АН-ын бүлэг хаалттай хуралдаж, төгсгөлд нь сэтгүүлчдийг байлцуулан сошуулийн санал тооллогын машин хэрхэн ажиллаж буйтай таншщав. Сонгуулийн ерөнхий хорооноос уг машины ажиллах горимыг танилцуулсны дараа, саналыг үнэн, зөв тоолдог, эсэхийг магаддахын тулд бяпхан санал хураалт явуулж, дүнг нь сэтгүүлчдийн хамт хар машинаар тоолж, түүнийгээ гараар давхар тоолж шалгахад ямар нэг “но” илэрсэнгүй. Энэ үеэр АН-ын дарга З.Энхболд ‘Уг машинд эргэлзээд буй хүмүүст би ганцхан зүйл хэлж байгаа. 2012 оны УИХ болон нийслэл, орон нутгийн, 2013 оны Ерөнхийлөгчийн сонгууль зэргээр бид энэ машиныг гурван удаа шалгасан. Ийм байхад итгэхгүй байгаа Ш) цэвзр улс торийн шалтгаантай. Эдгззр соигуульд саналын ямар ч зөрүү гараагүй. Зөрүү гарах үндэслэл байхгүй. Нэг сонгуульд дунджаар 1.2- 1.3 сая орчим хүн санал өгч байгаа. Нийт саналын хуудасны зургийг бүх нам, нэр дэвшигч, ажиглагчид тараасан. Өөрөөр хэлбэл, тэдэнд 3.6-3.8 сая орчим зураг бий гэсэн үг. Нөгөө талаас санал тоолсон 2500 орчим машины дүнг хэвлэсэн цаас нь бий. Энэхүү тараасан файл болон тооллогын дүн хоёрын дундаас зөрүү гарах юм бол Сонгуулийн ерөнхий хороо авч үзнэ. Энэ нь санал тоолох машинаар луйвар хийж болохгүйн хамгийн том баталгаа. Монголчууд их хардамтгай учраас бүх зуйлийг ил болгосон. Ирэх оны сонгуулийг энэ машинаар явуулна. Гараар тоолох нь ч нээлттэй. Сонгуулийн ерөнхий хороо энэ машиндаа итгэлтэй байгаа нь зөв. Үүнээс сайн аргыг дэлхийн улс орнууд одоогоор бодож олоогуй байна. Цаас үлддэггүй байсан бол би ч бас эргэлзэх байлаа. Тэгтэл энэ машинаас цаас, зураг үлддэг” гэсэн юм.
Мөн тус бүлгийн дэд дарга Ш.Түвдэндорж “МАН-ынхан автомат машины дүнг дахин гараар тоолж, сонгуулийн хэсгийн хороонд нам, эвслийн төлөөллийг оруулах саналтай байгаа нь өмнөх сонгуулийн будлиантуулдаг аргыг эргэн сэргээх гэсэн санаархал га ү ож баиии. 200Ь оны долдуганр снрын 1-ид н>у болсныг ард түмэн мартаагүй. Тийм учраас Сонгуулийн хуулийг хэлэлцэх боломжгүй. Харин Улс төрийн намуудын тухай хууль маш чухал” гэж байлаа. Түүнчлэн Ц.Оюунгэрэл гишүүн 2008 оны сонгуульд түүнийг нэр дэвшин өрсөлдөж байхад 2000 сонгогчийн саналыг 20 сая төгрөгөөр худалдах гэсэн этгээд түүн рүү утсаар ярьж байсныг дурдаад, санал тоолох автомат төхөөрөмж нэвтрүүлэхээс өмнө сонгуулийн булхай, луйвар газар авч байсныг тэмдэглэсэн юм.

гггг

Гал түймрийн улмаас 2-16 насны гурван хүүхэд нас барсан харамсалтай хэрэг гарчээ. Сонгинохайрхан дүүргийн долоодугаар хорооны Ногоочдын хоёрдугаар гудамжийн ... тоотод иргэн Х-ийн таван ханатай гэр шатаж байна гэсэн дуудлагаНийслэлийн онцгой байдпын газарт өнгөрсөн амралтын өдөр буюу ням гарагийн өглөөний 07:29 . цагт иржээ. Дуудлагын дагуу гал унтраах, аврах 29 дүгээр ангийн найман албан хаагч, хоёр техник хэрэгсэлтэйгээр тус тус ажиллаж галыг унтраасанбайна. Харамсалтай нь уг галд 16 настай, эмэгтэй Б, дөрвөн настай, эмэгтэй Э, хоёр настай, эрэгтэй Э нар галд өртөж нас барсан аж. Тэдний цогцсыг гаргаж, тус дүүргийн Цагдаагийн газрын жижүүрийн бүрэлдэхүүнд шилжүүлэн өгчээ.

Хордлого авсан хүүхдүүдийн шинжилгээний хариу гараагүй байна
Увс аймгийн Тэс сумын сургуулийн дотуур байранд хоолны хордлогот халдвар гарч, 14 хүүхдэд эмнэлзүйн шинж тэмдэг илэрсэн тухай бид өмнө нь мэдээлж байсан. Одоо 10 хүүхэд гадуур хяналтад байгаа бол дөрөв нь эмнэлэгт хэвтэн эмчлүүлж байна.Аймгийн мэргэжлийн байгууллагуудаас хамтарсан баг ажиллаж, дэгдэлтийнсудалгаа хийн, лабораторийн шинжилгээнд сорьц цуглуулан шинжилж байгаа бөгөөд одоогоор шинжилгээний хариу гараагүй байна.

Дархан-Уул аймгийн төмөрлөгийн үйлдвэрт хүн амины хэрэг гарчээ. Тодруулбал, тус үйлдвэрийн албан тушаалтнууд өнгөрсөн долоо хоногийн лхагва гарагийн орой хамт архи ууж байгаад нэгнийхээ аминд хүрсэн гэх мэдээлэл байна.



