-
2017 оны 10 сарын 06
Баянхонгор аймгийн Онцгой байдлын газрын Гал түймэр унтраах, аврах 16 дугаар анги үүсч байгуулагдсаны түүхт 40 жилийн ой өнөөдөр тохиож байна.
Ойн баярын арга хэмжээ өнөө өглөө тус аймгийн цэргийн хүрээний анги байгууллагуудын алба хаагчдын оролцсон баярын нэгдсэн жагсаалаар эхэллээ.
Баярын жагсаалын арга хэмжээнд Аймгийн Засаг дарга Г.Батжаргал, ИТХ-ын дарга Ц.Отгонбаяр, ОБЕГ-ын Захиргааны удирдлагын газрын дарга, хурандаа Л.Болдбаатар, ОБЕГ-ын Гал түймэртэй тэмцэх газрын дарга, хурандаа С.Залуухүү болон төв, орон нутгийн Онцгой байдлын газрын удирдлагууд, ГУТОТС-ын Клубын тэргүүнүүд, Гал түймэр унтраах, аврах 16 дугаар ангийн үе, үеийн удирдлага, алба хаагчид, хүндэт зочид, Өмнөд бүсийн Онцгой байдлын газруудын баг тамирчид оролцлоо.
Баянхонгор аймгийн Онцгой байдлын газрын Гал түймэр унтраах, аврах 16 дугаар анги нь 1976 онд байгуулагдаж одоог хүртэл улс эх орон, ард иргэдийн аюулгүй байдлыг хангаж ажиллаж байна.
Баярын жагсаалын дараа улсын төсвөөр бус, орон нутгийн дэмжлэг, туслалцаа, алба хаагчдын өөрсдийн дотоод хүч, нөөц бололцоог ашиглан барьж, ашиглалтад оруулсан “Аврагч” спорт заалны нээлтийн ажиллагааг зохион байгууллаа.
Алба хаагчдын чөлөөт цагийг зөв боловсон өнгөрүүлэх, бүсийн хэмжээнд томоохон уралдаан, тэмцээнийг зохион байгуулахаас гадна, баг тамирчид гал унтраах техникийн олон төрөлт спортын бэлтгэл сургуулилтаа жилийн аль ч улиралд хийх боломжтой болж байгаагаараа онцлог юм.
Мөн ойн хүрээнд Онцгой байдлын асуудал эрхэлсэн байгууллагын Гал унтраах техникийн олон төрөлт спортын холбооны клубуудын аварга шалгаруулах хоёр дахь удаагийн тэмцээнийг зохион байгуулна.
Тус тэмцээнд Улаанбаатар бүсийн “Ган дуулга”, Зүүн бүсийн “Шонхор”, Төвийн бүсийн “Од”, Хойд бүсийн “Алтангадас”, Баруун бүсийн “Алтайн бүргэд” клубуудийн шигшээ багууд болон урилгаар Монгол Улсын залуучуудын шигшээ баг, Хууль сахиулахын их сургууль, Гал түймэр унтраах, аврах 10-р ангийн нийт 8 багийн 60 орчим тамирчин хурд хүч авхаалж самбаагаа сорин өрсөлдөх юм гэж Онцгой байдлын ерөнхий газраас мэдээллээ.
-
2017 оны 10 сарын 06
Нийслэлийн нийтийн биеийн тамир, спортын хорооноос маргааш 10.00-17.00 цагийн хооронд
-
2017 оны 10 сарын 06
Багш нар тэмцлийн хурц хэлбэрт шилжихээ мэдэгдсэн. Тодруулбал өчигдөр багш нарын баярыг тохиолдуулан “Багш багшдаа тусалъя” нэгдлээс анхдугаар “Онц их хурал”-ыг зохион байгуулж,
-
2017 оны 10 сарын 06
“Үндэсний аюулгүй байдал” судалгааны төвөөс өнөөдөр мэдээлэл хийж, “Монгол тамхи Со” компанийн хувь эзэмшигч Ц.Дашдоржийг Үндэсний аюулгүй байдлын зөвлөл, АТГ-аар шалгуулахаар албан бичиг хүргүүлнэ хэмээн мэдэгдлээ.
-
2017 оны 10 сарын 06
Төв аймгийн Аргалант сумын Хөшөөт 2 дугаар багийн нутаг ”Хүй долоон худаг”-ийн замд 2016 оны 08 дугаар сарын 05-ны өдрийн 20 цагийн үед Тоёота
-
2017 оны 10 сарын 06
Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдааны эхэнд өнгөрсөн зөвлөгөөнөөр нийслэлийн Засаг даргын өгсөн үүрэг даалгавар болон түүний биелэлтийн талаар НЗДТГ-ын Хяналт шинжилгээ, үнэлгээний хэлтсийн дарга Х.Гантулга танилцууллаа.
