-
2015 оны 12 сарын 22
ОХУ-ын Санкт-Петербург хотод зохиогдсон Е.Образцовагийн нэрэмжит олон улсын дуурийн залуу дуулаачдын уралдаанд хоёрдугаар байр эзэлсэн Цэргийн дуу, бүжгийн эрдмийн чуулгын гоцлол дуучин Ч.Бадралд 24 сая төгрөг, БНХАУ-ын Учао хотод зохиогдсон 15 дахь удаагийн олон улсын циркчдийн наадамд Т.Будын “Нууц хувьсал” шидэх банзны үзүүлбэрээр мөнгөн медаль хүртсэн Монголын үндэсний циркийн 12 жүжигчинд 40 сая төгрөгийн мөнгөн шагнал олгохоор шийдвэрлэж, шагналд шаардагдах хөрөнгийг Соёл, урлагийн зардлаас гаргахыг Боловсрол, соёл, шинжлэх ухааны сайд Л.Гантөмөрт зөвшөөрлөө.
Засгийн газрын 2008 оны 120 дугаар тогтоолоор “Олон улсын хэмжээнд зохиогддог соёл, урлагийн их наадам, уралдаан, үзэсгэлэн, номын яармагт оролцож, онцгой амжилт гаргасан соёлын ажилтан, уран бүтээлчдэд мөнгөн шагнал олгох тухай” журам баталж хэрэгжүүлснээр урлагийн эдгээр төрлүүд сэргэн хөгжиж, уран бүтээлчдийн мэргэжлийн ур чадварыг олон улсын жишигт ойртуулахад түлхэц болж байна. Ингэснээр манай уран бүтээлчдийн ур чадвар өсөн сайжирч, олон улсын уралдаан тэмцээнд оролцох хүний тоо нэмэгдэж, эзлэх байр, үзүүлж байгаа амжилтын түвшин тасралтгүй өсч байгаа юм.
-
2015 оны 12 сарын 22
Засгийн газраас “Соёлын бүтээлч үйлдвэрлэл” үндэсний хөтөлбөрийг баталлаа. Хөтөлбөрт тусгагдсан зорилт, арга хэмжээг хэрэгжүүлэхэд шаардагдах хөрөнгийг жил бүрийн улс, орон нутгийн төсвийн төсөлд тусгах, хувийн хэвшлийн хөрөнгө оруулалтыг татан оролцуулах, хандивлагч орон, олон улсын банк, санхүүгийн байгууллагын зээл, тусламжийн хөрөнгөөр санхүүжүүлэх арга хэмжээ авч ажиллахыг Засгийн газрын холбогдох гишүүд, аймаг, нийслэлийн Засаг дарга, нийслэлийн соёл урлагийн газар, төв болон орон нутгийн соёлын байгууллагуудад тус тус үүрэг болголоо. Үндэсний хөтөлбөрийн хэрэгжилтийг зохион байгуулж, явц, үр дүнг жил бүрийн 1 дүгээр улиралд багтаан Засгийн газарт танилцуулахыг Боловсрол, соёл, шинжлэх ухааны яам, Аж үйлдвэрийн яаманд тус тус даалгахаар шийдвэрлэжээ.
Соёлын бүтээлч үйлдвэрлэл үндэсний хөтөлбөрийг хэрэгжүүлснээр соёлын бүтээлч үйлдвэрлэлийг хөгжүүлэх эрх зүйн болон зах зээл, бизнесийн таатай орчныг бүрдүүлж, соёл урлагийн салбарт өмчийн олон хэлбэр, зах зээлийн шударга, чөлөөт өрсөлдөөнийг бий болгож, олон улсын стандартад нийцсэн соёлын бүтээлч үйлдвэрлэл, үйлчилгээ эрхлэгчид нэмэгдэн Монгол брэнд бүтээгдэхүүн олон улсын зах зээлд танигдах юм.
-
2015 оны 12 сарын 22
Сонгуулийн хуулиудыг нэгтгэн хэлэлцүүлэгт бэлтгэх үүрэг бүхий ажлын хэсэг Төрийн ордонд хуралдаж байна.