Энэ талаар албаны эх сурвалжаас тодруулахад “Энэ хэргийг шалгаж байгаа. Мөрдөн байцаалтын ажил явагдаж байна. Санамсар, болгоомжгүйгээс хүний аминд хүрсэн. Өөр дэлгэрэнгүй мэдээлэл өгөх боломжгүй” гэлээ.



Харин эл хэргийн талаар Дарханы төмөрлөгийн үйлдвэрийн Хуулийн хэлтсийн дарга н.Цогтбаатар “Хоорондоо нөхөрлөдөг найзууд ажил тараад нэг газар сууцгаасан юм билээ. Энэ үеэр маргалдаж байгаад нэгнийхээ аминд санамсаргүй байдлаар хүрсэн золгүй явдал гарсан. Хуулийнхан энэ хэргийг шалгаж байгаа. Энэ хэрэгтэй холбогдуулан манай ажилтныг цагдан хорьсон. Тэд юунаас болж, маргалдсан гэдгийг хуулийнхан тогтоох байх” хэмээсэн байна.



Талийгаач залуу Б нь 33 настай бөгөөд тус үйлдвэрт Үйлдвэрийн шугам, сүлжээний хэлтсийн даргын албыг хашдаг байжээ. Зарим эх сурвалжийн мэдээлж байгаагаар хамт архи ууж байсан ажилчид хоорондоо маргалдан, улмаар талийгаачийг цохих үед хурц ирмэгтэй зүйл мөргөн улмаар алма алдсан гэх мэдээлэл байна.



Одоогоор уг хэрэгт холбогдуулан хамт байсан ажилчдыг нь шалгаж эхэлжээ.

Аль нам байх нь хамаагүй нэгдэнэ

Хүй нь цөглөж амжаагүй нярайг хүйтэн орцонд орхисон хэрэг Эрдэнэт хотод гарчээ. Тодруулбал, өчигдөр тус хотод дөнгөж төрсөн нялх хүүхдийн хүйг нь ч тасдалгүй хүйтэн орцонд ганц нимгэн өлгийтэй орхисон байсныг нэгэн охин олсноор нярай амь аврагджээ. Хүүхдийн биеийн байдал сайн байгаа бөгөөд яаралтай эмнэлгийн тусламж үзүүлж Хүүхдийн асрах газарт хүлээлгэн өгчээ. Харин тус аймгийн цагдаагийн байгууллагаас хүүхдээ орхисон эцэн эхийг эрэн сурвалжилж эхэлжээ.

Манай улсын эдийн засагт чухал нөлөө үзүүлэх Оюутолгой компанийн далд уурхайн бүтээн байгуулалтад шаардагдах санхүүжилт 16 тэрбум ам.доллар.Харинүүний 4.2 тэрбум ам.долларыг олон улсын арилжааны 15 банкнаас бүрдүүлэхээр болсон. Энэ гэрээнд талууд маргааш гарын үсэг зурна. Үүнд манай талаас Уул уурхайн сайд Р.Жигжид, “Эрдэнэс Оюу Толгой” компанийн ТУЗ-ийн дарга Да.Ганболд, хөрөнгө оруулагч талаас банк, санхүүгийн 15 байгууллагын төлөөллүүд оролцохоор болжээ. Гэрээнд гарын үсэг зурж санхүүжилт орж ирснээр төлөвлөгөөний дагуу хамгийн түрүүнд 200 гаруй км урттай газар доорх хонгилыг дуусгах юм. Энэ бүтээн байгуулалт хэзээ эхлэх нь гэрээнд гарын үсэг зурсны дараа тодорхой болох юм байна. Зарим эх сурвалж “Ирэх сонгуулиар аль нам Засагт гарснаас шалтгаалж уг ажил эхлэх байх” хэмээж буй.
Өөрөөр хэлбэл, 2016 оны УИХ- ын сонгуулийн дүн гартал Оюутолгойн бүтээн байгуулалт удааширч болзошгүй гэсэн хардлага байгаа. Далд уурхайн бүтээн байгуулалт эхэлснээр гүйцэтгэгч компаниудын үйл ажиллагаа идэвхжихээс гадна 2000 хүн ажлын байртай болох боломжтойг Оюутолгой компанийнхан онцолж байна.

2016 оны нэгдүгээр сарын 1-ний өдрөөс Нэмэгдсэн өртгийн албан татварын урамшууллын систем хэрэгжиж эхэлнэ. Ингэснээр иргэд худалдан авсан бараа үйлчилгээ бүрийнхээ хоёр хувийг буцаан авах боломжтой болох юм. Мөн худалдан авсан барааныхаа баримтаар өндөр хонжвор бүхий сугалаанд оролцоно. Харин аж, ахуй нэгжүүд цаг тухай бүрт нь хялбар, шуурхай аргаар татварын тайлангаа бүрэн тайлагнах эрх зүйн орчин бүрдэж байгаа юм. Тэгвэл энэхүү урамшууллын системийг нэвтрүүлэхтэй холбоотой технологийн бэлтгэл байдлыг хэрхэн хангаж байгаа талаар НӨАТУС-ийн төслийн нэгжийн стратеги, төлөвлөлтийн албаны захирал Н.Энхбаттай ярилцлаа.

Ерөнхий сайд Ч.Сайханбилэгийн урилгаар БНСУ-ын Ерөнхий сайд Хван Гё Ан энэ сарын 15-17-нд манай улсад албан ёсны айлчлал хийнэ. Айлчлалын үеэр БНСУ-ын Ерөнхий сайд Хван Гё Ан Ерөнхийлөгч Ц.Элбэгдорж, УИХ-ын дарга З.Энхболд нарт Бараалхаж, Ерөнхий сайд Ч.Сайханбилэгтэй албан ёсны хэлэлцээ хийх юм байна.



