Цагдаагийн Ерөнхий газрын Олон нийтийн аюулгүй байдлыг хангах албаны Хамгаалалтын нэгдүгээр газраас нийт бие бүрэлдэхүүнийхээ дунд “Авъяастны эрэлд” урлагийн наадмыг Цагдаагийн ерөнхий газрын Олон-нийт цагдаагийн хамтын ажиллагааны төвд зохион байгууллаа. Гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилтай цагдаагийн алба хаагч нар маань энэ өдөр гэр бүлийнхэнтэйгээ хамт авьяастны эрэлд гарсан юм.
Урлагийн наадамд Төлөвлөлт зохион байгуулалтын хэлтсийн Ирээдүй, Тусгай хамгаалалтын хэлтсийн Титэм, Сенсаци, Алтан соёмбо, Сүлд, Соёмбо, Төрийн хамгаалалтын хэлтсийн Цахлай-1, Цахлай-2, Дипломат байгууллага хамгаалалтын хэлтсийн Элчин, Номгон зэрэг 10 баг оролцсон юм.
Оролцогсод гоцлол болон найрал дуу, гоцлол хөгжим, гоцлол бүжиг, уран уншлага, ардын язгуур урлагийн төрлүүдээр өрсөлдөж, төрөл тус бүрээр шилдгээ тодруулсан юм.
Урлагийн наадмын дүн гарахад Дипломат байгууллага хамгаалалтын хэлтсийн 1-р тасаг “Элчин” баг 91 оноогоор 1 дүгээр байр, Тусгай хамгаалалтын хэлтсийн 4-р тасаг “Титэм” баг 84 оноогоор 2 дугаар байр, Тусгай хамгаалалтын хэлтсийн 1-р тасаг “Алтан соёмбо” баг 80 оноогоор 3 дугаар байр тус тус эзэлж, шилдэг номерын шагналаар “Мэндчилгээ” Тусгай хамгаалалтын хэлтсийн 1-р тасаг “Алтан соёмбо” 15 оноо, “Гоцлол дуу” Тусгай хамгаалалтын хэлтсийн 4-р тасаг хамгаалалтын цагдаа, цагдаагийн ахлагч Э.Энхбаатар 15 оноо, “Шүлэг” Дипломат байгууллага хамгаалалтын хэлтсийн 1-р тасаг хамгаалалтын цагдаа, цагдаагийн ахлах ахлагч Н.Баасанжав 15 оноо, “Язгуур урлаг” Дипломат байгууллага хамгаалалтын хэлтсийн 1-р тасаг “Элчин” баг Говийн магтаал 15 оноо, “Бүжиг” Тусгай хамгаалалтын хэлтсийн 3-р тасаг “Сүлд” баг Домог бүжиг 15 оноо, “Гоцлол хөгжим” Төрийн хамгаалалтын хэлтсийн 2-р тасаг “Цахлай 2” баг хамгаалалтын цагдаа, цагдаагийн дэд ахлагч И.Тилегин Казак ард түмний үндэсний домбор хөгжимөөр ардийн жүжигчин Р.Чойдог “Жалам хар”, Моцартын “Ронда” ая 15 оноо, “Найрал дуу” Дипломат байгууллага хамгаалалтын хэлтсийн 2-р тасаг “Номгон” баг ая Б.Дарамзагд, үг Н.Сэнгээ “Өргөн сэлэнгэ” 13 оноогоор тус тус шилдэг номероор шалгарлаа.
Наадмын шүүгчдээр Монгол Улсын гавьяат жүжигчин, дуучин Х.Өлзий-Оших, Ц.Үенч, соёлын тэргүүний ажилтан Г.Балданцэрэн нарын урлагийн алдартнууд ажиллаж байгаа юм.
“Амар тайван амьдралын төлөө хамтдаа” гэсэн уриатай цагдаагийн байгууллагын алба хаагчид ажлын онцлог, хэт ачаалал зэргээс шалтгаалан стресс бухимдалд хамгийн ихээр өртдөг. Харин урлаг соёл, спортын төрөл бүрийн уралдаан, тэмцээн зохион байгуулж, түүгээр дамжуулан алба хаагчдаа соён гэгээрүүлэх, тэдний сахилга ёс зүйг төлөвшүүлэх зорилготой “Авьяастны эрэлд-2015” наадамд амжилтай зохион байгуулагдлаа гэж Хамгаалалтын нэгдүгээр газраас мэдээлж байна.

