-
2015 оны 12 сарын 25
НЭГ.БАЙНГЫН ХОРООНЫ ХУРАЛДААН:
12 дугаар сарын 25-ны Баасан гарагт:
1.Хууль зүйн байнгын хорооны хуралдаан 08.30 цагаас “Б” танхимд:
Хэлэлцэх асуудал:
Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2015.12.18-ны өдөр өргөн мэдүүлсэн, анхны хэлэлцүүлэг/;
-
2015 оны 12 сарын 25
Улс төрчид иргэдэд хайр зарласан жил өнгөрч байна. УИХ-ын гишүүдийн тойрогтоо ажиллах тоо нь олширч, зурагтаар ярих нь ихсэж ер нь л сонгууль ойртож буйг илтгэх олон үйл явдал өрнөсөөр. Бүр зарим нь гарын бэлэгээ ард иргэдэд тараагаад тун завгүй. Тойргийнхондоо хайр, зарлан янз бүрийн бэлэгээр ”булж” буй улс төрчдийг 24tsag.mn онцолж байна.
-
2015 оны 12 сарын 24
УИХ-ын чуулганы нэгдсэн хуралдаанаар Захиргааны хэрэг шүүхэд хянан шийдвэрлэх ажиллагааны тухай болон холбогдох бусад хуулийн төслүүдийг хэлэлцэж анхны хэлэлцүүлгээр дэмжлээ.
Дараа нь Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт,өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүдийг хэлэлцэж анхны хэлэлцүүлгээр нь дэмжлээ.
-
2015 оны 12 сарын 24
Чуулганы үдээс өмнөх хуралдаанаар хэлэлцэн шийдвэрлэсэн Монголбанкны тэргүүн дэд ерөнхийлөгч Б.Жавхланг албан тушаалаас нь чөлөөлөх хүсэлтийг дахин хэлэлцэхийг УИХ дахь МАН-ын бүлгийн дэд дарга Д.Хаянхярваа УИХ-ын даргаас хүсэв.
Улмаар санал хурааж, үдээс өмнөх хуралдаанаас гаргасан шийдвэрээ хүчингүй болголоо. Үүний дараа Монголбанкны тэргүүн дэд ерөнхийлөгч Б.Жавхланг 90 хувийн саналаар дэмжин, албан тушаалаас нь чөлөөллөө.
-
2015 оны 12 сарын 24
Засгийн газраас нэн яаралтай дэгээр хэлэлцүүлэхээр өргөн мэдүүлсэн Гаалийн болон нэмэгдсэн өртгийн албан татвараас чөлөөлөх тухай хуулийн төслийн хэлэлцэх эсэх асуудлыг хэлэлцлээ.
Засгийн газрын гишүүн, Хүнс, хөдөө аж ахуйн сайд Р.Бурмаа энэ талаарх хууль санаачлагчийн илтгэлдээ, 2015 оны ургац хураалтын дүнгээр нийтдээ 215.7 мянган тонн үр тариа, үүнээс 203.9 мянган тонн буудай хурааж аваад байна. Харин ирэх оны тариалалтад зориулж 335.7 мянган га талбайд чанар сайтай уринш боловсруулж бэлтгэсэн бөгөөд хаврын тариалалтад 48 мянган тонн орчим улаанбуудайн үр шаардлагатай байгаа юм. Гэвч ургац хураалтын дүнгээр дараа оны тариалалтад нийтдээ 28 мянган тонн улаанбуудайн үрийн нөөц бүрдээд байгаа хэдий ч 20 мянган тонн улаанбуудайн үр дутагдахаар байна. Энэ тооцоог үндэслэн Хүнсний аюулгүй байдлын үндэсний зөвлөлөөс 2016 онд 20 мянган тонн үрийн улаанбуудай импортлох зөвлөмж гаргасан. Иймээс импортоор оруулах үрийн улаанбуудайг Гаалийн болон нэмэгдсэн өртгийн албан татвараас чөлөөлөх зайлшгүй шаардлагын үүднээс чөлөөлөх уг хуулийн төслүүдийг боловсруулсан тухайгаа дурдлаа.
