-
2015 оны 11 сарын 04
Өнөөдөр УИХ-ын дараах ажлын хэсгүүдийн хуралдаан болно.
Эрүүгийн хууль /шинэчилсэн найруулга/, Зөрчлийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 10.00 цагаас “В” танхимд;
Эрүүгийн хэрэг шалган шийдвэрлэх тухай /шинэчилсэн найруулга/, Зөрчил шалган шийдвэрлэх тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас “В” танхимд;
Төрийн албаны тухай /шинэчилсэн найруулга/ болон Төрийн албаны тухай хуульд нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын дэд хэсгийн хуралдаан 14.00 цагаас 334 тоот өрөөнд болохоор товлогдсон байна.
-
2015 оны 11 сарын 04
Улс орны эдийн засаг хямарч, хаа сайгүй бүсээ чангалсан энэ цаг үед засаг ноёдын тансаглал хэрээс хэтэрч, улам “гаарч” байгааг Дархан-Уул аймгийн засаг дарга С.Насанбаттай холбоотой олон асуудлууд гэрчлэх биз ээ. Албан тушаалтнуудын хөрөнгө орлогын мэдүүлгийг олон нийтэд зарласны дараа аймгуудын засаг дарга нараас хөрөнгө орлогын мэдүүлгээрээ айргийн тавд багтсан С.Насанбат төсвийн хөрөнгийг өөрийн хөрөнгө мэт сэтгэснийхээ хариуд өдгөө шалгагдаж байгаа.
Тэгвэл олон жил бугшиж байсан гэх С.Насанбат ийн хууль хяналтын байгууллагаар шалгагдаж эхлэх үед МАН-д харьяалалтай А.Энхболд гэгч Дархан-Уул аймгийн удаах засаг даргаар томилогдсон.
Гэтэл түүнийг албан тушаалд томилогдоод 3 хүрэхгүй сар болж байхад тус аймгийн иргэд хийгээд Засаг даргын тамгын газрын зарим ажилчдаас янз бүрийн таагүй мессеж хөврөх болсоныг нуух юун.
Өөрөөр хэлбэл, Дархан-Уул аймаг шинэ засагтай болсоноор өнөөх л халаа сэлгээ, орон тооны цомхотгол яригдаж, хэл ам тасрахгүй байх боллоо. Өдгөө Засаг даргын тамгын газраас хэчнээн хүн цомхотголд орж, хэчнээн хүн өөрийн хүсэлтээр халагдаад байгаа нь тодорхойгүй байгаа ч манай сурвалжлах баг тус аймгийг зорьж, газар дээрээс нь мэдээ сурвалжлагыг бэлтгэсэн юм.
Аймгийн шинэхэн засаг ноён А.Энхболдын хэлж буйгаар өөрийг нь ажлаа авсанаас хойш агентлаг, хэлтсийн дарга нараас нь эхлээд таван хүн өөрсдийн хүсэлтээр ажлаас гарах өргөдлөө өгөөд байгаа гэв.
Нэгэн цагт хуучин засаг С.Насанбатын бусармаг үйлдлийг цаашид тэсч, хамтран ажиллаж чадахгүй гэж гарсан ИТХ-ын төлөөлөгч, МАН-ын гишүүн Г.Алтантуяа нарын зарим нэгэн хүний жишгээр...
Яг л түүх давтагдаж байгаа аятай өөрсдийн хүсэлтээр алба, хэлтсийн дарга нар нь ажлаа өгөөд байгаа нь Дарханы зарим иргэдэд их л учир битүүлэг байгаа бололтой.
Харин А.Энхболд засаг даргын хувьд “Анх намайг ажил авсан өдөр таван хүн өөрсдөө ажлаас гарах өргөдлөө өгсөн. Тухайлбал, Засаг даргын тамгын газрын дарга, Засаг даргын орлогч, Хөгжлийн бодлогын хэлтсийн дарга тэргүүтэй хүмүүс. Уг нь төрийн алба гэдэг залгамж халаатай. Өөрийн гэсэн хууль дүрэм, журамтай. Энэ хүмүүс надтай уулзаж, ажлаа хүлээлцэх ёстой. Гэтэл тэгээгүй. Энэ хүмүүсийн гаргаж байгаа үйлдлээс харахад, төрийн ажил хийх сонирхолгүй, зөвхөн хуучин байсан Засаг даргатай хамтарч ажиллах, тэр хүнтэй баг болж явах сонирхолтой байсан гэж харагдаж байна” хэмээн хэлж сууна.
Тэгэхээр түүний хэлж буйгаар өөрийн хүсэлтээр ажлаа өгсөн алба хаагчид С.Насанбатын хүмүүс гэлтэй. Гэвч ажлаа өгсөн хүмүүс арай өөр бодолтой, бас арай өөр зүйл ярьж явах юм.
Ер нь ямарваа нэг газрын удирдлага солигдохоор дагаад бүтэц бүрэлдэхүүнд нь өөрчлөлт ордог бичигдээгүй хууль манай улсад тогтсон гэхэд болно. Энэ нь төрийн алба хаагчдын ажлын байрыг тогтворгүйдүүлж , битүүхэн айдсыг ч бий болгодог гэдгийг учир мэдэх хүмүүс хэлдэг.
