ЭЕШ-2016: Тестийн түлхүүр

Маргааш авто замын хилийн боомтууд амарч, агаарын болон төмөр замын боомтууд ажиллах ажээ.

Монгол Улсын Сонгуулийн тухай хуулийн 16 дугаар зүйлийн 16.5 дахь заалтыг үндэслэн маргааш буюу 06 дугаар сарын 29-ний өдөр Монголын талын хилийн боомтууд амарч, 06 дугаар сарын 30-ны өдөр цагийн хуваарийн дагуу хэвийн ажиллана гэж Иргэний харьяалал, шилжилт хөдөлгөөний газраас мэдээллээ.

Тодруулбал, маргааш олон улсын Буянт-Ухаа, Сүхбаатар төмөр зам, Замын-Үүд төмөр зам, Эрээн цав авто замын боомтууд цагийн хуваарийн дагуу ажиллаж, иргэдэд үйлчилнэ.

“Сондор хилэн” төвийн захирал С.Төмөрбат:
“ЗУНЫ ӨДРҮҮДИЙГ АШИГЛАН АНГЛИ ХЭЛ СУРЧ ОЮУНДАА ХӨРӨНГӨ ОРУУЛААРАЙ”
Зуны дулаан урт өдрүүдийг ашиглан хэлний мэдлэгээ дээшлүүлж, ээлжийн амралт хүүхдийнхээ хичээлийн амралтыг үр бүтээлтэй өнгөрүүлэх хүсэлтэй эцэг эхчүүдэд дуулгах сайхан мэдээ бидэнд байна. Сарын дотор англи хэлийг төвөггүй сургачихдаг С.Төмөрөө багшийн “Сондор хилэн” англи хэлний төвд бүтэн өдрийн ангийн сургалтаас гадна өглөө, оройн цагийн анхан, дунд шатны ярианы гээд бүх төрлийн ангиуд хичээллэж байгаа аж. Энэ тухай тодруулахаар “Сондор хилэн” төвийн захирал С.Төмөрбаттай ярилцсанаа хүргэе.
-Танай сургалтын төвийн өглөөний анги их сонирхол татаж байна л даа. Энэ ангийнхаа талаар сонирхуулаач?
-“Сондор хилэн” англи хэлний төвийн өглөөний анги эртэч, өглөөг үр бүтээлтэй өнгөрөөх хүсэлтэй ажил хэрэгч хүмүүст зориулагдсан анги. Ихэнх хүмүүс унтаж байхад өглөөний 06:15 -08:15 хоёр цагийг үр бүтээлтэй өнгөрөөж өөртөө оюуны хөрөнгө оруулалт хийх хэрэгтэй. Өглөө хүний тархи сэргэг цээжлэх мэдрэмж өндөр байдаг учраас хэл сурахад их тохиромжтой цаг. Замын түгжрэл аливаа стресст өртөхгүй зуны дулаан сайхан цагийг ашиглаад үр бүтээлтэй өнгөрүүлэх хэрэгтэйг хүмүүс харьцангуй ойлгодог болсон байна. Тэр ч утгаараа өглөөний ангид суух хүсэлтэй хүн олон байна.
-Тэгвэл “Vip” сургалт гэхээр ямар байх вэ?
-“Vip” сургалт нь ганцаарчилсан сургалтын нэг төрөл. Танхимын сургалттай адилхан. Хэлний түвшингөөрөө ижил 4 хүнийг group болгоод түвшинг нь сар сараар ахиулах зорилготой сургалт юм. Миний хувьд 2006 оноос хойш бизнесийн болоод урлаг соёлын олны танил олон хүнд хичээл заасан. Тэдний ихэнх нь англи хэл сурч байгаагаа нууцлахыг хүсдэг. Тиймээс бид суралцагсадынхаа нууцыг чандлан хадгалж нууц хэвээр нь үлдээдэг. “Vip” сургалтын онцлог нь цөөхөн хүнтэй, тухтай орчинд , богино хугацаанд хэлтэй болох зорилготой хүмүүст зориулсан 120 цагийн хөтөлбөртэй.
-“Vip” сургалтанд сууя гэвэл хэдээс хэдэн цагт хичээллэх вэ?
-“Vip” сургалт долдугаар сарын 4-нөөс эхэлнэ. Оройн 18.30-аас 22.30 цаг хүртэл өдрийн зургаан цагаар сарын 120 цагийн хичээл орно .
-Төлбөр ямар байх вэ?
-“Vip” сургалт 750.000 /долоон зуун тавин мянган/ төгрөгний төлбөртэй. Харин ганцаарчилсан сургалт 900.000 /есөн зуун мянган/ төгрөгний төлбөртэй.
-Ганцаарчилсан сургалт нь ямар онцлог давуу талтай вэ?
-Мэдээж ганцаарчилсан сургалт нь ганцхан хүнд зориулагдана. Тухайн хүний хэлний түвшин ямар байна, цаашид аль түвшинд очих хүсэл зорилготой байгааг эхлээд судладаг. Тэгээд зөвхөн тэр хүнд тохирсон хөтөлбөр боловсруулан англи хэл заадгаараа онцлог юм. Тухайлбал би Ielts-ийн оноотой болмоор байна гэвэл: Хэлний түвшинг нь тогтоогоод Ielts-ийн оноонд хүрэхийн тулд хэдий хэр хугацааны ачаалал авах вэ гэсэн тооцоо судалгааг гаргаад хөтөлбөрөө боловсруулдаг. Эсвэл надад зөвхөн яриа хэрэгтэй байна гэвэл зөвхөн түүнд зориулсан ярианы хөтөлбөр боловсруулаад сургалт явуулдагаараа онцлог.