-
2017 оны 10 сарын 06
Улаанбаатар хотын замын хөдөлгөөний хэт ачааллыг бууруулах зорилгоор “Миний сонголт-Нийтийн тээвэр” аяныг зарлаж буй талаар Нийслэлийн тээврийн газрын дарга Д.Отгонбаатар өнөөдөр хуралдсан Нийслэлийн удирдах ажилтны шуурхай хуралдаанд танилцууллаа. Энэ сарын эхнээс нийслэл дүүргийн орон нутгийн төсвөөс санхүүжиж буй байгууллагуудын албан хаагчдын дунд уг аянг эхлүүлээд байгаа аж.
Аяны хүрээнд нийслэл, дүүргийн албан хаагчид ажлын нэг өдрийг сонгон ажилдаа ирэх буцахдаа нийтийн тээврээр үйлчлүүлэхийг Нийслэлийн тээврийн газраас уриалж байгаа юм. Тус газраас нийслэлийн нутгийн захиргааны 85 байгууллагаас судалгаа санал авсан байна. “Судалгаанд хамрагдсан 59 байгууллагын 5373 албан хаагчийн 3696 нь нийтийн тээврийн цахим карттай. Нийтийн тээврээр үйлчлүүлж ажилдаа ирдэг 2671 албан хаагч байгаа бол хувийн автомашинаар ажилдаа ирдэг 2443 албан хаагч байна” хэмээн Нийслэлийн тээврийн газрын дарга Д.Отгонбаатар тодотгож байлаа. Судалгаанд хамрагдсан байгууллагууд 7 хоногийн нэг өдрийг сонгон нийтийн тээврээр үйлчлүүлэх боломжтой гэж уг аяныг дэмжихээ илэрхийлж байгаа аж.
Хотын даргын зүгээс уг аяныг дэмжих нь зүйтэй гээд нийтийн тээврээр үйлчлүүлэгчдийн ая тухтай зорчих нөхцөлийг бүрдүүлэх, цэвэрлэгээ үйлчилгээг цаг тухайд нь хийж байх, техник хэрэгслийн бүрэн бүтэн байдлыг хангах зэрэгт онцгой анхаарч ажиллахыг Нийтийн тээврийн газрын даргад үүрэг болголоо гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
-
2017 оны 10 сарын 06
Монгол Улсын Ерөнхийлөгч Х.Баттулга зарлиг гаргаж түүхт 75 жилийн ойгоо тэмдэглэж буй МУИС-ийг Сүхбаатарын одонгоор шагналаа. Одонг Монгол Улсын Ерөнхийлөгчийн Тамгын газрын дарга З.Энхболд гардуулан өгөв.
-
2017 оны 10 сарын 06
Нийслэлийн Газрын албанаас газар эзэмших, ашиглах эрхийн нээлттэй дуудлага худалдааг өнөөдөр зохион байгуулахаар зарлаад байсан.
-
2017 оны 10 сарын 06
Нийслэлийн удирдах ажилтны өнөөдрийн шуурхай хуралдаанд “Нийслэлийн орон сууцны мэдээллийн сан”-ийн тухай Нийслэлийн орон сууцны корпорацийн дэд захирал А.Энхманлай танилцууллаа.
-
2017 оны 10 сарын 06
Нийслэлийн Байгаль орчны газар, бурхны шашны Тарвалин хийд хамтран ногоон бүсийн ойн сан бүхий газарт ургаа модонд уясан хадаг, байгальд сөрөг нөлөө үзүүлэхүйц байдлаар байрлуулж орхисон шашны эд хэрэглэлүүдийг цэвэрлэж, устгах ажлыг 2017 оны 10 дугаар сарын 07-08-ны өдрүүдэд зохион байгуулах тул шаардлагатай эд, хэрэгслээ авахыг урьдчилан анхааруулж байна гэж Нийслэлийн Байгаль орчны газраас мэдээллээ.
-
2017 оны 10 сарын 06
Ерөнхий боловсролын тусгай 29 дүгээр сургуулийн захирал Х.Батсайханыг 2017 оны дөрөвдүгээр сарын 26-ний өдөр ажлаас нь чөлөөлсөн билээ.
-
2017 оны 10 сарын 06
Олон Улсын Ахмадын баяр, Нийслэлийн өдрийг угтан Баянзүрх дүүргийн Засаг даргын Тамгын газраас ахмадууддаа зориулсан олон арга хэмжээ зохион байгуулдаг уламжлалтай. Үүний нэг арга хэмжээг дүүргийн Тамгын газрын Нийгмийн хөгжлийн хэлтсээс санаачлан амжилттай зохион байгууллаа.