Тус ажлын хэсэг өчигдөр мөн хуралдсан ч тодорхой шийдэлд хүрээгүй учир өнөөдөр дахин хуралдаж байгаа юм. Ажлын хэсгийн хуралдаанаар тодорхой шийдвэрт хүрвэл УИХ дахь намын бүлгүүд хуралдахаар төлөвлөж байгаа аж.
Үүнээс шалтгаалж Төрийн байгуулалтын байнгын хорооны хуралдаан хойшлогдоод байна. Байнгын хорооны хуралдаан 09.00 цагт зарлагдаж, Сонгуулийн хуулиудаас гадна МҮОНРТ-ийн Үндэсний зөвлөлийн гишүүнийг томилох, Ард нийтийн санал асуулга явуулах тухай хуульд өөрчлөлт оруулах тухай хуулийн төсөл зэргийг хэлэлцэх ёстой байсан юм.
-
2015 оны 12 сарын 22
өрөнгө оруулалтын тухай хуулийн дагуу “Монцемент үйлдвэр” төслийн хөрөнгө оруулагчтай хийх хөрөнгө оруулалтын гэрээний төслийг Засгийн газрын хуралдаанаар хэлэлцэн дэмжиж, Аж үйлдвэрийн сайд Д.Эрдэнэбатыг гэрээнд гарын үсэг зурахыг зөвшөөрлөө.
Монцемент үйлдвэрийн төслийн хүрээнд хийгдэх хөрөнгө оруулалтын гэрээний төсөл нь 16 зүйлтэй бөгөөд гэрээнд хөрөнгө оруулалтын хэмжээ, үе шат, эх үүсвэр, татварын орчныг тогтворжуулах, Засгийн газар, Хөрөнгө оруулагч талын эрх, үүрэг, хариуцлага, байгаль орчин, нийгмийн асуудал болон бусад гэрээний үндсэн асуудлуудыг тусгасан байна. Хөрөнгө оруулагч нь Дорноговь аймгийн Өргөн сумын нутагт орших Сэнжит худгийн шохойн чулууны ордыг түшиглэн цемент, шохой болон клинкер үйлдвэрлэх хуурай аргын дэвшилтэт технологи бүхий үйлдвэр байгуулах төслийг 2006 оноос хэрэгжүүлж эхэлсэн.
Монцемент үйлдвэр дээд хүчин чадлаараа ажиллахад жилдээ 984 мянган тонн чулуунцар, нэг сая тонн цемент, 100 мянган тонн шохой үйлдвэрлэх юм. Бүрэн автоматчлагдсан, байгаль орчинд ээлтэй технологи бүхий хуурай аргын цемент, шохойн үйлдвэрийн энэ төсөл улсын төсөвт жилд 21.8 тэрбум төгрөг, нийт 458.1 тэрбум төгрөгийн татвар, хураамж төвлөрүүлэх тооцооллыг хийсэн байна. Мөн 375 иргэн ажлын байраар хангагдах юм.
-
2015 оны 12 сарын 22
“Хүүхэд харах үйлчилгээнд санхүүгийн дэмжлэг олгох журам”-ын хэрэгжилтийг зохион байгуулж, хяналт тавьж ажиллахыг Хүн амын хөгжил, нийгмийн хамгааллын сайд С.Эрдэнэ, Сангийн сайд Б.Болор, Боловсрол, соёл, шинжлэх ухааны сайд Л.Гантөмөр, бүх шатны Засаг дарга нарт даалгалаа.
Хүүхэд харах үйлчилгээний тухай хууль 2015 оны 7 дугаар сарын 2-ны өдөр УИХ-аар батлагдсан бөгөөд 2016 оны 1 дүгээр сарын 1-ний өдрөөс дагаж мөрдөгдөнө. Хүүхэд харах үйлчилгээ нь сургууль, цэцэрлэг хүрэлцээгүй, хөдөө алслагдсан газар, нутагт амьдарч байгаагаас шалтгаалан сургуулийн өмнөх боловсролд хамрагдахгүй байгаа бага насны хүүхдийг эрүүл, аюулгүй орчинд асран халамжлах, хамгаалах, хооллох, тоглуулах, амраах үйлчилгээ үзүүлэн нэг талаас хүүхдийн аюулгүй байдлыг хангах, нөгөө талаас эцэг эхчүүдийн ажил хөдөлмөр эрхлэх боломжийг бүрдүүлж байгаа нийгмийн үйлчилгээний шинэ хэлбэр юм.