-Танай сургалтын цагийн ангиудын хувиарыг харахад 16.30-22.30 хүртэл оройн цагийн хэд хэдэн сургалт байна. Суралцахыг хүссэн хүмүүст цагийн сонголт өргөн байгаа бололтой?
-Тийм шүү. Цагийн сонголт их байгаа. Оройн цагийн сургалтууд 16.30-18.30 18.30-20.30 20.30 -22.30 гэсэн цагийн өргөн сонголттойгоор явагдаж байна. Оройн анги өдрийн гурван цагаар хичээллэнэ. Монгол багштай ярианы анги 16.30 -18.30 цагуудад хичээллэнэ. 18.30 -20.30 хооронд суурьтай анхан шатны анги хичээллэж байна. Суурьтай анхан шатны энэ ангид дүрмээ анхан шатнаас нь заагаад яриатай хослуулан ордог. Урьд нь англи хэл үзэж байсан ч мэддэг ч юм шиг, мэдэхгүй ч юм шиг хүмүүст тохирсон анги. Үсэг дуудлагаас бусдыг бүгдийг нь заана. Ажлынхаа заваар англи хэл сурах сонирхолтой цаг зав багатай хүмүүс энэ ангид суралцах боломжтой. Бүтэн өдрийн ангид 4 шатны сургалтыг нэг сард багтаадаг бол, цагийн ангид 4-5 сар явж байж 4 түвшиний мэдлэг олж авна. 16.30-18.30 ярианы анги. 18.30-20.30- аас суурьтай анхан шатны анги. 20.30-22.30 цагт бас суурьтай анхан шатны анги. Хэрвээ сургалцагсад маань хүсвэл 20.30-22.30 цагийн ангиа дунд шатны анги болгон хичээллэх боломжтой. Оройн цагаар суралцах хүсэлтэй хүмүүсийн түвшингээс хамаараад 18.30-20.30 суурьтай анхан, 20.30 -22.30 хүртэл дунд шатны сургалт эхэлж бас болно үг.
- Ярианы ангийн хөтөлбөр ямар байх вэ?
-Ярианы ангийн хөтөлбөр нь гадаадад аялж , амьдрах гэж байгаа хэлийг хөлөө болгох зорилготой хүмүүст зориулагдсан. Дорж гэдэг хүн гадаадад аялалаа гэж бодоход: Онгоцноос буугаад л гааль дээр ямар ямар үг хэллэгээр харилцах вэ, таксинд суугаад, зочид буудалдаа буугаад, дэлгүүр хэсэхэд ямар ямар үг хэллэг хэрэглэх вэ гээд бүгдийг заана. Энэ ангид онцлог нь дүрэм заахгүй. Үг хэллэг заагаад тэрийгээ жүжигчилсэн маягаар дадлагажуулж хичээлээ орно. Таксинд суулаа гэхэд хаашаа очихоо жолоочид юу гэж хэлэхээ, зочид буудалдаа очоод өрөөгөө хэрхэн захиалах вэ, хэд хоног байрлах вэ, дэлгүүрт ороод энэ хувцасыг авья, размер солиулмаар байна, баярласан талархсанаа, гомдсоноо юу гэж илэрхийлэх вэ гээд ер нь харилцааны бүх хэллэгүүдийг заана. Хүний амьдралын алхам тутамд тааралддаг ярианы үг хэллэгээр хөтөлбөрөө боловсруулж, монгол англи хэлний харилцан ярианы ном бичсэн. Нэг ёсондоо энэ ном хөтөч болно гэсэн үг. Гадагшаа явахад хэлний бэрхшээл үнэхээр хэцүү байдаг шүү дээ. Хаана суралцахаа мэдэхгүй байгаа хүмүүс энэ ангид сураад, дээр нь миний номыг бариад явахад алзахгүй дээ.
-Таны ярианаас үзэхэд цагийн ангиудын сонголт их байгаа юу байна?
-Тийм шүү. Анхан шатнаас эхлээд гүнзгий шат хүртэл бүх ангиуд цагийн өргөн сонголттойгоор хичээллэж байна. Нэг ёсондоо суралцагсдын нас бие сэтгэхүйн онцлог, хэлний түвшинд тохируулсан цагийн ангиуд юм. Хүүхдийн анги , өсвөр насны хүүхдийн анги, оюутан залуусын анги, насанд хүрэгчдийн анги гэж байгаа. Хүмүүсийн цаг заваас шалтгаалан цагийн хуваарь нь ч өөрчлөгдөх боломж бий.
–Танай сургалтын төвийн орчин их сайхан юм. Сурахад орчин бас их чухал байх шүү?
- Мэдээж сайн багш, шилдэг аргачлал, боловсронгуй хөтөлбөрөөс гадна тав тухтай сургалтын орчин их чухал. Улаанбаатар хотын А бүсэд орших, Энхтайвны гүүрний зүүн хойд талд, Сөүл рестораны баруун талд шинээр баригдсан 13 давхарын 6-н давхарт “Сондор хилэн” төв саяхан нүүж ирсэн. Шинэ байранд ороод суралцагсдынхаа цаг зав, түвшинд тааруулсан шинэ шинэ сургалтын хөтөлбөрүүд боловсруулж, суралцагсдаа хүлээж авахад бэлэн болоод байна.
2016 оны зуны сургалтууд 07 сарын 04, 08 сарын 01 -нд эхлэнэ.

