ын ээлжит сонгууль болохтой холбогдуулан сонгогчдын ирцийг хангах, идэвхтэй оролцоход анхаарах үүднээс алдаж гээсэн болон шинээр авах цахим үнэмлэхийг тасралтгүй хэвлэн олгох тал дээр анхаарч ажиллаж байгаа гэж холбогдох албаныхан хэлж байна.

Хэрэв үнэмлэхээ хаясан бол иргэд оршин суугаа харьяа аймаг, нийслэлийн сум, хорооны улсын бүртгэгч болон УБСГ-ын Улсын бүртгэлийн газар, хэлтэст хандаж бичиг баримтын зөрчлөө арилгах ёстой юм. Ингэснээр нийслэлийн иргэн бол захиалга өгч, бүртгэл баталгаажснаас хойш долоо хоногт, орон нутгийн иргэд шуудангийн хүргэлтээс шалтгаалан 10-14 хоногийн хугацаанд авах боломжтой юм байна.

Түүнчлэн сонгуулийн жил болж буйтай холбогдуулан шилжилт хөдөлгөөний энэ сарын 30-наар түр зогсоох болсон. Харин иргэд үүнээс өмнө шилжилт хөдөлгөөнөө хийлгээд бүртгэлээ баталгаажуулсан бол шилжилтийн хуудсыг санал авах өдөр заавал авч ирэх шаардлагагүй хэмээжээ.

Улаанбаатарт нээлтээ хийж буй АЕПТ буюу Ази, Европын Парламентын түншлэлийн 9 дүгээр уулзалтад оролцохоор ирсэн Бүгд Найрамдах Итали Улсын Парламентын Сенатын танхимын Ерөнхийлөгч Пьетро Грассо өнөөдөр /2016.04.21/ Монгол Улсын Ерөнхийлөгч Ц.Элбэгдоржид бараалхав.

Уулзалтын эхэнд Монгол Улсын Ерөнхийлөгч Ц.Элбэгдорж эрхэм зочинд АЕПТ-ийн уулазлтад хүрэлцэн ирсэнд баяр хүргэж тавтай морилохыг урилаа. Тэрээр бас Бүгд Найрамдах Итали Улс нь Европын холбооны гишүүн орны хувьд Монгол Улсын зүгээс гаргасан санал санаачлагуудыг олон улсын түвшинд дэмжин ажилладагт талархал илэрхийлсэн юм.

Бүгд Найрамдах Итали Улсын Парламентын Сенатын танхимын Ерөнхийлөгч Пьетро Грассо Монгол-Италийн харилцаа маш бат бэх бөгөөд олон улсын хэмжээнд болон НҮБ-ын хүрээнд бие биеэ дэмжин ажилладагт талархалтай байдгаа хариу илэрхийлэв.

Монгол Улсын Ерөнхийлөгч Ц.Элбэгдорж үүний өмнөх АЕПТ-ийн 8 дугаар уулзалтыг эх орондоо, Милан хотод хийлгэж байсан эрхэм Пьетро Грассо энэ удаа Улаанбаатарт хүрэлцэн ирж туршлагаа хуваалцаж байгаад баярлаж буйгаа мөн хэллээ.

Бүгд Найрамдах Итали Улсын Парламентын Сенатын танхимын Ерөнхийлөгч хэлэхдээ “Авлигатай тэмцэхэд гаргасан Ерөнхийлөгч таны гавьяаг би өндрөөр үнэлдэг. Би 43 жилийн турш шүүгчээр ажиллахдаа авлигын эсрэг ажилласан. Одоо ч гэсэн ажиллаж байна. Саяхан мөнгө угаах болон санхүүгийн хуурамч тайлан, баланс гаргахын эсрэг хууль, тогтоомжийн төслийг өргөн барьсан. АСЕМ, АЕПТ-ийн уулзалтыг Монголд хийж байгаа нь Ази-Европыг холбох, түүний дотор Монгол-Италийн харилцааг бэхжүүлэхэд чухал ач холбогдолтой юм” гэлээ.