Энэ удаагийн айлчлал нь БНСУ-ын Ерөнхий сайд Ли Хан Дон 2001 онд манай улсад айлчилснаас хойш 14 жилийн дараа хийгдэж буй хоёр дахь удаагийн айлчлал болж буй бөгөөд Монгол, БНСУ-ын хооронд дипломат харилцаа тогтоосны 25 жилийн ойн хүрээнд хэрэгжиж байгаагаараа онцлог юм.

Өрөө дарахын тулд банк дээрэмдсэн гэжээ

Худалдаа хөгжлийн банкны ‘Таван шар” тооцооны төвөөс 380-аад сая төгрөг дээрэмдсэн залуусыг Улаанбаатар хотын цагдаагийн газрын Онц хүнд гэмт хэрэгтэй тэмцэх болон Сонгинохайрхан дүүргийн Цагдаагийн хэлтсийн ажилтнууд эрэн сурвалжилсны дунд өчигдөр 09.00 цагийн үед баривчиллаа. Тэд Орхон аймгийн харьяат, төрсөн ах дүү хоёр байсан бөгеөд хоёулаа эрхэлсэн тодорхой ажилгүй, ах Б нь 1985 онд терсөн, дүү Э нь 1992 онд төрсөн аж. Сэжигтэн Э нь Баянгол дүүрэг дэх “Түндэмүн”, Б нь XIII хороололд байрлах нэгэн саунд тус тусдаа бүгэж байсан гэнэ. Тэд хэрэг хийхээр бэлтгэж байхдаа цахим хуудсанд байршуулсан зарын дагуу “Дробинк” маркийн буу худалдан аваад “ажлаа” дууссаныхаа дараа гол руу шиджээ. Туүнийг нь цагдаагийн ажилтнууд хайж байгаа юм байна. Түүнчлэн банк дээрэмдэхдээ үүдэнд нь байрлуулсан
саарал өнгийн “Приус 20” маркийн машинаа XXI хорооллын орон сууцнуудын дунд орхисон байжзэ. Банкнаас дээрэмдсэн 380 орчим сая төгрөгөө хар үүргэвчинд хийж, тээшиндээ нуусныг цагдаагийнхан эд мөрийн баримт болгож хураан аваад банкинд нь хүлээлгэн өгсөн гэнэ. Тэд мөнгөө үрээгүй байсан аж.

Э, Б нар өмнө нь найман нэрийн хүнсний дэлгүүр ажиллуулдаг байсан ч тэр нь дампуурч, их хэмжээний өрөнд орсон тул дээрэм хийсэн гэж мэдүүлж байгаа аж. Тэдэнд Эрүүгийн хуулийн 147.3-т зааснаар хэрэг үүсгэн Сонгинохайрхан дүүргийн Цагдаагийн I хэлтэст үргэлжлүүлэн шалгаж байна.


Худалдаа хөгжлийн банкны ”Таван шар” тооцооны төвөөс 380-аад сая төгрөг дээрэмдсэн залуусыг Улаанбаатар хотын цагдаагийн газрын Онц хүнд гэмт хэрэгтэй тэмцэх болон Сонгинохайрхан дүүргийн Цагдаагийн хэлтсийн ажилтнууд эрэн сурвалжилж өчигдөр 09.00 цагийн үед баривчиллаа. Тэд Орхон аймгийн харьяат, төрсөн ах дүү хоёр байсан бөгеөд хоёулаа эрхэлсэн тодорхой ажилгүй, ах Б нь 1985 онд төрсөн, дүү Э нь 1992 онд төрсөн аж.

Нийслэлийн Засаг даргын захирамжийн дагуу шинэ жилийн баярыг тэмдэглэн өнгөрүүлэх ажлыг зохион байгуулах нийслэлийн ажлын хэсгийг байгуулсан. Ажлын хэсгийн даргаар нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл ажиллаж байна. Шинэ жилийн баярыг тэмдэглэн өнгөрүүлэх ажлын хүрээнд Улаанбаатар хотын төв талбайд жил бүр сүндэрлэдэг сүлд модны гэрлийг маргааш 18:20 цагаас асаана. Харин 12 дугаар сарын 31-ний үдэш Чингисийн талбайд нийслэлчүүд шинэ оноо угтах баярын цэнгүүн болно.
Мөн дүүргүүд шинэ жилийн баярын үйл ажиллагааны хүрээнд нутаг дэвсгэртээ иргэд, олон нийтийг хамарсан нийтийн цэнгүүн зохион байгуулах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Хон хэрээдийн Б.Энхбатын хэргийг Дээд шүүх хэлэлцэнэ
Улсын дээд шүүхийн Эрүүгийн танхимын шүүх хурлаар энэ сарын 16-ны лхагва гаригт Хон хэрээдийн гэж алдаршсан Б.Энхбатад холбогдох хэргийг хянан хэлэлдэхээр болжээ. Тэрбээр хэргээ хянан хэлэлцүүлэхээр удаа дараа гомдол гаргасан юм. Түүний гомдлыг шүүх хүлээн авах болсон нь Эрүүгийн байцаан шийтгэх хуулийн холбогдох заалт Үндсэн хууль зөрчсөн нь тогтоогдож, түүнийг нь шинэчлэн найруулж, хуульд тусгасантай холбоотой аж.