БҮТЭН ӨДРИЙН АНГИУД

1. Насанд хүрэгчдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
2. Хүүхдүүдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
3. Бүтэн өдрийн ангийг төгсөгчидөд зориулсан
БҮТЭН ӨДРИЙН ГҮНЗГИЙ АНГИ


ХҮҮХДИЙН АНГИУД

1. Өсвөр насны хүүхдүүдэд зориулсан \12 – 17нас\
БҮТЭН ӨДРИЙН ЭРЧИМЖҮҮЛСЭН АНГИ
2. Ахлах ангийн хүүхдүүдэд зориулсан \16-18 нас\
ЭЛСЭЛТИЙН ЕРӨНХИЙ ШАЛГАЛТАНД БЭЛТГЭХ АНГИ
3. Бага ангийн хүүхдүүдэд зориулсан \7-11 нас\
АНХАН ШАТНЫ АНГИ
4. Хувийн сургуулиудын бага ангийн хүүхдүүдэд зориулсан \7-8 нас\
АНХАН ШАТНЫ АНГИ
5. Хувийн сургуулиудын бага ангийн хүүхдүүдэд зориулсан \8-9 нас\
ДУНД ШАТНЫ АНГИ


ЦАГИЙН АНГИУД

1. Өглөөний анги 06.30-08.30 08.30-10.30
2. Өдрийн анги 10.30-12.30 12.30-14.30 14.30-16.30
3. Оройн цагийн анги 16.30-18.30 18.30-20.30 20.30-22.30


ТУСГАЙ СУРГАЛТУУД

1. VIP СУРГАЛТ
2. БАЙГУУЛЛАГЫН СУРГАЛТ
3. ЭЕШ-д БЭЛТГЭХ АНГИ
4. Монгол багштай ЯРИАНЫ АНГИ
5. Гадаад багштай ЯРИАНЫ АНГИ
6. ГАНЦААРЧИЛСАН СУРГАЛТ
7. ХАГАС САЙН ӨДРИЙН СУРГАЛТ
8. БҮТЭН САЙН ӨДРИЙН СУРГАЛТ
9. МОНГОЛ БИЧГИЙН СУРГАЛТ


 Хаяг: Энхтайвны гүүрний зүүн хойно Park place-ийн 6 давхарт. (Шинээр баригдсан 13-н давхар барилга)
 Утас: 9911-2414, 9999-2414, 99283293, 98103020.
 WEB: www.sondorkhilen.mn
 PAGE: http://www.facebook.com/Sondorkhilen English language center

Зуны дулаан урт өдрүүдийг ашиглан хэлний мэдлэгээ дээшлүүлж, ээлжийн амралт хүүхдийнхээ хичээлийн амралтыг үр бүтээлтэй өнгөрүүлэх хүсэлтэй эцэг эхчүүдэд дуулгах сайхан мэдээ бидэнд байна. Сарын дотор англи хэлийг төвөггүй сургачихдаг С.Төмөрөө багшийн “Сондор хилэн” англи хэлний төвд бүтэн өдрийн ангийн сургалтаас гадна өглөө, оройн цагийн анхан, дунд шатны ярианы гээд бүх төрлийн ангиуд хичээллэж байгаа аж. Энэ тухай тодруулахаар “Сондор хилэн” төвийн захирал С.Төмөрбаттай ярилцсанаа хүргэе.

УИХ болон НИТХ-ийн ээлжит сонгуулийн санал авах байруудад Онцгой байдлын Ерөнхий газраасгамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт бус шалгалт явуулсан байна.

Нийслэлийн Засаг даргын 2016 оны 6 дугаар сарын 20-ны өдрийн А/499 дүгээр захирамжийн дагуу нийслэлийн тээврийн газраас нийтийн тээврийн үйлчилгээнд зарим зохион байгуулалтын арга хэмжээ авч ажиллахаар боллоо.

“Оюутан цэрэг” хөтөлбөр гурав дахь жилдээ амжилттай хэрэгжиж өнөөдөр БХИС-ийн сургалтын төвд Ховд, Говьсүмбэр, Дорнод аймагт хэрэгжүүлэх “Оюутан цэрэг” хөтөлбөрийг хээрийн бэлтгэлийн нээлт болно.

Сонгуулийн сурталчилгаа эхэлснээс хойш өнөөдрийг хүртэл цагдаагийн байгууллагад нийт 1051 гомдол мэдээлэл иржээ.

