Шүүхийн шийдвэрийг үндэслэн “Саусгоби сэндс” ХХК-ийн өр төлбөрийг барагдуулах Сангийн яамны саналыг Засгийн газрын хуралдаанаар хэлэлцэн шийдвэрлэлээ.

УИХ-ын чуулганы хуралдааныг 09.00 цагт эхлэхээр товлосон ч гишүүдийн ирц бүрдэхгүйгээс одоог хүртэл хуралдаж эхлээгүй байна. Одоогийн байдлаар УИХ-ын чуулганы танхимд 28 гишүүн орж ирж картаа уншуулжээ. Хуралдаан даргалагч УИХ-ын дэд дарга Р.Гончигдорж гишүүдийг хуралдаа ирж суухыг шаардсаар байна.

Хуралдаан эхэлбэл, прокурорын байгууллагын тухай /шинэчилсэн найруулга/ болон холбогдох бусад хуулийн төсөл, Шүүхийн шийдвэр гүйцэтгэх тухай /шинэчилсэн найруулга/ болон холбогдох бусад хуулийн төслүүдийн анхны хэлэлцүүлэг, Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төслийг хэлэлцэх юм.

Чингэлтэйн гудамжны авто замын өргөтгөл шинэчлэлтийн ажлын хүрээнд Камел дэлгүүрээс Хайлааст руу салах уулзвар хүртэлх 0,7 км авто замын хөдөлгөөнийг 2016 оны 05 дугаар сарын 18-ны 06:00 цагаас 2016 оны 05 дугаар сарын 22-ны 06:00 цаг хүртэл хөдөлгөөнийг хааж хязгаарлахтай холбогдуулан нийтийн тээврийн үйлчилгээний Ч:23 “Чингэлтэй-Зүрх уул-МУБИС-Цэцэг төв” чиглэлийн замналыг дараах байдлаар өөрчилнө.

Д.Цэрэндулам:Ц.Шаравдорж дарга Сэлэнгэ аймгийн Мэргэжлийн хяналтад дэндүү их дарамт учруулж байна

Засгийн газрын гишүүнийг томилуулах тухай УИХ-ын тогтоолын төслийг өргөн мэдүүлэв

“Таван толгойн нүүрсний ордыг ашиглах тухай” УИХ-ын тогтоолын төслийг өргөн мэдүүлэв

Афганистан улсын үндэстний цөөнх болох хазарчууд өнөөдөр нийслэл Кабул хотод эсэргүүцлийн жагсаал зохион байгууллаа. Хазарчууд голлон амьдардаг Афганистаны төв хэсгийн уулархаг Бамиян мужийн дагуу олон сая ам.долларын өртөг бүхий цахилгааны шугам татах ТУТАП төслийг 2013 онд өөрчилж, тус мужийн зүүн хэсэгт орших Парван мужийн газар нутгаар дайруулан барихаар болсон явдлыг эсэргүүцэн, цахилгааны шугам татах төслийг анхны төлөвлөгөөний дагуу явуулахыг шаардан уг жагсаалыг зохион байгуулсан байна. Даваа гаригийн үүрээр эхэлсэн хазарчуудын жагсаал Кабул хотын баруун хэсгээс эхэлсэн бөгөөд жагсагчид Ерөнхийлөгчийн ордныг чиглэн жагсаалаа үргэлжлүүлсэн тул хотын төв хэсэг рүү нэвтрэх гол замын уулзвар, гарцуудыг цагдаагийн албаныхан контейнер болон бетонон хавтангууд ашиглан хаасан байна. Бүрэн зэвсэглэсэн цагдаа нар болон тусгай тасгийн албан хаагчид нийслэл хотын өнцөг булан бүрийг хамгаалалтанд авч эхэлсэн байна. Учир нь өнгөрсөн жилийн 11 дүгээр сард мөн л хазарчуудын эхлүүлсэн жагсаал, цуглааны үеэр мөргөлдөөн гарч, хүчирхийлэл үйлдэгдсэн бөгөөд энэхүү байдлыг давтахгүйн тулд ийнхүү хамгаалалтыг чангатгаж байгаа талаар эрх баригчдын зүгээс мэдэгдсэн байна. Эрх баригчид жагсагчдыг Ерөнхийлөгчийн ордонд ойртохгүйгээр жагсаалаа үргэлжлүүлэхийг зөвлөсөн байна.

