Улаанбаатар төмөр замын ажилтан галт тэргэнд дайруулж амиа алдсан харамсалтай хэрэг гарчээ.

Өдгөөгөөс жил гаруйн өмнө Сүхбаатар дүүргийн нутаг дэвсгэр урсгал сөрж явсан цагдаагийн машин зам тээврийн ноцтой осол гаргаж улмаар 12 настай охин амиа алдсан харамсалтай хэрэг гарсан билээ.

“Дэлхийн Монгол ногоон нэгдэл” ТББ-аас өнөөдөр мэдээлэл хийж, нинжа нараас болж байгаль орчин хэрхэн сүйдэж байгаа талаар мэдээллээ. Тодруулбал тус байгууллагынхан 2015.10- 23-25-нд Архангай, Өвөрхангай аймгийн нутагт ажиллаад иржээ. Архангай аймгийн Цэнхэр сум, Өвөрхангай аймгийн Уянга, Нарийнтээл, Баруун баян-Улаан суман дахь алт олборлолтын үйл ажиллагаанд үзлэг хийхэд тухайн орон нутагт хууль бус үйл ажиллагаа газар авч, Монгол орны онгон дагшин байгалийг хайр найргүй сүйтгэж байгаа нь тодорхой байжээ.

Түүнчлэн Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай болон Ойн тухай хууль ноцтойгоор зөрчигдөж, байгаль орчны эсрэг гэмт хэрэг үйлдэгдсээр байгааг мөн хэллээ.Тэд булаг шандны эхэн дээр ухаж ширгээх, нөхөн сэргээлт хийх нэрээр эрүүл газарт олборлолт явуулж сүйтгэх, малчдын өвөлжөөн дээр хүртэл ухаж байгаль орчноос гадна иргэдийн Үндсэн хуулиар олгосон эрүүл, аюулгүй орчинд амьдрах эрхийг ноцтой зөрчиж байна гэсэн юм.

Мөн хөдөө орон нутгийн зарим аймаг сумдад байгаль орчны эсрэг хууль бус ажиллагаа газар авч, ямар ч хяналт шалгалтгүй байсаар байна. Хууль хяналтын байгууллага тус гэмт хэргийг шалгаж, таслан зогсоох үүргээ биелүүлэхгүй, хууль зөрчигчдийг хамгаалах тохиолдол элбэг байсан аж. Харин энэ бүхэнд хяналт тавьж ажиллах ёстой шат шатны байгууллагынхан ажлаа хийхгүй байгаа нь авлига авсан байх магадлалтай гэж үзэхэд хүргэж байна гэлээ.

Иймд “Дэлхийн Монгол ногоон нэгдэл” ТББ-аас төрийн гурван өндөрлөг болон холбогдох яам тамгын газарт энэ талаар яаралтай арга хэмжээ авч ажиллахыг сануулж, албан бичиг хүргүүлж байгаагаа мэдэгдлээ.

“Эрдэнэс Тавантолгой” компанийн 30 гаруй ажилтан өнгөрсөн долоо хоногоос эхлэн төв байран дээрээ суулт зарласан. Тэд 206 хүнийг Хятадын компанид шилжүүлэх болсныг эсэргүүцэн ийн суулт зарласан билээ. Суулт зарласан ажилчдын төлөөллийг компанийн удирдлагууд хүлээн авч уулзаж, асуудлыг хэлэлцэхгүй байгаад ажилчдын зүгээс гомдолтой байгаагаа дуулгаж хэрэв байдал энэ хэвээрээ цааш үргэлжилбэл ажилчид өлсгөлөн зарлана хэмээн мэдэгдээд байсан юм.

Харин өнгөрсөн долоо хоногийн сүүлээр “Эрдэнэс тавантолгой” компанийн удирдлагууд мэдээлэл хийж ажилчидтайгаа зөвшилцөж асуудлыг шийдвэрлэсэн хэмээн мэдэгдсэн юм.Ингэхдээ ажилчдаа өөр компанид худалдаагүй, нэг жилийн хугацаатай ажиллуулахаар болсон гэсэн юм.