Б.Энхбатад Баянзүрх дүүргийн шүүх 2008 онд цаазаар авах ял шийтгэсэн юм. Харин давж заалдах шатны шүүх 25 жил хорих ял болгосон. Тухайн үед Улсын дээд шүүхэд шүүгдэгчийн өмгөөлөгч л хяналтын журмаар гомдол гаргах хууль үйлчилж байсан учраас Б.Энхбат өөрөө хэчнээн гомдол бичсэн ч хүлээж авдаггүй байсан аж. “Эрүүгийн байцаан шийтгэх хуулийн холбогдох заалт буюу хяналтын шатны шүүхэд өмгеөлөгч л гомдол гаргах эрхтэй байгаа нь Үндсэн хууль зөрчсөн байна” гэж Үндсэн хуулийн цэц узсэн аж. Үүний дагуу тус хуульд УИХ 2014 онд өөрчлөлт оруулжээ. Эрүүгийн байцаан шийтгэх хуулийн 342.1-ийг “Давж заалдах шатны шүүх ял оноосон, эсхүл цагаатгагдсан этгээдийн гэм буруутай эсэх асуудлыг шийдвэрлэхдээ Эрүүгийн байцаан шийтгэх хуулийг ноцтой зөрчсөн, эсхүл Эрүүгийн хуулийг буруу хэрэглэсэн гэж үзвэл энэ хуулийн 304 дүгээр зүйлд заасан журмын дагуу шүүгдэгч, цагаатгагдсан этгээд, хохирогч болон тэдгээрийн өмгөөлөгч гомдол гаргах, Улсын ерөнхий прокурор эсэргүүцэл бичих эрхтэй” хэмээн өөрчлөн найруулжээ. Улсын дээд шүүх “Эрх зүйн байдлыг дээрдүүлсэн хуулийг хэрэглэнэ” гэсэн хуулийн заалтын дагуу, дээрх хуульд орсон энэ өөрчлөлтийг баримтлан Б.Энхбатын хуулийн хугацаанд гаргасан гомдолд үндэслэн хэргийг нь хянахаар болсон бололтой. Анхан болон давж заалдах шатны шүүхийн шийдвэрт тэрбээр 30 хоногийн дотор гомдол гаргасан ч Дээд шүүх хяналгүй байсаар Цэцийн шийдвэрийн дараа ийнхүү хэлэлцэхээр болоод байгаа аж. Б.Энхбатад анхан шатны шүүх цаазаар авах ял оноосон нь ч бас ийнхүү хэргийг нь хянахад нөлөөлсөн бололтой.
Хон хэрээдийн Б.Энхбат 2007 оны наймдугаар сард охин Э.Гоомаралынхаа БНХАУ-д сурч байгаад ирсэн найз залуу Ч-ыг зодож, улмаар буудан хөнөөснийг шүүх тогтоосон. Тэрбээр Тахир соёот дахь гянданд таван жил ял эддээд едгөө дэглэм нь буурч Мааньт дахь чанга дэглэмтэй хорих ангид хүмүүжиж байгаа юм.

Монгол Улсын Ерөнхийлөгчийн тамгын газар, Улсын Их Хурлын Тамгын газар, Засгийн газрийн Хэрэг эрхлэх газар, Нийслэлийн Иргэдийн Төлөөлөгчдийн Хурал, НҮБ-ын Хөгжлийн хөтөлбөр, Монголын нутгийн удирдлагын нийгэмлэгтэй хамтран “Нутгийн удирдлага: Сорилт-шийдэл” Үндэсний чуулганыг 12 дугаар сарын 16-ны өдөр Улаанбаатар хотноо зохион байгуулахаар боллоо. Энэхүү чуулган нь Монгол улсын Нийгмийн харилцааны тулгуур хуулиудын өөрчлөлт, шинэчлэлтийн талаар өргөн хэлэлцүүлэг өрнөж буй энэ үед Нутгийн удирдлагатай холбоотой асуудлуудыг хэлэлцэх талбар бий болгох, тулгамдаж буй асуудлуудыг хэлэлцэх, шийдлийг гаргах зорилготой юм.

Чуулганаар нутгийн удирдлагатай холбоотой хуримтлагдсан асуудлуудыг хэлэлцэх, улмаар Улсын Их Хурлын төвшинд хийгдэж буй Үндсэн хуулийн болон Засаг захиргаа, нутаг дэвсгэрийн нэгж, түүний удирдлагын тухай хууль, Сонгуулийн тухай хуулийг шинэчлэх ажилтай холбогдуулан бодлогын хувилбарууд, шийдлийг хэлэлцэж, нэгдсэн зөвшилцөл бий болгоход хувь нэмэр оруулах, хууль тогтоогчдод зориулан нэгдсэн зөвлөмж гаргахад чиглэж байна.

1.Төсвийн байнгын хорооны хуралдаан 09.00 цагаас “А” танхимд:

Хэлэлцэх асуудал:

Улсын тэмдэгтийн хураамжийн тухай хуульд өөрчлөлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай /Засгийн газар 2015.07.09-ний өдөр Барилгын тухай /шинэчилсэн найруулга/ хуулийн хамт өргөн мэдүүлсэн, анхны хэлэлцүүлэг, санал, дүгнэлтээ Эдийн засгийн байнгын хороонд хүргүүлнэ/;
Онцгой албан татварын тухай хуульд өөрчлөлт оруулах тухай, Улсын тэмдэгтийн хураамжийн тухай хуульд өөрчлөлт оруулах тухай хуулийн төслүүд болон ““Импортын барааны гаалийн албан татварын хувь, хэмжээ батлах тухай” Улсын Их Хурлын 1999 оны 6 дугаар сарын 3-ны өдрийн 27 дугаар тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2015.11.27-ны өдөр өргөн мэдүүлсэн, анхны хэлэлцүүлэг/;
Аж ахуй нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Бямбацогт нарын 16 гишүүн 2015.11.18-ний өдөр өргөн мэдүүлсэн, хэлэлцэх эсэх/;
Аудитын сэдэв батлах тухай” байнгын хорооны тогтоолын төсөл.

2.Хууль зүйн байнгын хорооны хуралдаан 09.00 цагаас “Б” танхимд:

Хэлэлцэх асуудал:

Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуулийг хэрэгжүүлэх ажлыг зохион байгуулах комиссын тайлан;
Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн маягт, түүнийг бүртгэх, хянах, хадгалах журамд өөрчлөлт оруулах эсэх асуудал.

3.Төрийн байгуулалтын байнгын хорооны хуралдаан 14.00 цагаас “А” танхимд:

Хэлэлцэх асуудал:

Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/;
Үндэсний баяр наадмын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Л.Эрдэнэчимэг нарын 3 гишүүн 2015.07.09-ний өдөр өргөн мэдүүлсэн, хэлэлцэх эсэх/.