Хууль санаачлагчийн илтгэлтэй холбогдуулан Улсын Их Хурлын гишүүн Д.Ганхуяг салбарын сайдаас асуулт асууж тодруулан Улсын Их Хурлын гишүүн Я.Санжмятав саналаа хэлсэн юм. Ингээд санал хураалт явуулахад байнгын хорооны хуралдаанд оролцсон гишүүд санал нэгтэйгээр Гаалийн болон нэмэгдсэн өртгийн албан татвараас чөлөөлөх тухай хуулийн төслүүдийг хэлэлцэхийг дэмжсэн тул энэ талаарх байнгын хорооны санал, дүгнэлтийг чуулганы нэгдсэн хуралдаанд оруулж хэлэлцүүлэхээр тогтлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2015 оны 12 сарын 24
Засгийн газраас нэн яаралтай дэгээр хэлэлцүүлэхээр өргөн мэдүүлсэн Гаалийн болон нэмэгдсэн өртгийн албан татвараас чөлөөлөх тухай хуулийн төслийн хэлэлцэх эсэх асуудлыг хэлэлцлээ.
Засгийн газрын гишүүн, Хүнс, хөдөө аж ахуйн сайд Р.Бурмаа энэ талаарх хууль санаачлагчийн илтгэлдээ, 2015 оны ургац хураалтын дүнгээр нийтдээ 215.7 мянган тонн үр тариа, үүнээс 203.9 мянган тонн буудай хурааж аваад байна. Харин ирэх оны тариалалтад зориулж 335.7 мянган га талбайд чанар сайтай уринш боловсруулж бэлтгэсэн бөгөөд хаврын тариалалтад 48 мянган тонн орчим улаанбуудайн үр шаардлагатай байгаа юм. Гэвч ургац хураалтын дүнгээр дараа оны тариалалтад нийтдээ 28 мянган тонн улаанбуудайн үрийн нөөц бүрдээд байгаа хэдий ч 20 мянган тонн улаанбуудайн үр дутагдахаар байна. Энэ тооцоог үндэслэн Хүнсний аюулгүй байдлын үндэсний зөвлөлөөс 2016 онд 20 мянган тонн үрийн улаанбуудай импортлох зөвлөмж гаргасан. Иймээс импортоор оруулах үрийн улаанбуудайг Гаалийн болон нэмэгдсэн өртгийн албан татвараас чөлөөлөх зайлшгүй шаардлагын үүднээс чөлөөлөх уг хуулийн төслүүдийг боловсруулсан тухайгаа дурдлаа.
Хууль санаачлагчийн илтгэлтэй холбогдуулан Улсын Их Хурлын гишүүн Д.Ганхуяг салбарын сайдаас асуулт асууж тодруулан Улсын Их Хурлын гишүүн Я.Санжмятав саналаа хэлсэн юм. Ингээд санал хураалт явуулахад байнгын хорооны хуралдаанд оролцсон гишүүд санал нэгтэйгээр Гаалийн болон нэмэгдсэн өртгийн албан татвараас чөлөөлөх тухай хуулийн төслүүдийг хэлэлцэхийг дэмжсэн тул энэ талаарх байнгын хорооны санал, дүгнэлтийг чуулганы нэгдсэн хуралдаанд оруулж хэлэлцүүлэхээр тогтлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2015 оны 12 сарын 24
УИХ-ын чуулганы өнөөдрийн үдээс хойшхи хуралдаанаар “Гацууртын ордын төрийн эзэмшлийн хувь тогтоох тухай” УИХ-ын тогтоолын төслийн хэлэлцэх эсэх хэлэлцүүлгийг үргэлжлүүлэн хийв.
Гацууртын алтны үндсэн орд нь Сэлэнгэ аймгийн Мандал сумын нутагт оршдог бөгөөд ашиглалтын тусгай зөвшөөрөл эзэмшигч нь “Сентерра гоулд Монголиа” ХХК юм. Тус орд нь 50 036,05 кг буюу 50 тонн алтны нөөцтэй. Хязгаарлагдмал тодорхой нөхцөлд үр ашигтай нөөц нь 25 тонн, нийт 75 тонн алтны нөөцтэй.
Тус орд дээрх хэмжээний харьцангуй өндөр агуулга бүхий хүдэртэй. Ирээдүйд тухайн бүс нутгийн хөгжилд нөлөөлөхуйц, дэд бүтэц харьцангуй сайн хөгжсөн, цаашид ордын хэмжээнд нөөц өсөх магадлалтай юм. Гацууртын ордын төслийг хэрэгжүүлэхдээ толгой компани болох “Сентерра Гоулд Монголиа” ХХК нь “Бороо гоулд” ХХК-ийн үлдэгдэл хөрөнгийг ашиглах бөгөөд үлдсэн хөрөнгө оруулалтыг зээл болон бусад эх үүсвэрээс зохицуулах аж.