Төв аймгийн замд ноцтой осол гарчээ

Зөөврийн битүүмжилсэн саналын хайрцгаар санал авах ажиллагаа эхэллээ

Сонгуулийн сурталчилгааны хугацаа урд шөнө 00 цагт дуусч, өнөөдрөөс зөөврийн хайрцагаар санал авах ажиллагаа эхэлж байна. Тэгвэл маргааш өглөөнөөс эхлэн монголчууд эрх барих дээд байгууллагын төлөөллөө сонгох учиртай. Сонгууль маш хариуцлагатай, иргэн бүрийн оролцоо чухал гэдгийг албанхан цохон тэмдэглэж байгаа юм. Харин гадны улс оронд сонгууль хэрхэн болдог, сонгуулийн талаарх хамгийн сонирхолтой зүйлийг 24 баримтаар хүргэж байна.

Нийслэлийн иргэд Та бүхэн санал өгөх байраа http://cityelection.ulaanbaatar.mn/index.php/nith цахим хуудаснаас харах боломжтой. Мөн 1800-1617 утаснаас үнэгүй лавлана уу.

УИХ-ын болон нийслэлийн ИТХ-ын төлөөлөгчдийг сонгох сонгогчдын нэрсийн жагсаалтад бүртгэлтэй нийт 924629 сонгогч нийслэлийн 9 дүүргийн 397 санал авах байранд саналаа өгнө. Үүнд:

Баянзүрх дүүрэгт - 220,130 буюу 23.8 хувь
Сонгино хайрхан дүүрэг - 205,276 буюу 22.2 хувь
Баянгол дүүрэгт -140,846 буюу 15.2 хувь
Чингэлтэй дүүрэгт -111.022 буюу 12.0 хувь
Хан-Уул дүүрэгт -105.874 буюу 11.5 хувь
Сүхбаатар дүүрэгт -96.265 буюу 10.3 хувь
Налайх дүүрэгт -23,976 буюу 2.5 хувь
Багануур дүүрэгт -19,442 буюу нийт сонгогчдын 2.1 хувь
Бага хангай дүүрэгт -2,798 буюу 0.3 хувь сонгогч бүртгэлтэй байна.

Нийслэлийн Сонгуулийн хороо

Цагдаагийн Ерөнхий газрын даргын тушаалаар Улсын Их Хурлын болон аймаг, нийслэлийн ИТХ-ын сонгуулийн үед иргэдийн амгалан тайван байдлыг хангах, гэмт хэрэг, зөрчлөөс урьдчилан сэргийлэх зорилгоор цагдаагийн байгууллага, алба хаагчдыг 2016 оны 06 сарын 28-ны өдрийн 09 цагаас 06-р сарын 30-ны өдрийн 18 цаг хүртэлх хугацаанд өндөржүүлсэн байдлын нэгдүгээр зэрэглэлд шилжүүллээ.

Мөн Улаанбаатар хотын Замын цагдаагийн газрын дарга бие бүрэлдэхүүнийг өндөржүүлсэн бэлэн байдлын 1 дүгээр зэрэглэлд шилжүүлэн ажиллуулж, хариуцлагатай эргүүл жижүүрийг томилох тухай тушаал гаргаж, алба хаагчдад ажлын үүрэг чиглэл өглөө. Алба хаагчид сонгуулийн тойргуудыг хамгаалалтад авч, сонгуулийн үеэр нийтийн хэв журам зөрчигдөх, эмх замбараагүй байдал бий болохоос урьдчилан сэргийлэх чиглэлээр ажиллана гэж Улаанбаатар хотын Замын цагдаагийн газраас мэдээллээ.

2016 оны УИХ болон Нийслэлийн ИТХ-ын сонгуульд 924629 сонгогч 9 дүүргийн 397 санал авах байранд саналаа өгөх юм. Санал авах байр тус бүрт нэг ахлах зохион байгуулагч, зохион байгуулагчид, иргэний бүртгэлийн байгууллагын итгэмжлэгдсэн төлөөлөгч, мэдээллийн технологийн даамал, цагдаагийн албан хаагч ажиллах юм. Мөн санал авах байр бүрт ажиглагч байх бөгөөд санал авах 397 байрны дотор болон гадна хяналтын камер ажиллана.

Нийслэлийн иргэд Та бүхэн 06 сарын 29-ний өдөр буюу Лхагва гарагт 07:00-22:00 цагийн хооронд харьяа санал авах байрандаа очиж саналаа өгнө. Санал авах байрандаа очоод хурууны хээгээ дарж, өөрийн иргэний бүртгэлийн мэдээллийн улсын сан дахь сонгогчийн бүртгэл, сонгогчийн нэрийн жагсаалтын цахим хувилбартай таарч байгаа эсэхээ тулган шалгуулна. Хурууны хээг танихгүй байгаа тохиолдолд иргэний үнэмлэхээ үзүүлэн сонгогчийн бүртгэлд байгаагаа баталгаажуулах юм гэж Нийслэлийн Сонгуулийн хорооноос мэдээллээ.