Хил хамгаалах ерөнхий газраас хэвлэлийн хурал зарлалаа. Хурал өнөөдөр 15.30 цагт тус газрын байранд болох юм.



Сүүлийн үед хэвлэл мэдээллийн хэрэгслээр хилийн байгууллагатай холбоотой таагүй мэдээлэл тасрахгүй байгаа. Хэд хоногийн өмнө Хятадын хилийн цэргүүд монгол хилчдэд буу тулгаж, заналхийлсэн гэх мэдээлэл тархсан. Харин өнөөдөр Увс аймгийн Баруунтуруун сумын Хилийн цэргийн 0311 дүгээр ангид Хөвсгөл аймгаас цэрэгт татагдан очсон таван цэрэг амиа алдсан гэх мэдээлэл гарлаа.



Энэ бүхэнд хилийн байгууллагаасхариу өгч, тайлбар хийх юм байна.

“Ардын эрх” сонины “Онцлох зочин”-оор УИХ дахь МАН-ын бүлгийн дарга С.Бямбацогтыг урилаа.

МАХН-ын дарга Н.Энхбаяр, Ерөнхий нарийн бичгийн дарга Г.Шийлэгдамба нартай МАХН болон МАН-ын ахмад гишүүд МАХН-ын төв байранд уулзлаа. Ахмадууд 2016 оны сонгуульд МАХН МАН-тай хамтарч эвсэл болж орохыг уриалж өргөх бичгээ МАХН-ын удирдлагад гардуулав.
Өргөх бичигт ”Манай орны улс төр, эдийн засагт тохиодож байгаа өнөөгийн ноцтой нөхцөл байдалд МАХН, МАН-ын удирдлага хатуу дүгнэлт хийж, ажлын хариуцлага, зохион байгуулалтаа эрс сайжруулах шаардлагатай байна. Тиймээс үзэл бодол, үндэс нэгтэй МАХН, МАН-ын дарга, Ерөнхий нарийн бичгийн дарга нар эх орон, ард түмний эрх ашгийн үүднээс 2016 оны УИХ-ын ээлжит сонгуульд хоёр нам эвсч орох саналд ажил хэрэгчээр хандаж, албан ёсны шийдвэр гаргана гэдэгт итгэж байна. МАХН, МАН 2016 оны УИХ-ын сонгуульд эвсч орох нь парламентад олонх болж, Хууль тогтоох засаглалын өрөөсгөл тогтолцоог өөрчлөх, улс, эх орноо хөгжүүлэх, ард түмний аж амьдралыг дээшлүүлэхийн төлөө үр бүтээлтэй хүчин зүтгэх боломжийг бий болно гэж бид үзэж байна” гэжээ. Мөн МАХН, МАН-ын ахмадууд тус хоёр намын дарга нар хамт байлцаж, өргөх бичигт нэгдсэн ахмадууд, эрдэмтэн докторууд, хөдөлмөрийн баатруудтай уулзах уулзалтыг зохион байгуулж өгөхийг хүссэн байна.
Өргөх бичигт төр нийгэм, урлаг, спортын салбарт нэр хүнд бүхий МАХН, МАН-ын 43 ахмад гишүүн гарын үсэг зуржээ. Эдгээр ахмадууд өмнө 2013 оны Ерөнхийлөгчийн сонгуульд тус хоёр намыг эвсэн орох тухай саналыг гаргаж байсан ч ажил хэрэг болоогүй юм. Тиймээс энэ удаагийн саналд ажил хэрэгчээр хандаж албан ёсны шийдвэр гаргана гэдэгт итгэж байгаагаа илэрхийлжээ.