Гацууртын алтны үндсэн орд нь ашиглалтад ороход бэлэн болсон төсөл бөгөөд нийт 9-10 жил алт олборлох болон боловсруулах үйлдвэрлэл явуулна. Нийт хөрөнгө оруулалтын зардал нь 215.9 сая ам.доллар, үйл ажиллагааны зардал нь 1026.2 сая ам.доллар, 1769.2 сая ам.долларын борлуулалт хийж, 433,6 сая ам.долларын татвар, төлбөр, хураамж төлөх бөгөөд 1000 орчим ажлын байр бий болох юм. Иймд Гацууртын алтны үндсэн ордын төрийн эзэмшлийн хувь хэмжээг Ашигт малтмалын тухай хуулийн 5 дугаар зүйлийн 5.5, 472 дугаар зүйлийг үндэслэн тогтоож, эдийн засгийн эргэлтэд оруулах зайлшгүй шаардлага үүссэн аж.
Хэлэлцүүлгийн шатанд УИХ-ын гишүүн Ц.Даваасүрэн, ”Манай улс эдийн засгийн хурдацаараа дэлхийд 3-т жагсаж байгаа мөртлөө хамгийн их өртэй 10 улс орны жагсаалтад орсон байна” гэхэд Ерөнхий сайд Ерөнхий сайд Ч.Сайханбилэг, ”Гаргаж байгаа эрдэс баялгийн хэмжээ хэвэндээ байгаа ч дэлхийн зах зээл дээр үнэ ханш унасан нь эдийн засагт ихээхэн нөлөөлж байна. Тиймээс гадагш нийлүүлж буй эрдэс баялгийн түүхий эдийнхээ хэмжээг нэмэгдүүлэх шаардлага үүсээд байна. Бусад улс орнууд ч ийм жишгээр ажиллаж байна” гэв.
УИХ-ын гишүүн Р.Гончигдорж төслийг дагалдаж гарах нийгмийн үнэ цэнийг тодорхой болгож оруулж ирээгүйгээс төслийн үр дүн дорвитой сонсогдохгүй байна. Орж ирэх бэлэн мөнгөний хэмжээгээр төслийн үнэ цэнийг ярьж болохгүй гэсэн бол УИХ-ын гишүүн Г.Уянга тогтоолын төслийг хэлэлцэхийг дэмжихгүй гэдгээ илэрхийлээд 50 тонн алтны төслийнхөө оронд Ноён ууланд аялал жуулчлалын төсөл хэрэгжүүлэх саналтай байгаагаа хэллээ. Харин УИХ-ын гишүүн С.Ганбаатар энэ саналаа татаж аваач ээ гэсэн юм. Гишүүд асуулт тавьж, байр сууриа хэлсний дараа тогтоолын төслийг хэлэлцэхийг дэмжих санал хураалт явууллаа. Гишүүдийн олонхийн саналаар Гацууртын ордод төрийн эзэмшлийн хувийг тогтоох тухай тогтоолын төслийг хэлэлцэхийг дэмжив.
-
2015 оны 12 сарын 24
“Эрдэнэс Тавантолгой” ХК-ийн үйлдвэрчний эвлэлийн тэргүүлэгч гишүүдтэй уулзав
-
2015 оны 12 сарын 24
УИХ-ын чуулганы нэгдсэн хуралдаан товлосон хугацаанаасаа нэг цагаар хоцорч эхэллээ.
Хуралдааны эхэнд Гацууртын ордын төрийн эзэмшлийн хувь хэмжээ тогтоох тухай УИХ-ын тогтоолын төслийг хэлэлцэж эхлээд байна. УИХ дахь МАХН-МҮАН-ын Шударга ёс эвслийн бүлэг энэхүү хуулийн төслийг бүлгийн төвшинд хэлэлцэж, саналаа нэгтгэх шаардлага байна гэж үзэн, завсарлага аваад байсан ч хугацаа нь дууссан юм.
-
2015 оны 12 сарын 24
Төсвийн байнгын хороо хуулийн төслийн анхны хэлэлцүүлгийг дэмжив
-
2015 оны 12 сарын 24
10 хувийн урьдчилгаат зээлийн асуудал аясаараа явчих боломжтой
“Сайдын цаг”-аар БХБ-ын сайд З.Баянсэлэнгэ оролцлоо. Тэрбээр барилга, хот байгуулалтын салбарт хийгдсэн байгаа ажил, цаашид авах арга хэмжээний талаар танилцуулсны дараа хийснийхээ дарааа сэтгүүлчдийн сонирхсон асуултад хариулав.
-Ипотекийн зээлийн урьдчилгааг 10 хувь болгох асуудалд талууд ойлголцолд хүрсэн үү?
