-
2017 оны 9 сарын 19
Өчигдөр өглөө 07 цагийн үед Нийслэлийн Чингэлтэй дүүргийн нутаг дэвсгэр,
-
2017 оны 9 сарын 19
Хөвсгөл аймгийн Тариалан сумын Сэлэнгэ багийн “Нүхтийн үзүүр” гэдэг газар /сумын төвөөс урд зүгт 28 км-т/ иргэн 33 настай эрэгтэй С Сэлэнгэ мөрөнд 2017.09.17-ны өдрийн 09 цагт осолдсон тухай дуудлагыг 2017.09.17-ны өдрийн 09:30 цагт хүлээн авч тус аймгийн Онцгой байдлын газрын 13 алба хаагч, 2 автомашинтай, орон нутгийн 36 иргэн долоон морь, таван мотоцикльтой, нийт 49 хүн, долоон техник хэрэгсэлтэйгээр эрэн хайх ажиллагааг зохион байгуулж байна.
-
2017 оны 9 сарын 19
Эмэгтэй хүн бүрийн амьдралд урилгагүй зочилдог өвчин бол үтрээний үрэвсэлт мөөгөнцөр юм. Тиймээс бүсгүйчүүддээ мөөгөнцөр өвчнөөс урьдчилан сэргийлэх, эмчлэх талаар Төрийн тусгай алба хаагчдын нэгдсэн эмнэлгийн Эх барих эмэгтэйчүүдийн эмч, анагаах ухааны доктор, дэслэгч Г.Гэрэлцэцэгээс тодрууллаа.
-Мөөнгөнцөр өвчин юунаас болж үүсдэг юм бэ?
Үтрээний хэвийн орчинд мөөгөнцөр тодорхой хэмжээгээр байдаг. Харин тоо нь ихсээд ирэхээрээ зовиурлаж эхэлдэг. Юунаас болж мөөгөнцөрийн тоо ихсэж байна вэ гэхээр антибиотикын замбараагүй хэрэглээ болон эмэгтэйчүүдийн савангийн хэт их хэрэглээнээс шалтгаална. Мөн стресстэж ядарснаас болж хүний дархлаа сулрах үед мөөгөнцөрийн тоо ихсэдэг. Мөөгөнцөр өвчин жирэмсэн эмэгтэйчүүдэд түлхүү тохиолддог. Учир нь жирэмсэн болмогц ихэс үүсч, түүнд даавар их хэмжээгээр ялгарна. Дааврын түвшин өөрчлөгдөхөд мөөгөнцөр үржих нь элбэг. Үүнээс гадна согтууруулах ундаа ихээр хэрэглэх, өтгөн хар цай, кофе, кола уухад мөөгөнцөр сэдэрдэг. Түүнчлэн хэт таргалалттай хүмүүст ч мөөгөнцөр өвчин тохиолдох нь бий.
-Илрэх шинж тэмдгийн хувьд?
Эмэгтэй хүн хоёр өндгөвчтэй. Түүний үйл ажиллагааны явцад даавар ялгарч байдаг тул үтрээнээс тодорхой хэмжээний ялгадас гарч, хэвийн орчинг нь хангаж байдаг. Эрүүл эмэгтэйн биеэс сарын тэмдгийн гол хэсэгт өнгөгүй цэлцгэнэсэн, сарын тэмдэг ирэх дөхөхөөр шаргал, бусад үед саарал ялгадас гарч байдаг.
Харин үрэвсэлт өвчний үед өнгө, үнэр, хэмжээнд өөрчлөлт гардаг. Тиймээс бүсгүйчүүд маань мазокны шинжилгээгээр бактерын гаралтай үрэвсэл, мөөгөнцөрийн гаралтай үрэвсэл, бэлгийн замын халдварт өвчин байна уу гэдгийг тодорхойлуулаад түүнд нь тохирсон эмчилгээг хийлгэх нь зөв юм. Мөөгөнцөр өвчний үед доошоо тараг шиг өнгөтэй ялгадас гарч, загатнах шинж тэмдэг илэрдэг.
-Хилийн заставуудад үзлэгээр явж байхад мөөгөнцөр өвчин хэр их байна вэ?