Монгол Улсын иргэнд газар өмчлүүлэх тухай хуулийн хэрэгжилтийг хангах зорилгоор Нийслэлийн 7 дүүргийн 52 байршил бүхий 153 09 га газарт иргэдэд гэр бүлийн хэрэгцээний зориулалтаар газар өмчлүүлэх ажлыг 2014 оноос эхлэн нийт 4 удаа зохион байгуулсан.

Өчигдөр буюу 2015 оны 12 дугаар сарын 14-ний 12:00 цагаас эхлэн 5 дугаар ээлжийн цахим газар өмчлөл эхэлж, 7 дүүргийн 32 байршилд 7 449 нэгж талбарт газар өмчлөх хүсэлтийг цахимаар хүлээн авч эхэлсэн.

Энэхүү ажлын хүрээнд Нийслэлийн Мэдээллийн технологийн газраас “Газар өмчлөл” мобайл аппликейшнийг нэвтрүүлээд байна. Тус аппликэйшн нь Нийслэлийн цахим газар өмчлөлийн системийн өгөгдлийн баазтай холбогдон ажиллах бөгөөд хэрэглэгчид гар утсаараа цахим газар өмчлөлд бүртгүүлж өргөдлөө илгээх юм.

Үүнээс гадна Нийслэлийн Өмчийн харилцааны газрын үзүүлдэг бүхий л үйлчилгээний талаарх мэдээллүүд болох газар эзэмших ашиглах тухай мэдээлэл, газрын төлбөрийн мэдээлэл, Нийслэлийн өмчит барилга байгууламжийн түрээсийн талаарх мэдээлэл, газар эзэмшихэд бүрдүүлэхэд шаардлагатай материал гэх мэт мэдээллүүдийг авах боломжтой юм.

Тус аппликейшн нь Android 4.4+, iOS 8+ үйлдлийн систем дээр нэгэн зэрэг ажиллана. Иргэн та App store болон Google Play store буюу апплликэйшн дэлгүүрүүдээс татаж авахдаа “Газар өмчлөл” гэж хайлт хийж гар утсандаа үнэгүй суулгаарай гэж Нийслэлийн Мэдээллийн Технологийн газраас мэдээллээ.

Нийслэлийн “Иргэд хүлээн авах төв”-ийн үйл ажиллагааг өргөжүүлж, төрийн 200 гаруй үйлчилгээг төвлөрүүлсэн “Төрийн үйлчилгээний нэгдсэн төв”-ийг байгуулах бэлтгэл ажил явагдаж байна. Тус төвийг нийслэлийн гурван цэгт төвлөрүүлэх бөгөөд эхний төвийг Дүнжингарав худалдааны төвд байгуулж байна. Нийслэлийн Засаг дарга бөгөөд Улаанбаатар хотын Захирагч Э.Бат-Үүл, ЗДТГ-ын дарга Ё.Гэрэлчулуун нар тус төвийн бэлтгэл ажилтай танилцлаа. “Төрийн үйлчилгээний нэгдсэн төв” нь Баянзүрх дүүргийн 26 дугаар хороо, Олимп хорооллын зүүн талд, “Дүнжингарав” худалдааны төвд 2800 м2 талбайд байрлана.

Нийслэлийн Ерөнхий төлөвлөгөө, Авто зам, Өмчийн харилцааны газар зэрэг нийслэлээс иргэдэд үйлчилгээ үзүүлдэг нутгийн захиргааны байгууллагууд, Улаанбаатар Дулааны шугам сүлжээ, Цахилгаан түгээх сүлжээ ТӨХК-ийн 200 гаруй төрийн албан хаагч ажиллана. Мөн зарим үйлчилгээний төлбөрийг шууд тушаахаар зохицуулж Улаанбаатар, Голомт банкны салбарыг байгуулжээ. Нэг удаадаа 180, өдөрт 2880-6480 үйлчлүүлэгч хүлээн авч үйлчлэх хүчин чадалтай бөгөөд өөртөө үйлчлэх танхимтай, хүүхэдтэйгээ ирсэн иргэн үйлчилгээ авах хугацаанд хүүхдээ саатуулах хүүхэд саатуулах өрөө, нотариат, кафе зэргийг байгуулсан байна. Тус төв иргэдэд дараахь боломжуудыг олгоно.

-200 гаруй төрийн үйлчилгээг нэг дороос авах
- 60 гаруй төрийн үйлчилгээг газар дээр нь шууд авах
- Оршин суугаа харъяаллаар хязгаарлагдахгүйгээр үйлчлүүлэх
- Уртасгасан цагаар үйлчилгээ авах
-Тохилог орчинд үйлчлүүлэх

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Төрийн үйлчилгээний нэгдсэн төв байгуулагдсанаар төрөөс иргэдэд үзүүлдэг үйлчилгээ илүү ойртож, нөгөө олон жил яригдаж байнга шүүмжлүүлдэг хүнд суртал огт үгүй болно. Энэ миний 25 жил мөрөөдсөн мөрөөдөл. Өөрөөр хэлбэл ямар ч иргэн энэ төвд ирээд өөрийн хүссэн үйлчилгээгээ шууд авах, урт хугацаа гэхэд 12 цагийн дотор олгох боломтой болж байгаа юм. Хамгийн гол энэ төв хэн нэгний захидлыг дарга руу зөөдөг бус тухайн иргэнд шууд олгодог байх төрийн үйлчилгээний шуурхай зарчимд бид шилжихээр зорьж байна” хэмээн онцлон хэлсэн юм.