-Төр бодлогоо гаргасан. Одоо тухайн асуудалтай холбоотойгоор байгууллагуудаас саналыг нь авч байна. Манай яам өнөөдөр бүх арилжааны банкуудын саналыг авсан. Сангийн яамтай хамтарч ажиллаж байна. Монгол банктай төдийлөн уулзаж чадахгүй байна. Арилжааны банкууд “биднийг төр бодлогоороо дэмжиж өгөөч” гэж байна. Барилгын салбарт үйл ажиллагаа эрхэлж байгаа аж ахуйн нэгжүүд бүгд өр зээлтэй байгаа. Өрийн гинжин сүлжээнд орсон. Өндөр хүүтэй зээл төлөх үү, өөрсдөдөө боломжтой хувилбараар арилжааны нэгж, банк хоёрын хоорондын итгэлцлийн асуудал байгаа. Өөрсдөдөө байгаа баригдсан барилгуудаа 8 хувийн зээлэнд оруулаад, 20 хувьдаа өөрөө баталгаагаа гаргаад, эргэн төлөлт нь 100 хувь аж ахуйн нэгжүүддээ очдог байсан бол 80 хувиар төлөөд явах хэрэгтэй. 20 хувь нь урт хугацаандаа хувь хүнээсээ эргэн төлөгдөөд явна. Үүнд төр оролцоод хэрэггүй. Хэрвээ өмнөх сайдын үед яригдсан 200 тэрбум төгрөг дээр Засгийн газрын баталгаа байсан бол энэ асуудал хүлээлт үүсгэхгүй байсан. Өнөөдөр 200 тэрбум төгрөгийн баталгаа гаргах мөнгө алга байна. Засгийн газрын өрийн баталгааны санд 97.5 тэрбум төгрөг суулгаж өгсөн байгаа. Гэхдээ одоо Засгийн газрын баталгааны 97.5 тэрбум төгрөг цаасан хэлбэрээрээ байхгүй, бичигдсэн хэлбэрээр байна. Дээрээс нь эдийн засгийн боломж байхгүй. Тиймээ аж ахуйн нэгжид үүсээд байгаа асуудал, банкуудаа татаж унагах гээд байгаа асуудлыг зохицуулах ёстой. Ингэхдээ Засгийн газрын тогтоол журамдаа өөрчлөлт оруулж явъя гэдэг хүсэлтийг шийдсэн. Цаашлаад Үл хөдлөх хөрөнгийн барьцааны асуудал шийдэгдэхэд 10 хувийн урьдчилгаат зээлийн асуудал аясаараа явчих боломжтой. 10 хувийн асуудал зогсонги байдалд байсан гарцыг нээж өглөө. Үүнд улстөр хэрэггүй, төр ч оролцох шаардлагагүй. Төрөөс мөнгө төгрөг шаардахгүй. Энэ хүрээнд нь явуулах байх гэж найдаж байна.
- Монгол банкны Ерөнхийлөгч тантай хоёр ч удаа уулзсан гэж байсан?
-Би ажил хэргийн уулзалтыг хүсч байгаа. Хүн өнөөдөр албан газар, коридорт хэдэн ч удаа тааралдаж болно. Н.Золжаргал Ерөнхийлөгчтэй гишүүдийн өрөөнд хоёр ч удаа таарсан нь үнэн. Гэхдээ ажил хэргийн уулзалт хийх тухайгаа тэр үед хэлж дуулгахад зөвлөх, мэргэжилтнүүдээ явуулсан. Монголбанк урьдчилгааг 10 хувь болгох дээр бидэнд саад учруулаад байх шаардлагагүй. Эцсийн дүндээ ажил явах хэрэгтэй. Засгийн газрын баталгааг хүмүүс хүлээж байгаа. Иргэн урьдчилаад 10 хувийг төлнө. Энэ 20 хувь барилгын үнэ унах, найдваргүй зээл бий болохоос сэргийлсэн асуудал. Түүнээс биш иргэнд мөнгөөр дэмжлэг үзүүлж байгаа асуудал. Иргэд 10 хувиа төлөөд, 70 хувийг нь арилжааны банк гаргаад, 80 хувийг нь аж ахуйн нэгжид очно. Тэгээд 20 хувиа эргэн төлөлтөөр нөхөөд авах хувилбартай.
-Голомт банктай байгуулсан санамж бичиг хэр баталгаатай бол?
-8 хувийн асуудал шийдэгдэх юм бол Голомт банк битгий хэл бусад банкуудтай бид хамтран ажиллах болно. Яагаад гэвэл 10 хувийн урьдчилгаатай, 8 хувийн ипотекийн зээлээ явуулах тогтоол журамдаа өөрчлөлт оруулж байгаа. Банкуудад энэ асуудлыг шийдэх боломжийг нь олгож өгсөн. Тиймээс энэ асуудал цаашдаа явна. Үл хөдлөх хөрөнгийн барьцааны тухай хуулийн ҮХЦ-ийн шийдвэртэй холбоотой зогссон болохоос биш 10 хувь явахгүй гэдэг асуудал дээр юм яриагүй.
