НМХГ, Улаанбаатар хотын Цагдаагийн газар хамтран “Архигүй орчин-аюулгүй хэрэглээ” сэдэвт нэг сарын аяныг зохион байгуулж байна. Аяны хүрээнд хамтарсан хяналт шалгалтыг энэ сарын 1-ээс эхлэн явуулж байна. Одоогоор худалдаа үйлчилгээний 110, хоол үйлдвэрлэлийн 147, нийт 257 аж ахуйн нэгжид хамтарсан хяналт шалгалт хийж, 155 /давхардсан тоогоор/ зөрчил илрүүлэн, илэрсэн зөрчлийг арилгуулах зорилгоор 94 заалт бүхий 36 албан шаардлага хүргүүлж ажилласан байна. Архи, согтууруулах ундаа худалдаалж, түүгээр үйлчлэх тусгай зөвшөөрөл бүхий худалдаа үйлчилгээний газрууд болон баар, зоогийн газруудад,

-Стандартын шаардлага хангаагүй ажлын байранд үйл ажиллагаа явуулдаг,

-Баталгаажилтгүй хүнс худалдаалдаг, хаяг шошгын зөрчилтэй бүтээгдэхүүнийг худалдаанд нийлүүлдэг,

-Ажиллагсад нь эрүүл ахуйн зохистой дадлыг хэрэгжүүлдэггүй,

-Хүнсний бүтээгдэхүүнийг горимын дагуу хадгалдаггүй, хадгалалтын явцад болон хөргөгч хөлдөөгчийн температурыг хянадаггүй,

-Хортон шавьж мэрэгчдээс урьдчилан сэргийлэх, халдваргүйтгэл,

-Шавьжгүйтгэлийг зохих шаардлагын дагуу хийдэггүй, ажиллагсадыг эрүүл мэндийн үзлэг шинжилгээнд хамруулаагүй зэрэг зөрчлүүд илэрчээ.

Шалгалтын явцад хадгалалтын хугацаа дууссан 14 нэр төрлийн, 201.5 литр шар айраг болон хүнсний бүтээгдэхүүнийг хураан авч, Нийслэлийн Засаг даргын дэргэдэх “Захиргааны журмаар эд зүйл хураах, улсын орлого болгох, үнэлэх, устгах үйл ажиллагаанд хяналт тавьж, хэрэгжилтийг хангуулах үүрэг бүхий нийслэлийн орон тооны бус зөвлөл”-д шилжүүлсэн байна. Илэрсэн зөрчилтэй холбогдуулан зургаан аж ахуйн нэгжид 950.000, 18 албан тушаалтанд 6.626.000 төгрөгийн торгууль ногдуулж бүрэн барагдуулан, хаяг шошгын шаардлага хангаагүй гурван нэрийн / ”АПУ” ХХК-ийн Ямаахай, Алтангагнуур дарс, “UFC” ХХК-ийн “Алтангадас” архи/ бүтээгдэхүүнийг худалдаанаас татан авахуулах албан шаардлага хүргүүлж, биелэлтэд хяналт тавин ажиллаж байна. Шалгалтын явцад зургаан үйлдвэрийн 10 нэрийн архинаас дээж авч, Нийслэлийн нэгдсэн төв лабораторид өгч одоогийн байдлаар хариу гараагүй байгаа аж.

Рио 2016: Паралимпийн шилдэг агшинууд

Нийслэлийн Өмчийн харилцааны газарт Удирдлага бодлого төлөвлөлтийн газрын даргаар ажиллаж байсан Б.Амаржаргал нарыг баривчилжээ.

Монгол Улсын Их Хурлын дарга Миеэгомбын Энхболд өнөөдөр /2016.09.15/ хүн амын хүнсний хангамжийг сайжруулах, аюулгүй байдлыг хангах, үндэсний үйлдвэрлэгчид, малчид, тариаланчдийн шилдэг бараа бүтээгдэхүүн, шинэ ургацын дээжийг хэрэглэгч иргэнд хүргэх, төр засгийн бодлогыг түмний хүртээл болгох зорилготой зохион байгуулагддаг “Намрын ногоон өдрүүд-2016” нэгдсэн арга хэмжээний нээлтэд оролцов.
Улсын Их Хурлын дарга нээлтийн үеэр хэлсэн үгэндээ хүнс, хөдөө аж ахуйн салбар бол Монгол Улсын хүн амын хүнсний хангамж, үндэсний үйлдвэрийн түүхий эдийн гол тулгуур бөгөөд улс орны нийгэм, эдийн засгийн хөгжлийн төвшинг тодорхойлох нэг чухал салбар болохыг онцоллоо. Түүнчлэн салбарын эрх зүйн орчныг боловсронгуй болгох зорилгоор Улсын Их Хурлаас хэд хэдэн хууль тогтоомж баталсан болохыг дурдсан. Мөн тэрээр “Улсын Их Хурлын ээлжит бус чуулганаар хөдөө аж ахуйн гаралтай зарим бүтээгдэхүүнд ногдуулах экспортын гаалийн татварыг хүчингүй болгосон нь малын гаралтай түүхий эдийн экспортыг өсгөх, малчин өрхийн орлогын түвшинг нэмэгдүүлэхэд ач холбогдлоо өгнө гэдэгт итгэж байна.
Монгол Улсын Засгийн газрын 2016-2020 оны үйл ажиллагааны хөтөлбөрт тусгасны дагуу улс орныхоо эдийн засгийг богино хугацаанд сэргээж, өсөлтийг бий болгон, нийгмийн салбаруудыг дэмжиж, иргэдийнхээ аж амьдралыг сайжруулахын тулд малчны хот, тариан талбайгаас хэрэглэгчийн ширээ хүртэлх хүнсний сүлжээний бүх үе шатанд бүтээгдэхүүний аюулгүй байдлыг хангах, хүн амын хүнсний хангамжийг тогтворжуулан, хүнсний бүтээгдэхүүний бэлтгэл, боловсруулалт, хадгалалт, тээвэрлэлт, борлуулалтын тогтолцоог бий болгон хүн амын хүнсний хэрэгцээг экологийн цэвэр бүтээгдэхүүнээр хангахад төр, хувийн хэвшлийн хамтын түншлэл болон малчид, тариаланчид, үйлдвэрлэгч, үйлчилгээ эрхлэгч Та бүхний хамтын ажиллагаа маш чухал юм” гэв.