Тэрээр мөн “Бүгд Найрамдах Итали Улс нь Монгол Улстай арьс боловсруулах, хүнсний аюулгүй байдал, хүнсний үйлдвэрлэл, хадгалалт, аюулгүй түгээлт, уул уурхай, харилцаа холбоо, дэд бүтцийн чиглэлд хамтран ажиллах боломжтой. Марко Пологийн үеийн торгоны замыг бодитоор сэргээж, Ази-Европ, Итали-Монголыг холбох боломжтой. Итали нь Европдоо ногоон эрчим хүчний чиглэлээр тэргүүн байр эзэлдэг. Нар, салхины эрчим хүчийг ашиглах чиглэлээр хамтарч ажиллах боломж нээлттэй харагдаж байна.

Мөн соёл, боловсролын талаар хамтран ажиллах боломжтойгоо Монгол Улсын Гадаад хэргийн сайдтай уулзах үеэрээ илэрхийлсэн. Монголоос олдсон олдворуудыг музейд байршуулах, тэдгээрээс Италийн иргэдэд үзүүлж сонирхуулах, олон нийтэд дэлгэх талаар хамтарч ажиллах боломжтой. Монголын дуурийн дуучдыг Италид бэлтгэх чиглэлээр Соёлын яамд хооронд тохиролцоонд хүрсэн. Түүнчлэн Италийн жуулчдыг Монголд визгүй зорчуулах боломжийг нээж өгөхийг хүсч байна” гэв.

Монгол Улсын Ерөнхийлөгч Ц.Элбэгдорж уулзалтын төгсгөлд “Хоёр орны харилцааг бэхжүүлэх талаар таны хэлсэн зүйлүүдтэй санал нэг байна. Бидний зүгээс АСЕМ-ийн дээд хэмжээний уулзалтад Италийн Ерөнхий сайд ирж оролцоно гэж хүлээж байгаа. Миний халуун дотно мэндчилгээг Италийн Ерөнхийлөгч Сержио Маттареллад дамжуулж өгөхийг хүсье. Монголд тавтай морилохыг дахин ерөөе” гэлээ.

НИТХ-ын Тэргүүлэгчдийн ээлжит хуралдаан өнөөдөр болж хуралдаанаар нийслэлийн Засаг даргын нөөц хөрөнгөөс түргэн тусламжийн 10 машин худалдан авах тухай асуудлыг хэлэлцэн баталлаа.

Өнөөдрийн байдлаар нийслэлийн хэмжээнд эрүүл мэндийн яаралтай түргэн тусламжийн үйлчилгээнд 70 машин явж байгаа бөгөөд энэ нь яаралтай тусламж үйлчилгээ үзүүлэхэд хангалттай биш гэдгийг Эрүүл мэндийн газраас онцолж байгаа юм.

Олон улсын стандартаар 8-10 мянган хүн тутамд нэг дуудлагын машин байх ёстой бөгөөд нийслэлийн хэмжээнд яаралтай түргэн тусламжийн үйлчилгээнд явах 130 машин байвал эрүүл мэндийн түргэн тусламжийн үйлчилгээ сайжрах боломжтой юм байна.

Тиймээс нийслэлийн иргэдэд үзүүлэх эрүүл мэндийн түргэн тусламжийн үйлчилгээг сайжруулах, цаашлаад АСЕМ-ын уулзалтад ирсэн зочид, төлөөлөгчдийн эрүүл мэнд, аюулгүй байдлыг хангах зорилгоор иж бүрэн тоноглогдсон түргэн тусламжийн үйлчилгээнд явах 10 машиныг нийслэлийн Засаг даргын нөөц хөрөнгөөс худалдан авахаар шийдвэрлэлээ. Эдгээр 10 машиныг нийт 1 тэрбум 30 сая төгрөгөөр худалдан авах урьдчилсан тооцоо байгаа бөгөөд энэ нь Эрүүл мэндийн яамнаас гаргасан үнэлгээ юм байна. Шинээр худалдан авсан түргэн тусламжийн машинуудыг АСЕМ-ын уулзалтын үеэр дүүргүүдийн түргэн тусламжийн үйлчилгээ үзүүлэх цэг болон зочид төлөөлөгчдийн байрлах газруудад байршуулах бөгөөд АСЕМ-ын уулзалтын дараа дүүргүүдэд хуваарилан өгөх юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“People” сэтгүүлээс жил бүр уламжлал болгон шалгаруулдаг энэ оны Хамгийн дур булаам эмэгтэйгээр Холливудын жүжигчин Женнифер Эннистон шалгарчээ.