Манай улсад 2-5 насны 266 мянган хүүхэд байгаагаас цэцэрлэг, сургуульд хамрагдаж чадахгүй байгаа 59 мянган хүүхэд байна. Хүүхэд харах үйлчилгээнд үйлчилгээнд хамруулснаар сургуулийн өмнөх боловсролын эрэлт, нийлүүлэлтийн харьцаа тэнцвэржиж, 15-30 мянган иргэн ажлын байртай болох юм. Хүүхэд харах үйлчилгээнд хамрагдах нэг хүүхдийн сарын хоолны зардалд 36 300 төгрөг, хувьсах зардалд 70 500 төгрөгийн зардал олгогдохоор байгаа бөгөөд 2016 оны улсын төсөвт 10.8 тэрбум төгрөг төсөвлөгдсөн байна.
-
2015 оны 12 сарын 22
Аялал жуучлалын тухай хуулийн шинэчилсэн найруулгын төслийн үзэл баримтлалын төслийг хэлэлцээд хуралдаан дээр Засгийн газрын гишүүдээс гаргасан саналыг тусган үзэл баримлалыг баталлаа. Хуулийн төслийг боловсруулан Засгийн газрын хуралдаанаар хэлэлцүүлэхийг Байгаль орчин, ногоон хөгжил, аялал жуулчлалын сайд Н.Батцэрэгт даалгасан байна.
Аялал жуулчлалын тухай хууль анх 2000 онд батлагдсан бөгөөд шинээр батлагдан гарсан холбогдох хууль, бусад хуулиудад нэмэлт, өөрчлөлт орсонтой холбоотойгоор найман удаа нэмэлт, өөрчлөлт оржээ. Гэвч одоогийн хүчин төгөлдөр мөрдөгдөж байгаа хууль нь аялал жуулчлалын салбарын тогтвортой хөгжлийг хангах, эрх зүйн үндсийг бүрдүүлэх, салбарын өмнө тулгамдаж байгаа асуудлыг зохицуулахад учир дутагдалтай байгаа учраас Аялал жуулчлалын тухай хуулийн шинэчилсэн найруулгын төслийг боловсруулжээ.
Энэ хуулиар Монгол Улсын нутаг дэвсгэрт аялал жуулчлалын үйл ажиллагаа эрхлэхтэй холбогдсон иргэн, аж ахуйн нэгж, байгууллага, жуулчин, төрийн байгууллагын хооронд үүсэх харилцааг зохицуулна. Шинэчилсэн найруулгын төсөлд дэлхийн аялал жуулчлалын байгууллагаас гаргасан зөвлөмжийн дагуу нэр томъёог нарийвчлан тусгахаас гадна жуулчлалын төрлүүд, тур оператор, хөтөч-тайлбарлагчийн үйлчилгээ, төрийн байгууллагын оролцоо, төр-хувийн хэвшлийн түншлэлээр хэрэгжүүлэх харилцаа, аялал жуулчлалын салбарыг дэмжих эдийн засгийн хөшүүрэг зэргийг тусгана.
Монгол Улсад жилд дунджаар 400 мянга орчим жуулчин ирж, 50 мянган ажлын байр бий болж, 263 сая долларын орлого оруулж, дотоодын нийт бүтээгдэхүүний 3.2 хувийг эзэлж байна.