Тэгвэл энэ бүхэн орон нутгуудын Засаг захиргааны газарт бүр хурцаар тавигдаж байгаа нь сурвалжлагын явцад ажиглагдаж байлаа.
Юутай ч Дархан-Уул аймгийн шинэхэн Засаг дарга А.Энхболдоос албан тушаалдаа ирсэнээс хойш цомхотгол хийж, намын тохироогоор хүн халж, сэлгэсэн тохиолдол байгаа эсэхийг тодруулахад “Цомхотгол хийгээгүй гэж хэлэхгүй. Бид хариуцлага тооцож, төрийн албаны хууль дүрэмд нийцүүлээд явахыг зорьж байна. Ер нь өөрийнхөө оногдсон үүрэгт ажлаа хийсэн шиг хийж байгаа хүнтэй асуудал ярихгүй. Тухайлбал, манай хэлтсийн дарга нар хурууны хээгээр ирц бүртгүүлдэггүй явсаар ирсэн хийгээд олон бугшсан асуудал бий. Үүнд нь бид хариуцлага тооцох механизм ярих ёстой. Зарим алба хаагчдын гэмт хэргийн чанартай асуудал АТГ-т шалгагдаж байгаа. Энэ үндэслэлээр үзвэл халагдах хэмжээний хариуцлага тооцох хүн байсан учир би халсан. Харин өөрийн хүсэлтээр ажлаа өгсөн хүмүүс дунд намайг ажлаас чөлөөлөөд өгөөч. Ингэснээр би цаашид төрийн албанд ажиллах нөхцөл бүрдэнэ гэсэн хүсэлт тавиад гарч байна” гэсэн байр суурийг илэрхийлсэн юм.
Энэ мэт Дархан-Уул аймгийн Засаг дарга А.Энхболд намын тохироогоор алба хаагчдыг халж сэлгэж байна, цомхотгол нэрийн дор төрийн алба хаагчдыг ганхуулаад байна гэх мэдээллийн дагуу бид газар дээр нь очиж нөхцөл байдлыг ийн сийрүүллээ.
Бид дараагийн удаад ажлаас өөрийн хүсэлтээр гарсан гэх иргэд хийгээд цомхотголд орсон алба хаагчдын байр суурийг хүргэх болно.
-
2015 оны 11 сарын 03
гурван асуудал хэлэлцэн шийдвэрлэлээ
-
2015 оны 11 сарын 03
Монгол Улсын Ерөнхийлөгч Ц.Элбэгдорж ОХУ-ын Ерөнхийлөгч В.В.Путинд эмгэнэл илэрхийллээ
Administrator 2015-11-01 14:42:00
ОРОСЫН ХОЛБООНЫ УЛСЫН ЕРӨНХИЙЛӨГЧ ВЛАДИМИР ВЛАДИМИРОВИЧ ПУТИН ТАНАА
Москва хот
Арабын Бүгд Найрамдах Египет Улсын нутагт Оросын Холбооны Улсын “Когалымави” компанийн иргэний агаарын тээврийн онгоц осолдсоны улмаас 200 гаруй зорчигч иргэн амь үрэгдэж, найрсаг оросын ард түмэнд нөхөж баршгүй гарз хохирол учирсан мэдээг харамсан хүлээн авлаа.
Монгол Улсын ард түмний өмнөөс болон хувиасаа Танд болон Танаар уламжлан найрсаг оросын ард түмэн, амь үрэгдсэн хүмүүсийн гэр бүл, төрөл төрөгсөд, найз нөхдөд гүн эмгэнэл илэрхийлж байгааг минь хүлээн авна уу.
ЦАХИАГИЙН ЭЛБЭГДОРЖ
Улаанбаатар хот,
2015 оны 10 дугаар сарын 31-ний өдөр
-
2015 оны 11 сарын 03
ГХ-ИЙН САЙД Л.ПҮРЭВСҮРЭН ОХУ-ЫН ГХ-ИЙН САЙД С.В.ЛАВРОВТАЙ УТСААР ХОЛБОГДОЖ, ЭМГЭНЭЛ ИЛЭРХИЙЛЭВ [PDF] [Хэвлэх] [И-мэйл]
Бичсэн Хэвлэл мэдээллийн ажилтан
2015 оны 11-р сарын 03, Мягмар гариг, 10:44
-
2015 оны 11 сарын 03
2016 оны төсвийн тухай хуулийн төслийн хоёр дахь хэлэлцүүлгийг хийлээ
-
2015 оны 11 сарын 03
Шүүгчдийн цалингийн хэмжээг шинэчлэн тогтоох тухай тогтоолын төслийн анхны хэлэлцүүлгийг хийлээ
Улсын Их Хурлын Хууль зүйн байнгын хорооны өнөөдрийн /2015.11.03/ хуралдаан 10 цаг 04 минутад 52.6 хувийн ирцтэй эхлэв.