Өнгөрсөн хоногт ихэнх нутгаар хүчтэй салхи салхилж, шороон шуурга шуурсан байна. Ялангуяа Хэнтий, Дорнод, Дундговь, Дорноговь, Сүхбаатарын нутгаар салхи секундэд 18-20 метр, зарим үед секундэд 24 метр хүрч ширүүсч, шороон шуурга шуурсан байна.

Хаврын хуурайшилтын үед салхины хурд их байгаа нь ой, хээрийн түймэр гарах эрсдэлийг бүрдүүлж байна.

Тухайлбал, 2016 он гарсаар улсын хэмжээнд нийт 31 удаагийн ой, хээрийн түймрийн тохиолдол бүртгэгдэж 3 хүн нас барж, 1 хүн түлэгдэж гэмтсэн.

Өнгөрсөн хоногт Төв аймгийн Батсүмбэр сумын Баянгол багийн “Овоотын-Ам”, Архангай аймгийн Булган сумын Тамир багийн Улаан давааны “Баруун хар чулуут” гэдэг газар гарсан ой, хээрийн түймрийг цурамд оруулсан, бүрэн унтраахаар ажиллаж байна.

Харин Дорнод аймгийн Хөлөнбуйр сумын Баян-Уул багийн “Жаргалантын-Энгэр” гэдэг газар /сумын төвөөс зүүн урд зүгт 12 км/ хээрийн түймэр гарч тус аймгийн Булган сум, Сүхбаатар аймгийн Сүхбаатар сумын нутагт тархан шатсан тухай дуудлагаар /2016.04.20/, Дорнод аймгийн Онцгой байдлын газрын 19 албан хаагч, Хөлөнбуйр сумын 40 иргэн, Булган сумын 10 иргэн, Сүхбаатар аймгийн Онцгой байдлын газрын 35 албан хаагч, Баруун-Урт сумын 16 иргэн, Сүхбаатар сумын 21 иргэн, нийт 141 хүн түймрийг унтраахаар,

Мөн Булган аймгийн Сэлэнгэ сумын Сэлэнгэбүрэн багийн “Зүүн гол” гэдэг газар /сумын төвөөс хойд зүгт 60 км/ ойн түймэр гарсан дуудлагаар /2015.04.20/ тус аймгийн Онцгой байдлын газрын 12 албан хаагч, Сэлэнгэ сумын 8 иргэн, нийт 20 хүн түймрийг унтраахаар,

Төв аймгийн Мөнгөнморьт сумын Жаргалант багийн зүүн бүрхийн “Дуутын-Ам” гэдэг газар /сумын төвөөс зүүн хойд зүгт 20 км/ ойн түймэр гарсан тухай дуудлагаар /2016.04.20/ тус аймгийн Онцгой байдлын газрын 12 албан хаагч, орон нутгийн 38 иргэн, нийт 50 хүн түймрийг унтраахаар,

Дорнод аймгийн Баяндун сум, Баян-Уул сумын залгаа нутаг Хархираа багийн “Сонгоол даваа” гэдэг газар /Баян-Уул сумын төвөөс зүүн зүгт 35 км/ хээрийн түймэр гарсан тухай дуудлагаар /2016.04.20/ тус аймгийн Онцгой байдлын газрын албан хаагчид орон нутгийн иргэд нийт 24 хүн түймрийг унтраахаар тус тус ажиллаж байна.

Өнгөрсөн хоногт Дорнод аймгийн Хөлөнбуйр сумын Баян-Уул багийн “Жаргалантын-Энгэр” гэдэг газар гарсан хээрийн түймэр тус аймгийн Булган сум, Сүхбаатар аймгийн Сүхбаатар сумын нутагт тархан шатсан.

