09:30 цагт: Стандартчиллын Үндэсний Зөвлөлийн хурал Стандартчилал, хэмжил зүйн газрын хурлын танхимд болно.

09:45 цагт: Тахарын ерөнхий газар, Онцгой байдлын ерөнхий газартай хамтран Гамшгийн ослоос урьдчилан сэргийлэх хамтарсан практик сургуулилт зохион байгуулах гэж байна. (Туушин зочид буудлын зүүн талд хуучнаар Архивын ерөнхий газар)

10:00 цагт: Мэргэжлийн боловсрол, сургалтын Үндэсний зөвлөлийн 2016 оны анхдугаар хуралдаан ”Шангри-Ла” зочид буудлын ”Москва” танхимд эхэлнэ.

11:00 цагт: Хэвлэлийн Хүрээлэнд 2016 оны УИХ болон НИТХ-ын сонгуулийн мэдээллийн урьдчилсан дүнг сэтгүүлчид болон иргэний нийгмийн байгууллагынханд Хэвлэлийн Хүрээлэн, Бүгд Найрамдахчуудын Хүрээлэнгээс танилцуулна.

11:00 цагт: MN-Мэдээллийн төвд Ази, далайн 27 орны эх барих эмэгтэйчүүдийн эмч нарын нийгэмлэг, холбоодын удирдлагуудын бага хурал, эмч нарын семинар энэ сарын 23-25-нд Улаанбаатар хотод болохтой холбогдуулж мэдээлэл хийнэ.

11:00 цагт: УДБЭТеатрын тайзнаа тавигдсан анхны мэргэжлийн балет болох Б.Асафьев ”Бахчисарайн оргилолт булаг” балетын түүхэн 60 жилийн ойн тоглолт 2016 оны 06 сарын 25,26 болох юм. Тоглолтын хэвлэлийн бага хурал өнөөдөр УДБЭТеатрын байранд болно.

11:30 цагт: MN-Мэдээллийн төвд МАХН-ын гишүүд хэвлэлийн бага хурал зарлалаа.

11:30 цагт: Зууны мэдээ сонины Үндэсний мэдээллийн төвд СХД-ийн 71-р тойрогт бие даан нэр дэвшигч Х.Бат-Ялалттай холбоотой асуудлаар тус дүүргийн ИЗНН-аас мэдээлэл хийнэ.

12:00 цагт: MN-Мэдээллийн төвд З.Баянсэлэнгийн Сонгуулийн штабаас нэр дэвшигчдийн талаар ноцтой баримт дэлгэнэ.

12:00 цагт: Хэвлэлийн Хүрээлэнд 2013 онд ашиглалтанд орох байсан УБЦТС компанийн ажилчдын орон сууцтай холбоотой асуудлаар тус компанийн ҮЭХ, ажилчдын түр хороо баримт дэлгэж үнэн бодит мэдээлэл өгнө.

12:00 цагт: Зургадугаар сарын 19-ний өдрийн ebarimt сугалаанаас өндөр дүнтэй хонжвор хожсон азтануудтай уулзах уулзалт Гааль татварын ерөнхий газар болно. Мөн сугалааны болон буцаалтын талаар мэдээлэл өгнө.

18:00 цагт: Энэтхэгийн Балданбрайбун хийдийн Гоман дацангийн гэвш, лхаарамба, МБШТөв Гандантэгчэнлин хийдийн Шашины ИС-ийн багш Агваанцүлтэм бээр 3-р Далай Ламын зохиосон ”Бодь мөрийн зэрэгийн хөтөлбөр-Тунгаамал алтан” номын тайлбарыг долоо хоногийн Пүрэв болон Баасан гаригт үргэлжлүүлэн айлдана.