“Эрүүл хүнс-Эрүүл монгол хүн” уриатайгаар 11 дэх жилдээ зохиогдож буй тус арга хэмжээний нээлтэд мөн Улсын Их Хурлын гишүүн, БОХХААБХ-ны дарга Ц.Гарамжав, Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд П.Сэргэлэн, дэд сайд Ж.Сауле, Нийслэлийн Засаг дарга бөгөөд Улаанбаатар хотын захирагч С.Батболд болон олон улсын байгууллагын төлөөлөгчид, үйлдвэрлэгчид, малчид, тариаланчид, ногоочдын төлөөлөл оролцсон юм.

Хүнс, хөдөө аж ахуй, хөнгөн үйлдвэрийн сайд П.Сэргэлэн тус арга хэмжээг нээж хэлсэн үгэндээ, энэ намар улсын хэмжээнд 501 мянган тонн үр тариа, үүнээс 482.1 мянган тонн буудай, 174.7 мянган тонн төмс, 117.5 тонн хүнсний ногоо, 32.5 мянган тонн тосны ургамал, 46.4 мянган тонн малын тэжээл тус тус хураан авах урьдчилсан төлөвтэй байгааг танилцууллаа. Мөн 2015 оны мал тооллогын дүнгээр малын тоо 55.9 сая толгойд хүрч, өмнөх оныхоос 3.9 сая толгой буюу 7.9 хувиар өсч, түүхэндээ анх удаа 19 сая гаруй төл мал хүлээн авчээ. Улс орны эдийн засгийн нөхцөл байдлыг сайжруулах, иргэдийн эрүүл, аюулгүй хүнсний хэрэгцээг хангахад хүнс, хөдөө аж ахуй, хөнгөн үйлдвэрийн салбар онцгой үүрэгтэй болохыг Засгийн газар онцлон, 2016-2020 оны үйл ажиллагааны хөтөлбөртөө олон зорилт тусгаад байгаа талаар П.Сэргэлэн сайд танилцуулсан юм.

Нийслэлийн Засаг дарга бөгөөд Улаанбаатар хотын захирагч С.Батболд, жимс, жимсгэнэ, ногоо, мах, малын гаралтай хүнсний бүтээгдэхүүнийг малчны хот, тариан талбайгаас шууд хэрэглэгчийн гарт хүргэх сүлжээг бий болгох асуудлыг мөрийн хөтөлбөртөө тусган ажиллаж байгаагаа дуулгасан юм. Ингэснээр нийслэлийн 1.3 сая иргэн эрүүл, аюулгүй хүнсний бүтээгдэхүүнээр хангагдах бололцоо бүрдэхийн зэрэгцээ малчин, тариаланч, ногоочдын орлого нэмэгдэх ач холбогдолтой болохыг тэрээр тэмдэглэн хэлсэн.

Нээлтийн ёслолын төгсгөлд хүндэт зочид тууз хайчилж, зохион байгуулагчдын зүгээс энэ намрын ургацын дээж тариан түрүүг бэлэглэв.
Ийнхүү Улсын Их Хурлын дарга М.Энхболд, Улсын Их Хурлын гишүүн, БОХХААБХ-ны дарга Ц.Гарамжав, Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд П.Сэргэлэн, дэд сайд Ж.Сауле, Нийслэлийн Засаг дарга бөгөөд Улаанбаатар хотын захирагч С.Батболд нар дагалдан яваа албаны хүмүүсийн хамтаар үзэсгэлэн худалдааг үзэж сонирхон, малчин, тариаланч, үйлдвэрлэгчдийн төлөөлөлтэй уулзаж, ярилцсан юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

“Улаанбаатар хотын өнөөгийн байдал, хөгжлийн үзэл баримтлал” уулзалтын үеэр Улаанбаатар хотоос сонгогдсон УИХ-ын гишүүд нийслэлийн өмнө тулгамдаж буй асуудал болон цаашид хэрэгжүүлэх шаардлагатай байгаа ажлуудын талаар саналаа хэллээ.