Байнгын хорооны энэ өдрийн хуралдаанаар Засгийн газраас энэ оны 10 сарын 01-ний өдөр Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн хамт өргөн мэдүүлсэн “Шүүгчийн цалингийн хэмжээ тогтоох итгэлцүүр тогтоох тухай” Улсын Их Хурлын тогтоолын төслийн анхны хэлэлцүүлгийг үргэлжлүүлэн хийв.
Байнгын хорооны өнгөрсөн сарын 27-ны өдрийн хуралдаанаар уг тогтоолын төслийн анхны хэлэлцүүлгийг хийх явцад шүүгчдийн цалингийн хэмжээг итгэлцүүрээр бус хатуу тоогоор тогтоох нь зүйтэй гэсэн саналыг гишүүдийн олонх нь дэмжжээ.
Тогтоолын төслийн анхны хэлэлцүүлэгтэй холбогдуулан Улсын Их Хурлын гишүүн Р.Гончигдорж, З.Энхболд нар асуулт асууж тодруулан Улсын Их Хурлын гишүүн Ж.Батзандан, Ц.Нямдорж, Х.Тэмүүжин, З.Энхболд нар саналаа хэлсэн юм. Тухайлахад Улсын Их Хурлын гишүүн Ж.Батзандан шүүгчдийн цалингийн хэмжээг тогтоох асуудлаар олон жил маргаж ирсэн ч эцсийн шийдлийг гаргаж чадаагүй байсныг энэ удаа нэг мөр шийдэх гэж буйг дэмжиж буйгаа илэрхийлсэн бол Улсын Их Хурлын гишүүн Ц.Нямдорж байнгын хорооноос санаачилсан тогтоолын төслийн ерөнхий зарчмыг дэмжиж байна, харин шүүгчдийн цалингийн хэмжээг дэмжих боломжгүй. Учир нь шүүгчдийн цалингийн хэмжээг прокурорынхоос 2-3 дахин их байхаар асар их зөрүүтэй тогтоох нь. Би хувьдаа шүүгчдийн цалин нь прокурорынхоос 20-30 хувь илүү байх нь зөв гэсэн саналтай байгаа. Мөн шүүгчдийн цалингийн хэмжээг итгэлцүүрээр, бусдыг нь хатуу тоогоор тогтоож болохгүй, адил жишигтэй байх нь зөв гэлээ.
Харин Улсын Их Хурлын гишүүн Х.Тэмүүжин шүүгчдийн цалинг хэн тогтоох тухай маргаан сүүлийн гурван жил яригдсан. Төсвийн хөрөнгийг хэрхэн хуваарилж хууль тогтоох нь Улсын Их Хурлын эрх мэдлийн асуудал, гэтэл эрх мэдлийн аль нэг байгууллага өөрсдөө цалингаа тогтоох ёсгүй. Хуулиар эрх мэдэл олгоогүй заалтыг Шүүхийн ерөнхий зөвлөл барьж байгаа нь буруу. Нөгөө талаар шүүх эрх мэдлийн байгууллагын ажилтнуудын цалингийн хэмжээг цагдаатай жиших, прокурортой барьцуулах байдлаар ярьж болохгүй. Шүүгчдийн цалингийн хэмжээг хатуу тогтоож өгөх нь зөв гэсэн байр сууриа илэрхийлэв.
Мөн Улсын Их Хурлын гишүүн З.Энхболд Улсын Их Хурлаас 2011 оны 11 дүгээр сарын 25-нд баталсан 54 дүгээр тогтоол хүчин төгөлдөр үйлчилж байгаа. Харин Төрийн албаны тухай хуулиар шүүх, цэцийнхэн цалингаа өөрсдөө мэдэхээр ойлголт байгааг эхлээд засах ёстой. Цалингийн системийг ялгаатай болгосон нь хуулийн байгууллагуудын боловсон хүчний хөдөлгөөнд нөлөөлж байна. Одоо ирэх оны төсөв батлахад тулсан учраас шүүгчдийн цалинг Улсын Их Хурлын 54 дүгээр тогтоолын дагуу батлаад түүнд өөрчлөлт оруулах асуудлыг байнгын хороогоор дараа нь ярилцаж болох юм гэсэн саналтай байгаагаа хэлсэн юм.
Ингээд байнгын хорооны дарга Д.Ганбат Төрийн албаны тухай хуулийн 281 дүгээр зүйлийн 281.2 дахь хэсэг, Монгол Улсын шүүхийн тухай хуулийн 6 дугаар зүйлийн 6.7 дахь хэсгийг үндэслэн уг тогтоолын төслийг хуульд нийцүүлэх үүднээс “Бүх шатны шүүхийн шүүгчийн албан тушаалын цалингийн хэмжээг шинэчлэн тогтоох тухай” гэж өөрчлөн найруулах зарчмын зөрүүтэй санал гаргасныг байнгын хорооны хуралдаанд оролцсон гишүүдийн 58.3 хувь дэмжсэн тул энэ тухай санал, дүгнэлтээ Төсвийн байнгын хороонд хүргүүлэхээр тогтов.
