Ерөнхий сайд Н.Алтанхуяг өнөөдөр Улсын сайн малчид, тэргүүний тариаланчдад шагнал гардуулна. Шагнал гардуулах ёслолын ажиллагаа Төрийн ордны есөн хөлт цагаан туг танхимд 11.00 цагт болно.

Шинээр ашиглалтад орж буй орон сууцанд байр авсан иргэд нүүдэл суудалдаа зутарч байна. Лифтгүй орцны явган шатаар хамаг эд хогшлоо үүрч, дамжилж, зөөж явсаар тамир нь тасарч, тэнхээ нь барагдах дээрээ тулах аж. Тэд анхнаасаа лифтгүй орон сууцанд байрны захиалга өгөөгүй. Харин нийт оршин суугчдын 60 хувь нь байрандаа орсон хойно лифтийг ажиллуулна гэж барилгачин компани шаардлага тавьдаг учраас эхний 60 хувьд багтсан айлууд ингэж үйлээ үзэж байна.

Кино найруулагч, Соёлын тэргүүний ажилтан Г.Бадамрагчааг төрийн эрхийг хууль бусаар авах, хуйвалдаан зохион байгуулсан гэх үндэслэлээр ТЕГ-ын Мөрдөн байцаах хэлтсээс Эрүүгийн хуулийн тусгай ангийн 82 дугаар зүйлд заасны дагуу эрүүгийн хэрэг үүсгэн шалгаж, Нийслэлийн прокурорын газарт хянаж байсан. Харин Нийслэлийн прокурорын газраас хэргийг хянаж дуусаад, нэмж тодруулах зүйл бий гэсэн үндэслэлээр дахин ТЕГ-т буцаасан байна.

Монголын уламжлалт сар шинийн баяр удахгүй болох гэж байгаатай холбоотойгоор нийслэлийн Засаг дарга сар шинийн өмнөх өдрүүдэд авах зарим арга хэмжээний тухай захирамж гаргасан.

Монголын үндэсний чөлөөт зохиолчдын холбооноос жил бүр уламжлал болгон зохион байгуулдаг “Мөнгөн цом” яруу найргийн наадам өчигдөр болж өндөрлөлөө.

10.00 цагаас нийслэлийн Иргэний танхимд ”Улаанбаатар хотын хог хаягдлын менежментийг сайжруулах хөтөлбөр”-ийг сайжруулах тухай болон хотын рекламны самбарыг цэгцлэх тухай нээлттэй хэлэлцүүлэг болно.

Аав, ээж, эгч нь урлагийн хүмүүс. Урлагийн гэр бүлээс гаралтай чадварлаг жүжигчин, орчин үеийн ”Гамлет” гэхээр хүн бүхний санаанд С.Болд-Эрдэнэ буух биз ээ. Тэгвэл хүн бүр таньдаг хэдий ч , өөрийнх нь талаар мэдээллийг бага авдаг жүжигчин гэвэл мөн л Болд-Эрдэнийг нэрлэнэ. Ингээд нууцлагдмал, ил тод биш, хаагдмал жүжигчин С.Болд-Эрдэний 24 баримттай танилцъя.

Хэдхэн сарын өмнө гар барьж, ажилд урьсан Засгийн газар нь төрийн албан хаагчдыг ”сэлбэх” аяндаа түүний жолоочийг ч хамруулахаа бас мартсангүй. Түүний нам, найз нөхдөөсөө илүүд үзсэн албан тушаалаасаа халагдсан нэхэл хатуу нь ойрын үед лав тайлагдахгүй болов уу.

“Атар” талхны үнэ нэмэгдэж 850 төгрөг болсон гэх мэдээлэл хоёр хоногийн өмнөөс хэвлэлүүдээр гарч эхэлсэн. Урьдчилж мэдэгдэлгүйгээр бүхэл бүтэн 250 төгрөгөөр үнээ нэмлээ гэж иргэд “Талх чихэр” компанийг буруутгаж өнгөрсөн хоёр өдөр Шудрага өрсөлдөөн хэрэглэгчдийн төлөөх газрыг гомдолоор булсан гэнэ.

Сонгинохайрхан дүүргийн Засаг дарга асан Ц.Болдод холбогдох хэргийг Нийслэлийн прокурорын газраас яллах дүгнэлт үйлдэж, Баянзүрх дүүргийн шүүхэд шилжүүлээд байсан. Харин түүнд холбогдох хэргийг өнөөдөр 11.00 цагаас Баянзүрх дүүргийн шүүхийн Эрүүгийн танхимд шүүнэ.

Үс шинээр үргээлгэх буюу засуулбал эд, мал арвидна.

УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 5-10 метр. 11-13 градус хүйтэн байна.