2016.6.23, Пүрэв гараг / Билгийн тооллын: 18
Зуны дунд хөх морин сар
Дөрвөн ногоон мэнгэтэй улаан хулгана өдөр

Аргын тооллын: 2016.6.23, Пүрэв гараг
Наран ургах шингэх: 05.54-21.55
Үс засуулбал: Эд малын гарлагатай
Барилдлага: Үл тохирох
Шүтэн барилдлага: Нэр өнгө

Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эд эдлэл барагдах, хулгай, дээрмийг дарах тэргүүтэнд махаши тэнгэрээс гаслан ирэх тул хэрэг тус үл бүтнэ. Үйл буруутгах, ламд золгох зэрэг цагаан зүгийн үйлэнд сайн. Баруун нүд татвал холын сураг сонсох, зүүн нь татвал эд олдох, баруун чих хангинавал ундаа олдох, зүүн чих хангинавал түлэгдэх. Нохой уливал үхсэний сураг сонсох, хэрээ дуугарвал нөхөртэй учрах, тагнай загатнавал хувцас олдоно. Бие татвал эцэг, эхэд муу. Хөл татвал хэрүүл, тэмцэл гарах муу ёр болой. Өдрийн сайн цаг нь хулгана, үхэр, туулай, морь, бич, тахиа болой. Үс шинээр үргээлгэх буюу засуулбал эд малын гарлагатай.

БАРУУН АЙМГУУДЫН НУТГААР: Үүлшинэ. Шөнөдөө бороо орохгүй. Өдөртөө нутгийн баруун хэсгээр түр зуурын бороо орно. Дуу цахилгаантай. Салхи зүүн өмнөөс секундэд 6-11 метр. Алтай, Хангайн уулархаг нутгаар шөнөдөө 1-6 градус, өдөртөө 17-22 градус, Алтайн өвөр говь, Их нууруудын хотгороор шөнөдөө 10-15 градус, өдөртөө 24-29 градус, бусад нутгаар шөнөдөө 6-11 градус, өдөртөө 21-26 градус дулаан байна.

ТӨВИЙН АЙМГУУДЫН НУТГААР: Үүлэрхэг. Нутгийн зүүн хэсгээр бага зэргийн бороо орно. Салхи хойноос секундэд 5-10 метр. Шөнөдөө Хангай, Хөвсгөл, Хэнтэйн уулсаар 1-6 градус, бусад нутгаар 5-10 градус, өдөртөө Орхон-Сэлэнгийн сав нутгаар 20-25 градус, бусад нутгаар 17-22 градус дулаан байна.

ЗҮҮН АЙМГУУДЫН НУТГААР: Үүлэрхэг. Зарим газраар бороо орно. Салхи хойноос секундэд 6-11 метр. Шөнөдөө нутгийн хойд хэсгээр 4-9 градус, нутгийн өмнөд хэсгээр 8-13 градус, өдөртөө бүх нутгаар 18-23 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орохгүй. Салхи баруун хойноос секундэд 5-10 метр. Шөнөдөө 6-8 градус, өдөртөө 20-22 градус дулаан байна.

ГОВИЙН АЙМГУУДЫН НУТГААР: Солигдмол үүлтэй. Бороо орохгүй. Салхи зүүн хойноос секундэд 6-11 метр. Дундговийн нутгаар шөнөдөө 6-11 градус, өдөртөө 18-23 градус, бусад нутгаар шөнөдөө 10-15 градус, өдөртөө 21-26 градус дулаан байна.

УЛААНБААТАР ХОТ: Үүлэрхэг. Шөнөдөө бороо орохгүй. Өдөртөө түр зуурын бороо орно. Салхи хойноос секундэд 5-10 метр. Шөнөдөө 6-8 градус, өдөртөө 18-20 градус дулаан байна.

Баянзүрх дүүргийн 22 дугаар хороонд буюу Цайз захын хойно Алтан-Өлгийн 29-467 тоотод сонгуулийн сурталчилгаа тарааж явсан эмэгтэй таван хүүхдийн амийг аварчээ.