УИХ-ын гишүүн Ц.Цогзолмаа “Нийслэлийн удирдлагууд чухал цаг үед биднийг хүлээн авч уулзаж байгаад талархаж байна. Улаанбаатар бол мегаполис том хот болсон. Хотын хууль эрх зүйн орчин, төсвийг сайжруулах зайлшгүй шаардлагатай байгаа юм. Хот бие даан хөгжих эрхээ хэрэгжүүлж, чөлөөт эдийн засагтай байх хэрэгтэй. Иргэнийг тойрсон бүх асуудал бол хотын асуудал. Эдийн засаг хямарсан гээд гараа хумихаад сууж болохгүй. Бид иргэдийнхээ захисан захиас, хэлсэн үгийг мартаагүй. Нийслэлийнхээ хөгжлийг цогцоор нь шийдэх ёстой. Дуу хоолойгоо нэгтгэж хамтран ажиллах болно”

УИХ-ын гишүүн Л.Энх-Амгалан “Улаанбаатар хотын өмнө тулгамдаад байгаа гол асуудлууд бол агаар, хөрсний бохирдол, ус, замын түгжрэл юм. Хөрсний бохирдлыг шийдэхийн тулд зайлшгүй хогны үйлдвэр барих хэрэгтэй. Агаарын бохирдлыг үүсгэж байгаа гол хүчин зүйл бол гэр хорооллын тэлэлт түүхий нүүрсний хэрэглээ. Тийм учраас гэр хороололд бие даасан дэд бүтцүүдийг бий болгох тал дээр хотын удирдлагууд анхаарч ажиллаарай. Төв цэвэрлэх байгууламжийг шинэчлэх асуудал бол хамгийн түрүүнд эхлүүлэх ажил. Мөн харгиа цэвэрлэх байгууламжийг шилжүүлж, Эмээлтийн бүсэд байгуулах ажлын ТЭЗҮ-ийг хийж, төслийн баг нь шалгарсан байгаа. Энэхүү ажлыг үргэлжлүүлэх хэрэгтэй. Нийслэлийн Эрх зүйн байдлын тухай хууль, Хот, тосгоны эрх зүйн байдлын тухай хууль, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийг шинэчлэхэд идэвхтэй оролцож ажиллана”

УИХ-ын гишүүн Б.Батзориг “Байгаль, орчин, хүнс, хөдөө аж ахуйн байнгын хороо, Агаарын бохирдлыг бууруулах асуудлын дэд хорооны зарим гишүүд төв цэвэрлэх байгууламж дээр очиж нөхцөл байдалтай танилцсан. Байдал маш хүнд байна. Хотын удирдлагууд цэвэрлэх байгууламжийг шинэчлэх ажлыг яаралтай эхлүүлж, гоц анхаарах шаардлагатай. Мөн Да хүрээ захын асуудлыг цэгцлэх хэрэгтэй байна. Гэр хорооллын дахин төлөвлөлтөд орсон айлуудын асуудлыг яаралтай шийдэж өгөхийг хүсч байна. Газраа өгч орон гэргүй болсон олон өрх байна. Эдгээр хүмүүсийг яах вэ гэдэг асуудал маш хүнд байна. Мөн Улаанбаатар хотын инженерийн шугам сүлжээний насжилт 50, 60 гаруй жил болсон. Шугам сүлжээ эвдэрсэн тохиолдолд замаа хуулж янзлахаас өөр аргагүй байдаг. Ингэхгүйгээр хонгилын системд оруулах шаардлагатай байна. Мөн хотын эрх зүйн байдлын тухай хуулийг шинэчлэх цаг нь болсон. Эдийн засаг хүнд байгаа энэ цаг үед нэг хувийн хотын татвар аж ахуйн нэгжүүдэд маш том дарамт болж байна. Үүнийг байхгүй олгох хэрэгтэй”

УИХ-ын гишүүн Ц.Гарамжав “Нийслэлийн шинэ удирдлагууд цагаа олсон зөв уулзалт зохион байгуулж байгаад талархал илэрхийлье. Улаанбаатарыг аюулгүй, эрүүл, ногоон хот болгохын тулд нэн түрүүнд Төв цэвэрлэх байгууламжийг яаралтай шинэчлэх шаардлагатай байна. Үнэхээр аюулын байдалд хүрсэн. Цэвэрлэх байгууламж маш нарийн инженерийн шугам сүлжээний үйлдвэр гэвэл үгүй. Энгийн л нэг байгууламж. Манайх шиг бохирдлоо ил задгай асгаж, ууршуулах аргаар цэвэрлэдэг хот дэлхийд байхгүй. Ийм хоцрогдсон технологитой байвал цаашид хөгжиж эрүүл хот болно гэвэл боломжгүй. Хамгийн түрүүнд шинэ технологиор цэвэрлэх байгууламжийг барих зайлшгүй шаардлагатай. Гэр хорооллын хөрсний бохирдол 90 хувьд хүрчихсэн. Үүнээс болж төрөл бүрийн халдварт өвчлөлүүд их үүсч байна. Энэ тал дээр нийслэлээс бодлого хэрэгжүүлэх хэрэгтэй. Бид ч хамтран ажиллахдаа бэлэн байна. Гэр хорооллыг дахин төлөвлөж олон давхар байшин барих нь зохимжгүй. Үүний оронд гэр хорооллыг инженерийн дэд бүтэц, эрчим хүчтэй холбож, эрчим хүч үйлдвэрлэх нь маш чухал юм”