Уг тогтоолын төсөлд бүх шатны шүүхийн шүүгчдийн албан тушаалын цалингийн хэмжээг 2 сая 700 мянгаас 3 сая 300 мянган төгрөг байхаар хавсралтаар шинэчлэн тогтоох, энэ тогтоол батлагдсантай холбогдуулан “Шүүгчийн болон прокурорын албан тушаалын цалингийн хэмжээг шинэчлэн тогтоох тухай” Улсын Их Хурлын 2011 оны 11 дүгээр сарын 25-ны өдрийн 54 дүгээр тогтоолын 1, 2 дугаар хавсралтыг тус тус хүчингүй болсонд тооцохоор тусгажээ.
Байнгын хорооны хуралдаанд Шүүхийн ерөнхий зөвлөлийн дарга, тус зөвлөлийн гүйцэтгэх нарийн бичгийн дарга, Улсын дээд шүүхийн Тамгын газрын дарга, Сангийн яамны Төрийн нарийн бичгийн дарга болон холбогдох албан тушаалтнууд оролцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2015 оны 11 сарын 03
Засгийн газрын ээлжит хуралдаанаар дараах асуудлуудыг хэлэлцэн шийдвэрлэлээ
3 минутын өмнө
Print Zasag and PDF
ShareThis Facebook Tweet LinkedIn Email
Зарим автозамын төсөлд гэрээ байгуулан хэрэгжүүлэхийг даалгалаа
БНХАУ-ын Засгийн газрын экспортын хөнгөлөлттэй зээлийн эх үүсвэрээр санхүүжүүлэх “Тосонцэнгэл-Улиастай чиглэлийн 114 км авто зам”, “Баянхонгор-Байдрагийн гүүр чиглэлийн 129,4 км авто зам”-ын барилгын ажлыг Хятадын талын санал болгосон компаниудаас сонгон, хуваарилагдсан зээлийн хөрөнгөд багтаан гэрээ байгуулан хэрэгжүүлэхийг Зам, тээврийн сайд М.Зоригтод зөвшөөрлөө.
Дээрх хоёр авто замын төсөл болон “Улаанбаатар хот-Хөшигийн хөндийн олон улсын нисэх буудал чиглэлийн хурдны авто зам”-ын ажилд зөвлөх үйлчилгээ үзүүлэх компанитай гэрээ байгуулахыг Зам, тээврийн сайд М.Зоригтод, зөвлөх үйлчилгээ болон төсөл хэрэгжүүлэх нэгжийн шаардагдах хөрөнгийг Засгийн газрын 2015 оны 309 дүгээр тогтоолоор баталсан хөрөнгөд багтаан санхүүжүүлэхийг Сангийн сайд Б.Болорт даалгалаа.
БНХАУ-ын Төрийн Зөвлөлийн Ерөнхий сайд Вень Зябао Монголд 2010 онд хийсэн айлчлалын үеэр Монгол Улсын Засгийн газарт 500 сая ам.долларын хөнгөлөлттэй зээл олгох боломжтой болохоо мэдэгдсэн. Үүний дагуу техникийн түвшинд хэд хэдэн удаагийн уулзалт, хэлэлцээг явуулсны дүнд гурван салбарт нийт 13 төсөл хэрэгжүүлэхээр хоёр орны Засгийн газар тохиролцож, Зээлийн Ерөнхий хэлэлцээр байгуулж, УИХ-аар соёрхон баталсан.
Зээлийн нөхцөлийн хувьд жилийн 2 хувийн хүүтэй, нийт 20 жилийн хугацаанд буцааж төлөхөөс эхний 7 жилд үндсэн төлбөрөөс чөлөөглөгдөнө.
Засгийн газрын “Зээлийн хөрөнгөөр хэрэгжүүлэх төслүүдийн тухай” 2015 оны 309 дүгээр тогтоолын хавсралтаар 500 сая ам.долларын экспортын хөнгөлөлттэй зээлийн хөрөнгөөр хэрэгжүүлэх төслийн жагсаалтыг баталсан.
Тус жагсаалтад зам, тээврийн салбараас дээрх төслүүд багтсан бөгөөд БНХАУ-ын Засгийн газрын санал болгосноор эдгээр төслүүдийг Хятадын компаниудаар гүйцэтгүүлэхээр тохирч, тэдний санал болгосон компаниудаас сонгон гэрээг шууд байгуулан хэрэгжүүлэх юм.
Монгол, Оросын Засгийн газар хоорондын комиссын хуралдаан болно
Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын 19 дүгээр хуралдаан энэ сарын 23-24-нд ОХУ-ын Чил хотод болно. Тус хуралдаанд оролцох Монголын талын төлөөлөгчдийн баримтлах удирдамжийг зөвшөөрлөө.
Хуралдаанаар тус комиссын 18 дугаар хуралдааны шийдвэрийн хэрэгжилт болон Монгол Оросын худалдаа, эдийн засаг, дэд бүтэц, тээвэр, уул уурхай эрчим хүч, хүмүүнлэгийн салбарын хамтын ажиллагааны талаар хэлэлцэхээр төлөвлөж байна.