Чуулган: Ирц бүрдэхгүй байна

Тулгар төрийн 2225, Их Монгол Улсын 810 жил, Ардын хувьсгалын 95 жилийн ойн баярыг зохион байгуулах Үндэсний хорооны энэ жилийн эхний хурал өнгөрсөн дөрөвдүгээр сард болж, салбар хороодын бүрэлдэхүүнийг баталсан байгаа билээ.

Авто тээврийн болон өөрөө явагч хэрэгслийн албан татвар, агаарын бохирдол, авто зам ашигласны төлбөр авах хуулийн хугацаа энэ сарын 31 -нд дуусна.

...“Саус гоби сэндс” бол анхнаасаа их “но”-той компани. Яг үнэндээ бид нэрээр нь нэрлээд байгаагаас Р.Фрийдландын компани юм. Энэ компани өмнийн говийн элсэн дорх нүүрсний хамгийн баян ордод эзэн суугаад дураараа дургиж байв. Дээр нь хувьцаагаа дур мэдэн Хятадуудад зарах гэж байгаад баригдаж, тэр үйлдэл нь зогссон...

Төрийн нэрийн өмнөөс яллах дүгнэлт үйлдэж шүүх хуралдаанд оролцдог прокурорууд өнгөрсөн оны долоодугаар сард хар тамхины хэрэгт холбогдож саатуулагдсан боловч өнгөрсөн 11 дүгээр сард батлан даалтад гарсан юм.

Харин өнгөрсөн нэгдүгээр сарын 6-нд тэднийг дахин хорьж, Цагдан хорих таслан сэргийлэх арга хэмжээг авч, тэдэнд холбогдох хэргийг Баянгол, Хан-Уул, Сонгинохайрхан дүүргийн анхан шатны шүүхэд шилжүүлсэн. Гэвч уг шүүхээс хэргийг нэмэлт мөрдөн байцаалтад буцаасан юм. Учир нь хэргийн бүрдэл дутуу хийгдсэн гэж үзсэн байдаг. Тэгвэл эл хэргийн шүүх хурал өнөөдөр дээрх шүүхэд болж байна. Шүүх хурал одоогоор түр завсарлага аваад байгаа юм.

Тус хэрэгт холбогдсон Х.Тамир нь Тээврийн прокурорын газрын хяналтын прокурор хийдэг байсан бөгөөд УИХ-ын гишүүн асан Д.Хувьтөгөлдөрийн хүү, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн шүүгч Х.Идэрийн төрсөн ах юм.

Түүний хувьд прокурор байхдаа хэд, хэдэн хавтаст хэргийг үгүй хийж бусдаас хээль хахуул авсан хийгээд давтан гэмт хэрэг үйлдсэн гэдгийг эх сурвалжууд хэлж байна.

Авлигын эсрэг зохицуулалтын олон улсын төв байгуулахыг дэмжихээ Интерпол мэдэгдэв

Зохиолч, сэтгүүлч, нийтлэлч Б.Наминчимэдтэй ярилцлаа.

ХӨСҮТ-өөс гаргасан мэдээлэлд 2015 оны байдлаар Монгол Улсад 5,777 хүн хорт хавдраар өвчилж, түүнээс 3,999 нь хорвоогийн мөнх бусыг үзсэн байна.

Авлигатай тэмцэх газраас 2015 онд хөдөө орон нутагт ажиллах явцад зарим аймгийн Засаг даргын шийдвэрээр цэргийн дүйцүүлэх албаны мөнгөн төлбөрийн орлогын 50 хувийн хөрөнгөнөөс цэргийн штабын ажилтнуудын томилолт, авто машины сэлбэг хэрэгсэл, компьютер, тоног төхөөрөмж худалдан авах, цэргийн алба хаагчдыг эргэх, генерал цолтонд хүндэтгэл үзүүлэх зэрэгт зарцуулж байсныг тогтоосон юм.