УИХ-ын гишүүн Б.Ундармаа “Гэр хорооллын иргэдийн наад захын хэрэглээ болох цахилгаан, эрчим хүч, ус зарим газар хангагдахгүй байна. Энэ тал дээр анхаарч ажиллахыг хүсч байна. Хотын иргэдийн хүсдэг зүйл бол мэдээж соёлтой үйчилгээ шүү дээ. Төрийн албан хаагчдыг иргэдэд хүнд сурталгүй үйлчилдэг болгоход анхаарч ажиллах шаардлагатай”

УИХ-ын гишүүн Ж.Батзандан “Газрын харилцаанаас нийслэлийн орлогыг нэмэгдүүлэх бололцоо маш их байгаа. Орлогын томоохон эх үүсвэрийг бий болгож, нийслэлийн хөгжилд хувь нэмрээ оруулах бүрэн боломжтой. ТЭЗҮ хийсэн томоохон төсөл, хөтөлбөрүүдээ яаралтай хэрэгжүүлж эхлэх хэрэгтэй. Бүх өрхийн эмнэлгийг цэргийн технологиор бага зардлаар өргөтгөх боломжтой. Та бүхэн үүнийг судалж үзээрэй. Гэр хорооллын дахин төлөвлөлтөд ороод гацчихсан олон өрх байна. Эдгээр иргэний асуудлыг яаралтай шийдвэрлэхийг хүсч байна. Цаашид хамтран ажиллахдаа бэлэн байх болно”

УИХ-ын гишүүн М.Оюунчимэг “Би Чингэлтэй дүүргийн бүх хороогоор явж нөхцөл байдалтай танилцсан. Хүндрэлтэй асуудлууд олон байна. Тухайлбал, зарим хороонд нэг ч банк байхгүй, нийтийн тээвэр ч явахгүй байна. Энэ асуудлыг яаралтай шийдэх хэрэгтэй. Мөн гэр хорооллын сургуулиудын эргэн тойронд архи, тамхи их худалдаалж байна. Үүнийг таслан зогсоохыг хүсч байна. Улаанбаатар хотын хөгжлийн төлөө Та бүхэнтэй хамтран дэмжиж ажиллах болно”

УИХ-ын гишүүн Д.Сарангэрэл “УИХ-д нийслэлээс сонгогдсон 28 гишүүн байна. Бид Та нарын ард ямагт асаалттай танк байх болно. Нийслэлд ямар хууль эрх зүйн орчинг бүрдүүлэх шаардлагатай байна үүнд бид хамтран ажиллахдаа бэлэн байх болно. Би зарим асуудлыг шууд яриад шийдүүлж байгаа. Тухайлбал, Хан-Уул дүүргийн 45-р цэцэрлэгийн асуудлыг Засаг даргын салбар хариуцсан орлогчтой ярьж, маш хурдан шийдүүлж чадсан. Мөн тус дүүрэгт хурд сааруулагч тавих шаардлагатай байсан үүнийг ч шийдсэн. Энэ мэтчилэн хийх ёстой ажлуудыг холбогдох хүмүүст бичгээр өгнө. Та бүхэн яаралтай хариу өгч байгаарай. Хоёр талаасаа хамтран асуудлаа тухай бүрт нь шийдэж байя”

УИХ-ын гишүүн А.Ундраа “Улаанбаатар хотын утааны асуудал бол нийгмийн эрүүл мэндийн хувьд гамшиг болж байна. Утааг багасгахын тулд зөвхөн зуухаар шийдэхгүй. Үүнийг цахилгаан, дулааны орчин үеийн шийдэл л шийднэ. Та бүхнийг Улаанбаатар хотоо агаарын бохирдлоос гаргаж чадсан шинэлэг баг байгаасаа гэж хүсч байна. Хот татвартай байх ёстой. Гэхдээ хүн ам ихтэй А зэрэглэлийн бүсэд өндөр татвартай, захын гэр хорооллоор бага татвартай байх татварын уян хатан бодлогыг явуулах нь чухал. Хот өөрөө татвартай байж орлогын эх үүсвэрээ бүрдүүлнэ шүү дээ”

УИХ-ын гишүүн С.Жавхлан “Энэхүү уулзалт цаг хугацаагаа олсон зөв зүйл болж байна. Өнөөдөр хотын өмнө тулгамдаад байгаа асуудлуудын нэг бол оршуулга болоод байна. Хатуухан хэлэхэд үхсэн, амьд хоёр нь газраа булаацалдаж байгаа юм шиг байдалтай байна. Бид өвөг дээдсээ зөв оршуулж чадахгүй байна. Уриалгын чанартай зүйлүүдийг иргэдэд хүргэж, монгол ёс заншлаа сэргээх зайлшгүй шаардлагатай болоод байгаа юм. Мөн шинээр байгуулж байгаа газруудын хаягийг босоо монгол бичигтэй болгож, сэргээх хэрэгтэй байна. Энэ тал дээр анхаарч ажиллахыг хүсч байна. Утаа, бөглөрөл гэхээсээ илүү сэтгэл, оюун ухааны бөглөрлийг арилгасан тохиолдолд замын түгжрэлийг арилгаж, утаагүй болж чадна гэдэг урилгыг иргэдэд хүргэж ажиллана гэдэгт итгэж байна. Бид бүхний гарт Монголын тал хүний хувь заяа байна. Эдгээр иргэдийнхээ төлөө итгэлийг нь алдалгүйгээр ажиллах болно”

УИХ-ын гишүүн Ж.Ганбаатар “Хотын нэг хувийн татвараас 2015 онд хэдэн төгрөг төвлөрсөн, 2016 онд хэдийг төвлөрүүлэхээр төлөвлөсөн бэ? Мөн 2020 оны хотын ерөнхий төлөвлөгөөнд жижиг дунд үйлдэрийг яаж дэмжихээр тусгасан бэ? гэдгийг асуумаар байна.