Заставуудаар явж байхад ээжүүд “Манай хүүхдээс доошоо юм гараад байна” гэж их асуудаг. Бага насны хүүхдээс цагаан юм гарах нь ямар нэгэн бэлгийн замын халдварт өвчин биш. Энэ нь цагаан хорхойн шинж тэмдэг. Хүүхдийг унтаж байх үед бөгснөөс нь гарсан цагаан хорхой үтрээгээр орж бактер тараадаг. Тэгэхээр үтрээ баасны бактераар бохирдчихоор доошоо ногоон шаргал ялгадас гардаг. Үүнийг ээжүүд сайн ялгаж салгаж ойлгох хэрэгтэй.
-Мөөгөнцөр өвчнийг бүрэн эмчилж болох уу?
Юунаас болж мөөгөнцөр өвчин сэдрээд байгаагаа тодорхойлох хэрэгтэй. Тэгж байж л энэ өвчнөөс сэргийлж чадна. Тухайлбал, ядарч сульдсанаас болж дархлаа суларч мөөгөнцөр өвчин нь сэдэрдэг хүн байлаа гэхэд хавар намартаа дархлаагаа дэмжих витамин ууж, амралт ачааллаа тэнцүүлж байх хэрэгтэй. Хүн бүр мөөгөнцөр өвчнөөс урьдчилан сэргийлэх боломжтой.
-Бид ямар нэгэн өвчин туслаа гэхэд шууд л дур мэдэн антибиотик уудаг. Тэгвэл мөөгөнцөрийн эсрэг эмийг антибиотик ууж байх үедээ давхар хэрэглэх шаардлагатай юу?
Шаардлагатай тохиолдолд эмчийн заавраар антибиотик уувал давхар мөөгөнцөрийн эсрэг эмийг тохиорох тунгаар хүүхэд, эмэгтэйчүүд, эрчүүд гээд бүгд уух ёстой. Бүсгүйчүүдээс гадна эрчүүд ч мөөгөнцөртдөг шүү дээ.
Эрчүүдэд улайж, загатнах шинж тэмдэг илэрдэг. Эрчүүд мөөгөнцөртсөн үед 500 мл буцалсан усанд нэг хоолны халбага хүнсний сода хийгээд долоо хоногт хоёр удаа угаагаад, зориулалтын тос, эмийг хэрэглэх шаардлагатай.
-Мөөгөнцөр өвчний үед хүний биед илрэх шинж тэмдэг зовиураасаа гадна, үлдэх хор уршиг бий юу?
Харьцангуй хор нөлөө бага. Гэхдээ мөөгөнцөр өвчин хүний биеийн дархлаа сул байгааг илтãэж, эрүүл мэнддээ анхаарах шаардлагатай гэсэн дохиог өгч байдаг.
-
2017 оны 9 сарын 19
Нийслэлийн Онцгой байдлын газрын бүтцийн нэгжүүд энэ оны эхний есөн сард хийж гүйцэтгэсэн ажлын тайлангаа хэлэлцлээ.
НОБГ-ын харьяа бүтцийн нэгжүүдийн дарга, захирагч нар офицерын бүрэлдэхүүнд мэдээллийг хүргэсэн юм.
Нийслэлийн Засаг Даргын 2017 оны эдийн засаг нийгмийн зорилт, Онцгой байдлын асуудал эрхэлсэн байгууллагын 2017 онд дэвшүүлсэн зорилтын хэрэгжилт, бүтцийн нэгжүүдийн хэрэгжүүлэхээр төлөвлөсөн ажлуудын гүйцэтгэлийн чанар, хүртээмжийн талаар тэд онцолж байлаа.
НОБГ-ын бие бүрэлдэхүүн нь энэ оны эхний есөн сарын байдлаар ой, хээрийн түймрийн 18, объектын гал түймрийн 1934, техникийн холбогдолтой осол, аврах ажиллагааны 223 удаагийн дуудлагаар үүрэг гүйцэтгэжээ.
Дээрх дуудлагыг өнгөрсөн оны мөн үетэй харьцуулахад нийт аюулт үзэгдэл техникийн холбогдолтой ослын тоо 7,5 хувиар буурсан үзүүлэлттэй байна.
Нийслэлийн хэмжээнд гарсан аюулт үзэгдэл, техникийн холбогдолтой ослоос 693 хүний амь бие, аж ахуйн нэгж байгууллага, төр, иргэний 1,4 тэрбум төгрөгийн өмч хөрөнгийг авран, хамгаалж ажилласан байна гэж нийслэлийн Онцгой байдлын газраас мэдээллээ.