Үүний зэрэгцээ хууль тогтоомжоор эрх олгоогүй байхад цэргийн дүйцүүлэх албаны мөнгөн төлбөрийн орлогыг захиран зарцуулахтай холбоотой журмыг батлан мөрдүүлсэн тохиолдол гарч байгаа тул Авлигын эсрэг хуулийн 18 дугаар зүйлийн 18.4.2-т заасан бүрэн эрхийн хүрээнд Батлан хамгаалахын сайдын 2014 оны 12 дугаар сарын 4-ний өдрийн а/260 дугаар тушаалаар баталсан ”Цэргийн дүйцүүлэх албыг мөнгөн төлбөрийн хэлбэрээр орлуулан хаах иргэний тоо бүртгэл хөтлөх, мөнгөн төлбөрийг төлөх, хураан авах, төлбөрийн орлогыг зарцуулах журам”-ыг Авлигатай тэмцэх газар хянан үзлээ.

Батлан хамгаалахын сайд нь Монгол Улсын Засгийн газрын тухай хууль, Улсын Их Хурлын 33 дугаар тогтоолын холбогдох заалтуудыг тус тус зөрчин дээрх журмыг баталсан байна. Иймд Авлигатай тэмцэх газраас 2015 оны 10 дугаар сарын 22-ны өдөр уг журмыг хүчингүй болгох, Улсын Их Хурлын тогтоолд нийцүүлэх, энэ төрлийн журмыг аймаг, нийслэлийн Засаг даргаас давхардуулан журамлахгүй байх талаар зохион байгуулалтын арга хэмжээ авахыг мэдэгджээ.

Улмаар Батлан хамгаалахын сайдаас дээрх журмыг хүчингүй болгож, 2016 оны 4 дүгээр сарын 18-ны өдөр Засгийн газрын 215 дугаартай тогтоолоор ”Цэргийн дүйцүүлэх албыг мөнгөн төлбөрийн хэлбэрээр орлуулан хаах иргэний тоо бүртгэл хөтлөх, мөнгөн төлбөрийг төлөх, хураан авах, төлбөрийн орлогыг ашиглах журам”-ыг батлуулсан талаар хариуг ирүүлсэн байна.

СХД-ийн 30-р хороо ”Чулуутын ... тоотоос түлэгдсэн хүүхэд ГССҮТ-д ирж хэвтлээ” гэсэн мэдээлэл өчигдөр цагдаагийн байгууллагад иржээ. Мэдээллийн дагуу цагдаагийн алба хаагчид очиж шалгахад тус тоотод суух Б /эр.1,7н/ нь халуун тогоотой буцалсан усанд унаж түлэгдэн тус төвийн эрчимт эмчилгээний тасагт хүргэгдэн эмчлүүлж байгааг СХДЦХ-3 шалгаж байна.

Мөн Архангай аймгийн ”Их тамир сумын нутаг Хөх нуур баг Цохио толгой гэх газар 2 настай эрэгтэй Э нь усанд живж нас барсан байна” гэх мэдээллийг 05-р сарын 16-нд авч шалгаж байна.

Эцэг, эх асран хамгаалаагчдын хайхрамжгүй байдлаас болж хүүхэд амь нас, эрүүл мэндээрээ хохирсоор байна. Ийм төрлийн дуудлага эрс нэмэгдсэн талаар цагдаагийн байгууллагаас мэдээллээ.