СБД-ийн Засаг дарга Зуучлагч томилохоос татгалзаж хууль зөрчжээ
Цалин нэмэгдүүлэх чиглэлээр Засгийн газраас хүлээсэн үүргээ биелүүлэхгүй байгаа тул МҮЭХ-ноос хэлэлцээрийн талуудтай Хөдөлмөрийн хамтын маргаан үүсгээд байгаа билээ. Хамтын маргаан үүсгэсэн тухай шаардлага өгснөөс хойш Засгийн газраас тодорхой хариу ирүүлээгүй, тохиролцоонд хүрээгүй байна. МҮЭХ-ноос хуулийн дагуу Зуучлагч томилуулах саналыг СБД-ийн Засаг дарга Б.Бадарсанд хүргүүлсэн боловч түдгэлзсэн хариу ирүүлжээ. МҮЭХ-ноос СБД-ийн Засаг даргаас ийнхүү хууль зөрчиж, түдгэлзсэн хариулт өгсөн шалтгаанаа тайлбарлахыг шаардлаа.

Ерөнхий сайд, Засгийн газрын хэрэг эрхлэх газрын дарга С.Баярцогт, Барилга хот байгуулалтын сайд З.Баянсэлэнгэ, хотын дарга Э.Бат-Үүл, Ус сувгийн удирдах газрын дарга С.Үнэн нар Төв цэвэрлэх байгууламжийн талбайтай танилцаж байна.

Өнгөрсөн даваа гарагт төв цэвэрлэх байгууламжийг шинэчлэх ажлын хэсгийн бүрэлдэхүүнийг Э.Бат-Үүл баталсан билээ.

Төв цэвэрлэх байгууламж 1969 онд байгуулагдсан. Өнөөдрийн байдлаар хоногт 160 куб метр усыг хүлээн авч 80-85 хувиар цэвэршүүлэн Туул голд нийлүүлдэг гэх ч өнөөдрийн байдлаар лагаа бүрэн гүйцэт цэвэрлэж чадахгүйн улмаас бохирдол дээд цэгтээ хүрээд байгаа юм.

Эдүгээ тус байгууламжид 8.5 тэрбум төгрөгийн төсөвт өртөгтэй 10 ширхэг хиймэл нуур байгуулах ажил хийгдэж байгаа аж. Ингэснээр төв цэвэрлэхэд ирж буй бохирыг байгалийн аргаар цэвэрлэж, цэвэрлэгээ хийгдсэн усыг 2000-ийн шугамаар буцаан хэт ягаан туяагаар халдваргүйжүүлэн Туул голд нийлүүлэх юм байна.

Хэдийгээр энэ мэтээр нөхөж цойлдох арга хэмжээ авч буй боловч дорвитой шинэчлэл хэрэгтэй гэж Төв цэвэрлэх байгууламжийн инженер техникийн ажилтнууд хэлж байна. Улаанбаатар хотод барилгажилт, гэр хорооллын дахин төлөвлөлт нэмэгдэж байна. Энэ бүгдэд урьдчилан цэвэрлэх байгууламж хэрэгтэй. Ялангуяа ноос ноолуур, арьс ширнээс гадна мах, сүүний үйлдвэрээс асар их бохирдолтой ус ирдэг. Гэтэл хажуудаа урьдчилан цэвэрлэх байгууламжтай үйлдвэр гарын таван хуруунд багтана. Тиймээс яам, хот, мэргэжлийн хяналтын байгууллагаас хамтран дорвитой арга хэмжээ авах шаардлага тулгарчээ.

Монгол-Америкийн Найрамдлын Нийгэмлэгийн нээлтэнд зориулсан байгаль, зэрлэг амьтан хамгаалах үндэсний нийгэмлэгийн “Хүрээлэн” төслийн удирдагч, санаачлагч У.Ганбаярын гэрэл зургийн үзэсгэлэн 2015 оны 11 дүгээрсарын 2-5ны өдрүүдэд тавигдах гэж байна.

“Хөвсгөл ба Йосэмити: БАЙГАЛИЙН НӨХӨРЛӨЛ” бол У.Ганбаярын 4 дэх үзэсгэлэн. Хэдийгээр тэр гэрэл зургийн олон төрөлд хөрвөх чадвартай ч онгон байгаль, зэрлэг
амьтад түүний үндсэн сэдэв. Тийм ч учраас Монголын байгаль, зэрлэг амьтдын
гэрэл зураг, дүрс бичлэгийн сан бүрдүүлэх зорилготой “ХҮРЭЭЛЭН” төслийг
санаачлан, амжилттай хэрэгжүүлж байна.