-
2017 оны 9 сарын 19
Баянхонгор аймагт Хавдрын эсрэг аяны хүрээнд энэ сарын 18-20-ны хооронд хавдрын үзлэг, оношилгоо, сургалтыг үнэ төлбөргүй хийж байна.
Хавдрын өвчнөөс хэрхэн урьдчилан сэргийлэх талаар зөвлөгөөг нутгийн иргэдэд өгөх юм.
Хавдар судлалын үндэсний төв, Хаан банк, МҮОНТ-ээс хамтран хавдрын өвчлөлийг эрт илрүүлж иргэдийн амь насыг аврах зорилгоор энэ аяныг зохион байгуулдаг.
Жил дараалан явуулж ирсэн хавдрын эсрэг үндэсний аяны нээлт есдүгээр сарын 17-нд Баянхонгор аймагт боллоо.
Хавдрын эсрэг аян эхлээд долоон жил болж буй бөгөөд өнөөдрийг хүртэл 60 мянган км явж, 100 мянган иргэнд хавдрын үзлэг оношилгоо, сургалтыг үнэгүй хийжээ.
-
2017 оны 9 сарын 19
Нийслэлийн Засаг даргын 2017 оны А/594 дүгээр захирамж, дүүргийн Засаг даргын 2017 оны А/184 дүгээр захирамжаар нийслэл, дүүрэгт байгалийн голомтот болон мал амьтнаас хүнд халдварладаг өвчин зөөгдөн орохоос сэргийлэх, гамшгаас хамгаалах албадын харилцан ажиллагааг сайжруулах зорилгоор тарваган тахал өвчнөөс урьдчилан сэргийлэх дадлага сургуулийг 2017 оны 09 дүгээр сарын 15-ны өдөр Багахангай дүүрэгт зохион байгууллаа.
Тус дадлага сургуулийн үйл ажиллагаанд мэргэжлийн чиг үүргийн дагуу НОБГ-ын хурандаа А.Дашням, Э.Эрдэнэбаатар, НЭМГ-ын мэргэжилтэн Ж.Энхцэцэг, Э.Навчаа, НЦГ-ын ахмад Ганбаяр, дүүргийн онцгой комиссын дарга С.Эрдэнэбаяр болон онцгой комиссын гишүүд оролцсон ба дүүргийн Эрүүл мэндийн төв, Онцгой байдлын хэлтэс, Мэргэжлийн хяналтын тасаг, цагдаагийн тасаг, Нийслэлийн зоонозын өвчин судлалын төв хамтран тарваган тахалын шинж тэмдэг илэрсэн үед авах арга хэмжээ, ариутгал халдваргүйжүүлэлт, автомашин сэжигтэй мах тээвэрлэсэн тохиолдолд ямар арга хэмжээ авах талаар дадлага сургуулийг хийлээ.
Дадлага сургууль бүрэн явагдаж дууссаны дараа НОБГ-ын хурандаа А.Дашням, НЭМГ-ын мэргэжилтэн Ж.Энхцэцэг, Нийслэлийн мэргэжлийн хяналтын газрын мал эмнэлэгийн хяналтын улсын байцаагч У.Жавхлант, НЦГ-ын ахмад Ганбаяр нар мэргэжлийн заавар зөвлөмж, санал дүгнэлт өгч ажиллалаа.
-
2017 оны 9 сарын 19
Хүнс, хөдөө аж ахуй, хөнгөн үйлдвэрийн яам, нийслэлийн Засаг даргын Тамгын газар хамтран хүн амын хүнсний хангамжийг сайжруулах, үндэсний үйлдвэрлэгчид, тариаланчдын шилдэг бараа бүтээгдэхүүн, шинэ ургацын дээжийг хэрэглэгч түмэнд хүргэх зорилгоор “Эрүүл хүнс-Эрүүл Монгол хүн” уриан дор “Намрын ногоон өдрүүд” нэгдсэн арга хэмжээг өнөөдөр зохион байгуулах гэж байна.
-
2017 оны 9 сарын 19
Өнөөдөр буюу 2017 оны есдүгээр сарын 19-ны мягмар гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.
-
2017 оны 9 сарын 19
Уулархаг нутгаар нойтон цас орж, сэрүүсэхийг анхааруулж байна
-
2017 оны 9 сарын 19
Улаанбаатар өдөртөө 20 хэмийн дулаан байна
-
2017 оны 9 сарын 19
Үс засуулбал: Сүлд тэнэж одно
-
2017 оны 9 сарын 18
Завхан аймгийн Дөрвөлжин суманд ашигт малтмалын үйл ажиллагаа эрхэлдэг “Баян айраг эксплорейшн” ХХК-ийн химийн бодис тээвэрлэж явсан ачааны машин Солонготын даваанд осолдож, аюултай нөхцөл байдал үүсээд байгаа.