2016 оны УИХ-ын болон нийслэлийн ИТХ-ын сонгуулийн санал авах өдөр буюу маргааш өндөржүүлсэн бэлэн байдалд ажиллахыг “Улаанбаатар цахилгаан түгээх сүлжээ” ТӨХК-д үүрэг болгосон. Үүргийн дагуу бүх санал авах байранд цахилгаан хариуцсан нэг хүн ажиллах юм. Хэрэглэгчтэй харилцах албаны дуудлагын төв 06 сарын 29-нд 06 цагаас 06 сарын 30-ний 08 цаг хүртэл тусгай батлагдсан графикийн дагуу ажиллана. Хэрэглэгчдэд үйлчлэх төвийн хариуцлагатай жижүүр болон сонгуулийн санал авах байруудыг хариуцан ажиллаж байгаа хүмүүс шаардлага гарвал төв штаб дээр байрлах компанийн хариуцлагатай жижүүрт 342695 дугаарын утсаар мэдээлэл өгөх юм.
Санал авах өдөр дараах бэлэн байдалд ажиллана. Үүнд:

Бүх түгээх төвүүд өөр өөрийн ажлын байран дээр хариуцлагатай жижүүрийг 06 сарын 29-ний 06 цагаас 06 сарын 30-ний 09 цаг хүртэл хугацаагаар томилон ажиллуулна. Хариуцлагатай жижүүр нь видео камертай өрөөндөө байрлана
Хариуцлагатай жижүүр сонгуулийн хэсгийн хороод, санал авах байруудын байршил, холбогдох хүмүүсийн утсыг бэлэн байлгаж шаардлагатай үед холбоо барьж ажиллана
Сонгуулийн ерөнхий хороонд хаалттай ТП-710-д 400 кВА чадалтай явуулын дизель станц байрлуулах бөгөөд ЗТТ болон реле хамгаалалтын хүмүүс жижүүрлэнэ
Аваар саатлын үед цаг алдахгүй байх үүднээс Түгээх төвүүд овор ихтэй сэлбэг материалыг урьдчилан Хэрэглэгчдэд үйлчлэх төвүүд дээр эсвэл хадгалж болох цэгүүдэд тараан байршуулах ажлыг зохион байгуулна
Сонгуулийн өдөр үүрэг гүйцэтгэх Түгээх төвийн ажилтнууд нь бүгд дүрэмт хувцсаа өмссөн байх ба ажлын газрын үнэмлэхийг үргэлж биедээ авч явна
Хариуцсан дэд станц, шугам сүлжээний хэвийн үйл ажиллагааг алдагдуулахгүй байх, найдвартай ажиллагааг хангах үүднээс аваарийн нөөц материалыг бэлтгэх, урьдчилан сэргийлэх болон трассын дагуух үзлэг шалгалт хийх ажлыг түгээх төвүүд хариуцан зохион байгуулна

Хэрэглэгчдэд үйлчлэх төвүүдийн ажлын зохион байгуулалт

Хэрэглэгчдэд үйлчлэх төвүүд сонгуулийн хэсгийн хороодын санал авах байруудыг хариуцаж ажиллах ажилтнуудыг томилсон байна
Болзошгүй үед хэрэглэх аваарийн нөөц материалыг бэлтгэсэн байна
Хэрэглэгчдэд үйлчлэх төвөөс сонгуулийн хэсгийн хороодын санал авах байрыг хариуцаж ажиллахаар томилогдсон ажилтнууд сонгуулийн санал авах байрны ойролцоо газарт байрлаж тодорхой цагуудаар ээлжилж ажиллахаар зохион байгуулна.Тэдгээр нь ажлын газрын үнэмлэхийг үргэлж биедээ авч явна
Хэрэглэгчдэд үйлчлэх төвөөс санал авах байруудад томилогдсон хүмүүс сонгуулийн өдрийн өглөө 7:00 цаг гэхэд өөр өөрийн хариуцсан байран дээр очсон байна
Санал авах байруудад жижүүрлэхээр Хэрэглэгчдэд үйлчлэх төвөөс томилогдсон ажилтнууд нь цахилгаан хангамж тасалдсан тохиолдолд өөрийн болон харьяа түгээх төвийн хариуцлагатай жижүүрт мэдээлэл өгнө. Тухайн байр ганцаараа тасарсан уу, зэргэлдээх объектууд хүчдэлтэй эсэхийг тодруулж мэдээлнэ
Тухайн сонгуулийн санал авах байрны дотоодод цахилгааны тасалдал гарвал сонгуулийн хэсгийн хорооны холбогдох ажилтантай уулзаж зөвөлгөө өгөх, цахилгаанчныг компанийн болон түгээх төвийн хариуцлагатай жижүүртэй холбож өгөх үүрэг гүйцэтгэнэ
Сонгуулийн санал авах байр хүчдэлгүй болсон үед цахилгаанчингүй газар бол байрны дотор шитэнд үзлэг хийх ажлыг диспетчерийн зөвшөөрлөөр гүйцэтгэж болно
Шуурхай ажиллагааны явуулын бригад хүрэлцэн ирэх хүртэлх хугацаанд хэрэв боломжтой байвал цахилгаанчингүй санал авах байранд мотор асаах, автомат сөхөх зэрэг ажлыг диспетчерийн зөвшөөрлөөр гүйцэтгэж болно.