-
2015 оны 12 сарын 22
Мэргэжлийн боловсрол, сургалтын тухай хуульд нэмэлт, өөрчлөлт оруулах тухай хуулийн төслийн УИХ-д өргөн мэдүүлнэ
УИХ 2002 онд Мэргэжлийн боловсрол, сургалтын тухай хуулийг баталж, эдийн засаг, нийгмийн хөгжлийн шаардлагатай уялдсан мэргэжилтэй ажилтан бэлтгэх эрх зүйн орчныг бүрдүүлсэн юм. Уг хуульд нэмэлт, өөрчлөлт оруулах тухай хуулийн төслийн гол агуулга нь мэргэжлийн боловсрол, сургалтыг олон улсын жишигт нийцүүлэн чадамжид суурилсан сургалт, үнэлгээний шинэ тогтолцоонд шилжүүлэх, ажил олгогч, бусад түншүүдийн хамтын ажиллагааны үр өгөөжийг дээшлүүлэх, иргэдэд хөдөлмөрийн зах зээлд эрэлттэй мэргэжил эзэмшүүлж, төгсөгчдийн ур чадварыг өндөржүүлэх замаар ажил эрхлэлтийг дэмжих эрх зүйн таатай орчин бүрдүүлэхэд чиглэж байгаа юм. Мэргэжлийн боловсрол, сургалтын байгууллагын онцлог нь нийт сургалтын 70-80 хувийг дадлагын сургалт давамгайлж байдаг тул сургалтын орчныг үйлдвэрлэл, үйлчилгээний орчинд ойртуулах, цаашлаад үйлдвэрлэлийн бааз дээр үргэлжлүүлэх шаардлага тавигдаж байна.
Хуульд нэмэлт, өөрчлөлт оруулснаар мэргэжилтэй ажилтан бэлтгэх тогтолцоог олон улсын жишигт нийцүүлэн шинэчлэх, төгсөгчдийн ур чадварыг өндөржүүлэх, тэднийг ажлын байртай болгох боломжийг баталгаажуулахад чиглэж, хөдөлмөр эрхлэлтийг нэмэгдүүлэх бодитой үр дүн гарна гэж тооцож байна.
Хөдөлмөр эрхлэлтийг дэмжих тухай хуульд нэмэлт, өөрчлөлт оруулах тухай хуулийн төслийг УИХ-д өргөн барина
Хөдөлмөр эрхлэлтийг дэмжих тухай хууль 2001 онд батлагдаж, 2011 онд шинэчлэн найруулсан бөгөөд хүн амын хөдөлмөр эрхлэлтийг дэмжих үйл ажиллагааны төрөл, хэлбэр, хамрах хүрээг тогтоож, үйл ажиллагааны санхүүжилт, хөдөлмөр эрхлэлтийн байгууллагын тогтолцоотой холбоотой харилцааг зохицуулж байна. Хуулийн хүрээнд хүн амын зорилтот бүлгийн иргэдэд хөдөлмөр эрхлэлтийг дэмжих үйлчилгээ, арга хэмжээг төсөл, хөтөлбөрөөр дамжуулан үзүүлж байгаа боловч хуулийг хэрэгжүүлэх явцад хамрах хүрээ, үзүүлэх үйлчилгээтэй холбоотой анхаарах асуудлууд гарч байгаа юм. Мөн бичил аж ахуйн нэгжүүдийг чадавхижуулж, ажлын байрыг чанаржуулах, албан бус хөдөлмөр эрхлэлтийг албан хэлбэрт шилжүүлэх хөгжлийн чиг хандлагад хөдөлмөр эрхлэлтийн бодлогыг нийцүүлэх хэрэгцээ тулгарч байна. Жижиг, дунд үйлдвэрийн тухай болон Хөдөлмөр эрхлэлтийг дэмжих тухай хуулийн хамрах хүрээ, үзүүлэх дэмжлэгийн зааг ялгааг тодорхой болгон, нөөцийг оновчтой ашиглаж, төрийн үйлчилгээг шуурхай хүргэх шаардлагатай болж байна.
Эдийн засгийн хүндрэлээс үүдэн хүн амын хөдөлмөр эрхлэлтийг нэмэгдүүлэх чиглэлээр тулгамдсан асуудлыг шийдвэрлэх зорилгоор хуульд нэмэлт, өөрчлөлт оруулснаар хуулиудын уялдаа, зохицуулалт сайжирч, тэдгээрээс иргэдэд үзүүлж байгаа төрийн үйлчилгээний хүртээмж нэмэгдэн, ажлын байр шинээр бий болгох, тогтвортой хадгалах боломж дээшилнэ гэж үзэж байна гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
-
2015 оны 12 сарын 22
Төсвийн байнгын хорооны хуралдаан хойшлов
-
2015 оны 12 сарын 22
Нэмэгдсэн өртгийн албан татвар болон гаалийн албан татвараас чөлөөлөгдөх хийн түлш, хийн түлшний сав, тоног төхөөрөмж, тусгай зориулалтын машин, техник хэрэгсэл, тоноглолын жагсаалтыг баталлаа.