МАЛЧИД, ТАРИАЛАНЧДЫН ”НАР ГАРНА”

Өнгөрөгч өдрүүдэд усархаг бороо үргэлжлэн орсонтой холбогдуулан Нийгмийн Эрүүл мэндийн хүрээлэнгээс иргэдэд зөвлөмж хүргэж байна.

Экспортыг эн тэргүүнд тавьж орлогыг хоёр дахин өсгөнө

ҮЛГЭР ЖАРГАХ ЦАГААР...

Монгол Улсын Соёлын Гавьяат Зүтгэлтэн, Д.Нацагдоржийн нэрэмжит шагналт зохиолч С.Пүрэв хүндээр өвдөж, өнгөрсөн дөрөвдүгээр сарын 13-нд БНХАУ-ын Бээжин хотод эмчлүүлэхээр явсан билээ. Түүний эмчилгээ амжилттай болж, өвчин нь бүрэн эдгэрч эх орондоо иржээ.

”Дэлхийн банкны тайланг Э.Бат-Үүлийн удирдлага, зөвлөмжийн дагуу гаргасан” гэв

Улаанбаатар хотын дулааны төв шугам, тоноглолын их болон урсгал засварын ажил төлөвлөсөн графикийн дагуу хийгдэж байна.

УИХ-ын сонгуулийн 74-р тойрогт Ардчилсан намаас нэр дэвшигч Бандихүүгийн УРГАМАЛЦЭЦЭГ өнөөдөр СХД-ийн 9-р хорооны айл өрх, албан байгууллагуудаар орж, иргэдийн санал сэтгэгдлийг үргэлжлүүлэн сонслоо.



Нэр дэвшигчийн санаачилсан “Авъяас”, “Зөв Монгол хүүхэд”, “Сайн оюутан” зэрэг хөтөлбөр цагаа олсон сайн ажил болсныг энэ үеэр олон иргэн хэллээ. Түүнчлэн, Хамтын тэтгэврийн тухай болон Хүүхэд харах үйлчилгээний тухай хууль амьдрал дээр үр өгөөж өгч эхэлсэнд талархалтай байна. Энэ хуулийг батлуулахын тулд нэр дэвшигч Б.Ургамалцэцэг Ерөнхий сайдын Нийгмийн бодлогын зөвлөхийн хувиар ихээхэн хүч анхаарал тавьж, араас нь хөөцөлдөж явсан нэгэн юм.



Тухайлбал, СХД-ийн 9-р хороо буюу Баянхошуунд ажиллаж байгаа “Цоохондой” төвийнхөн Хүүхэд харах үйлчилгээний сайн жишээ болж байна. Боловсролын байгууллагад 20 гаруй жил ажилласан туршлагатай ахмад багшийн байгуулсан энэ төвд гэртээ ажилгүй сууж байсан эмэгтэйчүүд ажилладаг. Багш нараа мэргэшүүлж сургасан, үйлчилгээгээ улсын цэцэрлэгийн стандартаар явуулдаг учраас эцэг эхчүүд тэднийд хүүхдээ өгөх дуртай гэнэ. Тус хороонд эднийх шиг төв ердөө 2-хон ажиллаж байгаа учраас цаашид улам олныг байгуулах шаардлагатай байна гэж эцэг эхчүүд хэлж байлаа.