Уг хээрийн түймрийн үеэр Сүхбаатар аймгийн Сүхбаатар сумын 5 дугаар багийн “Тэмээн толгой” гэдэг газар мотоциклтой зорчиж явсан 4 иргэн хайрагдан түлэгдсэн байна. Иргэн М /25 настай, эрэгтэй/ хайрагдан түлэгдсэнийг аймгийн Нэгдсэн эмнэлэгт хэвтэн эмчлүүлж байна. 10-15 настай 2 хүүхэд, 1 том хүн нийт 3 хүн түймэрт өртөж нас барсан бөгөөд одоогоор нэр, нас нь тодорхойгүй байгаа аж.

Ялангуяа Хэнтий, Сүхбаатар, Дорнод, Төв, Сэлэнгэ, Хөвсгөл зэрэг аймгийн нутгаар хуурайшилт нэн аюултай зэрэглэлд хүрсэн байна. Улмаар ихэнх нутгаар салхи, шуурга ихтэй байгаа тул ард иргэд түлсэн гал, асаасан шүдэнз, татсан тамхины гал, цог, нурмыг бүрэн унтраах, ой хээрт ил задгай гал түлэхгүй байх, айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийж занших, насанд хүрээгүй хүүхдийг түймрийн аюултай үед ой, хээрт чүдэнз, асаагууртай явуулахгүй байхыг Онцгой байдлын ерөнхий газраас онцгойлон анхааруулж байна.

Батлан хамгаалах тухай /Шинэчилсэн найруулга/ болон холбогдох бусад хуулийн төслийг хэлэлцэх эсэхийг хэлэлцэв.

Энэхүү хуулийн төсөлд батлан хамгаалах үйл ажиллагаа, түүний зарчим, хуулийн нэр томьёо, Монгол Улсын цэргийн байгууллыг шинээр тодорхойлж, төр, засгаас батлан хамгаалах талаар хэрэгжүүлэх арга хэмжээг нарийвчлан тусгажээ.

Батлан хамгаалах тогтолцооны үндэс нь төр, захиргааны байгууллагууд, нийт иргэдийн оролцоонд тулгуурласан орон нутгийн хамгаалалт, мэргэжлийн цэрэгт суурилсан зэвсэгт хүчин, нэгдмэл удирдлага, төлөвлөлт бүхий дайчилгаа байхаар шинээр тодорхойлсон байна.

Төсөлд, Монгол Улсын цэргийн байгуулал, түүний бүтэц бүрэлдэхүүний талаар шинээр бүлэг нэмж, батлан хамгаалах асуудлаарх эрх бүхий субъектүүдийн бүрэн эрх, түүнийг хэрэгжүүлж, зохион байгуулах болон батлан хамгаалах асуудал эрхэлсэн төрийн захиргааны төв байгууллага, цэргийн мэргэжлийн дээд удирдлагын байгууллага, төрийн болон орон нутгийн засаг захиргаа, аж ахуйн нэгж байгууллага, иргэдийн чиг үүрэг, үйл ажиллагааг илүү тодорхой болгох зорилгоор эрх зүйн зохицуулалтыг шинэчилж тусгасан байна.

Дотоодын цэргийн тухай хуулийг энэ хуультай хамтад нь яагаад өргөн бариагүй, энэ хуулийн төслийн үзэл баримтлал нь төвийг сахих бодлоготой хэр уялдаж байгаа, бүтээн байгуулалтын үйлсэд түүний дотор барилгын ажилд цэргийн албан хаагчийг татан оролцуулах зөв зүйтэй эсэх, цэргийн алба хаах хугацааг сунгах эсэх, салбарын бодлогыг тодорхойлсон эдгээр хуулийн төслийг ямар хугацаанд боловсруулсан, түүнд Батлан хамгаалах яамны оролцоо ямар байсан, цэргийн алба хаах орчин үеийн нөхцөл, бэлтгэл хангагдсан, байгаль орчныг хамгаалахад оролцох боломжтой эсэх, ямар асуудлууд тулгамдаад, шаардлага үүсээд энэ хуулийн төслийг зайлшгүй батлах ёстойг тайлбарлах зэрэг талаарх гишүүдийн асуултад хууль санаачлагчийн төлөөлөл, ажлын хэсгийнхэн хариулт өгөв.