Иргэдийн өмчийг эргэлтэд оруулж, гэр хорооллын барилгажилтад анхаарах хэрэгтэй. Гэр хороололд 3-4 давхар, цахилгаан шатгүй, өөрийгөө халаадаг барилгууд баригдвал илүү хурдацтай гэж үзэж байна”

Нийслэлийн Засаг даргын Тамгын газрын Санхүү, Төрийн сангийн хэлтсийн дарга Э.Ганхүү “2015 онд хотын татварт 1,7 тэрбум төгрөг төвлөрүүлсэн. Харин 2016 онд 10 тэрбумын орлого төвлөрүүлэх тооцоотой байгаа юм. Одоогийн байдлаар 5,7 тэрбум төгрөг төвлөрч байна” гэв.

Нийслэлийн Засаг дарга бөгөөд Улаанбаатар хотын Захирагч С.Батболд “Хэрвээ нэг хувийн татварыг хүчингүй болговол хот дахиад хэзээ ч татвартай болж чадахгүй. Аль ч улсад хотын татвар байдаг. Үүнийг хэвшүүлэх хэрэгтэй, заавал байх ёстой зүйл. Жижиг дунд үйлдвэрийг дэмжих төвийг дөрвөн газар байгуулна гэж мөрийн хөтөлбөрийн төсөлд тусгасан байгаа” гэлээ. Мөн тэрээр бидний урилгыг хүлээн авч, анхны уулзалтад ирсэн нийт гишүүддээ талархал илэрхийлье. Энэхүү уулзалтыг хагас жилд нэг удаа зохион байгуулахаар төлөвлөж байгаа юм. Нийслэлийн хөгжлийн төлөө Та бүхнийхээ дэмжлэгийг авч, хамтран ажиллахдаа таатай байх болно” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
САНАЛ БОЛГОЖ БАЙНА

Ховд аймагт бог малын мялзан төст өвчин гарсантай холбогдуулан энэ сарын 13-наас эхлэн 10 хоногийн өндөржүүлсэн бэлэн байдал зарлаж, хорио цээрийн дэглэм тогтоогоод байгаа билээ. Тэгвэл мялзан төст өвчний голомтод газруудад 44 пост шинээр гарган ажиллаж байна.

Харин Аймгийн төв Жаргалант сумын хэмжээнд зургаан пост ажиллаж байгаа аж.

Мал малын гаралтай түүхий эд бүтээгдэхүүнийг оруулахыг хориглож байсан бол одоо аргал, өвс хадлан ногоо зэргийг ч оруулахыг хоригложээ.

Гамшгаас хамгаалах талаар төрөөс баримтлах бодлого, хөтөлбөр, гамшгийн эрсдэлийг олон нийтийн оролцоотой бууруулах үндэсний хөтөлбөрийг хэрэгжүүлэх хүрээнд Онцгой байдлын ерөнхий газар, “Дэлхийн зөн Монгол” олон улсын байгууллага хамтран “Сургуулийн гамшгийн эрсдэлийг бууруулах, даван туулах чадавхийг бэхжүүлэх” төслийг Орхон, Хөвсгөл аймаг, нийслэлийн Баянзүрх, Сонгинохайрхан дүүргийн нийт 12 ерөнхий боловсролын сургууль дээр хэрэгжүүлээд байна.

89700606424258_46986632554109

Төслийн хүрээнд ерөнхий боловсролын сургуулийн багш, сурагчдад гамшгаас хамгаалах мэдлэг, дадлыг эзэмшүүлэх сургалтыг 2016 оны 09 дүгээр сарын 07-ноос эхлэн төсөлд хамрагдсан аймаг, нийслэлийн сургуулиудад зохион байгуулж байна. Онолын сургалтыг зорилтод сургуулийн багш, сурагчдыг хамруулан, ОБЕГ, Дэлхийн зөн Монгол” ОУБ-аас хамтран гаргасан “Аюулгүй өрх” номын агуулгаар, дадлага сургуулийг газар хөдлөлтийн цагийн байдлаар явуулж байна. Сургалт энэ сарын 16-ныг хүртэл үргэлжилнэ.

received_946175505439539 89077712244141_31872505755288

Монгол Улсын Ерөнхий сайд Ж.Эрдэнэбатыг Сэлэнгэ аймгийн Сүхбаатар суманд хүрэлцэн ирэхэд Сүхбаатар цэргийн хүрээний бие бүрэлдэхүүн хүндэтгэн жагсч, аймаг, сумын удирдлага, иргэдийн төлөөлөл Партизаны талбайд угтан авлаа.

Ерөнхий сайд яг одоо Сүхбаатар сумын иргэдтэй уулзаж Засгийн газраас авч хэрэгжүүлж байгаа болон цаашид авах арга хэмжээний талаар танилцуулж, иргэдийн асуултад хариулж байна.