Тухайлбал, ОХУ-ын Засгийн газраас 50-100 тэрбум рублийн хөнгөлөлттэй зээл авах тухай яриаг хэлэлцээг энэ онд багтаан эхлүүлэх, “Улаанбаатар” төмөр замын шинэчлэл, хөгжлийн стратегийн түншлэлийн тухай Хэлэлцээр-ийн хүрээнд ажлын хэсгийн уулзалтыг ойрын хугацаанд зохион байгуулж, хэрэгжүүлэх арга хэмжээний төлөвлөгөөг батлах ажлыг эрчимжүүлэх, ОХУ-ын хил залгаа бүс нутгуудаас 2016 оны эхний хагас жилд багтаан 3 дугаар ангиллын 106,6 мянган тн хүнсний улаанбуудай, 20 хүртэл мянган тн элит болон сортын үрийн улаанбуудай нийлүүлэх ажлыг зохион байгуулах, ирэх онд Монгол, Оросын хооронд дипломат харилцаа тогтоосны 95 жилийн ой тохиож буйтай холбогдуулан урлагийн хамтарсан гала концерт, урлагийн тоглолт зохион байгуулах зэрэг асуудлыг хэлэлцэнэ.
Товч мэдээ
· Сумын хүн ам, газар нутгийн хэмжээ, аж ахуйн нэгж, байгууллагын тоо, төрийн үйлчилгээний байгууллагуудын ажиллах хүрээг харгалзан сумын Засаг даргын Тамгын газрын орон тооны дээд хязгаарыг 1500 хүртэл хүн амтай суманд 12, 1501-3000 хүртэл хүн амтай суманд 14, 3001-5000 хүртэл хүн амтай суманд 15, 5001-10000 хүртэл хүн амтай суманд 17, 10001-20000 хүртэл хүн амтай суманд 20, 20001-ээс дээш хүн амтай суманд 22 байхаар тогтоолоо.
· Монгол Улсын Ерөнхийлөгч Ц.Элбэгдорж 2015 оны есдүгээр сарын 24-27-нд Нью-Йорк хотноо ажиллаж “Тогтвортой хөгжлийн 2030 хөтөлбөр”-ийг батлах НҮБ-ын дээд хэмжээний уулзалт, НҮБ-ын Ерөнхий ассамблейн 70 дугаар чуулганы ерөнхий санал шүүмжлэлд оролцсон дүнг хэлэлцээд Үндэсний аюулгүй байдлын зөвлөлд оруулахыг Гадаад хэргийн сайд Л.Пүрэвсүрэнд даалгалаа.
· УИХ-ын гишүүн Х.Тэмүүжин нарын санаачлан боловсруулсан Монгол Улсын Их хурлын Сонгуулийн тухай хуульд өөрчлөлт оруулах тухай хуулийн төслийг зарчмын хувьд дэмжиж, зарим саналыг төсөл санаачлагчид хүргүүлэх нь зүйтэй гэж үзлээ.
· УИХ-ын гишүүн Н.Батбаярын санаачлан боловсруулсан Ард нийтийн санал асуулгын тухай хуульд өөрчлөлт оруулах тухай хуулийн төслийг зарчмын хувьд дэмжиж Засгийн газрын хуралдаанаас тэмдэглэл гаргахаар тогтлоо.
· УИХ-ын гишүүн Д.Батцогтын санаачлан боловсруулсан Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай төслийг дэмжиж, төсөл санаачлагчид зарим саналыг уламжлахаар тогтлоо.
· Монгол Улсын Сангийн яам, БНХАУ-ын Экспорт-Импорт банкны хооронд байгуулах “Яармагийн хуучин гүүрийг засварлаж, шинэ гүүр барих төсөл”, “Гурилын үр тариа хадгалах элеватор барих” төсөл болон “Замын цагдаагийн газрын ойролцоох гүүрэн гарц барих” төслүүдийн тусгайлсан зээлийн хэлэлцээрийн төслийг хэлэлцэн дэмжиж, уг хэлэлцээрт гарын үсэг зурах эрх олгох тухай Ерөнхий сайдын захирамжийг ажлын шугамаар гаргахаар тогтлоо.
· Эдийн засгийн хөгжлийн хамтын ажиллагааны сангаас 2011-2015 онд авах зээлийн тухай Монгол Улсын Засгийн газар, Бүгд Найрамдах Солонгос Улсын Засгийн газар хорондын ерөнхий хэлэлцээрийн ашиглагдаагүй үлдэгдэл болох 244,5 сая ам.долларын хөрөнгөөр хэрэгжүүлэх төслийг хэлэлцээд Засгийн газрын тогтоол гаргахаар тогтож, зээлийн хөрөнгөөр хэрэгжүүлэх төслийн саналыг Солонгосын талд уламжилж, хэрэгжилтийг шуурхай зохион байгуулж ажиллахыг Сангийн сайдад даалгалаа.
· Цэргийн салбарын санхүүгийн хамтын ажиллагааны тухай Монгол Улсын Засгийн газар, Бүгд Найрамдах Турк улсын Засгийн газар хоорондын хэлэлцээр”-ийн төслийг дэмжин тус хэлэлцээр гарын үсэг зурах эрх олгох тухай Ерөнхий сайдын захирамж гаргахаар тогтов.