-10 хувийн урьдчилгаатай ипотекийн зээл хэрэгжвэл хичнээн иргэн хамрагдах судалгаа байна вэ?
-Судалгаа бид авч байгаа. Гэхдээ энэ тоо нарийвчлан тодорхой болоогүй байгаа. Ямартай ч 10 хувь хэрэгжиж эхлэвэл гэдэг хүлээлт үүссэн. Тиймээс төдийлөн нарийвчилсан тоо гарахгүй байгаа.
Н.Энх
-
2015 оны 12 сарын 24
Татварын өршөөлийг хоёрдугаар сарын 15 хүртэл сунгана
2015 / 12 / 24 | 13:31 | Нийтэлсэн: Б.Туул | 0
УИХ-ын чуулганы Эдийн засгийн ил тод байдлыг дэмжих тухай хуульд өөрчлөлт оруулах тухай хуулийн төслийн хэлэлцэх эсэх хэлэлцүүлгийг хийв.
Засгийн газар уг хуулийн төслийг хоёр өдрийн өмнө өргөн мэдүүлсэн бөгөөд УИХ нэн яаралтай дэгээр хэлэлцэж байгаа юм. Эдийн засгийн ил тод байдлыг дэмжих тухай хуулийг УИХ энэ жил баталсан. Гэхдээ хуулийн үйлчлэх хүрээ энэ сарын 31-нээр дуусгавар болох гэж байгаатай тул хугацааг сунгах асуудлыг үүгээр оруулж ирж байгаа юм.
Хэлэлцүүлгийн шатанд УИХ-ын гишүүн Ж.Энхбаяр, “Ямар хуулийн шаардлагаас хамаарч орлогоо нууж байна вэ гэдгийг судалж, жагсаалт гаргах уу” гэсэн асуудлыг тодруулахад Ерөнхий сайд Ч.Сайханбилэг, “Чуулганы өнгөрсөн баасан гарагийн хуралдаанаар тус хуулийн хэрэгжилтээр мэдээлэл хийх үед УИХ-ын гишүүдээс ийм саналууд гарсан. Иймд мэдээллийн дагуу холбогдох судалгаа хий гэсэн үүргийг өгөөд байна. Ямар хуулинд өөрчлөлт тусгах вэ гэдгээ яриад ойрын хугацаанд асуудлыг оруулж ирнэ” гэсэн тайлбарыг хийсэн юм.
УИХ-ын гишүүн Ц.Даваасүрэн, “Татварын нуугдсан орлогын хувьд ярих юм алга. Харин энэ хуулиар авлига өршөөгдөж байх шиг байна. Хууль бусаар олсон орлогоо мэдүүлээд байгаа юм биш биз” гэсэн асуудлыг хөндсөн. Үүнд Ерөнхий сайд Ч.Сайханбилэг, “Хууль бус, хууль ёсны гэж асуухгүйгээр бүртгэж авах нь энэ хуулийн концевц” гэсэн юм.
УИХ-ын гишүүн Батцогт, “Хуулийг дэмжиж байна. Хэн нэгний өршөөх гэхээсээ улс орны эдийн засгийг эрүүлжүүлэхэд чиглэгдсэн хууль гэсэн том утгаар нь асуудлыг харах хэрэгтэй. Гэхдээ хөрөнгө орлогоо мэдүүлдэг алба хаагчдыг энэ хуулинд хамруулах хэрэгтэй. Надад бол нуусан хөрөнгө алга. Ийм хуулийг бид дахин дахин батлахгүй гэдэг утгаар нь эдгээр алба хаагчдыг хамруулах асуудлыг ярих хэрэгтэй байна. Түүнчлэн хугацааг нь 2 дугаар сарын 20 гэж оруулж ирсэн байна. Шинэ жил, цагаан сар гэсэн амралтууд үргэлжилсээр байгаад хамрагдах хүсэлттэй аж ахуй нэгжүүд хоцорчих юм биш биз” гэлээ.
Ерөнхий сайд Ч.Сайханбилэг, “ХОМ мэдүүлдэг алба хаагчдыг хамруулах шаардлагатай гэвэл энэ асуудлыг нэгдүгээр сард Засгийн газарт оруулах боломжтой” гэв. Гишүүд асуулт асууж, үг хэлсний дараагаар хуулийн төслийг анхны хэлэлцүүлэгт шилжүүлсэн. Үүгээр үдийн цайны цаг болсон чуулганы хуралдаан түр завсарлав.