“УЛААНБААТАР ЦАХИЛГААН ТҮГЭЭХ СҮЛЖЭЭ” ТӨХК

Ихэнх нутгаар бороо орох тул үер усны аюулаас болгоомжил

Захирамжид зааснаар, сонгуулийн санал авах өдөр буюу 2016 оны зургаадугаар сарын 29-ний өдөр олон нийтийг хамарсан ямар нэг арга хэмжээ зохион байгуулахыг хориглоно. Тиймээс энэ өдөр зохион байгуулах ямар ч арга хэмжээнд холбогдох байгууллагуудаас зөвшөөрөл олгохгүй. Мөн олныг хамарсан соёл урлаг, үзвэр үйлчилгээ, спортын арга хэмжээг зохион байгуулахгүй. Архи, согтууруулах ундаа худалдах, түүгээр үйлчлэхийг хориглолоо. Үүнд Улаанбаатар хотын цагдаагийн газар, Нийслэлийн Мэргэжлийн хяналтын газар хамтран хяналт тавьж ажиллана.

Үндэсний их баяр наадмыг угтаж өнгөрсөн ням гаригт нийслэлийн хэмжээнд бүх нийтийн их цэвэрлэгээ зохион байгууллаа. Цэвэрлэгээнд 4821 байгууллагын 17000 хүн оролцож, 9.9 м.кв талбайн 1671.1 тн хог хаягдал ачиж, тээвэрлэв. Цэвэрлэгээний үеэр зам дагуу үүссэн шороо, барилгын хог хаягдлыг ачуулан, гэрэлтүүлгийн шонд наасан зарыг хуулж, хогийн сав, хайс хашлагыг угаасан.

Цэвэрлэгээний ажилд Улаанбаатар хотын Захирагчийн ажлын албанаас хяналт тавьж ажилласан. Нийслэлийн хөрөнгө оруулалтаар хийгдэж байгаа шугам сүлжээ, барилга угсралтын ажлаас үүссэн хог хаягдлыг Нийслэлийн хөрөнгө оруулалтын газраас цэвэрлүүлж, талбайг нөхөн сэргээлгэсэн байна.

“Нийтийн үйлчилгээний Улаанбаатар нэгтгэл” –ийн зүүн, баруун салбар төлөвлөгөөнд заагдсан байршлуудын хог хаягдал, овоолсон шороо, хаягдал бетон зэргийг ачсан бол Ус сувгийн удирдах газар Их монгол улсын гудамж ундын усны хамгаалалтын бүс дагуу хог хаягдлын түүвэр цэвэрлэгээг хийж идэвхитэй сайн оролцлоо.

Мөн УБЦТС, УБДС-ууд өөрийн байр болон гадна орчны цэвэрлэгээнд ажилчдаа бүрэн оролцуулсан. АСЕМ-ийн ажлын хэсгүүд хариуцсан гудамж талбайд үүссэн хог хаягдлыг цэвэрлүүлэх, хийгдэж байгаа тохижилтын ажлыг эрчимжүүлэхэд анхаарч ажиллаж дүүргүүдэд тохижилт, цэвэрлэгээ үйлчилгээгээ сайжруулах үүрэг өглөө. Энэ үеэр Энхтайваны өргөн чөлөөнд байрлаж буй аж ахуйн нэгжүүд цэвэрлэгээнд идэвхитэй оролцсон байна гэж Улаанбаатар хотын Захирагчийн ажлын албанаас мэдээллээ.

УИХ-ын 2016 оны хаврын ээлжит чуулганыг Мягмар гарагт хаана

Улсын Их Хурлын даргын дэргэдэх Зөвлөлийн 2016.06.24-ний өдрийн хурлаар батлав.

2016 ОНЫ 06 ДУГААР САРЫН 28-НЫ ӨДӨР ЧУУЛГАНЫ НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.ЧУУЛГАНЫ НЭГДСЭН ХУРАЛДААН:

06 дугаар сарын 28-ны Мягмар гарагт 09.00 цагаас:

Хууль, тогтоолын эцсийн найруулгыг сонсох;

Улсын Их Хурлын 2016 оны хаврын ээлжит чуулганы хаалт.

Зургадугаар сарын 28-ны 00:00 цагаас эхлэн хуульд заасан ёсоор УИХ, НИТХ-ын сонгуулийн сурталчилгааг хааж байгаа. Гудамж талбайд байршуулсан сурталчилгааг буулгаж, хэвлэмэл бүтээгдэхүүн тараах, нэр дэьшигчийн тухай ямарваа нэгэн мэдээлэл түгээхийг бүрмөсөн хориглосон. Хэвлэл мэдээллийн хэрэгсэл ч ялгаагүй сонгуулийн сурталчилгааг ил далд ямар ч хэлбэрээр хийхийг хориглосон билээ.

Тэгвэл фэйсбүүк, твиттер зэрэг онлайн орчинд хувийн аккаунт, хаягаар сурталчилгаа хийж болох уу, хувь хүний пост, жиргээг сурталчилгаанд тооцох уу гэсэн асуулт гарч байгаа юм. Бид энэ талаар СЕХ-ноос тодрулахад:

-Бүх төрлийн сурталчилгааг хуулиар хориглосон болохоор хувь хүний хаягаар сурталчилгаа хийхийг зөвшөөрөхгүй гэсэн хариу өглөө.

Мөн сайтуудын мэдээллийн доор сэтгэгдэл үлдээх хэлбэрээр нэр, хаягаа нууцлан хар, цагаан Пи Ар хийх магадлалтай тул сэтгэгдлүүдийг хааж байгаа юм.