· Хөдөө аж ахуйн гаралтай бараа, түүхий эдийн биржийн зохицуулах зөвлөлийн бүрэлдэхүүнийг шинэчлэн баталлаа. Тус зөвлөлийг Хүнс, хөдөө ахуйн яамны Төрийн нарийн бичгийн дарга ахална.
· Монгол Улсад 2016 онд үйл ажиллагаа явуулах аж ахуйн нэгж, байгууллагын нийт дотоодын ажиллагчдын тоонд эзлэх гадаадын ажиллах хүч, мэргэжилтний хувийг баталлаа.
· “Эгийн голын усан цахилгаан станц төслийн урьдчилсан шатны дэд бүтцийн ажил”-ыг барих-шилжүүлэх төрлийн концессын гэрээний дагуу Сэлэнгэ мөрөн дээр баригдах шон суурь, тулгуур, ригелийн хэсгийн цутгалтын ажил гүйцэтгэх “Си Жи Жи Си Монголиа” ХХК-ийн 159 гадаадын ажиллах хүч, мэргэжилтэнд Монгол Улсад 2015 онд хөдөлмөр эрхлэх зөвшөөрлийг зохих журмын дагуу олгохыг Хөдөлмөрийн сайд Г.Баярсайханд зөвшөөрлөө.
· 2015 оны төсвийн тодотголын хамт 2015 оны 10 дугаар сарын 30-нд батлагдсан Засгийн газрын тухай хуульд өөрчлөлт оруулах тухай хуулийг үндэслэн ажил үүргээ гүйцэтгэж буй нэр бүхий дэд сайд нарыг үүрэгт ажлаас нь чөлөөллөө гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
САНАЛ БОЛГОЖ БАЙНА
- See more at: http://zasag.mn/news/view/11347#sthash.AqmpIV5l.dpuf
-
2015 оны 11 сарын 03
012 оны УИХ-ын сонгуулийн өмнө Нийслэлийн МАН-ын Хяналтын хороо хуралдаж намаасаа хасах шийдвэрийг гаргаж байсан юм. Тухайн үед Ц.Даваасүрэнг УИХ дахь МАН-ын бүлгээс гарсантай холбогдуулан намаас хөөсөн гэсэн мэдээлэл гарсан. Харин Нийслэлийн МАН-аас гурван жилийн өмнө гаргасан Ц.Даваасүрэнг намаас хөөсөн шийдвэрээ цуцалсан тухайгаа өөрт нь албан бичгээр хүргүүлсэн байна.
-
2015 оны 11 сарын 03
НИТХ-ын МАН-ын бүлэг хотын Э.Бат-Үүлд хариуцлага тооцуулахаар Ерөнхий сайд Ч.Сайханбилэгт хандлаа.
-
2015 оны 11 сарын 03
Засгийн газрын ээлжит хуралдаан өчигдөр Засгийн газрын хуралдааны танхимд болсон. Хуралдаанаар шийдвэрлэсэн асуудлын талаар өнөөдөр буюу наймдугаар сарын 11-ний 11.00 цагаас Ерөнхий сайдын хэвлэлийн төлөөлөгч Ц.Мөнхтөр мэдээлэл хийнэ. Мэдээлэл Төрийн ордонд болно.
-
2015 оны 11 сарын 03
.Хууль зүйн байнгын хорооны хуралдаан 09.00 цагаас “А” танхимд:
Хэлэлцэх асуудал:
“Шүүгчийн цалингийн хэмжээ тогтоох итгэлцүүр тогтоох тухай” Улсын Их Хурлын тогтоолын төсөл /Засгийн газар 2015.10.01-ний өдөр Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Бусад.
2.Эдийн засгийн байнгын хорооны хуралдаан 09.00 цагаас “Б” танхимд:
Хэлэлцэх асуудал:
Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Төрийн болон орон нутгийн өмчийн тухай хуульд өөрчлөлт оруулах тухай, Улсын бүртгэлийн ерөнхий хуульд нэмэлт оруулах тухай, Статистикийн тухай хуульд өөрчлөлт оруулах тухай, хуулийн төслүүд, Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай Улсын Их Хурлын тогтоолын төсөл, Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай тогтоолын төсөлд нэмэлт, өөрчлөлт оруулах тухай Улсын Их Хурлын тогтоолын төсөл /Засгийн газар 2015.10.01-ний өдөр Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Монгол Улсын Засгийн газар, Бүгд Найрамдах Хятад Ард Улсын Экспорт Импорт банк хооронд байгуулах 1.0 тэрбум ам. долларын зээлийн ерөнхий хэлэлцээрийн төсөл /Засгийн газар 2015.10.30-ны өдөр өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/;
“Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төсөл /Монгол банк 2015.09.30-ны өдөр өргөн мэдүүлсэн, анхны хэлэлцүүлэг/;
Бусад.