Төвийг сахих бодлого нь батлан хамгаалахын салшгүй хэсэг мөн бөгөөд Батлан хамгаалах яам нь үндсэн чиг үүргийн яам байх, батлан хамгаалах салбар нь өөрөө өөрийгөө санхүүжүүлэх чиглэл рүү явах, батлан хамгаалахын бодлогоор дамжуулан эр хүн, эх оронч иргэнийг хүмүүжүүлэх, төлөвшүүлэх, дэлхийн хөгжлийн хандлага, хоёр хөршийн хөгжлийн бодлого түүний дотор үндэсний аюулгүй байдал, батлан хамгаалах бодлогыг харгалзаж бодлогоо уялдуулах, насан туршийн боловсролын дамжлага бааз нь батлан хамгаалах салбар байх, хуулийн төслийн хэлэлцүүлгийг хойш тавилгүй яаралтай хэлэлцэж батлах зэрэгт гишүүдийн санал чиглэгдэж байв.

Батлан хамгаалах тухай /Шинэчилсэн найруулга/ болон холбогдох бусад хуулийн төслийг хэлэлцэх эсэх талаарх санал хураалтаар чуулганы үдээс хойших хуралдаан эхлэнэ гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв.

Камеруны нийслэл Яунде хотноо хууль бусаар худалдаалагдсан 2000 орчим зааны соёо болон ясыг шатаан, устгалд оруулсан байна. Тус улсын эрх баригчдын хэлж байгаагаар энэ удаагийн арга хэмжээ нь Африкийн түүхэн дэх хамгийн томоохон хэмжээний устгал болсон гэжээ. Гал тавих эхлэлийг НҮБ дахь АНУ-ын элчин сайд Саманта Пауэр, Камеруны албаны хүмүүсийн хамтаар явуулсан байна. Энэхүү устгалын арга хэмжээг амьтны гаралтай бараа бүтээгдэхүүний хууль бус наймааны эсрэг тэмцэлд ялалт байгуулсныг билэгдэн зохион байгуулсан байна. Камеруны албаныхны мэдээлснээр устгалд оруулж шатаасан зөвхөн зааны соёоны хэмжээ гэхэд 3.5 тонн хүрсэн гэжээ. Төв Африкийн бүс дэх зааны тоо толгойн хэмжээ 2002 оноос 2012 оны хооронд 67 хувиар буурч, хорогдсон байна.

УИХ-ын чуулганы өнөөдрийн хуралдаанаар Ерөнхийлөгчөөс өргөн мэдүүлсэн Үндэсний аюулгүй байдлын тухай /шинэчилсэн найруулга/ болон холбогдох бусад хуулийн төслүүдийн хэлэлцэх эсэх хэлэлцүүлгийг хийхэд олонх “Хуулийн төслийг хэлэлцэх шаардлагагүй” хэмээн үзсэн тул хууль санаачлагчид буцаахаар боллоо.

Хуулийн төсөл нь 5 бүлэг, 4 дэд бүлэг, 42 зүйлтэй. 2010 онд Үндэсний аюулгүй байдлын үзэл баримтлал шинэчлэгдсэн тул одоо мөрдөж буй Үндэсний аюулгүй байдлын тухай 2001 оны хууль, Үндэсний аюулгүй байдлын зөвлөлийн тухай 1992 оны хуулийг түүнд нийцүүлэх, нөгөөтэйгүүр одоо мөрдөж буй хуулиудын зохицуулалт тодорхойгүй, оновчтой бус, давхардал ихтэй байгаагаас зарим бэрхшээл тулгарч байгаа тул тэдгээр хуулийг нэгтгэн шинэчлэн найруулах шаардлагатай болсон хэмээн үзэж, Ерөнхийлөгчөөс уг хуулийн төслийг өргөн мэдүүлсэн байна.