-
2015 оны 12 сарын 24
Сонгуулийн хуулиар АН, МАН-ынхан тохирсон ч “Шударга ёс” бойкотлов
-
2015 оны 12 сарын 24
Хүүхэд харах үйлчилгээний тухай хууль хэрэгжихтэй холбогдуулан мэдээлэл хийлээ
-
2015 оны 12 сарын 24
2016 оны төсвийн тухай хуулиар Үндэсний статистикын хороог Улсын бүртгэлийн ерөнхий газартай нэгтгэж байгаа. Тиймээс Үндэсний статистикын хорооны дарга С.Мэндсайханыг үүрэгт ажлаас нь чөлөөлөхөөр болсон.
УИХ-ын чуулганаар уг асуудлыг хэлэлцээд гишүүдийн олонх дэмжлээ.
-
2015 оны 12 сарын 24
УИХ-ын чуулганы нэгдсэн хуралдаанаар Монголбанкны тэргүүн дэд ерөнхийлөгч Б.Жавхланг үүрэгт ажлаас нь чөлөөлөх тухай асуудлыг хэлэлцлээ. Тэрээр ажлаасаа чөлөөлөгдөх хүсэлтээ УИХ-ын даргад ирүүлжээ. Түүний гаргасан хүсэлтийн дагуу УИХ-ын гишүүдийн зүгээс байр сууриа илэрхийлж байна.
Б.Жавхлан ирэх сонгуульд МАН-аас Дархан-Уул аймагт нэр дэвшихээр кампанит ажлаа албан бусаар эхлүүлжээ. Тиймээс үүрэгт ажлаасаа чөлөөлөгдөх хүсэлтээ гаргаж байгаа аж. Гэсэн ч санал хураалтаар чуулганд ирсэн УИХ-ын гишүүдийн 50 хувь буюу 27 нь татгалзсанаар албан тушаалдаа хэвээр үлдлээ.
-
2015 оны 12 сарын 24
УИХ-ын Байгаль орчин, хүнс хөдөө аж ахуйн Байнгын хорооны даргаар Л.Эрдэнчимэгийг, Эдийн засгийн Байнгын хорооны даргаар Ц.Баярсайханыг, Нийгмийн бодлого, боловсрол соёл, шинжлэх ухааны Байнгын хорооны даргаар Д.Батцогтыг ,Төрийн байгуулалтын Байнгын хорооны дарга А.Бакейг улируулах асуудлыг УИХ-аар хэлэлцээд олонхийн дэмжлэг авлаа.
Энэ үеэр УИХ-ын гишүүн Х.Болорчулууны зүгээс Л.Эрдэнэчимэг гишүүнд хандаж Байнгын хорооны дарга болоод хувь хүнийхээ хувьд хөдөө, аж ахуйн талаар хамаагүй яриад байж болохгүйг анхааруулав. Мөн Д.Тэрбишдавга гишүүн Улаанбаатар үнэрбаатар болоод байгаад анхаарал тавихыг Л.Эрдэнэчимэг гишүүнд сануулав. О.Баасанхүү гишүүний хувьд “Хамтын ажиллагаагаа улс төрийн намын соёлоор явж байна. Бид Г.Уянгааг тавих гэсэн боловч танай намынханд таалагдаагүй. Танай намын бүлгийн дарга нэртэйгээр нь манай намын бүлгийг удирдах юм уу” хэмээн гөжүүдэллээ.
-
2015 оны 12 сарын 24
УИХ-ын Байгаль орчин, хүнс хөдөө аж ахуйн Байнгын хорооны даргаар Л.Эрдэнчимэгийг, Эдийн засгийн Байнгын хорооны даргаар Ц.Баярсайханыг, Нийгмийн бодлого, боловсрол соёл, шинжлэх ухааны Байнгын хорооны даргаар Д.Батцогтыг ,Төрийн байгуулалтын Байнгын хорооны дарга А.Бакейг улируулах асуудлыг УИХ-аар хэлэлцээд олонхийн дэмжлэг авлаа.
-
2015 оны 12 сарын 23
Хятадаас Монгол улсад суугаа элчин сайдын яам саяхан 2015 оны Хятад, Монголын харилцааны 10 чухал мэдээг нийтлэв.
Нэг. МУ-ын Ерөнхийлөгч Цахиагийн Элбэгдорж Хятадад төрийн айлчлал хийлээ.