4.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “А” танхимд:
Хэлэлцэх асуудал:
Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Дээд боловсролын санхүүжилт, суралцагчдын нийгмийн баталгааны тухай хуулийн зарим хэсгийг хүчингүй болсонд тооцох тухай, Хөдөлмөр эрхлэлтийг дэмжих тухай хуульд нэмэлт, өөрчлөлт оруулах тухай, Эрүүл мэндийн даатгалын тухай хуульд өөрчлөлт оруулах тухай, Эрүүл мэндийн даатгалын тухай хуулийг дагаж мөрдөх журмын тухай хуульд өөрчлөлт оруулах тухай хуулийн төслүүд /Засгийн газар 2015.10.01-ний өдөр Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн хамт өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
Ажлын хэсэг байгуулах тухай.
-
2015 оны 11 сарын 02
http://itoim.mn/index.php/site/news/2630
-
2015 оны 11 сарын 02
УИХ-ын дарга З.Энхболд эмгэнэл илэрхийллээ
-
2015 оны 11 сарын 02
Д.Батцогт: Хөгжлийн зам ашиглалтад орлоо
-
2015 оны 11 сарын 02
Л.Эрдэнэчимэг:
-
2015 оны 11 сарын 02
Х.Баттулга: Батзаяаг цагдаагийнхан барьсан. Тэд мэдээлэл хийг. ТТ тойрсон зохион байгуулалттай асуудлууд хөврөх байх
-
2015 оны 11 сарын 02
Долоо хоног бүрийн даваа гарагт УИХ дахь нам эвслийн бүлгүүд тухайн долоо хоногт чуулган болон байнгын хороодын хуралдаанаар хэлэлцэх асуудлуудын талаар байр сууриа илэрхийлдэг. Үүний дагуу бие даагч гишүүдийн төлөөлөл болж УИХ-ын гишүүн Ц.Даваасүрэн мэдээлэл хийлээ. Тэрбээр, энэ долоо хоногт олны анхаарлыг татаж байгаа сэдэв болох 2016 оны төсөвт ямар нэг байдлаар эх үүсвэр гаргаж цалин тэтгэвэрийг бууруулахгүй байхад анхаарах хэрэгтэй хэмээн бие даагч гишүүд үзэж байгааг хэллээ.
Мөн ийм эх үүсвэр гаргахын тулд шаардлагагүй зардлуудыг хасах хэрэгтэй гэсэн юм.
Харин яамдын тоог багасгах асуудлыг ирэх оны нэгдүгээр срын нэгнээс эхлэх ёстой гэж үзэж байгаа аж.
Хамгийн гол нь улсын төсөвт урсгал зардлыг нэмэгдүүлж байгаа зүйл бол Засгийн газар шинээр байгуулж, “бялуу хуваарилах” асуудалтай шууд холбоотой гэж үзэж байгаа гэдгээ Ц.Даваасүрэн гишүүн хэлсэн. Тиймээс үүнийг цэгцэлж байж хэмнэлт гарна. Тэрнээс биш төрийн албан хаагчдын цалинг хасаад хэдхэн тэрбум төгрөг хэмнэх тухай ярих нь чухал биш. Тэгээд ч Засгийн газын хэрэг эрхлэх газрын дарга С.Баярцогт гадны хоёр зөвлөхдөө 10.7 тэрбум төгрөг зарцуулж байгаа нөхцөлд төрийн албан хаагчдын хэдхэн тэрбум төгрөгийг хасах гээд хэрэггүй гэсэн юм.
Үүнээс гадна энэ долоо хоногт Азийн хөгжлийн банкнаас орж ирж буй хоёр зээлийн хэлэлцээрийг шийдэхээр байгаа. Эхний ньХөдөөгийн хөгжил санхүүжилтийн хоёр дахь шатны зээл. Нэгэнт манай улс уул уурхайгаас орж ирж байгаа хөрөнгө нь хангалттай биш байгаа учраас хөдөө аж ахуйн чиглэлийн жижиг дунд бизнесийг хөгжүүлэх ийм зээлийг дэмжинэ гэж бие даагч гишүүд үзсэн байна. Тодруулбал уг төслийн дагуу 150 мянгаас хоёр сая хүртлэх төгрөгийн хөдөө аж ахуйн зээлүүдийг санхүүжүүлэх юм байна.
Мөн Азийн хөгжлийн банкнаас орж ирж буй нийгмийн халамжийн чиглэлийн хөтөлбөрийн зээлүүдийг тасралтгүй явуулах ёстой гэсэн. Өрийн босгын хувьд Азийн хөгжлийн банкны энэ хоёр зээл төдийлөн дарамт үүсгэхгүй гэдгийг тэрбээр мөн хэлсэн. Учир нь хөнгөлөлттэй нөхцөлөөр олгогдож байгаа удаан хугацаагаар төлдөг, жилийн 1-2 хувийн хүүтэй имй зээлүүд эдийн засагт төдийлөн хүнд дарамт болдоггүй гэсэн юм.