Харин ажилчид нь нэг жил ажилчихаад эргээд ирэхэд ажлын байр байх эсэх нь тодорхойгүй, мөн олон жил ажилласан туршлагатай ажилчдыг шилжүүлэн авахдаа шалгаж авна гэснийг эсэргүүцэж байгаа юм. Ямартай ч Эрдэнэс тавантолгойн ажилчдын төлөөлөл өнөөдөр дахин мэдээлэл хийж, компанийн удирдлагуудтайгаа ямар ч зөвшилцөлд хүрээгүй тул маргаашаас тэмцлийн дараагийн хэлбэрт шилжих болсноо мэдэгдлээ. Тэд маргааш 12:30 цагт олон нийтийг хамарсан жагсаал цуглаан хийхээр болжээ.

Төрийн байгуулалтын байнгын хорооны хуралдаанаар 2016 оны төсвийн төслийг дагалдан өргөн мэдүүлсэн хууль, тогтоолын төслүүдийг хэлэлцэж байна.

Агаарын бохирдлыг бууруулах үндэсний хороо хуралдлаа

Дэлхийн эрүүл мэндийн байгууллага өчигдөр тайлангаа иргэдэд танилцуулахдаа боловсруулсан махан бүтээгдэхүүн хорт хавдар үүсгэдэг болохыг зарлажээ.

Цагт баригдалгүй илүү их жин хасацгаая

Говь-Алтай аймгийнхан ирэх 11 дүгээр сарын 27-29-ний өдрүүдэд уламжлалт Их говийн тэмээний баяр, тэмээчдийн наадмаа Алтай хотноо 10 дахь удаагаа зохион байгуулах гэж байна. Говь-Алтайчуудын хамгийн их хүсэн хүлээдэг баярын нэг бол Их говийн тэмээний баяр. 10 дугаар их наадмаа алтайчууд уламжлалт 12 төрлөөр зохион байгуулах гэнэ. Энэ наадамд алтайчуудаас гадна Баянхонгор, Завхан, Ховд, Увс аймгуудаас тэмээчид оролцох гэнэ. Уг наадмыг ХХААЯ хамтран зохион байгуулахаар болжээ.

”Их говийн тэмээний баяр-2015”-д тэмээний уралдаанаас гадна тэмээний гаралтай бүтээгдэхүүний үзэсгэлэн худалдаа, тэмээ, тэмээчин говь нутгийн тухай уран бүтээлийн тэмцээнүүд явагдахаар төлөвлөжээ. Дашрамд дурьдахад оролцогчдын цар хүрээ жил ирэх тусам нэмэгдэж байгаа учраас шагналын санг нэмэгдүүлсэн байна.

Говьсүмбэр: Баянцагаан сумын нутаг УБ хотоос Дундговь явах чиглэлийн засмал замын 146 дахь км-ыг заасан шонгийн дэргэд УБ хот СБД-16 оршин суух М.Д /эр.19н/ жолоочтой “Toyota Prius-20” автомашин онхолдож, Дундговь аймаг Сайхан-Овоо сум 4-р багт суух Г /эр.23н/ нас барж, 2 хүн гэмтсэн гэх мэдээлийг 10-р сарын 24-нд шалгаж байна.
Дархан-Уул аймаг: “Дархан сумын Малчин баг Дархан хаалганы гадна замын хажууруу тус сумын 4-р баг оршин суух Б /эр.62н/ жолоочтой “Мазда Демо” автомашин онхолдож зорчигч тус сумын харъяат Б /эм.58н/ нас барсан” гэх мэдээллийг 10-р сарын 25-нд шалгаж байна
Дундговь аймаг: Говь-Угтаал сумаас зүүн тийш 30км Хар тойром гэх газарт, тус сумын харъяат Г /эр.52н/ өөрийн “Рrontor bongo” дугаартай автомашинтай ухарж байгаад хүүхэд Г /эр.02н/ харалгүй дайрч амь насыг нь хохироосон мэдээллийг 10-р сарын 23-нд авч шалгаж байна.
Дархан аймаг: Дархан хаалганы орчим зам тээврийн осол гарсан байна” гэсэн мэдээллийг 10-сарын 23-нд авч, Э ахлуулсан бүрэлдэхүүн шалгахад: Сэлэнгэ аймаг: Сүхбаатар хот 7-р баг З /эр.32н/ өөрийн “Исузу Форвард” дугаартай автомашинаар, Дархан сум 3-р багт суух П /эр.37н/ мөргөж амь насыг нь хохироосон хэргийг шалгаж байна.
Увс аймаг: Улаангом сумын 4-р багт суух Т /эр.50н/ өөрийн “Тероно” дугаартай автомашинаа засварлаж байгаад дарагдаж нас барсан мэдээллийг 10-р сарын 23-нд авч, шалгаж байна.