-
2017 оны 9 сарын 18
Сүүлийн жилүүдэд манай улсын оюутан залуус гадны улс оронд Засгийн газрын тэтгэлэгт хөтөлбөрт хамрагдан мэргэжил боловсрол эзэмших сонирхолтой болсон. Тэгвэл БНХАУ-ын Засгийн газрын харъяа их дээд сургуулиудад тэтгэлэгтэйгээр оюутан элсэлүүлэх элсэлт, сурталчилгааны уулзалт өчигдөр Монгол-Хятадын “Найрамдал” сургууль дээр боллоо.
-
2017 оны 9 сарын 18
Шүүхийн ерөнхий зөвлөлийн даргын энэ оны 85, 86 дугаар тушаалаар зарласан анхан болон давж заалдах шатны шүүхийн шүүгчийн суурь шалгалт, давж заалдах шатны шүүхийн шүүгч, хяналтын шатны шүүхийн шүүгч, ерөнхий шүүгчийн сонгон шалгаруулалтад оролцох нэр дэвшигчдийг бүртгэл эхлэх юм.
-
2017 оны 9 сарын 18
Үер ус, галын аюулаас хүний амь насыг аварсан Сонгинохайрхан дүүргийн цагдаагийн I хэлтсийн дэслэгч Г.Эрдэнэбаяр, Чингэлтэй дүүргийн цагдаагийн II хэлтсийн дэслэгч Б.Энхбаяр, дэд ахлагч Х.Ганзориг нарыг ХЗДХ-ийн сайд С.Бямбацогт “Цагдаагийн алдар” тэмдгээр шагналаа.
ХЗДХ-ийн сайд С.Бямбацогт “Гал, усны аюул ослоос эрдэнэт хүний амь насыг аварсан цагдаагийн албан хаагчдаараа бахархаж байна. Ард олныхоо амгалан тайван байдлыг сахин хамгаалж, аюулгүй амьдралын манаанд халуун хүйтнийг үл ажран нүд цавчилгүй зогсдог хүмүүс бол манай цагдаа нар юм. Өргөсөн тангарагаа өндөрт өргөж яваа цагдаагийн албан хаагчдадаа баяр хүргэе” гэлээ.
Цагдаагийн дэслэгч Г.Эрдэнэбаяр, С.Батсумьяагийн хамт 2017 оны 07 дугаар сарын 25-ны өдөр Сонгинохайрхан дүүргийн 21 хороонд албан үүргээ гүйцэтгэж явахдаа үерийн аюулд өртсөн таван хүүхэд, дөрвөн том хүний амийг аварсан юм. Тэднийг Жаргалант тосгон орчимд ажиллаж байхад нэг хүн гэрээ тойроод гүйгээд байгааг анзаарчээ. Учир байдлыг тодруулахаар дөхөж очиход гэрийн эзэн сандарсандаа тэдний асуултанд ч хариулж чадахгүй байж. Гэрт ороход ташаагаар татсан устай бага насны 4 хүүхэд, 5 том хүн эрсдэлтэй нөхцөл байдалд байжээ. Тиймээс хүүхэд болон томчуудыг үүрч аюулгүй газар аваачсан байна. Энэ үед гэрийн эзэн иргэний үнэмлэхээ гэртээ орчихсон байна гээд эргэх хооронд гэр нь урсаад явчихсан гэдгийг Г.Эрдэнэбаяр ярьсан юм.
Харин дэслэгч Б.Энхбаярын хувьд 2017 оны 09 дүгээр сарын 05-ний өдөр Чингэлтэй дүүргийн 11 дүгээр хороонд айлын гэр шатаж байна гэх иргэний мэдээллийн дагуу цагдаагийн дэслэгч Х.Ганзоригтой хамт газар дээр нь очжээ. Тус хороонд оршин суугч Н хоёр охины хамт таван ханатай монгол гэрт утаанд ухаан балартсан байдалтай байжээ. Хаалгыг нь эвдэж орох гэсэн ч онгойгоогүй учраас ханыг нь сугалж ороод эхлээд хоёр хүүхэд дараа нь ээжийг нь галын аюулаас аварчээ.