Тэрээр өнөөдөр Цагааннуур, Зүүнбүрэн, Шаамар суманд ажиллан “Атар трейд”, “Гацуурт”, Гэгээлэг трейд” компанийн тариа, хүнсний ногооны хураалт, хадгалалтын байдалтай танилцаж, тариаланчид, ногоочидтой уулзана гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Хуульчийн мэргэжлийн шалгалтыг 11 дүгээр сарын 23-25-нд явуулна

Хүн амын амьжиргааны түвшинтэй харьцуулахад эмзэг бүлгийн хүүхдүүд өвчлөлд өртөх нь элбэг байгаа талаар албаныхан хэлсээр ирсэн.

Иймд Эрүүл мэндийн сайд А.Цогцэцэг НҮБ-ын Хүүхдийн сангийн суурин төлөөлөгчтэй уулзах үеэрээ 0-5 насны хүүхдүүдийн дунд судалгаа хийхэд дэмжлэг үзүүлэх, БЗХӨ-өөр 13-аас дээш насны хүүхдүүд өртөж байгаа болоод төрөлхийн тэмбүүтэй хүүхдийн тоо нэмэгдэж байгаад судалгаа хийхэд хамтарч ажиллахыг хүслээ.

НҮБ-ын Хүүхдийн сан нь эрүүл мэндийн салбарт бага насны хүүхэд, ялангуяа эмзэг бүлгийн бага насны хүүхдийн эрүүл мэнд, хоол тэжээл, хамгааллын чиглэлээр Засгийн газрын үйл ажиллагааг дэмжин ажилласаар ирсэн билээ.

Улсын хэмжээнд 501 мянган тонн үр тариа хураан авна

Фото: Зөвхөн насанд хүрэгчдэд зориулсан монгол зураачдын бүтээлүүд

Монгол Улсын Зам тээврийн хөгжлийн яамны саналаар Монгол-Оросын хувь нийлүүлсэн нийгэмлэг УБТЗ-ын ерөнхий хорооны Монголын талын гурван гишүүнийгчөлөөлж, томилжээ. Ерөнхий хорооны гишүүн Монголын тээвэрчдийн холбооны ерөнхийлөгч Д.Наранпүрэв, Монголын төмөр замын инженерүүдийн холбооны тэргүүн Ч.Сүрэнхорлоо, ЗГХЭГ-ын дэд дарга асан Г.Ганболд нарыг чөлөөлж Зам тээврийн хөгжлийн дэд сайд Б.Цогтгэрэл /Шилэн Цогоо/, Зам тээврийн хөгжлийн яамны төмөр зам, далайн тээврийн бодлогын хэрэгжилтийг зохицуулах газрын дарга Б.Артур, ЗГХЭГ-ын ахлах референт, орчуулагч Н.Буяндэлгэр нарыг хувь нийлүүлэгчдийн хурлаас томилсон байна.

Зам тээврийн дэд сайд Б.Цогтгэрэл, Б.Артур нарыг албан тушаалын харъяаллаар УБТЗ-ын ерөнхий хороонд томилогдсон байна. Харин Засгийн газрын хэрэг эрхлэх газарт ахлах референт Н.Буяндэлгэрийг Монгол Улсын Ерөнхий сайд Ж.Эрдэнэбатын саналаар ерөнхий хорооны гишүүнээр томилсон байна.

Энэ сарын 16-нд төвийн аймгуудын ихэнх нутаг, баруун, зүүн аймгуудын хойд хэсгээр, 17-нд нутгийн зүүн хагаст, 18-нд зүүн аймгуудын нутгаар, 19-нд нутгийн төв хэсгээр бороо, Хангай, Хөвсгөл, Хэнтэйн уулсаар нойтон цас орно гэж Ус цаг уур, орчин шинжилгээний хүрээлэнгээс мэдээллээ. Салхи 16-17-нд говь талын нутгаар секундэд 14-16 метр хүрч ширүүснэ. 16-нд нутгийн хойд хэсгээр, 17-нд нутгийн зүүн хагаст, 18-нд зүүн зүгийн нутгаар сэрүүсч Хангай, Хөвсгөл, Хэнтэйн уулархаг нутгаар шөнөдөө 4 градус хүйтнээс 1 градус дулаан, өдөртөө 9-14 градус, Их нууруудын хотгор, говийн бүс нутгийн өмнөд хэсгээр шөнөдөө 7-12 градус, өдөртөө 17-22 градус, бусад нутгаар шөнөдөө 2-7 градус, өдөртөө 13-18 градус дулаан байна.

“Рио-2016” паралимпийн наадмын жүдо бөхийн 60 кг-д Б.Ууганхүү, пауэрлифтингийн 88 кг-д Э.Содномпилжээ нар хүрэл медаль хүртэж, монгол түмнээ баярлуулсан билээ.

Төр, нийгмийн нэрт зүтгэлтэн Маршал Юмжаагийн Цэдэнбалын мэндэлсний 100 жилийн ойд зориулсан ”Алдар гавъяаны замнал” үзэсгэлэн өнөөдөр Монголын Үндэсний музейд нээлтээ хийнэ.