Нийслэлийн Иргэдийг хүлээн авах төвийн дарга О. Мөнх-Оргил “Манай төв нь байгуулагдаж, үйл ажиллагааг нь жигдрүүлснээр иргэд дэлгүүрээс өөрт хэрэгцээтэй зүйлээ төлбөр төлж ямар бэрхшээлгүй авдаг шиг төрийн үйлчилгээг шууд авдаг болж байгаагаараа давуу талтай. Нэг үгээр төрийн үйлчилгээний чанар, хүртээмж, менежментийг цогцоор нь сайжруулж, төрийн байгууллага цосхон, чадварлаг, мэргэшсэн бүтцээр ажиллах бололцоог бүрдүүлж байгаа юм. Бидний төлөвлөж байгаагаар 2016 оны ажлын эхний өдөр буюу 01 дүгээр сарын 04-ний өдөр ашиглалтад оруулахаар ажиллаж байна” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Даргадаа зодуулж, хүчирхийлүүлсэн эмэгтэйн ээж захидал илгээжээ
Төв аймгийн Баянчандмань сумын Засаг даргын орлогч Б.Ханбаатар, Засаг даргын Тамгын газрын дарга н.Ариунболд нарын гурван хүнийг согтууруулах ундаа хэрэглэсэн үедээ ажилтан бүсгүйг зодож, хүчирхийлсэн байж болзошгүй талаар хэвлэл мэдээллийн хэрэгсэл мэдээлсэн. Тэгвэл хохирогч бүсгүйн ээж В. Бадамсүрэн манай сайтад хандаж захидал илгээжээ.
Та бүхэнд энэ өдрийн мэндийг хүргэе! Намайг В. Бадамсүрэн гэдэг.
Энэхүү гэмт хэрэг гарснаас хойш 3 сар шахам хугацаа өнгөрчээ. Өнгөрсөн хугацаанд мэдээллийн хэрэгслээр янз бүрийн үнэн худал мэдээллүүд цацагдсаар ирсэн бөгөөд өнөөдөр миний бие охиныхоо талаар зарим нэг зүйлийг хэлэх нь зүйтэй гэж үзэн ийнхүү хандаж байна. Миний охины талаар сайн муу янз бүрийн өнцгөөс мэдээлэл цацагдсаар өнөөг хүрсэн ба сайны хажуугаар саар гэдэг хүний зовлонг далимдуулан хоолоо олж иддэг зарим хүмүүс байгаад би туйлын их харамсаж байна. Мөн хийсэн нүгэлт хар хэргээ гуйвуулах гэсэн муйхар бодлоор иймэрхүү сөрөг мэдээлэл цацаж байгаа нь ичгэвтэртэй үйлдэл юм. Нэн тэргүүнд зарим нэг худал мэдээллүүдийг залруулж олон нийтэд хүргэх хэрэгтэй гэж эх хүний хувьд шийдлээ.
1. Миний охин Ханбаатартай огт амрагийн харилцаа байгаагүй
2. Тухайн хэрэг гардаг өдөр ямар ч найр болоогүй байсан. Мөн охиныг минь архиар шахсан болов ч уугаагүй эрүүл байсан
3. Охиныг минь бие эрхтэн, эрүүл мэнд, сэтгэл санаа, амьдралаар нь хохироочихоод зогсохгүй дээр нь 2 хүнтэй зэрэг явдаг биеэ үнэлэгч мэтээр олон нийтэд ойлгуулах гэж оролдож байгаа нь нэр төрийг нь хүртэл үгүй хийх гэсэн үйлдэл юм. Миний охин өрх толгойлсон эмэгтэй ба өөрийн 3 настай охины хамт түрээсийн байранд амьдарч төрийн албанд хоёргүй сэтгэлээр зүтгэж, алба амиа тэжээж байсан жирийн л албан хаагч юм. Хэрэв хүйтэн цэвдэг сэтгэлтэй тэдгээр албан тушаалтнууд миний охиныг худлаа дуудаж, ийнхүү аймшигтай байдлаар эрүүл мэндийг нь хохироогоогүй бол өнөөдөр бусдын л адил төрдөө зүтгээд ажил үүргээ гүйцэтгэж байх байсан. Гэвч Баянчандмань сумын Засаг даргын орлогч Ханбаатар, Тамгын газрын дарга Ариунболд нар дуудан аваачиж, хэрцгий авирлан эрүүл мэндээр нь насан туршид нь хохироосон бузар хэрэг үйлдсэн. Энэхүү хэргийн үнэн мөнийг шүүх, цагдаагийн байгууллага олж, гэмт этгээдэд хариуцлага тооцно гэдэгт итгэлтэй байгаа. Тамгын газрын дарга асан Ариунболд нь өнөөг хүртэл ямар ч буруугүй “гэрч” гэх нэр зүүн эрх чөлөөтэй явж байгаад туйлын их гайхаж байгаагаа хэлэх ёстой. Учир нь тэр л миний охиныг зүгээр ажлаа хийж байхад нь дахин дахин дуудаж гэмт этгээдийн гарт авчирч өгсөн. Хэрэв тэгээгүй байсан бол ийм хэрэг явдал гарах байсан гэж үү? Үүнд эх хүний хувьд маш их гомдолтой байна. Ямар нэгэн санаа зорилго өвөрлөн худлаа хэлж дуудсан нь илт.