Нэмэгдсэн өртгийн албан татварын тухай хууль шинэчлэн батлагдснаар ашигт малтмалын эцсийн бүтээгдэхүүний жагсаалт, хийн түлш, хийн түлшний сав, тоног төхөөрөмж, тусгай зориулалтын машин, техник хэрэгсэл, тоноглолын жагсаалтыг Засгийн газар батлахаар заасан юм. Энэхүү шинээр батлагдсан жагсаалтыг хууль хүчин төгөлдөр болох хугацаа буюу 2016 оны 1 дүгээр сарын 1-ээс эхлэн мөрдөнө.
-
2015 оны 12 сарын 22
Биеийн тамир, спортын тухай хуульд заасныг үндэслэн Монгол Улсад 2016 онд олон улсын дараах тэмцээнийг зохион байгуулахаар тогтлоо.
Олимпийн эрх олгох “Рио-2016” чөлөөт бөхийн тэмцээн
Сумо бөхийн дэлхийн аварга шалгаруулах тэмцээн
Байт харвааны дэлхийн аварга шалгаруулах оюутны тэмцээн
Жүдо бөхийн “Чингис хаан” гран-при тэмцээн
Мотоциклийн бартаат замын дэлхийн цомын аварга шалгаруулах тэмцээн
Сагсан бөмбөгийн Ази тивийн аварга шалгаруулах оюутны тэмцээн
Шатрын Ази тивийн аварга шалгаруулах өсвөр үеийн тэмцээн
Даамны Ази тивийн аварга шалгаруулах өсвөр үеийн тэмцээн
Боксын “Чингис хаан 2016” цомын аварга шалгаруулах олон улсын тэмцээн
Хөлбөмбөгийн Футзалны клубын аварга шалгаруулах олон улсын тэмцээн
Чөлөөт бөхийн “Mongolian open” олон улсын тэмцээн
Цанын олон улсын тэмцээн
Биатлоны олон улсын тэмцээн
“Их нүүдэл” шатрын олон улсын тэмцээн
Аэробикийн олон улсын тэмцээн
Дээрх тэмцээнийг батлагдсан төсөвтөө багтаан зохион байгуулж, дүнг 2016 оны IV улиралд багтаан Засгийн газарт танилцуулахыг Эрүүл мэнд, спортын сайдын үүргийг хариуцагч бөгөөд Монгол Улсын Шадар сайд Ц.Оюунбаатарт даалгалаа.
Эдгээр нэр хүндтэй тэмцээнүүдийг өөрийн оронд зохион байгуулснаар олимпийн эрхийн оноо авах, олон улс, дэлхийн тавцанд өөрийн орныг сурталчлах, үзэгчид, сонирхогчид дэлхийд чансаагаараа тэргүүлж байгаа өндөр зэрэглэлийн тамирчдын өрсөлдөөнийг эх орондоо үзэх, өсвөр, залуу тамирчид тэднээс суралцах, туршлага хуримтлуулах, спортоор хичээлэх урам зориг өгөх ач холбогдолтой юм.