Ши Жиньпин даргын урилгаар 11-р сарын 9-11-нд МУ-ын Ерөнхийлөгч Цахиагийн Элбэгдорж Хятад улсад төрийн айлчлал хийв. Айлчлалын үеэр Хятад улсын дарга Ши Жиньпин ерөнхийлөгч Элбэгдоржтой хэлэлцээ хийж, Хятадын ерөнхий сайд Ли Кэчян, БХАТИХ-ын Байнгын Хорооны дарга Жан Дэжян нар ерөнхийлөгч Элбэгдоржтой тус тус уулзсан байна. Хоёр орны удирдагчид Хятад, Монголын стратегийн түншлэлийн бүх талын харилцааг тасралтгүй гүнзгийрүүлэн хөгжүүлэх асуудлаар санал бодлоо солилцон, чухал чухал нийтлэг ойлголтод хүрлээ. Хоёр тал ”Хятад, Монголын стратегийн түншлэлийн бүх талын харилцааг гүнзгийрүүлэн хөгжүүлэх тухай БНХАУ, МУ-ын хамтарсан мэдэгдэл” нийтэлж, хамтын ажиллагааны олон чухал баримт бичигт гарын үсэг зурсан байна.
Хоёр. МУ-ын Ерөнхийлөгч Цахиагийн Элбэгдорж Хятад улсад ирж, Японы түрэмгийллийн эсрэг Хятадын ард түмний дайн болон фашизмын эсрэг дэлхийн дайны ялалтын түүхт 70 жилийн ойг тэмдэглэх арга хэмжээнд оролцов.
9-р сарын 2-5-нд Ши Жиньпин даргын урилгаар МУ-ын Ерөнхийлөгч Цахиагийн Элбэгдорж Хятад улсад ирж, Японы түрэмгийллийн эсрэг Хятадын ард түмний дайн болон фашизмын эсрэг дэлхийн дайны ялалтын түүхт 70 жилийн ойг тэмдэглэх арга хэмжээнд оролцсон байна. Ши Жиньпин дарга 3-нд Ардын Их Хурлын Ордонд ерөнхийлөгч Элбэгдоржтой уулзаж, Байнгын Хорооны дарга Жан Дэжян Элбэгдоржтой уулзсан бөгөөд түүнийг хүндэтгэн зочилж, Хятад, Монголын харилцааны хөгжлийг гүнзгийрүүлэх асуудлаар санал бодлоо солилцов. МУ-ын армийн төлөөлөгчид парадад оролцсон байна.
Гурав. Хятад, Монгол, Орос 3 орны төрийн тэргүүн нарын 2 дахь уулзалт болов.
7-р сарын 9-нд Ши Жиньпин дарга Оросын Уфад МУ-ын ерөнхийлөгч Цахиагийн Элбэдорж, Оросын ерөнхийлөгч Владимр Путинтай 3 орны төрийн тэргүүн нарын 2 дахь уулзалт хийлээ. 3 орны төрийн тэргүүн нар Торгоны замын эдийн засгийн бүсийн тухай Хятадын талын санаачилга, ”Талын зам”-ын тухай Монголын талын санаачилга, Евроазийн ачаа тээврийн их замын тухай Оросын талын санаачилгыг холбохтой холбогдуулан чухал нийтлэг ойлголтод хүрсэн бөгөөд ”Хятад, Орос, Монгол 3 талын хамтын ажиллагааны дунд хугацааны замын зураг төлөвлөгөө”-г батлан зөвшөөрч, ”Хятад, Орос, Монголын эдийн засгийн хонгилын төлөвлөгөөний хөтөлбөрийг боловсруулан тогтоох тухай ойлголцлын меморандум” зэрэг чухал баримт бичгүүдэд гарын үсэг зуржээ.
Дөрөв. Хятад, Монголын анхдугаар яармаг амжилттай боллоо.
Ши Жиньпин даргын Монголд хийсэн айлчлалын үр дүнг хэрэгжүүлэхийн тулд 10-р сарын 23-27-нд Хятад, Монголын анхдугаар яармаг Хөх хотод болж, Ши Жиньпин дарга болон ерөнхийлөгч Элбэгдорж нар тус тус баярын захидал илгээж, Хятадын ерөнхий сайдын орлогч Лю Яньдүн, Монгол улсын шадар сайд Оюунбаатар нар оролцлоо. Энэ яармаг бол Хятад, Монгол хоёр орны зохион байгуулж буй олон улсын хэмжээний анхны яармаг болно. Энэ нь нэг бүс нэг замын байгуулалтыг бүх талаар ахиулж, хоёр орны олон салбар дахь хамтын ажиллагааг ахиулахад чухал ач холбогдолтой юм.
Тав. Шин Хаймин шинэ элчин сайд боллоо.