1625 онд Манж Чин улсын хааны угсаа залгамжлах хунтайж Тай Цун 15-хан настай нэгэн охинтой ураглан хуримлажээ. Тэр охин бол Монголын Хорчин аймгийн ноён, Чингис хааны отгон хүү Тулуйн угсааны Хиад Боржигин овогт бэйл Зайсангийн охин Амирлангуй байлаа. Түүнийг Монголын түүхэнд “Сэцэн Амирлангуй” хэмээн тэмдэглэсэн байдаг бол Хятадын түүхэнд Хуванхэу буюу Хаш хатан гэж тэмдэглэжээ. Амирлангуй гүнж Манж Чингийн анхны их хаан Нурхайч баатрын удам, хаан ширээг залгамжлах ханхүү Тай Цуны ес дэх татвар эм болж очиход хааны ордоны ихэс дээдсүүд ихэд дээрэнгүй хандахын зэрэгцээ хуучин хатад, татвар эмс үл тоон дорд үзэж байжээ. Хүүхэд зангаа огтхон ч гээгээгүй хөгжилтэй сэргэлэн Амирлангуй энэ бүхнийг огтхон ч тоодоггүй байсан агаад өөрийн шивэгчидтэй яг л найз нөхөд мэт дотно харьцан тэр даруй өөрийн гэсэн хүрээллийг бий болгосон байна. Эдгээр шивэгчингүүд түүний төлөө насан туршдаа үнэнч зүтгэсэн гэдэг. Энэхүү гүнжийн тухай манай түүхч нарын судлан гаргаж ирсэн материалууд өөр хоорондоо нэлээд зөрүүтэй байдаг.

Амирлангуй гүнжийг хааны ордонд ирсэний дараахан Ар халхын ноён Чибхэмэн угсаа залгамжлах ханхүү Тай Цунд нэгэн догшин морь бэлэглэжээ. Тэрхүү морийг хааны ямар ч мундаг адуучин номхруулж чадахгүй байсан юмсанж.

Гэтэл Амирлангуй гүнж тэр морийг хэдхэн хоногийн дотор хонины морь шиг л номхруулж чадсан төдийгүй морин дэл дээр өсч торнисон монгол хүн гэдгээ харуулах мэт хаа сайгүй давхиж явах болсон тул түүгээр бахархсан ханхүү Тай Цун өнөөх морийг гүнжид бэлэглэхийн зэрэгцээ их хэмжээний торго дурдан, үнэт эдлэлээр шагнасан байна. Гэтэл Амирлангуй гүнж энэ бэлгийг бусад хатад, татвар эмсийн адил зөвхөн өөртөө авсангүй. Тэрбээр хааны ордны ихэс дээдэст мөн тайгануудад бүр зарц шивэгчингүүдэд хүртэл энэ бэлгийг хишиг болгон хувааж өгчээ. Энэ нь түүний нэр хүндийг улам өргөж тойрон хүрээлэх хүмүүсийнх нь тоог улам олон болгожээ. Маргааш зуун уут дүүрэнг эзэмшихийн тулд өнөөдөр арван уут дүүрэнг ашигтайгаар зарлагадаж бай гэсэн үзэл баримтлалыг хатуу дагадаг байсан “Дээд эрдэмт” хэмээх ханхүү Тай Цунд Амирлангуй гүнжийн энэ мэт байдал ихэд таалагддаг байсан болохоор тэр 1626 онд хаан сууринд суумагцаа “Баруун ордны их хатан” гэсэн өндөр хэргэмийг албан ёсоор хүртээсэн байна. Тал нутгийн охин Амирлангуй хааны ордонд ирсэнээсээ хойш ердөө ганцхан жилийн дотор ордны их хатнаар өргөмжлөгдсөн нь энэ. Тэрбээр хорин нас хүрэхээсээ өмнө гурван удаа төрсөн бөгөөд энэ гурван хүүхэд нь гурвуулаа охин байв. Гэтэл бусад хатад, татваруудаас хүү төрсөөр, хааны нуган үрийн тоо өссөөр найм хүрсэн байжээ. Тиймээс Амирлангуй гүнж ганц л зүйлийг хүсэх болсон гэдэг. Тэрбээр хүү төрүүлэх юмсан гэж өдөр шөнөгүй мөрөөддөг байсан бөгөөд нэгэн өдөр бие давхар болсоноо мэдэж “Хүү байгаасай” хэмээн залбирч эхэлсэн байна.