-
2015 оны 12 сарын 22
Харин УИХ-ын гишүүн Х.Болорчулуун Ажлын хэсгийн хуралдаанаас нэлээд бухимдалтай гарч ирэн сэтгүулчдэд “Сонгуульд 801- ээс дээш хүний гарын үсэг бүхий зөвшеөрөл авч, бие даан нэр дэвшдэг. Гэтэл 900 хүний гарын усэг зуруулж, нэрээ дэвшүүлээд байтал ганц хоёр хүний иргэний үнэмлэхний гарын үсгийн зөрүүнээс болж зарим намчирхсан сонгуулийн хороо ”зерчилтэй” хэмээн бие даан нэр дэвшигчийг бүртгэдэггүй. Энэ нь Үндсэн хуулиар олгогдсон сонгогдох эрхэнд халдаж буй хэрэг юм. Сонгуулийн хуулийг боловсруулах ажлын хэсгийн хуралдаанд бие даан нэр дэвшигчийн буруугүй үйл ажиллагаанаас шалтгаалж сонгуульд өрселдех эрхийг хаан боогдуулсан энэ үйлдлийг засах зарчмын зөрүүтэй санал оруулсан боловч намчирхсан, явцуу үзэл баримтлалаас болж ганц саналаар уналаа. Гэхдээ байнгын хорооны хуралдаанд дахин зарчмын зөрүүтэй санал гаргах болно” хэмээн мэдэгдсэн юм.
Ямартай ч өнөедөр УИХ дахь нам, эвслийн бүлгүүд мэдээлэл хийхээр боллоо.
-
2015 оны 12 сарын 22
Л.Пүрэвбаатар: Би Хятадын талд юу ч санал болгоогүй
-
2015 оны 12 сарын 22
Байнгын хорооны өнөөдрийн хуралдааны хуваарь /2015.12.22/
БАЙНГЫН ХОРООНЫ ХУРАЛДААН:
12 дугаар сарын 22-ны Мягмар гарагт:
1.Төсвийн байнгын хорооны хуралдаан 09.00 цагаас “А” танхимд:
Хэлэлцэх асуудал:
Онцгой албан татварын тухай хуульд өөрчлөлт оруулах тухай, Улсын тэмдэгтийн хураамжийн тухай хуульд өөрчлөлт оруулах тухай хуулийн төслүүд болон ““Импортын барааны гаалийн албан татварын хувь, хэмжээ батлах тухай” Улсын Их Хурлын 1999 оны 6 дугаар сарын 3-ны өдрийн 27 дугаар тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2015.11.27-ны өдөр өргөн мэдүүлсэн, анхны хэлэлцүүлэг/;
Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Бямбацогт нарын 16 гишүүн 2015.11.18-ны өдөр өргөн мэдүүлсэн, хэлэлцэх эсэх/;
Аудитын сэдэв батлах тухай” байнгын хорооны тогтоолын төсөл.
2.Төрийн байгуулалтын байнгын хорооны хуралдаан 09.00 цагаас “Б” танхимд:
Хэлэлцэх асуудал:
Байнгын хорооны даргыг сонгох тухай асуудал;
Монголын Үндэсний Олон нийтийн радио, телевизийн Үндэсний зөвлөлийн гишүүнийг томилох тухай /Монгол Улсын Ерөнхийлөгч нэр дэвшүүлсэн/;
Ард нийтийн санал асуулга явуулах тухай хуульд өөрчлөлт оруулах тухай хуулийн төсөл /Улсын Их Хурлын гишүүн Н.Батбаяр 2015.11.06-ны өдөр өргөн мэдүүлсэн, эцсийн хэлэлцүүлэг/;
Сонгуулийн хуулийн төсөл, Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төслүүд /Улсын Их Хурлын гишүүн Р.Бурмаа нарын 16 гишүүн, Улсын Их Хурлын гишүүн Су.Батболд нарын 7 гишүүн 2015.11.06-ны өдөр өргөн мэдүүлсэн, Улсын Их Хурлын гишүүн О.Баасанхүү нарын 10 гишүүн 2015.11.13-ны өдөр өргөн мэдүүлсэн, анхны хэлэлцүүлэг/;
Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/;
Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл /Засгийн газар 2015.11.06-ны өдөр өргөн мэдүүлсэн, анхны хэлэлцүүлэг/;
Үндэсний их баяр наадмын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Л.Эрдэнэчимэг нарын 3 гишүүн 2015.07.09-ний өдөр өргөн мэдүүлсэн, хэлэлцэх эсэх/.