Тус хэлтсээс магадлан итгэмжлэгдсэн “Их зайсан” эмнэлэгтэй хамтран дүүргийн ахмад настнуудад хүндэтгэл үзүүлж урьдчилан сэргийлэх үзлэгийг үнэ төлбөргүй хийсэн юм. Нийт 160 гаруй ахмад настанд зүрх судас, дотор, ЭХО, шүдний их эмч, сувилагч нар үзлэг хийж, зөвлөгөө өглөө хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.
-
2017 оны 10 сарын 06
Энэ амралтын өдрүүд буюу аравдугаар сарын 7, 8-нд ихэнх нутгаар хур тунадас, зарим газраар ахиухан хэмжээний нойтон цас орж,
-
2017 оны 10 сарын 06
Нийслэлийн цагдаагийн газраас зарим хороодын нутаг дэвсгэрийн гудамж талбай, олон нийтийн газар үйлдэгдэх гэмт хэргийн гаралтыг бууруулах, эрүү, хэв журмын нөхцөл байдлыг тогтворжуулах, урьдчилан сэргийлэх ажлыг эрчимжүүлж, эргүүлийн үйл ажиллагааг идэвхжүүлэх чиглэлээр “Цохилт” арга хэмжээг 2017 оны 09 дүгээр сарын 25-ны өдрөөс зохион байгуулж эхэлсэн.
Арга хэмжээний хүрээнд Нийслэлийн Баянзүрх дүүрэг дэх цагдаагийн 14 дүгээр хорооны нутаг дэвсгэрт гэмт хэрэг, зөрчил ихээр үйлдэгддэг эмзэг цэгүүдэд хяналтын камер байршуулж, гэмт хэрэг, зөрчлөөс урьдчилан сэргийлэх зорилгоор Плехановын нэрэмжит ерөнхий боловсролын дунд сургуулийн багш, сурагчдад санамж, сэрэмжлүүлэг тарааж, сургалт, зөвлөгөөн зохион байгуулан гудамж талбайд гэрэлтүүлэг тавих, камержуулах чиглэлээр аж ахуй нэгж байгууллагад мэдэгдэл, зөвлөмж хүргүүлэн ажиллаж байна.
Мөн хорооны гэмт хэрэг, зөрчилд өдөр тутам үнэлэлт, дүгнэлт өгч Баянзүрх дүүрэг дэх цагдаагийн нэгдүгээр хэлтсийн алба хаагчид Хууль сахиулах их сургуулийн сонсогчид, олон нийтийн цагдаа, хэв журмын урамшилт эргүүлд ажиллаж буй иргэдтэй хамтран явган эргүүлд ажиллаж байгаа юм.
Тус хорооны нутаг дэвсгэрт арга хэмжээний хүрээнд гэмт хэргийн шинжтэй дуудлага, мэдээлэл 13, хулгайлах гэмт хэрэг 3 нэгжээр буурч, дээрэм, булаалтын гэмт хэрэг бүртгэгдээгүй байна.
-
2017 оны 10 сарын 06
Монгол Улсын нийслэл Улаанбаатар хот, ОХУ-ын нийслэл Москва хотын хооронд ах дүүгийн харилцаа тогтоосны 60 жилийн ой энэ жил тохиож байна.
-
2017 оны 10 сарын 06
Нийслэлийн Авто замын хөгжлийн газрын захиалгаар Чингэлтэй дүүргийн 13 дугаар хорооны нутаг дэвсгэр дэх 18у/м гүүрийг засварлах ажлыг 2017 оны 08 дугаар сарын 30-ны өдрөөс эхлүүлж, 09 дүгээр сарын 20-ны өдөр бүрэн засварлаж, дууслаа. Уг ажлын хүрээнд 28,42м2 дам нурууны эвдрэл засварлан, тємєрбетон гүүрийн алгаслыг єргєн 14 ширхэг резинэн тулах хэсгийг сольж, нийт 28м2 тємєрбетон гүүрийн хийц элементүүдийг ган хийцээр хүчитгэж засварласан байна.
Мөн 254,8м2 дам нурууг Sika CarboDur, Sika wrap зэрэг материалаар хүчитгэж, 16,7м3 бетон зуурмагаар тулгуурыг хүчитгэн хана цутган, 9,6м3 бетоноор диафрагм, 0,65м3 бетоноор дугуй цохигч тус тус цутгасан. Түүнчлэн 1,5м3 бетон зуурмагаар ригелийг хүчитгэж, 77у/м бэхэлгээний анкер, дам нурууны хавиргыг засварлаж, хүчитгэснээс гадна гүүрний 48,2у/м хайс хашлагыг будаж, 85,6м2 дугуй цохигч, парапет будах ажлыг тус тус гүйцэтгэлээ “Улаанбаатар зам засвар, арчлалтын газар” ОНӨААТҮГ-аас мэдээллээ.