Тус үзэсгэлэнд тавигдах гэрэл зургийг Монголын Хөвсгөл, АНУ-ын Калифорни мужийн Йосэмити Үндэсний Парк-д 2008-2015 онуудад авсан бөгөөд энэхүү үзэсгэлэн нь Хөвсгөлийн байгалийн үзэсгэлэнтгазруудыг хамгаалах, хайрлах, сурталчлах зорилготой болно. Йосэмити Үндэсний Паркболон Хөвсгөл нуурын байгалийн цогцолборт газруудын хооронд хамтран ажиллах санамж бичиг 2015 оны 7 дугаарсарын 18-нд байгуулагдсан юм.
Йосэмити Үндэсний Паркнь 1890 онд байгуулагдсан АНУ-ын хамгийн ууган үндэсний паркуудын нэг бөгөөд энэ жил 125 жилийн ой нь тохиож байгааюм. Харин Хөвсгөл нуурын үндэсний парк 1992онд Монгол Улсын засгийн газрын тогтоолоор байгуулжээ.

40-өөд жилийн тэртээ Өвөрмонголоос Армонгол руу аавтайгаа цагаачилж ирсэн жаахан охин “ Би монгол хүн” бүтээлийн гол дүр байлаа. Эдүүгээ 40 жилийн турш харь нутгийн хүн гэж хүн амын тооноос хасагдаж, төрийн түшээдээ сонгох эрхээ хязгаарлуулж явсан нэгэн эмэгтэй Би Монгол хүн шүү хувь заяагаар олгогдсон энэ л нутаг миний эх орон гэж хүссээр ирсэн.

Амьдралынхаа бүх л хүч хөдөлмөрийг Монгол орондоо зориулж тэргүүний саальчин, төлчин явсан тэрээр 2009 онд Монгол улсын иргэн болсон тухай бодит амьдралаас сэдэвлэсэн дэлгэцийн бүтээл ”Би монгол хүн” УСК Ази, Номхон далайн орнуудын радио телевизийн шилдэг бүтээл шалгаруулах “ABU AWARD 2015” наадмаас шүүгчдийн нэрэмжит тусгай шагналыг хүртэн байна.

Тавхан минут үргэлжлэх энэхүү бүтээлийг монголын үндэсний олон нийтийн радио телевизийн уран бүтээлчид бүтээсэн бөгөөд найруулагч, зураглаачаар О.Энхболд, редактороор Х.Шинэ-Од, эвлүүлгийн найруулагчаар О.Эрдэнэпүрэв, продюсерээр СГЗ Д.Цоодол нар ажиллажээ. Монгол кино урлагаа дэлхийн тавцанд гаргахаар ийнхүү амжилт дүүрэн яваа уран бүтээлчиддээ баяр хүргээд улам их амжилт гаргахыг хүсэн ерөөе.

Увс аймгийн Баруунтуруун сумын Хилийн цэргийн 0311 дүгээр ангид Хөвсгөл аймгаас цэрэгт татагдан алба хааж байгаад нас барсан цэргүүдийн ар гэрийнхэн өнөөдөр УИХ-ын гишүүн Ц.Даваасүрэнтэй уулзлаа. Энэ талаар дараах тодруулгыг авлаа.

-Баруунтуруун суманд алба хааж байсан таван цэрэг нас барсан юм байна. Энэ асуудал хэдэн оноос хойш гарсан бэ?

-Хөвсгөл аймгийн Ренчинлхүмбэ, Улаан-Уул, Баянзүрх сумын иргэд 2013 оноос хойш энэ асуудлыг хөндсөн. Тэнд очсон цэргүүд зодуур, дарамтнаас болж өвчилдөг, амь эрсддэг зүйлүүд гараад байна. 2013 оноос хойш таван цэрэг амь эрсдсэн. Одоо таван цэрэг эмчилгээнд байна. Энэ асуудлаар би Хууль зүйн яаманд таван удаа хандсан. Мөн Хилийн цэргийн удирдах газарт хандсан. Ингээд өнөөдөр албаны хүмүүстэй, эцэг эхчүүдийг нүүр тулж уулзуулж байна.

-Учир шалтгааныг нь эцэг эхчүүд эсвэл албаны хүмүүс юу гэж тайлбарлаж байна?