3.Хууль зүйн байнгын хорооны хуралдаан 14.00 цагаас “А” танхимд:
Хэлэлцэх асуудал:
Захиргааны хэрэг шүүхэд хянан шийдвэрлэх ажиллагааны тухай /шинэчилсэн найруулга/ болон холбогдох бусад хуулийн төслүүд / Засгийн газар 2015.12.07-ны өдөр өргөн мэдүүлсэн, хэлэлцэх эсэх/;
Шүүхийн иргэдийн төлөөлөгчийн эрх зүйн байдлын тухай хуульд нэмэлт, өөрчлөлт оруулах тухай хуулийн төсөл /Монгол Улсын Ерөнхийлөгч 2015.12.11-ний өдөр өргөн мэдүүлсэн, хэлэлцэх эсэх/;
Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2015.12.18-ны өдөр өргөн мэдүүлсэн, хэлэлцэх эсэх/;
Монгол Улсын Хүний эрхийн үндэсний Комиссын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Дэмбэрэл нарын 23 гишүүн 2014.11.25-ны өдөр өргөн мэдүүлсэн, анхны хэлэлцүүлэг/.
4.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “Б” танхимд:
Хэлэлцэх асуудал:
Байнгын хорооны даргыг сонгох тухай асуудал;
Эрүүл ахуйн тухай болон холбогдох бусад хуулийн төслүүд /Засгийн газар 2015.06.15-ны өдөр өргөн мэдүүлсэн, анхны хэлэлцүүлэг/:
Монголын Улаан Загалмай нийгэмлэгийн эрх зүйн байдлын тухай /шинэчилсэн найруулга/ хуулийн төсөл /Улсын Их Хурлын гишүүн Н.Энхболд нарын 16 гишүүн 2015.08.21-ний өдөр өргөн мэдүүлсэн, анхны хэлэлцүүлэг/;
Боловсролын тухай болон Дээд боловсролын тухай хуульд нэмэлт, өөрчлөлт оруулах тухай болон холбогдох бусад хуульд нэмэлт, өөрчлөлт оруулах тухай хуулийн төслүүд /Засгийн газар 2015.12.17-ны өдөр өргөн мэдүүлсэн, хэлэлцэх эсэх/;
“Монгол Улсын төрөөс хүн амын хөгжлийн талаар баримтлах цогц бодлого батлах тухай” Улсын Их Хурлын тогтоолын төсөл /Засгийн газар 2015.12.18-ны өдөр өргөн мэдүүлсэн, хэлэлцэх эсэх/;
Бусад.
-
2015 оны 12 сарын 21
Өндөр гэгээн Занабазарын 380 жилийн ойн хүрээнд хийсэн ажлын тайлангийн хурал боллоо
-
2015 оны 12 сарын 21
УИХ-ын гишүүн, Хууль зүйн байнгын хорооны дарга Д.Ганбат Баянхонгор аймагт ажиллав
-
2015 оны 12 сарын 21
Өнөөдөр Барилга хөгжлийн төвд ”Сайдын 100 өдөр” нээлттэй өдөрлөг зохион байгуулагдаж байна. Энэ хүрээнд Барилга, хот байгуулалтын сайд З.Баянсэлэнгэ 100 хоногийн хугацаанд хийсэн ажлаа тайлагнаж буй юм. Тэрбээр өмнө нь өдөрлөгийн үеэр хийсэн бүтээснээ тайлагнахын зэрэгцээ ”Авьяаслаг Монголчууд” шоуны оролцогч А.Отгонбаярт ”Тэргүүний барилгачин” цол тэмдэг олгох гэж буйгаа хэвлэл мэдээллийн хэрэгслээр дамжуулан зарласан билээ. “Сайдын 100 өдөр” өдөрлөгийн хөтөлбөр дагуу барилгачин залуу А.Отгонбаярт цол тэмдэг гардуулах гэтэл барилгачин залуу олдоогүй байна.