Гэхдээ тэр зүгээр ч нэг залбираад суусангүй. Хүү төрдөг л юм бол хүүгээ хаан ширээ залгамжлагч болгоно гэж бодож, үүнийгээ хэрхэн хэрэгжүүлэх вэ хэмээн арга ухаан сийлж эхэлсэн гэдэг. Учир нь тэрбээр хүү төрүүллээ ч өмнө төрсөн наймын найман ханхүүг хааш нь хийх билээ. Хаан суудал алсын од мэт холын холд байх шиг санагдаж байсан боловч тэр “Чингисийн удмын хүү Манж Чингийн хаан болох ёстой” хэмээн бодож дэндүү эрсдэлтэй алхам хийхээр зориг шулуудсан байна. Тэрбээр юун түрүүнд есөн эрдэнэ дүүрэн шигтгэсэн өөр ямар ч хатанд байхгүй гоёмсог даашинз хийлгэж эхэлжээ. Энэ даашинзыг түүнд үнэнчээр зүтгэхээр эргэлт буцалтгүй шийдсэн ордны уран дархчууд маш нууц байдалд хамаг л ур чадвараа шавхан бүтээсэн бөгөөд үгээр дүрслэн хэлэхийн аргагүй тэр гоёмсог даашинзыг өмсөхөд Амирлангуй гүнжийн биеэс мянга мянган гэрэл цацарч байх шиг л сүр жавхлантай ганган тансаг харагдаж байсан гэдэг. Есөн эрдэнийн өнгөөр туяаран солонгорох болсон Амирлангуй хэд хоногийн дараа үнэнч шивэгчингүүдээ ашиглан “Амирлангуй хатан есөн эрдэнийн өнгөөр туяарч эхэлсэн нь түүнээс алтан Луу Жинлэн төрөхийн тэмдэг” гэсэн цуу яриаг тараажээ. Энэхүү гайхалтай цуу ярианд хаан эзэн Тай Цун хүртэл итгэж ихэд баяртай байх болжээ. Харин хааны бусад хатад, татвар эмс энэ цуу ярианд эгдүүцэн Амирлангуйг урьд урьдынхаас илүү үзэн ядаж, дайсагнаж эхэлсэн ч хааны зүгээс бас ард олны зүгээс хайр хүндэтгэл, итгэл найдвар хүлээн авсан Амирлангуй гүнж үүнийг огтхон ч тоосонгүй.

Тэрбээр тун удалгүй ахин нэг эрсдэлтэй зүйл хийсэн нь “Одоо төрөх ханхүү бол ирээдүйд дэлхийг захирах ёстой Богд хөвгүүн юм шүү гэж тэнгэрийн хүн зүүдэнд ирж хэлэв” гэсэн цуу үгийг тараасан явдал байлаа. Хаан зүүдний тухай яриа тараасан эзнийг олохоор хөвөрдөн хөөсөөр Амирлангуй гүнжийн шадар шивэгчингүүд дээр тулж нэг бүрчлэн байцаасан агаад тэд энэ үед гүнжийн заасан ёсоор нэг зүйлийг тоть мэт давтан хэлсэн нь “Би тийм зүүд үзсэн” гэх үг байсан гэдэг. Нэг ёсондоо хатны бүх шивэгчин хатантайгаа ижилхэн Богд хөвгүүн төрөх тухай зүүдэлсэн болж таарсан байна. Энэхүү явдлын дараа Амирлангуй хатнаас төрөх хөвгүүн тэнгэрийн хүү гэсэн яриа маш хүчтэй тархаж хаан эзэн ч хүү төрөх өдрийг тэсэн ядан хүлээж эхэлжээ. Төрөх өдөр ойртох тусам Амирлангуй гүнжийн дотор “Хүү төрөхгүй бол яана. Охин төрвөл яах билээ” гэсэн айдас хуралдаж байсан ч тэр огтхон ч барьц алдахгүй байсаар хоног хугацаагаа гүйцээж нэгэн шөнө дуншиж эхэлжээ. Тэнгэрийн хүүг тосч авах гэсэн хаан эзэн ч хатнаа төрөхийг хүлээн холхиж байсан бөгөөд үүр цайх үед Амирлангуй гүнж амаржиж хүсэн хүлээсэн хүүгээ тэврэн авсан гэдэг. Хаан эзэн Тай Цун ч учиргүй баярлан “Хааны ес дэх хүү. Энэ бол гайхалтай сайхан баяр” гэсээр Фу Лин буюу Буян ирэгч хэмээх билэгтэй сайхан нэрийг өгсөн гэдэг. Дуулиантай төрсөн энэ ханхүүгээ хаан тэр дор нь хаан ширээг залгамжлагчаар өргөмжилжээ. Тай Цун хаан 1643 онд тэнгэрт хальсан бөгөөд хаан нас барсан өдрөөс эхлэн Амирлангуй хатны зургаахан настай хүү Фу Лин Манж Чин улсын хаан ширээнд сууж “Эеэр засагч” хааны эрин эхэлсэн билээ. Зургаахан настай Фу Линийг хаан ширээнд суулгахгүйн төлөө ил далд өрсөлдөөн өрнөж, аль хэдийнэ нас биед хүрсэн хан хөвгүүд тэдний эхчүүд янз бүрийн хорт явуулга хийж байсан ч энэ болгоны эсрэг арга ухаан төгс Амирлангуй хатан хориг хаалт тавьж, өөрт үнэнч хүмүүсийн хүчээр хүүгийнхээ эсрэг чиглэсэн бүхий л муу муухайг сарниулан бут цохиж байсан гэдэг. Амирлангуй хатанд ордоны ихэс дээдэс байтугай ард олон хүртэл хүндэтгэлтэй ханддаг байсан болохоор ханхүүг эсэргүүцсэн элдэв хорт явуулга ч аяндаа сарнин алга болж монгол хатан зургаан настай хүүгээрээ дамжуулан Манж Чин улсын төрийн алтан жолоог барьж эхэлсэн яруу сайхан түүх бий билээ.