Нийслэлийн Удирдах ажилтнуудын Шуурхай зөвлөлгөөн дээр дүүргүүдийн Засаг дарга нар өнгөрсөн 14 хоногийн нөхцөл байдлаа танилцуулав.

VTV HD телевиз нь дэлхий даяар өөрчлөгдөн хувьсаж буй телевизийн салбарын ирээдүйн хөгжлийн гол гарц болох агуулга үйлдвэрлэлийн салбарт тэргүүлэгч өрсөлдөгч болох , гадны агуулга худалдаж авах бус, өөрийн эх орны өв соёл, онцлогуудыг тусгасан шинэ агуулгыг Монголынхоо үзэгчдэд хүргэхээр ажиллаж байгаа билээ.

Эгийн голын усан цахилгаан станцын ажлыг энэ өвөл эхлүүлэхээр болжээ.

Өнгөрсөн амралтын өдрүүдэд цасан шуурга шуурч, зарим газарт нөхцөл байдал хүндэрсэн.

Онцгой байдлын ерөнхий газрын дарга, бригадын генерал Т.Бадрал 10 дугаар сарын 23, 24-ний өдрүүдэд Хөвсгөл аймгийн Тариалан сум, Архангай аймаг, Завхан аймгийн Тосонцэнгэл сумдад ажиллалаа.

Монгол Улсын Засгийн Газрын 2015 оны 200 дугаар тогтоолоор Хөвсгөл аймгийн Тариалан суманд Гал унтраах, аврах 4 дүгээр зэрэглэлийн анги байгуулах шийдвэр гарсан. Уг шийдвэрийн хэрэгжилтийн хүрээнд тус суманд байгуулагдах ангийн бэлтгэл ажил, зохион байгуулалттай танилцаж, Хөвсгөл аймгийн Тариалан сумын Засаг дарга Ц.Хөвсгөлдалай болон орон нутгийн бусад удирдлагатай уулзалт ярилцлагга хийн, газар дээр нь шаардлагатай асуудлыг шийдвэрлэсэн.

2

Онцгой байдлын асуудал эрхэлсэн байгууллагын зорилго зорилтыг хэрэгжүүлэх, гал түймэр, гамшиг ослын аюулаас ард иргэдийн амь нас, эд хөрөнгийг авран хамгаалах, урьдчилан сэргийлэх ариун үйлсэд дэмжлэг туслалцаа үзүүлэн, хамтран ажиллаж байгааг нь өндрөөр үнэлж, Хөвсгөл аймгийн Цагдаагийн газрын дарга, цагдаагийн хурандаа Н.Батбаяр, мөн аймгийн Хилийн цэргийн 0257 дугаар ангийн захирагч, хурандаа Б.Батбаяр нарыг “Онцгой байдлын албаны төлөө-2” тэмдгээр, Хөвсгөл аймгийн Тариалан сумын Засаг дарга Ц.Хөвсгөлдалайг “Онцгой байдлын албаны төлөө-3” тэмдгээр тус тус шагнаж урамшууллаа.

Онцгой байдлын албаны баримталж байгаа цаашдын чиг хандлага, бодлого, орон нутгаас гал түймэр, гамшиг ослоос урьдчилан сэргийлэх, цаашид энэ чиглэлээр хийж хэрэгжүүлэх ажлын төлөвлөгөө, бодлогын чиг баримт болон өвөлжилтийн бэлтгэл ажлын талаар Архангай аймгийн Засаг дарга Д.Бат-Эрдэнэ, Завхан аймгийн Тосонцэнгэл сумын Засаг дарга Б.Төрмөнх нартай уулзах үеэрээ харилцан санал солилцов.

Хэрлэн сумын 1 дүгээр багийн нутаг дэвсгэрт үйл ажиллагаа явуулдаг Хан Хэрлэн дэлгүүрийн гадна талд орхисон байсан мотоциклийг хулгайд алдлаа гэсэн дуудлагын дагуу томилогдсон ажлын хэсэг, нийтийн хэв журам хамгаалах эргүүлийн алба хаагчид ажиллаж Чингис хотын нутаг дэвсгэрийг хяналтанд авсан камерын хяналтыг ашиглан илрүүллээ.

Уг гэмт хэргийн Хэрлэн сумын харъяат, эрхэлсэн тодорхой ажилгүй Б гэгч согтууруулах ундаа хэрэглэсэн үедээ үйлдсэн болохыг тогтоогоод байна.