Эх сурвалж: ЦЕГ
-
2017 оны 9 сарын 18
Завхан аймгийн Дөрвөлжин суманд ашигт малтмалын үйл ажиллагаа эрхэлдэг “Баян айраг эксплорейшн” ХХК-ийн химийн бодис тээвэрлэж явсан ачааны машин Солонготын даваанд осолдож, аюултай нөхцөл байдал үүсээд буй.
Тодруулбал, “Баян-Айраг эксплорейшн” ХХК-ийн туслан гүйцэтгэгч гэрээтэй ачаа тээврийн компанийн Нордбенз маркийн авто машин нь Азотын хүчил 1600л, Давсны хүчил 6000л, хөдөлгүүрийн тос 1т, Дулаан солилцооны тос 600л, явах ангийн тос 810 л, 200А аккумлятор 7ш бусад бараа материалыг тээвэрлэж яваад ийнхүү осолджээ. Ослын улмаас азотын хүчил /135литер/, давсны хүчил /5тн /, шатах тослох материал асгарсны улмаас өргөн 1-1.5м, урт 450м газрыг хамарч урссан байна.
Тэгвэл үүнтэй холбогдуулан БОАЖ-ын сайд Д.Оюунхорол тушаал гарган, дээрх химийн бодисын саармагжуулалт, устгалын ажиллагаанд хяналт тавьж, мэргэжлийн арга зүйн зөвлөгөө өгөхөөр БОАЖЯ, ШУА-ийн харьяа Хими, химийн технологийн хүрээлэн, МХЕГ, ОБЕГ-ын хамтарсан ажлын хэсэг газар дээр нь ажиллахаар боллоо.
-
2017 оны 9 сарын 18
Гадаад харилцааны сайдын үүрэг гүйцэтгэгч Ц.Мөнх-Оргил 9 дүгээр сарын 19-24-ний өдрүүдэд Нью-Йорк хотноо болох НҮБ-ын Ерөнхий Ассамблейн 72 дугаар чуулганы Ерөнхий санал шүүмжлэлд оролцож, олон улсын харилцааны тулгамдсан асуудлаар Монгол Улсын байр суурийг илэрхийлж үг хэлэх ба төр, засгаас хэрэгжүүлж буй гадаад бодлогын зорилт, тэргүүлэх чиглэл, нийгэм, эдийн засгийн салбарт хэрэгжүүлж буй бодлого, үйл ажиллагааг танилцуулна.
Гадаад харилцааны сайдын үүрэг гүйцэтгэгч Ц.Мөнх-Оргил чуулганы үеэр болох Далайд гарцгүй хөгжиж буй орнуудын Сайд нарын уулзалт, Хөгжиж буй орнуудын 77-ийн бүлгийн Сайд нарын уулзалт, Цөмийн туршилтыг бүрэн хориглох гэрээг хүчин төгөлдөр болгоход дэмжлэг үзүүлэх Бага хурал, Эвсэлд үл нэгдэх хөдөлгөөний Сайд нарын уулзалт, Азид хамтын ажиллагаа, итгэлцлийг бэхжүүлэх бага хурлын гишүүн орнуудын Сайд нарын албан бус уулзалтад тус тус оролцох бөгөөд Литва, Румын, Канад Улсын Гадаад хэргийн сайд, АНЭУ-ын Төрийн сайдтай хоёр талын уулзалт хийж, харилцаа, хамтын ажиллагааны асуудлаар санал солилцоно.
-
2017 оны 9 сарын 18
Хан-Уул дүүрэг дэх цагдаагийн нэг, хоёрдугаар хэлтсийн нэрэмжит уулын дугуйн аварга шалгаруулах тэмцээн амжилттай боллоо. Тэмцээнд төв, орон нутгийн цагдаагийн газар, хэлтсийн офицер ахлагч нар эрэгтэй 3, эмэгтэй 3 алба хаагчийн бүрэлдэхүүнтэйгээр баг болон насны ангиллаар өрсөлдөж аваргаа тодруулсан юм.
Эрэгтэй алба хаагчид 15 км, эмэгтэйчүүд 10 км-ын зайд уралдаж, амжилттай оролцсон тамирчдыг алт, мөнгө, хүрэл медаль, өргөмжлөл, дурсгалын зүйлээр урамшууллаа.