-
2015 оны 12 сарын 21
УИХ-ын гишүүн С.Дэмбэрэл эдийн засгийн асуудлаар мэдээлэл хийв
-
2015 оны 12 сарын 21
УИХ-ын эмэгтэй гишүүд эрүүл мэндийн салбарын сайдыг томилох асуудлаар албан тоот хүргүүлэхээ мэдэгдлээ
Улсын Их Хурлын эмэгтэй гишүүд эрүүл мэндийн сайдыг яаралтай томилж, энэ салбарын асуудалд анхаарал хандуулж ажиллах шаардлагыг Ерөнхий сайдад хүргүүлэхээр шийдвэрлэжээ. Энэ талаар УИХ-ын гишүүн Д.Оюунхорол, Л.Эрдэнэчимэг, Г.Уянга нар өнөөдөр /2015.12.21/ хэвлэлийн бага хурал хийн сэтгүүлчдэд мэдээллээ.
УИХ-ын гишүүн Д.Оюунхорол, өвөл болж цаг хүндэрлээ. Ханиад томуугийн өвчлөл эрс нэмэгдээд байгаа энэ үед эрүүл мэндийн салбар сайдгүй байгаа нь санаа зовоосон асуудал болоод байна. Эрүүл мэндийн салбарт сайн менежмент дутагдаж байна. Төр засаг энэ талаар онцгой анхаарч салбарын сайд, Төрийн нарийн бичгийг даргыг томилооч гэж бид Ерөнхий сайдад хандан албан тоот хүргүүлэх гэж байна. УИХ-ын даргад мөн хандах болно. Эрүүл мэндийн салбар удирдлагагүй байгаагаас болоод эмч ажилтнуудын байдал хүндэрч байна. Энэ салбарыг удирдах эзэнгүй орхиж байгаа нь буруу гэж үзсэн учир бид ийм шийдвэрт хүрлээ хэмээн мэдээллийн эхэнд хэлсэн юм.
УИХ-ын гишүүн Л.Эрдэнэчимэг, УИХ дахь Эмэгтэй гишүүдийн бүлэг эрүүл мэнд, боловсрол, хүүхэд, ахмад настан, эмэгтэйчүүдийн асуудлаар хамтран ажиллаж ирлээ. Эрүүл мэндийн салбарын хэд хэдэн хуулийн төсөл дээр ажиллан, энэ салбарын төсөвт анхаарал хандуулж, хавдрын эмнэлгийн өргөтгөл, гуравдугаар амаржих газрын барилгын хөрөнгө оруулалтыг төсөвт суулган батлуулах чиглэлээр ажилласан гэлээ. Тэрбээр, эрүүл мэндийн сайдын томилгоог улстөржилгүйгээр хийж, мэргэжлийн түвшинд ажиллан, энэ салбарт сайн менежмент хийх хүнийг томилоосой гэж эмэгтэй гишүүд хүсч байгааг мөн дуулгасан.
УИХ-ын гишүүн Г.Уянга, Эрүүл мэндийн салбар шоовдорлогдох ёсгүй хэмээгээд энэ салбарын эмч, ажилтнуудын зүгээс сайдын томилгоонд анхаарал хандуулаач гэсэн хүсэлтийг ирүүлж байгааг дурдсан. Тэрбээр, салбарын сайдыг томилохгүй орхисноос болж энэ салбарын олон мянган ажилтнууд, эмнэлгийн үйлчилгээ авдаг иргэд хохирох ёсгүй гэсэн байр суурьтай байгаагаа илэрхийлсэн юм. Гишүүд мэдээлэлтэй холбогдуулан сэтгүүлчдийн сонирхсон асуултад хариуллаа хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 21
Л.Эрдэнэчимэг: Хүүхэд харах үйлчилгээнд 10 тэрбум төгрөг төсөвлөсөн
-
2015 оны 12 сарын 21
Мөн байнгын хорооны дарга нарын хугацаа дуусч байгаа тул хэнийг нь сунгах вэ, хэнийг нь солих вэ гэсэн асуудлыг хэлэлцсэн аж.
УИХ-ын Сонгуулийн тухай хуулийн төслөөр тус бүлэг МАН-аас тавьж буй шаардлагыг авч хэлэлцсэн эсэх нь тодорхой бус байгаа юм. Учир нь АН-ын бүлэг өнөөдөр хэвлэлийнхэнд мэдээлэл хийгээгүй учир одоогоор тодорхой мэдээлэл ил болоогүй байна.