Иймд иргэд та бүхэн өөрийн эзэмшлийн эд хөрөнгөндөө эзэн байж, хараа хяналтгүйгээр орхихгүй байхыг анхааруулж байна гэж ХЭНТИЙ АЙМГИЙН ЦАГДААГИЙН ГАЗАР-аас манайд мэдээллээ

Булган аймгийн Бүрэгхангай суманд цагдаагийн кабонтой болж, нээлтээ хийлээ. Тус кабон байр нь сумын нэгдсэн халаалт, цэвэр усанд холбогдсон дотроо усанд орох дүш, бие засах 00-н өрөөг бүрэн шийдвэрлэсэн улсын хэмжээнд анхны жишиг кабон боллоо. Нээлтийн үйл ажиллагаанд Цагдаагийн газрын болон сумын удирдлага, зочид, иргэдийн төлөөлөл оролцож, шинэ байртай болсон Цагдаагийн алба хаагчдын ажил үйлс нь өөдрөг байхыг билэгшээж хашаанд нь мод тарьсан байна.

2015 онд улсын төсвийн хөрөнгө оруулалтаар нэг нь 496 сая төгрөгийн өртөг бүхий гүний худгийн өрөмдлөгийн машиныг Хэнтий, Хөвсгөл, Дундговь, Сүхбаатар гэсэн дөрвөн аймагт өгчээ.

Засгийн газрыг 9 яамтай ажиллуулах хуулийн төслийг татан авав
2015 / 10 / 27 | 12:31 | Нийтэлсэн: Ч.Ариунболд | 0

УИХ-ын Төрийн байгуулалтын байнгын хорооны хуралдаанаар 2016 оны төсвийн төслийг дагалдан өргөн мэдүүлсэн хууль, тогтоолын төслүүдийг хэлэлцэж байна. Хэлэлцүүлгийн шатанд Засгийн газраас хуулийн төсөл эгүүлэн татах бичиг ирүүлснийг Байнгын хорооны дарга А.Бакей танилцуулав.

Засгийн газраас төрийн байгуулагын бүтэц, зохион байгуулалтыг боловсронгуй болгож, чиг үүргийн давхардлыг арилгах, төрийн албаны зардлыг бууруулах зорилгоор 2015 оны тодотгол болон 2016 төсвийн төсөлтэй хамт Засгийн газрын тухай хуульд өөрчлөлт оруулах тухай, Засгийн газрын бүтцийн тухай, Засгийн газрын бүрэлдэхүүний тухай, Засгийн газрын бүтцийн тухай хуулийг хүчингүй болсонд тооцох тухай хуулийн төсөл, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” УИХ-ын тогтоолын төслийг өргөн мэдүүлсэн.

Дээрх хуулийн төслүүдэд Засгийн газрыг 2016 оны 8 дугаар сарын 01-нээс эхлэн 9 яамтай ажиллахаар тусгасан. УИХ-ын гишүүд уг заалт нь 2016 оны сонгуулийн дараа байгуулах Засгийн газрын бүрэн эрхэд халдаж байгаа тул 2016 оны нэгдүгээр сарын 01-нээс хэрэгжүүлж эхлэх нь зөв гэсэн санал гарсан. Энэ нь өнөөгийн Засгийн газрын тогтвортой байдалд сөргөөр нөлөөлөх магадлалтай болсныг Ерөнхий сайд хуулийн төсөл татан авах бичигтээ дурьджээ.

Тэрбээр, Экспортын голлох бүтээгдэхүүнүүдийн үнийн уналтаас хамааралтай эдийн засгийн хүндрэлтэй байгаа өнөөгийн нөхцөлд Засгийн газрын тогтворгүй байдалд орох нь муу үр дагавар үзүүлнэ. Тиймээс дээрх хуулийн төслүүдийг эгүүлэн татаж байна” гэжээ.

Түүнчлэн Засгийн газар төрийн байгуулагын бүтэц, зохион байгуулалтыг боловсронгуй болгож, чиг үүргийн давхардлыг арилгах, төрийн албаны зардлыг бууруулах зорилгоосоо ухрахгүй бөгөөд уг асуудлыг Үндсэн хуулийн нэмэлт өөрчлөлтийн хүрээнд ажиллах болно гэдгийг Ерөнхий сайд бичигтээ онцлон тэмдэглэжээ.

Жолооч нарт сонор сэрэмжтэй байхыг анхааруулж байна