-Үүнд төр буруутай. Яагаад буруутай вэ гэхээр амь эрсдсэн таван хүүхдийг эрүүл гээд аваад явсан байгаа шүү дээ. Өвчтэй байсан бол авахгүй. Цэрэгт татахдаа үзлэгээр оруулдаг. Цаг уурын ижил төстэй, хүйтэнд тэсвэртэй, малчин айлын хүүхдүүд байсан байгаа юм. Эргээд тэр цэргүүдэд төр халамжаа дутуу гаргасан. Энэ асуудал зогсохгүй байна гэдгийг эцэх эхчүүд хэлж байна.

-Шүүхийн шинжилгээний хариу юу гэж гарсан байдаг юм бол. Үнэхээр зодуур, дарамтнаас болсон гэдэг нь тогтоогдсон уу?

-Маргаантай зүйлүүд их яригддаг. Нөхцөл байдлыг харахад зодуур, дарамт байдаг гэдэг нь ажиглагдаад байгаа юм. Зүв зүгээр байсан таван залуу амь эрсдсэн, одоо таван хүүхэд өвчтэй байна. Тэгэхээр ямар нэгэн зүйл байгаад байна. Хилийн цэргийн удирдах газраас тодорхой арга хэмжээ авч ангийн захирагчийг нь сольсон байх. Гэсэн ч энэ байдал зогсохгүй байна. Эцэг эхчүүд ангийн захирагч биш ахлагч, бага дарга гэдэг улсуудад асуудал байна гэж хэлсэн. Энэ үнэн байх. Сэтгэл санааны дарамтанд оруулдаг гэж байгаа юм. Өнгөрсөн долдугаар сард нэг цэрэг амиа боомилсон харамсалтай зүйлүүд гараад байна. Айлын ганц хүүхэд, эх нь хөгжлийн бэрхшээлтэй байсан. Тэр айлыг авч явсан ганц хүүг нь аваачаад эндүүлчихсэн маш харамсалтай хэрэг гарсан. Хүний амийг юугаар төлөх юм. Нөхөн олговор гээд дөрөв, таван сая төгрөг өгчихөөд дуугүй сууж байж болохгүй. Хууль зүйн яам, Хилийн цэрэг эцэг эхчүүдийн хагацлыг хуваалцах ёстой.

-Цаашид ямар арга хэмжээ авах вэ?

-Баруунтуруун руу Хөвсгөлийн цэрэг татахгүй гэж байна. Үүгээр энэ зүйл зогсохгүй. Тэнд дахиад өөр нутгийн хүүхдүүд очно. Тэнд ийм байдал дахиад битгий гараасай гэсэндээ эцэг эхчүүд уулзаж байгаа юм. Хэдийгээр манай хойд сумын цэргүүдийг өөр газар руу татах болсон боловч өөр эцэг эхчүүдэд харамсалтай зүйл битгий тохиолдоосой гэсэн дээ уулзаж байна.

Зээлийн 827 сая ам.долларыг Эгийн голын усан цахилгаан станцын бүтээн байгуулалтад зарцуулахаар төлөвлөсөн байна. Үлдсэн хөрөнгийг нь юунд зарцуулах вэ

Түүний хувьд өнгөрсөн 2009 оноос Үндэсний цэцэрлэгт хүрээлэн НӨҮГ-ын даргаар ажилласан юм. Мөн НИТХ дахь МАН-ын гишүүнээр сонгогдон ажиллаж байгаа. Ажлаас нь халах тушаалыг гаргах үед тэрбээр амралттай гадаадад явж байжээ. Эх сурвалжийн мэдээлж буйгаар түүнийг Нийслэлийн засаг дарга Э.Бат-Үүлийг огцруулах бичигт гарын үсэг зурсантай нь холбогдуулж ажлаас нь халсан гэх.