З.Энхболд: Монгол Улс “ӨРГҮЙ” харин хуваарийн дагуу төлөх зээлтэй

“САЙН ХАШАА” САЙХАН АМЬДРАЛ

Гэр хорооллын бүсд амьдарч буй иргэдийн амьдрах орчин нөхцөлийг сайжруулах, гэр хорооллыг инженерийн хэсэгчилсэн дэд бүтэцтэй хороолол болгон хөгжүүлэх “Сайн хашаа” хөтөлбөрийг Засгийн газраас батлан хэрэгжүүлэхээр болсон.
Хөтөлбөрийн хүрээнд гэр хорооллын дэд бүтцийн асуудлыг шийдвэрлэх чиглэлээр таван жилийн хугацаатай, 10 сая хүртэлх төгрөгийн зээл олгохоор тогтоогоод байсан юм. Гэвч ”Сайн хашаа” хөтөлбөрийг хэрэгжүүлэх явцад иргэд барьцаа хөрөнгө болох газрынхаа гэрчилгээг арилжааны банк, банк бус санхүүгийн байгууллага болон ломбардад зээлийн барьцаанд тавьсан асуудал цөөнгүй гарсан юм. Тиймээс хөтөлбөрт хамрагдах нэг зээлдэгчид 10 сая төгрөг олгохоор байсныг 15 сая хүртэлх болгож журмандаа өөрчлөлт оруулсан билээ.
Нэмэлт 5 хүртэлх сая төгрөгийн зээлээр иргэд дахин зээлжих бололцоо олгож байгаа нь өндөр хүүтэй ломбарднаас газрынхаа гэрчилгээ суллаж авах боломжийг олгож байгаа хэрэг юм.
Ингэснээр гэр хорооллын дахин төлөвлөлтийн гурав дахь том давалгааг эхлүүлэн, эхний ажлуудад багтаж чадаагүй хашаа байшинтай иргэд дахин төлөвлөлтөд хамрагдах боломж бүрдэнэ. Эхний ээлжинд нийслэлийн хоёр, гуравдугаар бүсэд байгаа 69 мянга 200 өрхөд чиглэсэн бодлого явуулж эхлээд байна. Харин дараагийн ээлжинд аймгийн төвүүдэд “Сайн хашаа” хөтөлбөр хэрэгжих юм.
Нөгөөтэйгүүр “Сайн хашаа” хөтөлбөртэй холбоотой мэдээллийг сонгуулийн зорилгоор мушгин гуйвуулах, иргэдэд буруу мэдээлэл өгөх зэрэг асуудал багагүй гарсан. Үүнтэй холбоотогоор олон нийт уг хөтөлбөр хэрхэн хэрэгжих талаар тогтсон ойлголтгүй болоод байна. Тиймээс олон нийтэд үнэн, зөв мэдээлэл өгөх зорилгоор иргэдийн төлөөлөл болгон “Сайн хашаа” хөтөлбөрт хамрагдахаар тэсэн ядан хүлээж буй Сүхбаатар дүүргийн 16 дугаар хорооны 1-73 тоотод амьдардаг Д.Дэжидгүнчингийнд Нийслэлийн ИТХ-ын дарга Д.Баттулга, Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч, нийслэлийн нутаг дэвсгэрт “Сайн хашаа” хөтөлбөрийг хэрэгжүүлэх үйл ажиллагааг зохион байгуулах, чиг үүрэг бүхий Ажлын хэсгийн дарга С.Очирбат, Сүхбаатар дүүргийн ИТХ-ын дарга Б.Ган-Эрдэнэ нар очлоо. Энэ үеэр иргэд тэднээс “Сайн хашаа” хөтөлбөрийн талаар сонирхсон асуултдаа хариу авсан юм.
НИТХ-ын дарга Д.Баттулга иргэдэд мэдээлэл өгснийг тараахь байдлаар хүргэе.