Харин Хятадын экспорт, импорт банкны нэг тэрбум ам.долларын зээл эдийн засагт дарамт үзүүлэ магадгүй гэж бие даагч гишүүд үзэж байгаа аж. Энэ зээлийг Эгмйн голын усан цахилгаан станц, Хөшигтийн хөндийн зам даын ажилд зарцуулах учраас ач холбогдлыг нь харах хэрэгтэй гэлээ. Өнгөрсөн хавар эрчим хүч, зам авч байгаа зээлийг өрийн хязгаарт нөлөөлөхгүй байхаар болгосон мэт ярьж байгаа.Гэсэн хэдий ч олон улсын стандартын дагуу энэ бол өрийн хязгаар орно гэдгийг тэрбээр мөн хэллээ.
Энхмаа
Долоо хоног бүрийн даваа гарагт ээлжит хуралдаанаа хийдэг хуваарийн дагуу өнөөдөр УИХ дахь АН-ын бүлэг ээлжит хуралдаанаа хийлээ. АН-ын бүлгийн хуралдаанаар УИХ-ын дарга болон Ерөнхий сайдын мэдээллийг сонсжээ. Мөн 2016 оны төсвийн тухай хуулийн хоёр дахь хэлэлцүүлгийг хийхэд бэлтгэж гишүүд санал бодлоо нэгтгэсэн байна.
Тодруулбал, Ерөнхий сайдаас БНХАУ-ын Экспорт, Импорт банкнаас авах нэг тэрбум ам.долларын зээлийн ерөнхий хэлэлцээрийн талаар мэдээлэл сонссон бөгөөд хэлэлцээрийн төслийг гишүүд дэмжсэн байна.
Ерөнхий сайдын хийсэн мэдээллээр энэхүү нэг тэрбум ам.долларын 703 сая ам.долларыг нь Эгийн голын төсөл рүү зориулна. Энэ зээлд Монголын талын хүлээж буй үүрэг бол 15 хувийг нь гаргах юм байна. Харин Эгийн голын усан цахилгаан станцын ажлын эхний хэсгийг концессийн гэрээгээр хийж байгаа учраас энэ хийсэн ажлаа Засгийн газар 15 хувьдаа оруулж явахаар байгаа гэдгээ Ерөнхий сайд танилцуулсан байна. Энд одоогоор 90 орчим сая ам.долларын ажил хийгдэж байгаа ажээ. Мэдээж энэ зээлийг төлж дуусах хүртэл эрчим хүчний үнийн өөрчлөлт явагдахгүй гэдгийг мөн Ерөнхий сайд хэлжээ.
Мөн Оросын Гадаад худалдааны сайд албан ёсны мэдээлэл өгч энэхүү Монгол, Хятад, Оросын Засгийн газар хооронд хэрэгжүүлж буй төсөл арга хэмжээнд Оросын тал ямар нэг байдлаар нөлөөлөхгүй гэдгээ хэлжээ. Тийм учраас Эгийн голын усан цахилгаан станц бол хэрэгжих бүрэн боломжтой төсөл гэж үзсэн учраас АН-ын бүлэг энэхүү зээлийн хэлэлцээрийг 100 хувийн саналаар дэмжсэн байна.
Түүнчлэн бүлгийн гишүүд өнөөдрийн хуралдаанд Үндсэн хуулийн өөрчлөлтийн талаар санал хэлсэн гэдгийг бүлгийн дарга Б.Гарамгайбаатар хэлсэн юм. АН-ын бүлэг Үндсэн хуульд өөрчлөлт оруулах асуудлыг дэмжиж байгаа. Ажлын хэсгийн мэдээлснээр Үндсэн хуульд өөрчлөлт оруулах шаардлагатай 50 гаруй гишүүний гарын үсэг цуглараагүй, тэр дундаа МАН-ын гишүүд гарын үсэг зураагүй байгаа аж.
Энэ талаар Б.Гарамгайбаатар “МАН өнгөрсөн долоо хоногийн турш улс төрийн томоохон үйл ажиллагаа зохион байгуулсан. Үүнийхээ төгсгөлд МАН Үндсэн хуулийн өөрчлөлтийг дэмжиж байгаа гэж мэдэгдсэн. Гэсэн хэдий ч яг хэрэг дээрээ МАН-ын нэг ч гишүүн гарын үсэн зураагүй гэдгийг мэдэгдмээр байна” гэсэн юм.
Харин бүлгийн хуралдааны үеэр орон нутгийн өмчийг төрийн өмчид төвлөрүүлэн татах нь зөв үү буруу юу гэдэг талаар мөн нилээд ярилцжээ. Энэ асуудалд гишүүд санал нэгдэж чадаагүй учраас нэгдсэн байр сууринд хүрээгүй аж.
-
2015 оны 11 сарын 02
Эрүүгийн цагдаагийн газрын Эдийн засгийн гэмт хэрэгтэй тэмцэх тасгийнхан түүнийг баривчилсан даруйдаа Зайсан дахь хорих ангид саатуулсан байна.
-
2015 оны 11 сарын 02
Мөн Халх голын сумын нутгийн зөвлөлийн тэргүүлэгчид гэх1659 иргэнээс өргөдөл ирүүлсэн байна. Тиймээс Өргөдлийн байнгын хороо энэ долоо хоногийн сүүлээр Халх голд очиж ажиллах юм байна.