Бяцхан О.Амина минь өндөр болоорой
Өдрийн сонин

Хүний хамгийн хурдан өсдөг үе хүүхэд нас. Тиймдээ ч хүүхэд бүхэн “Яасан том болоо вэ” гэх гайхаж бахадсан үгийг хамгийн их сонсдог байх. Харин жаахан О.Амина л өсөж том болохгүй юм. Уг нь тэр дөрвөн настай. Гэвч яг л хоёр настай хүүхэд шиг өөдөсхөн биетэй. Учир нь түүнийг хоёр нас дөнгөж хүрээд шувуухай шиг жиргэж байх үед нуруу нь мурийж өсөлт нь зогсчээ. Эмнэлгийн хэллэгээр бол нейрофеброматозис гэж хэл хугалчихмаар нэр томьёотой юм. Харамсалтай нь энгийн хүн шууд ойлгохгүй энэхүү оношийг Монголд эмчилж чаддаггүй юм байна. Тиймээс О.Амина үеийнхээ хүүхдүүдийг яагаад ийм өндөр юм бол доо гэж гайхашран харсаар хоёр жил болж байгаа ажээ. Түүнтэй уулзахаар Гачуурт дахь гэрт нь очив. Балчир үрсийн зангаар эхэндээ бишүүрхээд ээжийнхээ араар нуугдан томоотой суугаад байлаа. Төд удалгүй дүүтэйгээ хөөцөлдөн тоглоход охинд цаанаа нэг тээртэй байгаа нь анзаарагдав. Дүү нь хоёр настай хэдий ч өндрөөрөө тэр хоёр чацуу юм. Бараг л дүү нь өндөр болж буй ажээ. Тиймдээ ч хааяа эгчийгээ бяцхан шоглочих гээд байна. Тэр болгонд О.Амина “Би чамаас намхан ч гэлээ эгч чинь учраас битгий үснээс зулгаагаад бай” гэж учирлах аж. О.Аминагийн тухай ээж нь “О.Амина манай том охин. Аав бид хоёрынхоо хайраас ургаж дэлбээлсэн жаахан охин минь хоёр нас хүртлээ эрүүл саруул өсөж байлаа. Гэтэл цээж нь зүүн хэсгээрээ урагшлаад байсан. Шат шатны эмнэлгүүдэд үзүүлэхэд “Рахит байна. Агаарт сайн гарга” гэж удаа дараа хэлдэг байв. Тэдний үгийг дагаад л хөдөө хээр охиноо их л салхилуулсан даа. Ажлаасаа чөлөө авч гурван сар Хэнтийд хүртэл амьдарч үзсэн. Гэвч цээж нь улам л төвийгөөд байхаас биш зүгээр болсонгүй. Гайхаад үзүүлэхээр өнөөх л оношоо хэлнэ. Гэвч сүүлдээ баруун дал нь мултраад гараад ирсэн хойно л цусны шинжилгээ өгч оношийг нь мэдсэн дээ” гэж ярилаа.

Гэхдээ энэ хооронд эмч нарт хангалттай олон удаа үзүүлсэн боловч рахит гэснээс өөрийг хэлж чадаагүй нь өвчнийг улам хүндрүүлжээ. Аав, ээж хоёр нь амин үрээ энгэртээ тэвэрч эмнэлгээс эмнэлгийн хооронд аргаа барж гүйсээр бүтэн жилийн дараа л нурууны мурийлттай гэдгийг мэдэж авсан байна. Ийм оноштой бол ямар ч хүүхэд өсөж том болох боломжгүй. Хэдийгээр оюун санаа нь тэлж хөгжих ч гэлээ охин өөдөсхөн жаахан хэвээрээ л байх юм. Манайд одоохондоо ийм төрлийн өвчинг эмчилж чадахгүй. Гэсэн ч аз болж тухайн үед Монголд ирээд байсан Солонгосын “Нанүри” эмнэлгийн нуруу, нугасны эмчтэй уулзахад “Юутай ч MRI шинжилгээ хийлгэчих. Гэхдээ охин дэндүү балчир байгаа учраас одоохондоо мэс засал хийх боломжгүй” гэсэн байна. Аав, ээж хоёр нь энэ мэдээг сонсоод юутай ч эмчлэх боломж байгаа юм чинь тав, зургаан нас хүргэж байж мэс засалд оруулъя гэсэн шийд гаргаад байв. Гэтэл өнгөрсөн зун MRI шинжилгээ хийлгээд Солонгос руу явуултал дахиад л муу мэдээ ирэх нь тэр. Охины нуруу мурийлтаасаа болоод хавдрын урьтал үедээ орчихсон байна гэнэ. Иймд өдөр алдахгүй Солонгос руу явж яаралтай мэс засалд оруулахаас өөр аргагүй болжээ. Тэндээс “Охины нуруу тавин хэмээс дээш хазайлттай байгаа. Мэдрэлийн судас нь ясандаа дарагдаж, тэр нь хавдсан. Тиймээс яаралтай хагалгаа хийлгэх шаардлагатай” гэсэн хариу ирүүлжээ. Ээжтэй нь ийн хөөрөлдөх зуур О.Амина байс гээд л хананд наасан метрийн дэргэд очоод зогсчих юм. Ээжээсээ “Би яагаад өндөр болохгүй байгаа юм бэ. Дүү яагаад надаас том болоод байгаа юм” гэж асуух ажээ. Энэ үеэр аав О.Одонсансар гэртээ хүрч ирэв. Бид хэсэг ярилцлаа.

-Охиныг Монголд эмчлэх боломжгүй юм байна. Яагаад заавал Солонгост эмчлүүлэхээр болов?