Тэрээр 1 дүгээр эмнэлэгт миний охиныг авчирч өгөхдөө “зам дээрээс оллоо, танихгүй ийм нэг хүн хэвтэж байсан” гэж хэлснийг нь бодохоор хэлэх үг ч олдохгүй л сууна. Тиймдээ ч зохих шийтгэлээ амсана гэдэгт итгэж байна. Өнөөдрийн байдлаар түүний эрүүл мэндийн байдал дахин хагалгаанд орох шаардлагатай ба гэмтлийн улмаас хэвлийн хөндийд шингэн хуримтлагдаж үрэвсэл үүссэн, шээс нь задгайрч барьж чадахгүй байдалтай бусдын асрамжинд хагалгаанд орох хугацаагаа хүлээж байна. Бид чадах ядахаараа эмчилгээ сувилгаанд нь анхаарч байгаа боловч эмчилгээний зардлаа төлж чадаагүйн улмаас эмнэлэгээсээ арга буюу гарсан. Зөвхөн эмчилгээний зардалд 7 сая гаруй төгрөг зарцуулаад байгаа ба бусад нэмэлт зардалаа тооцвол жирийн малчин өрхөд маш хүнд тусч байна. Бусад жирийн л иргэдийн адил хөрөнгө мөнгөггүй бид бусдаас зээл авч, урд хормойгоо, хойд хормойгоороо нөхсөөр цаашид санхүүгийн хүндхэн байдалд орсон. Ийм байдалд хүргэсэн гэмт этгээдийн ар гэрт хандан туслалцаа үзүүлэхийг удаа дараа хүссэн боловч өнөөдрийг хүртэл арга хэмжээ авалгүй цагийг өнгөрөөсөөр өдийг хүрлээ. Хэцүү хүнд үед бид өөрсдийн бололцоотой бүхий л аргаар охиноо эмчлүүлэх зардлыг олж, өр тавьсаар өдийг хүрсэн ба цаашид энэ байдлаараа явах боломжгүй боллоо.Хэдийгээр өрх бүр л санхүүгийн энэ хүнд нөхцөлд хэцүү байгаа ч олон түмэн та бүхнээсээ охиныхоо цаашдын эрүүл мэнд, эмчилгээг тасалдуулахгүйн тулд дэмжлэг, туслалцаа гуйхаас өөр аргагүй болоод өнөөдөр хандаж байнаа. Өнгөрсөн хугацаанд сайн эмч нарын буянд миний охин үхлээс амь мултарч, хөл дээрээ гишгэх, үрээ харах хувьтай байгаад нь баярлаж байгаагаа юуг нь нуух вэ. Та бүхэн бага ч болов санхүү, сэтгэлийн дэм үзүүлэн туслалцаа үзүүлнэ гэдэгт найдаж байна. Энэхүү аймшигтай хэрэг явдлын дараа УИХ-ын эмэгтэй гишүүдийн зүгээс эмнэлэгт биечлэн ирж сэтгэл санааны ихээхэн дэмжлэг үзүүлж, охины минь үүрсэн зовлонг бага ч болов нимгэлэхэд тусалсан УИХ-ын гишүүн Оюунгэрэл, Эрдэнэчимэг нартаа эмэгтэй хүн, эх хүний хувьд гүн талархсанаа үүгээр дамжуулан илэрхийлье. Мөн ГССҮТ-н эмч Гантулга, УНТЭ-н эмч Саранцэцэг болон нийт эмч сувилагч нартаа баярлалаа. Түүнчлэн Ерөнхийлөгч, УИХ-ын дарга, Ерөнхий сайд нартаа хандаж хэлэхэд энэ төрийн удирдах албан тушаалтнуудын ёс суртахуун, гаргаж байгаа хууль бус үйлдэлд цэг тавих цаг нь болсон ба дахин хичнээн аав, ээжийн хүү, охид гэмт халдлага, хүчирхийлэлд өртөж болохыг хэн ч үгүйсгэх аргаггүй ба ийм эрсдэл бодитой байгаад анхаарч өгнө үү. Төрийн жирийн албан хаагч ажил үүргээ гүйцэтгэж яваад бусдын гэмт халдлагад өртөн эрүүл мэндээрээ хохирч байхад түүний гэр бүлийн гишүүдээс өөр хэнд ч хамаагүй мэт хохироод үлддэг жишиг бий болох вий хэмээн эмзэглэж байгаагаа хэлэх нь зүйтэй байхаа. Тэгээд бидэнд тохиолдсон ийм гашуун зүйл дахин хэний ч гэр бүлд бүү тохиогоосой гэж би хүсэж байна. Миний үр эргээд ажиллаж хөдөлмөрлөх чадвартай болохоороо бусдын л адил эх орондоо хийж бүтээх, гэр бүлээ тэжээх, төрийн албандаа зүтгэх, тэр сайхан мөч ирээсэй гэж туйлын их хүсэж байгааг олон түмэн минь ойлгон хүлээн авна бизээ.Та бүхнээсээ дахин хүсэхэд хүний тус багаддаггүй гэдэг шиг бага ч болов санхүүгийн дэмжлэг үзүүлнэ гэдэгт итгэлтэй байна.
Анхаарал тавьсан та бүхэнд баярлалаа.
Хандивын данс хаан банк: 5030496142 В. Бадамсүрэн ээж
Төрийн банк: 311000089875 В. Бадамсүрэн ээж
Холбоо барих утас: 94444212, 88191432, 89764443