“Монгол цэргийн жавхаа-2016” уралдааны хоёрдугаар шатны шалгаруулалт Баасан гарагт болно

Нийслэлд ногоон төсөл хэрэгжүүлэгч аж ахуйн нэгжийг шалгаруулж, урамшуулдаг болно

“Ухаалаг Улаанбаатар” хөтөлбөрийн хүрээнд газрын харилцааны бүх төрлийн үйлчилгээг нэгтгэн, цахимжуулах зорилгоор ULAS системийг боловсруулан, нэвтрүүлж эхэллээ. Нийслэлийн Мэдээллийн технологийн газар, Өмчийн харилцааны газартай хамтран “Монгол Улсын иргэнд газар өмчлүүлэх тухай хууль”-ийг хэрэгжүүлж, нийслэлд бүртгэлтэй нийт иргэдэд газар өмчлүүлэх үндсэн зорилгын хүрээнд Нийслэлийн ИТХ-аас баталсан 52 байршилд газар өмчлүүлэх ажлыг цахим хэлбэрээр 2014 оноос хойш 5 удаа зохион байгуулаад байна. Энэхүү хугацаанд нийслэлд оршин суух бүртгэлтэй 650 мянган иргэн цахим бүртгэлд хандан нийт 923 168 хүсэлт ирүүлснээс 71 165 иргэн газар өмчилж авсан байна.

2003-2012 оныг хүртэлх 10 жилийн хугацаанд нийслэлийн хэмжээнд 91025 иргэнд газар өмчлүүлсэн бол 2013-2016 оныг хүртэлх хугацаанд 94385 иргэнд газар өмчлүүлсэн байна. Цахим системээр газар өмчлүүлэх ажил газрын харилцааны салбарт гарсан томоохон дэвшил болох нь эндээс харагдаж байна. Уг ажлын үргэлжлэл болгож нийслэлийн Мэдээллийн технологийн газраас Нийслэлийн ИТХ-аас 2015 онд баталсан 68 байршилд цахим газар өмчлөлийн ажлыг зохион байгуулахаар бэлтгэл ханган ажиллаж байна.

Нийслэлийн иргэн, хуулийн этгээдэд Хотын ногоон бүс дэх зуслангийн газруудыг өмчлүүлэх ажлыг олон жил хүлээсэн. Энэхүү ажлыг өнгөрсөн 4 дүгээр сард эхлүүлж, 26 байршилд 2000 гаруй иргэдийн зуслангийн газраа өмчлөх хүсэлтийг газрын харилцааны ULAS системээр дамжуулан хүлээн авч шийдвэрлэж байгаа юм.

ULAS системийн дараагийн шатны ажил болгож 10 байршилд газрын дуудлага худалдааг цахим хэлбэрээр зохион байгуулах газрын цахим биржийг бэлэн болголоо.

Цахим биржид бүртгүүлэхийн тулд иргэн хуулийн этгээд Газрын харилцааны www.land.ulaanbaatar.mn системд бүртгүүлэн орж цахим бирж хэсгээс оролцох газраа сонгож хүсэлтээ илгээнэ. Газар өмчлөлийн цахим системд бүртгэлтэй иргэд уг эрхээрээ www.land.ulaanbaatar.mn рүү орно.

Хүсэлтээ илгээсний дараа дэнчин төлсөн баримт болон бусад холбогдох баримтуудыг бүрдүүлэн Нийслэлийн үйлчилгээний нэгдсэн төвүүд дэх НӨХГ-ын мэргэжилтэнд хандаж дуудлага худалдаанд оролцох эрхээ авна.

Бүрдүүлэх материал

Дуудлага худалдаанд оролцохыг хүссэн этгээд дараах материалуудыг бүрдүүлэн Нийслэлийн үйлчилгээний төвүүдэд байрлах Нийслэлийн өмчийн харилцааны газрын мэргэжилтэнд хандана уу.
Үүнд:

Иргэний үнэмлэх, эсхүл түүнтэй адилтгах бичиг баримт, улсын бүртгэлийн гэрчилгээний хуулбар
Дэнчин төлсөн баримт
Дуудлага худалдаанд иргэнийг төлөөлж оролцох тохиолдолд тухайн иргэний олгосон нотариатаар гэрчлүүлсэн итгэмжлэл
Дуудлага худалдаанд аж ахуйн нэгж, байгууллагыг төлөөлж оролцох тохиолдолд тухайн аж ахуйн нэгж, байгууллагын олгосон итгэмжлэл байна гэж Нийслэлийн Мэдээллийн технологийн газраас мэдээллээ.