10 САЯ ТӨГРӨГ ЗЭЭЛЭЭД 5 САЯЫГ Л БУЦААЖ ТӨЛНӨ

“Сайн” хашаа хөтөлбөрийн хүрээнд гэр хорооллын дэд бүтцийн асуудалд зориулж нэг айлд 15 сая хүртэлх төгрөгийг зээлээр өгөхөөр болсон. Үүний 50 хувийг улсын болон хотын төсвөөс хариуцаж, үлдсэн 50 хувийг тухайн айл 20 жилийн хугацаанд төлөхөөр зохицуулсан юм. Зээл авсан айл өрхийн хувьд 15 сая төгрөг авсан бол 7.5 саяыг, 10 сая төгрөг авсан бол 5 саяыг л буцааж төлнө гэсэн үг. Ингэж төлөхдөө мөн эхний хоёр жил ямар ч төлбөр төлөхгүй учраас санхүүгийн аливаа дарамтад орохгүй гэсэн үг юм.
Иргэд “Сайн хашаа” хөтөлбөрийн хэрхэн ашиглах вэ
Жишээлбэл, 200 айл нэгдлээ гэж бодъё. 200 айл хоорондоо тохироод нэгдвэл 3 тэрбум төгрөгтэй болно. Түүний 1.5 тэрбумыг төр даана. Нэг ёсондоо дэд бүтцээ шинэчлэх зорилгоор 3 тэрбум төгрөгтэй болчихоор цахилгаан, дулаан, бохир, цэвэр усныхаа асуудлыг бүрэн шийдчих боломжтой болно гэсэн үг. Нөгөөтэйгүүр 200 айл нэгдсэнээр тэдний газар дунджаар 6-7 га талбайг эзэлнэ. Улаанбаатар хотод ийм том хэмжээний сул газар гэж одоо байхгүй болсон. Дэд бүтцээ татчихсан 6-7 га газрыг тэгвэл банкинд барьцаалаад зээл авахад нэлээд хэдэн тэрбум төгрөг болно. Тэр мөнгөөрөө иргэд хашааны газар дээрээ орон сууц барих боломжтой юм. Ямар компаниар бариулахаа өөрсдөө сонгож, өөрсдөө хяналт тавиад явна. Ингээд 200 айл орон сууцандаа орсны дараа цаана нь мэдээж сул байрууд үлдэж таарна. Харин тэр илүү гарсан байруудыг түрээсийн орон сууц болгож нийслэлээс худалдаж авч болно. Үгүй гэвэл орон сууцны эзэд өөрсдөө Засгийн газрын 5 хувийн зээлд хамруулаад өгчихөж болно шүү дээ. Ингээд борлуулсан мөнгөнийхөө нэг хэсгээр эргээд банкны зээлээ төлчихнө. Харин үлдсэн хэсэг нь газрын эзэн 200 айл өрхийн хуримтлал болж үлдэх юм. Нэг ёсондоо иргэдэд бизнес санал болгож байна.

“САЙН ХАШАА” БА ҮР ДҮН

“Сайн хашаа” хөтөлбөрт хамрагдсанаар орон сууцанд ороод зогсохгүй маш олон эерэг үр дагавар бий болох юм. Нийслэлийн гэр хороолол хаус болон солигдож, өндөр өндөр байшингуудаар “төрөл арилжих” нь дамжиггүй. Хөрсний бохирдол, утааны асуудал нэг мөр устаж, түүнийгээ дагаад эрүүл орчинд нийслэлчүүд аз жаргалтай амьдарч эхэлнэ. Хоггүй цэвэр орчинд үр хүүхдүүд тоглож, стрессгүй нийгэм бий болно. Өвлийн хүйтэнд гадаа бие засахгүй, даарахгүй, хүссэн үедээ усанд ордог болно. Гэх мэт араасаа маш олон эерэг үр дүнг авчирна. Үүнд сөрөг зүйл гэж нэг үгүй юм.

УИХ-ын даргын захирамжийн дагуу хаврын ээлжит чуулган маргааш дахин нээлтээ хийнэ.

Монгол улс “Дэлхийн донорын өдөр”-ыг жил бүр тэмдэглэдэг уламжлалтай. Энэ жил уг өдрийг “Цус бол амьдралын амин холбоо” уриан дор тэмдэглэн, өнгөрүүллээ.

ТЭД ЮУ ХИЙЧИХ ВЭ?

ЦЭЦЭРЛЭГИЙН ГАДАА ХОНОХОО БОЛИНО

ТЭТГЭВРИЙН ЗЭЭЛИЙГ БУУЛГАХ БОЛОМЖ БАЙСАН

Сонгуулийн хүн царцааны нүүдэл