8-р сарын 22-ны өдөр БНХАУ-аас Монгол улсад суугаа 16 дахь онц бөгөөд бүрэн эрхт элчин сайд Шин Хаймин Улаанбаатарт хүрэлцэн очиж ажлаа авлаа. 8-р сарын 25-ны өдөр элчин сайд Шин Хаймин Монгол улсын Төрийн Ордонд Монгол улсын ерөнхийлөгч Элбэгдоржид итгэмжлэх жуух бичгээ өргөн барилаа. Итгэмжлэх жуух бичиг барьсны дараа, Элбэгдорж элчин сайд Шин Хайминийг хүлээн авч уулзан, хоёр тал Хятад, Монголын стратегийн иж бүрэн харилцааг цаашид хөгжүүлэх талаар санал солилцлоо.
Зургаа. БХАТИХ-ын Байнгын Хорооны дэд дарга Янь Жүньчи Монгол улсад айлчилж, Хятад, Монголын хууль тогтоох байгууллагын тогтмол хугацааны солилцооны механизмыг эхлүүллээ.
Ши Жиньпин даргын Монголд хийсэн айлчлалын үр дүнг хэрэгжүүлэхийн тулд 11-р сарын 23-25-нд БХАТИХ-ын Байнгын Хорооны дэд дарга Янь Жүньчи Монгол улсад айлчилж, Хятад, Монголын хууль тогтоох байгууллагын тогтмол хугацааны солилцооны механизмыг эхлүүллээ. Айлчлалын хугацаанд тэрээр Монгол улсын Их Хурлын дарга З.Энхболд, Монгол улсын ерөнхий сайд Ч.Сайханбилэг, Монгол улсын Их Хурлын дэд дарга М.Энхболд нартай тус тус уулзаж, Хятад, Монголын хууль тогтоох байгууллага хоорондын тогтмол хугацааны солилцооны механизмын хуралд оролцсон юм.
Долоо.Төрийн зөвлөлийн гишүүн бөгөөд БХЯ-ны сайд Чан Ваньчуань Монголд айлчлав.
10-р сарын 8-10-нд Төрийн зөвлөлийн гишүүн бөгөөд БХЯ-ны сайд Чан Ваньчуань Монгол улсад найрсаг айлчлал хийж, Монгол улсын ерөнхийлөгч Ц.Элбэгдорж, ерөнхий сайд Ч.Сайханбилэг нартай уулзаж, Монголын БХЯ-ны сайд Цолмонтой хэлэлцээ хийжээ.
Найм.Монгол улсын Их Хурлын дарга З.Энхболд Хятадад ирж торгоны замын асуудлаарх Азийн улс төрийн намуудын хуралд оролцжээ.
10-р сарын 14-16-нд Монголын Ардчилсан намын дарга, Улсын Их Хурлын дарга З.Энхболд Хятадад ирж торгоны замын асуудлаарх Азийн төрийн намуудын хуралд оролцов. 15-нд Ши Жиньпин дарга З.Энхболд дарга нарын зэрэг гадаадын зочдыг хүлээн авч уулзжээ. 16-нд, БХАТИХ-ын Байнгын Хорооны дарга Жан Дэжян З.Энхболдыг хүлээн авч уулзав.
Ес.Монгол улсын ерөнхий сайд Ч.Сайханбилэг зуны Давосын чуулганд оролцов.
9-р сарын 9-11-нд Монгол улсын ерөнхий сайд Ч.Сайханбилэг Хятадын Далянь хотод болсон Дэлхийн эдийн засгийн чуулганы 2015 оны шинэ Лидерүүдийн хурал буюу зуны Давосын 9-р чуулганд оролцов. 10-нд, ерөнхий сайд Ли Кэчян Ч.Сайханбилэгийг хүлээн авч уулзаад, хоёр талын харилцаа, ялангуяа хоёр орны худалдаа, эдийн засгийн ажил хэрэгч хамтын ажиллагааг ахиулах асуудлаар тохиролцоонд хүрчээ.
Арав.Элчин сайд Шин Хаймин Дэлхийн 2-р дайнд оролцсон МУ-ын ахмад дайчдад дурсгалын одон гардуулжээ.
9-р сарын 28-нд, элчин сайд Шин Хаймин Хятадын засгийн газрын нэрийн өмнөөс Японы түрэмгийллийн эсрэг Хятадын ард түмний ялалтын 70 жилийн ойн дурсгалын одонг Дэлхийн 2-р дайнд оролцсон МУ-ын 5 ахмад дайчдад тус тус гардуулж, тус дайнд тэдний гавьяа зүтгэл гаргасныг үнэлэн сайшаажээ.
-
2015 оны 12 сарын 23
Багануурын цахилгаан станцын бүтээн байгуулалт эхэллээ