Хятадын Коммунист Намыг олон нийтийн сүлжээгээр шүүмжилсэн хуульчийн шүүх хурал болж байна

Хүн амын хөгжил нийгмийн хамгааллын сайд С.Эрдэнэ нийтлэлч Баабар ажилласан жилээ нэмэгдүүлж улсын мөнгийг шамшигдуулсан гэсэн баримт, фактуудыг дэлгэсэн. Үүнтэй холбоотойгоор ардчиллын идеалогийг түгээгч, шударга ёсыг зарлан тунхаглагч гэгдэх Баабар эрхмээс яагаад шударга бус үйлдлийн эзэн болсон талаар тайлбар авчээ. Түүний тайлбараас энэ удаагийн 24 баримтаа хүргэж байна.
1. Би хуурамч бичиг баримт бүрдүүлээгүй. Тэрийг өөрсдөө хийсэн байхгүй юу. Эхлээд занганд оруулаад дараа нь хэрэгт оруулах чинь шоронгийн арга.
2. Хулгай хийж үү үгүй юу гэдэг чинь гол асуудал болохоос миний бүх амьдралыг сөхвөл сонин сонин юм гарч ирэх байх л даа. Энд тэнд тийм хүүхэнтэй явалддаг, хүүхэд хийсэн энэ тэр гэсэн асуудал гарахыг би яаж мэдэх вэ дээ.
3. Би 1954-10-26 төрсөн. Өнгөрсөн жилийн сүүлээр тэтгэвэрт гарсан.
4. Нам, хувьсгал гээд бүртгүүлэлгүй ажиллаж байсан үед хэсэг зай гарчихсан юм. Тэгээд татварынхан ирж шалгаад онгорхой зайныхаа мөнгийг төлөөд тэтгэвэрт гар гэсэн. Тэгээд тэтгэвэрт гарахын тулд 10 сая 400 мянган төгрөг тушаасан.
5. Дараа нь тэтгэвэр рүү шалгалт орлоо гээд тэтгэврийг маань хаачихсан.
6. Эрдэнэс холдинг гэдэг компанийг би ерөөсөө мэдэхгүй.
7. Дүүргийн тэтгэврийн газрын дарга нь Эрдэнийн бэр юм байна. Тэгээд өөрсдөө “Эрдэнэс Холдинг” руу ярьж намайг занганд хийсэн байгаа юм.
8. Дараагаар нь тэтгэвэр хааж шалгалт оруулаад нөгөөдхөө гэмт хэрэг болгож илрүүлж байгаа байдал.
9. Би тэтгэврээр амьдардаг хүн биш ээ. Би 200 мянган төгрөг илүү авчих гээд л хуурамч бичиг бүрдүүлээд явдаг хүн биш.
10. Манай компани гэхэд сүүлийн 10 жилд улсад 2 тэрбум гаруй төгрөгийн татвар төлсөн. Би гэхэд Монголын зах зээлд 600 мянган ном борлуулсан хүн. Надад 200 мянган төгрөг илүү авах гэж үхээд байх ямар ч хэрэг байхгүй.
11. Би Эрдэнэд зориулсан нийтлэл бичиж байгаагүй. Гэхдээ олон нийтлэлд нийгэм балайраад байна. Нийгэм чинь өөрөө хулгайч, дээрэмчин, эрүүгийхнээр дүүрээд байна гэж бичихдээ олон удаа Эрдэнээр жишээ татаж байсан.
12. Эрүүгийн хэрэгтэн. Нийгмийн газрын дарга байхдаа л шоронд орж байхад нь АН ялсан үедээ эргүүлээд гаргаад авч байсан. Нийгмийн даатгалын нилээн хэдэн тэрбум төгрөгөөс одоо 200 сая төгрөг л байна. Бусдыг нь энд тэнд байрлуулаад хүүг нь хусаал явж байна. Хэдэн мянган нас барчихсан хүний тэтгэврийг аваад л явж байна. Хөгшин хүмүүсийг худлаа амруулж байгаа нэрээр улсаас мөнгө авч байна.
13. Бид нар яагаад ийм хүмүүсээс салж болдоггүй юм бэ.
14. Энэ мэтээр би айхгүйгээр С.Эрдэнээр жишээ татаж бичдэг.
15. Энэ улсын менежментийг хийж байгаа ихэнх хүмүүс чинь хулгайч, луйварчин, дээрэмчин, эрүүгийнхэн эсвэл мэдрэлийн өвчтэй хүмүүс болчихоод байна.
16. Улс орноо бодооч ээ. Тоноод дууслаа. Бид нар үр хүүхэддээ ямар газар үлдээх юм бэ. Энэ улс чинь онхолдлоо, сүйрлээ. Хараад суугаад байх юм уу.
17. Нөгөө цагдаа, АТГ, шүүх, прокурор хаана байна. Цөмөөрөө айдаг байхгүй юу.
18. Би хуулийн нэг ч заалт зөрчихгүй. Хамгийн гол нь би ард түмнийхээ өмнө шударга харагдах гээд байгаа юм биш. Би цэвэр үхмээр байна. Би нэр төртэй үхмээр байна.
19. Би хуулийн ямар ч зүйл заалт зөрчсөн түүнийхээ төлөө хариуцлага хүлээхэд бэлэн. Бэлэн байгаагаа би байнга хэлдэг. Хууль зөрчдөггүй учраас айдаггүй.
20. Би Эрдэнийг гүтгэсэн бол хариуцлага хүлээхэд бэлэн байна. Ямар нэгэн хууль зөрчсөн бол түүнийхээ хариуцлагыг хүлээдэг байх хэрэгтэй.
21. Би хүмүүст, ялангуяа ухамсартай, энэ нийгэмд ямар нэгэн нөлөөтэй хүмүүст хандаж ярьж байна. Түүнээс биш надад ямар нэг санаа байхгүй.
22. Би заргалдаж хэн нэгнийг шүүхэд өгч үзээгүй.
23. Манай компани пи-арыг голдуу сэтгүүл маягаар хийж өгдөг. Үүнд хууль бус юм байхгүй.
24. Ингэлээ гээд их удаж орцны үүдэнд зогсож хутгална биз, би хангалттай насалсан

Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр бурхныг тахих, хишиг даллага авахуулах, наминчлах, бэр авах, нүүдэл суудал хийх, бурхныг тахих, номын үүднээ орох, үхэр, адуу сургах, байшингийн суурь тавих, дайсныг номхотгох зэрэг хатуу үйл, эм найруулах, шинжлэхүй, абшиг хүртэх, бэрийн үйл, дайсныг номхотгох, үс угаахад сайн. Хир буртаг, бузарт ойртох, өс санах, их хэрэг, худалдаа арилжаа хийхэд муу. Замд гарвал эдийг олох, тахилыг олон хүртэнэ. Баруун нүд татвал хувцас олох бөгөөд зүүн татвал хэрүүл тэмцэл болно. Баруун чих хангинавал олноо хүндлэгдэх. Тагнай эрвэгнэвэл үзэсгэлэнтэй болно. Бүх бие татвал аюул болохын нигуур. Шилбэний мах татвал дам үг ирнэ. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал бие эрхтний хүч сайжирна.