Үндсэн хуулийн Цэц хуралдана
Нэр бүхий иргэд Үндсэн хуулийн Цэцэд хандаж, Шүүх байгуулах тухай хуулийн нэг, хоёрдугаар зүйлээр хэд хэдэн аймгийн дунд нэг давж заалдах шатны, түүнчлэн хэд хэдэн дүүргийн дунд нэг анхан шатны шүүх байгуулсан нь шүүхийн үндсэн тогтолцоог бэхжүүлсэн Үндсэн хуулийн холбогдох хэсгийг зөрчсөн гэж үзэж мэдээлэл ирүүлсэн байна. Уг мэдээллийн дагуу үүссэн маргааныг хянан хэлэлцэх Үндсэн хуулийн Цэцийн дунд
munhtsetseg_hi: суудлын хуралдаан 2015 оны арваннэгдүгээр сарын 11- ний өдөр болно гэж Үндсэн хуулийн Цэцийн хэвлэл, мэдээллийн төлөөлөгч мэдээлэв.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл Бүгд Найрамдах Франц Улсаас Монгол Улсад суух Онц бөгөөд Бүрэн Эрхт Элчин сайдын албан тушаалд хатагтай Элизабет Барсак шинээр томилогдсонтой холбогдуулан хүлээн авч уулзлаа.
Уулзалтын эхэнд хатагтай Элизабет Барсак хүлээн авч уулзаж байгаад талархал илэрхийлээд цаашид хэрхэн хамтран ажиллах талаар санал солилцов.
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Юуны өмнө шинэ албан тушаалд томилогдсонд баяр хүргэе. Францын Элчин сайдын яам Улаанбаатар хотыг үргэлж дэмжиж, хамтран ажилладагт талархал илэрхийлье. Улаанбаатар хотын төв цэвэрлэх байгууламж хотын өмнө тулгараад байгаа хүндхэн асуудал болоод байгаа талаар Та сонссон байх. Энэ асуудалд анхаарал хандуулж, хамтран ажиллах хүсэлтэй байна. Улаанбаатар хотын төв цэвэрлэх байгууламжийг шинэчлэн сайжруулах ажлын зураг төсөв боловсруулах зөвлөх үйлчилгээний ажлын гэрээг Францын “Артилла Вилла Транспорт” ХХК-тай байгуулсанд маш их баяртай байна” гэлээ.
Бүгд Найрамдах Франц Улсаас Монгол Улсад суух Онц бөгөөд Бүрэн Эрхт Элчин сайд хатагтай Элизабет Барсак “Улаанбаатар хотын төв цэвэрлэх байгууламжийн асуудлыг ойрын хугацаанд шийдэх ёстой. Манай талаас зээл олгож, хамтран ажиллах боломжтой. Хамгийн гол нь танай тал хоорондоо сайтар тохирч, энэ асуудлаар дахин уулзъя. Мөн Францын Элчин сайдын яамнаас байгаль орчны семинарыг хотын захиргаатай хамтран зохион байгуулах хүсэлтэй байна” гэдгийг онцоллоо.
Харин нийслэлийн Засаг дарга байгаль орчны семинарыг хамтран зохион байгуулахдаа баяртай байх болно гэдгээ уламжилж, бид бүхий л талаас нь дэмжин ажиллана гэдгээ илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

нийтийн тээврээр зорчигч өдөртөө нэг удаа 30 мниутын дотор автобус сэлгэн суувал үнэгүй болгох шийдвэрийг нийслэлийн Иргэдийн хурлын ээлжит бус хуралдаанаас гаргасан.