Хэлэлцүүлгийн шатанд УИХ-ын гишүүн Ж.Батзандан,“Тусгайлсан чиг үүрэг бүхий байгууллагын удирдлага хуулиар хүлээсэн үүргээ биелүүлээгүй бол албан тушаалтныг хална гэж заасан байна. ҮАБЗ үндэсний аюулгүй байдлын хүрээнд хүлээсэн үүргээ биелүүлээгүй хэмээн хүчний байгууллагын удирдлагуудыг халж солих нь. Монгол төр тогтвортой байх ёстой. Үүн дээр анхаараарай. Үндэсний аюулгүй байдал гэдэг дарангуйлал тогтоох боломжийг дарангуйлагч нарт олгодог гэдгийг бүү мартаарай” гэсэн бол УИХ-ын гишүүн Я.Содбаатар, “ҮАБЗ-өөс эдийн засгийн гол агуулгыг хангадаг гааль татварын байгууллагын төлөөллийг хасч, зөвхөн хүчний байгууллагууд байхаар тусгасан байгааг юу гэж ойлгох вэ” гэсэн асуудлыг тодруулсан. ҮАБЗ-ийн Ажлын албаны дарга О.Очиржав гишүүний асуултад, “Эдийн засгийн чиг үүрэгтэй байгууллагууд нь Засгийн газрын чиглэлд хамаардаг. Тиймээс Засгийн газрын үйл ажиллагаанд оролцохгүй байх үүднээс энэ зохицуулалтыг тусгасан” гэсэн хариултыг өглөө.

УИХ-ын гишүүн О.Баасанхүү хууль хүчний байгууллагын хараат бус байдлыг аливаа хууль хангасан байх ёстой. Гэтэл эдгээр байгууллагыг хараат байдал руу оруулж байна гэсэн байр суурь илэрхийлсэн бол УИХ-ын гишүүн Ц.Нямдорж Ерөнхийлөгчөөс өргөн барьсан багц хуулиудыг хэлэлцэхийг эсэргүүцэж байгаагаа илэрхийлээд ”Хуулийн төслүүдийг хэлэлцэх шаардлага байна уу. УИХ-ын даргын дэргэдэх зөвлөл хуралдаж, хаврын чуулганы үлдэж буй хугацаанд ямар хууль тогтоолын төсөл хэлэлцэх вэ гэдэг дээр тогтож ярих шаардлагатай. Ер нь хуулийн төслийг татаж авах нь зүйтэй юм” гэлээ.

УИХ-ын гишүүн Д.Тэрбишдагва, “ҮАБЗ бол зөвлөмж гаргадаг. Тавантолгой дээр 10-аад зөвлөмж гаргасан байдаг. Гэтэл эдгээр зөвлөмж хэрэгжээгүй. Бид үндэсний аюулгүй байдлын асуудлыг ярих цаг нь болсон уу гэвэл болсон. Гэхдээ өнөөгийн түвшинд ярилцах хугацаа нь биш” гэсэн юм. УИХ-ын гишүүн З.Баянсэлэнгэ мөн хуулийн төслийг хэлэлцэх хугацаа нь хараахан болоогүй байна гээд “Үндэсний эв нэгдлийг илэрхийлсэн Ерөнхийлөгчөө сонгож, Үндсэн хуулийн өөрчлөлтөө хийсний дараа үндэсний аюулгүй байдлын тухай асуудлыг хөндөх хэрэгтэй” гэв.

УИХ-ын гишүүн Х.Тэмүүжин хуулийн төслийг хэлэлцэхийг дэмжиж байлаа. Тэрбээр, “Одоо үйлчилж байгаа үндэсний аюулгүй байдлын тухай хуультай энэ хуулийн төсөлтэй адил. Хуулийг хэлэлцэх явцдаа ҮАБЗ гэдэг нь гүйцэтгэх эрх мэдэлтэй байх уу, зөвлөлдөх байдлаар оршин тогтнох уу гэдэг дээр байр сууриа нэгтгэх ёстой. Шинэ хуулинд 3-4 шинэ зүйл заалт орж ирсэн. Бусад нь хуучин хуулийн агуулгаараа байгаа” хэмээлээ.

Гишүүд асуулт асууж, үгээ хэлсний дараа санал хураалт явуулахад 67.4 хувь нь үргэлжлүүлэн хэлэлцэхийг дэмжсэнгүй.