-Монголд оношийг нь тогтоож чадахгүй болохоор гадны хэд хэдэн эмнэлэгт охиныхоо нурууны зургийг явуулсан юм. Бүгд л нурууны мурийлт гэж оношилсон. Дөрвөн наснаас нь хэтрүүлэлгүй мэс засал хийлгэвэл эдгэрэх боломжтой гэсэн. Мэдээж хэрэг гадаад улсын эмнэлгүүд өндөр хэмжээнд хөгжсөн хэдий ч түүнийгээ дагаад өртөг өндөр. Охиныхоо нурууны зураг, шинжилгээний хариуг олон улсын эмнэлэг рүү явуулснаас мэс заслыг хамгийн хямд хийх нь Солонгосын эмнэлэг болчихоод байгаа юм.

-Нийт хэчнээн төгрөг хэрэгтэй болж байна вэ?

-Солонгост очихоор нь юуны түрүүнд шинжилгээ авна гэсэн. Шинжилгээ нь 1500 ам.доллар болох юм билээ. Харин мэс засал нь 38 мянга орчим ам.доллар болно гэсэн. Бүгд нийлээд 90 орчим сая төгрөг болох байх гэж тооцоолоод байгаа. Гэхдээ шинжилгээний хариу харж байж зардал нэмэгдэх эсэхийг тодорхой хэлнэ гэсэн. Тэндхийн эмч нар хүүхдийнхээ ирээдүйг бодож байвал ганц өдрийн ч өмнө болтугай ир гээд байгаа. Гэхдээ энэ мэс заслыг тийм ч амархан хийхгүй гэсэн. “Korea” их сургуулийн хүүхдийн нуруу нугасны тасгийн эмч нартай хамтарч хийх юм билээ. Ер нь их хүнд мэс засал болно гэсэн. Гэхдээ эдгэх магадлал өндөр. Тиймээс бидэнд сайхан ирээдүй ойрхон байгаа гэж харагдаад л байгаа юм.

-Одоо охин ямар зовиуртай байгаа вэ?

-Солонгос эмнэлгийн эмч Монголд байхдаа охины минь нурууны хэвийг аваад явсан. Очоод нурууны муруйлт нэмэгдэхээс сэргийлсэн хантааз үнэ төлбөргүй хийж явуулсан юм. Одоохондоо тэр хантаазаа өмсөж байгаа. Уг нь эхэндээ айхтар зовиур байхгүй байсан боловч өдөр, хоногоор нэмэгдэхийн хэрээр өвддөг болсон. Заримдаа ч учиргүй айлгаж аав ээжийгээ сандаргана. Бие нь өсөхгүй ч гэлээ ухаан нь нэмэгдэж байгаа болохоор өөрийгөө нэг л биш байгаа гэдгээ мэдээд байгаа юм. Байнга л дүү яагаад надаас өндөр болох гээд байгаа юм бэ л гээд байдаг. Ээжээсээ “Би өндөр болно биз дээ. Том болоод мисс болмоор байна” гэдэг юм.

-Уг нь зардал мөнгөө олоод Солонгос руу явчихвал хэвийн болчих уу?

-Нурууны муруйлтыг тэгшлээд нурууных нь үе болгонд дарагдсан судас, шөрмөсийг суллах зориулалттай төмөр суулгах юм билээ. Тэр төмрөө нуруу нь бэхэжтэл байлгах ёстой гэсэн. Хүний яс 15 нас хүрч байж бэхэждэг юм байна. Тэр хугацаанд охины өсөлт хэвийн явагдах учраас зургаан сар тутамд нуруунд нь суулгасан төмрөө засуулах жижиг мэс ажилбар хийлгэнэ.

-Солонгост хийлгэх үү?

-Жижиг мэс ажилбар учраас Монголд хийх боломжтой юм билээ.

О.Аминагийн гэрийнхэнтэй ийн хөөрөлдөв. Амьдралаа босгож буй залуу гэр бүл учраас охиных нь эмчилгээний зардалд хэрэгтэй мөнгө байхгүй. Хоёр жилийн турш оношийг нь тогтоож шинжилгээ хийлгэхийн тулд машин тэргээ зарж цалингийн зээл авцгаажээ. Одоо харин арга мухардан олон түмнээс туслалцаа гуйхаас өөр аргагүй болсон гэнэ. Уншигч олон та бүхнийг Монголын ирээдүй болсон залуу гэр бүлд сэтгэлийн дэм болж жаахан О.Аминаг өндөр болоход туслаарай гэж уриалъя. Таны хандивласан мөнгө О.Амина охиныг ямх ямхаар өндөр болгох юм шүү. Монголчууд бид хүүхдийг өндөр болоорой гэж ерөөдөг ард түмэн билээ.

Хандивын данс:

Голомт банкны 1605030923

Хаан банкны 5007471852

Хасбанкны 5001215647

Төрийн банкны 101400146310

Хүлээн авагчийн нэр: О.Одонсансар.

Холбоо барих утас: 88127920, 89807465

Олон улсын номын баяр болно

Рио-2016 паралимпийн наадамд оролцсон Д.Баатаржав, А.Анхбаяр нар тэмцээнээ өндөрлүүллээ.

Нийслэлийн удирдлагууд төрийн түшээдтэй Улаанбаатар хотын хөгжлийн төлөө нэг баг болон ажиллана