1 тэрбум ам.долларын зээлийн ерөнхий хэлэлцээрийн төслийг зөвшилцөхийг дэмжлээ

Баянхонгор аймгаас Дорнод аймгийн Матад суманд нинжа нар ирж, газар сэндийчиж эхэлсэн тул сумын удирдлагууд, цагдаа нартайгаа хамтран шалгалт хийхээр очжээ.
Энэ үеэр нинжа нар зугтаж, улмаар гэнэт машинаасаа буун, “ална” хэмээн дайрч хэсгийн төлөөлөчийг нь барьцаалсан гэх мэдээлэл хэдхэн хоногийн өмнө хэвлэл мэдээллээр цацагдсан.
Тэгвэл бодит байдал арай өөр гэдгийг саатуулагдаад байгаа нинжа нарын ар гэрээс хэлж байна. Тодруулбал, Нинжа нар цагдааг барьцаалаагүй гэх бөгөөд машины бензин дуусч, цагдаа нарт баригдсан аж.
Эх сурвалжийн хэлснээр Сумын Засаг даргын орлогч, Байгаль орчны байцаагч хэсгийн төлөөлөгч нар нинжа нарыг машинаараа хөөж, бүр нэг нинжаг нь дайраад зугтсан байна.
Өөрөөр хэлбэл, тухайн үед нинжа нар машинаараа цагдаа болоод Сумын Засаг даргын орлогч, Байгаль орчны байцаагч хэсгийн төлөөлөгч нараас зугтаад явж байтал бензин нь дууссан байна. Улмаар зогсохоос өөр аргагүй болж хэл амаараа учраа олох гэхэд Сумын Засаг даргын орлогч нь машинаас түрүүлж бууж ирсэн нэг нинжаг нь дайрчихаад зугтчихжээ. Тиймээс нинжа нар “Хүн дайрчихлаа” хэмээн цагдаа нартай маргалдаж эхэлсэн байна.
Удалгүй зугтсан гэх сумын удирдлагууд Матад сумаас хүч нэмэн ирж, нинжа нарыг баривчилжээ.
Манай сайт дайруулсан гэх нинжагийн ар гэрийнхэнтэй холбогдоход ”Тухайн үед болсон үйл явдал хэвлэлээр гарч байгаагаас өөр. Гэвч бид дэлгэрэнгүй мэдээлэл өгч болох эсэхээ сайн мэдэхгүй байна. Учир нь ахын маань дээрээс янз бүрийн дарамт шахалт ирэх вий гэж эмээж байна. Машинд дайруулсан ахын маань биеийн байдал муу толгой нь эргэж, юм идэж ч чадахгүй байгаа. Бидний зүгээс ахыгаа эмчлүүлэх талаар санал болгоход эмчгүй гэх зүйл ярьсан” гэлээ.
Мөн дайраад зугтсан сумын удирдлагаас энэ талаар асуухад ”Би мэдээгүй. Машины ард байсан юм уу” гэх зүйлийг ярьжээ.
Одоогоор энэ асуудлаас болж зургаан нинжа хоригдож байгаа төдийгүй дайруулсан иргэн ч хоригдож байгаа аж.
Юутай ч нинжаг дайрсан гэх Дорнод аймгийн Матад сумын Засаг даргын орлогч хийгээд уг хэргийн талаарх мэдээлэл бид дахин дэлгэрэнгүй мэдээлэх болно.
Д.Дуулим

Өршөөгдсөн хүмүүсийг баасан гарагт суллана

Алтанбулагийн валютын ченж учир битүүлгээр амиа алджээ

Ус цаг уур, орчны хүрээлэнгээс ихэнх нутгаар цас орж хүйтрэх төлөвтөй байгааг анхааруулж байна. Цаг агаарын байдал хүндэрсэнтэй холбоотойгоор зам тээврийн осол ихээр гарч амь нас, эрүүл мэнд, эд хөрөнгөөрөө хохирох тохиолдол элбэг байдаг бөгөөд хальтиргаа гулгаа үүссэн үед өгсүүр, уруу зам руу түгжрэл саатал бий болж бусад замын хөдөлгөөнд оролцогч нарт хүндрэл учруулдаг. Замын хөдөлгөөнд оролцож буй ихэнх жолоочийн тээврийн хэрэгсэл нь зуны дугуйтай байгаагаас болж зам тээврийн осолд ихээр өртөж байгаа тул жолооч Та бүхэн тээврийн хэрэгслийн дугуйгаа өвлийн дугуйгаар сольж, өөрсдийнхөө болон бусдын аюулгүй байдлыг хангахыг анхааруулж байна. Мөн хөдөө орон нутгийг зорих гэж буй иргэд шаардлагагүй бол явахгүй байх, Ус цаг уур, орчны хүрээлэнгээс өгч буй мэдээллийг сонсох, зайлшгүй замын хөдөлгөөнд оролцох болбол тээврийн хэрэгслийнхээ техникийн бүрэн бүтэн байдал, шатахууны нөөц, нөөц дугуй, дулаан хувцастай явах, цаг агаарын нөхцөл, замын зорчих хэсэг гадаргууны байдал, тээж яваа ачаанд тохируулан хажуу хоорондын зай болон тэээврийн хэрэгслийн хурдыг зөв сонгож аюул осолгүй замын хөдөлгөөнд оролцохыг Улаанбаатар хотын Замын цагдаагийн газраас зөвлөж байна.

Тоосонцрын хэмюэ байх ёстойгоосоо тав дахин их байна