-
2017 оны 10 сарын 06
Монгол Улсын Шадар сайдын Баян-Өлгий аймгийн Засаг даргатай байгуулсан гэрээний дагуу тус аймагт 2017 оны 10 дугаар сарын 07-09-ний өдрүүдэд зохион байгуулах юм.
Сургуулийн бэлтгэл, бэлэн байдлыг хангуулж, мэргэжил, арга зүйн зөвлөгөө өгөх, удирдлага зохион байгуулалтаар хангахаар Онцгой байдлын ерөнхий газраас томилогдсон ажлын хэсгийн бүрэлдэхүүн тус аймагт ажиллаж байна.
Гамшгаас хамгаалах иж бүрэн сургуулийн үеэр тус аймагт тохиолдож байсан болон тохиолдож болзошгүй аюулт үзэгдэл, ослоор цагийн байдал үүсгэн ажиллуулж, гамшгаас хамгаалах дадлага сургуулиудыг бодит байдалд тулгуурлан зохион байгуулна.
Өнөөдөр сургуулийн бэлтгэл ажлын хүрээнд Газар хөдлөлтийн гамшгийн үед нурангиас эрэн хайх, аврах ажиллагааны дадлага сургуулийн бэлтгэл ажлыг хангалаа.
Мөн Газар хөдлөлтийн гамшгийн тухай ойлголт, газар хөдлөлтийн үед өөрийгөө болон бусдыг аврах, анхны тусламж үзүүлэх мэдлэг олгох сургалтыг Ховд их сургуулийн Баян-Өлгий аймгийн салбар сургууль, МСҮТ-ийн оюутнууд, ЕБС-ийн сурагчдад зохион байгуулсан юм. Тус сургалтанд 700 гаруй оюутан, сурагчид хамрагдлаа гэж Онцгой байдлын ерөнхий газраас мэдээллээ.
-
2017 оны 10 сарын 06
Түүнчлэн хүн худалдаалах гэмт хэргийн чиглэлээр Монголын шүүгчдийг сургалтад хамруулах асуудлыг хөндөн ярьсан юм.
-
2017 оны 10 сарын 06
10.00 цагт Төрийн ордонд “Эрдэмд түүчээлсэн 75 жил” МУИС-ийн 75 жилийн ойн баярын хурал болно.
10.00 цагт Хангарди ордонд газар эзэмших эрхийн нээлттэй дуудлага худалдаа болно.
10.00 цагт Төрийн ордонд УИХ-ын Эдийн засгийн байнгын хороо хуралдана.
10.30 цагт БНЭУ-ын ЭСЯ-нд хүүхдүүдэд зориулсан соёлын арга хэмжээ болно.
11.00 цагт Монголын Үндэсний Номын санд Япон хэлээр эрхлэн гаргасан “МОНГОЛЫН НУУЦ ТОВЧОО ТҮГЭЭМЭЛ ЭХ” номын нээлт болно.
11.00 цагт “Үндэсний мэдээллийн төв”-д Монголын ногоон намаас цаг үеийн асуудлаар мэдээлэл хийнэ.
11.00 цагт УДЭТ-т МУБИС-ийн Багшийн сургуулийн түүхэн 95 жилийн ойн хурал, хүндэтгэлийн тоглолт болно.
11.00 цагт Чингэлтэй дүүргийн Эрүүл мэндийн төвд “Дэлхийн тархины саажилтын өдөр”-ийг тохиолдуулан ”Би энд байна... Бид энд байна” өдөрлөг зохион байгуулна.
12.00 цагт “Үндэсний мэдээллийн төв”-д Үндэсний аюулгүй байдал судалгааны төвөөс ”Хоёр дахь 60 тэрбумын эзэн хэн бэ?” сэдвээр мэдээлэл хийнэ.
12.00 цагт Сүхбаатар дүүргийн 14 дүгээр хороо буюу 7 буудал явах замд байрлах Ойдов худалдааны төвд ”Дулаалга, халаалтын дэвшилтэт технологийн үзэсгэлэн худалдаа” болно.
14.00 цагт ”Хүчит шонхор” захад Сүлд чуулга, Гандантэгчинлэн хийдтэй хамтран ”Хулгайгүй Монголын төлөө хамтдаа” өдөрлөг зохион байгуулна.