-
2017 оны 9 сарын 18
Чингэлтэй дүүрэг үүсэн байгуулагдсаны 25 жилийн ойн ёслол, хүндэтгэлийн үйл ажиллагаа 9-дүгээр сарын 16-ны өдөр боллоо.
Ёслолын арга хэмжээнд УИХ-ын гишүүн Ө.Энхтүвшин, Нийслэлийн Засаг дарга бөгөөд Улаанбаатар хотын захирагч С.Батболд, Чингэлтэй дүүргийн ИТХ-ын дарга Д.Бат-Эрдэнэ, Засаг Дарга Ж.Эрдэнэбат, дүүргийн хамтын ажиллагаатай ОХУ, БНСУ, БНХАУ-ын 5 хот дүүрэг, Архангай, Хэнтий аймгийн төлөөлөгчид, Нутгийн өөрөө удирдах ёсны байгууллага болон төр захиргааны байгууллагын ажилтан, албан хаагчид, дүүргийн иргэд оролцлоо.
Дүүргийн 25 жилийн ойн түүхэн замналыг өгүүлсэн “Хөгжлийн жимээр 25” баримтат киног иргэдэд дэлгэн толилуулж Чингэлтэй дүүрэг үүсэн байгуулагдсаны 25 жилийн ойн баярт хүрэлцэн ирсэн эрхэм зочид, төлөөлөгчид дүүргийн удирдлагууд болон иргэдэд баярын мэндчилгээ дэвшүүллээ. Дүүргийн 25 жилийн ойн босгон дээр Монгол Улсын Ерөнхийлөгчийн зарлигаар эрхэлсэн ажилдаа олон жил үр бүтээлтэй ажилласан иргэдэд Монгол Улсын Ерөнхийлөгчийн зарлигаар төрийн дээд одон медаль гардууллаа.
Дүүргийн Засаг дарга Ж.Эрдэнэбат ёслолын арга хэмжээнд хүрэлцэн ирсэн эрхэм хүндэт зочид төлөөлөгчид, иргэдэд хандан баярын мэндчилгээ дэвшүүллээ.
Тэрээр мэндчилгээндээ “Монгол улсын “Засаг захиргаа, нутаг дэвсгэрийн нэгж түүний удирдлагын тухай” хуулийн дагуу УИХ-ын 1992 оны 08 дугаар сарын 18-ны өдрийн 18 дугаар тогтоолоор өрх тусгаарлан өдгөө 25 дахь жилтэйгээ золгож буй нийслэлийн отгон дүүргүүдийн нэг болох Чингэлтэй дүүрэг үүсэн байгуулагдсаны түүхт ойн баярын мэндийг дэвшүүлж сайн сайхны дээдийг хүсэн мэндчилж байна.
Улс орныхоо бүтээн байгуулалтад хүч бололцоогоо дайчлан төр, засгийн бодлого, шийдвэрийг хэрэгжүүлэн нийслэл, дүүргээ хөгжүүлэх ариун үйлсэд зорилго нэгтэйгээр тууштай зүтгэн эрдэм, оюун, бүтээлч сэтгэлгээ, шударга хөдөлмөрөө зориулж ирсэн үе үеийн удирдлагууд, ахмад буурлууд, бүтээлч хамт олон болон нийт Чингэлтэйчүүд та бүхэндээ талархаж явдгаа ойн баярын энэхүү “Хүндэтгэлийн индэр” дээрээс илэрхийлж буйдаа баяртай байна. Монгол Улсын нийслэл Улаанбаатар хотын маань зүрхэн хойморт залрах төр, шашны тахилгат уул, ариун дагшин Хайрханаараа овоглосон Чингэлтэйчүүд бидний туулж ирсэн түүхийн он жил тоолоход хэдий цөөхөн ч туурвиж бүтээсэн үйлс маань чамлахааргүй их билээ. Төрт ёсны түүхэн бахархалт Монгол түмний заяа нь өөдөө байж улс, үндэстнээ гэх халуун сэтгэлээр хийж бүтээж буй их үйлс нь өсөн дэвжиж, төр захиргааны болон нутгийн захиргааны байгууллагаас дэвшүүлж буй зорилтоо хэрэгжүүлэх үйлсэд улам их амжилт гаргахын өлзийтэй ерөөлийг та бүхэндээ өргөн дэвшүүлье.
Чингэлтэй хайрханыхаа өвөрт хамтдаа бүтээж, хамтдаа хөгжицгөөе” хэмээгээд дүүргийн хөгжлийн 25 жилийн түүхэн замнал, нийгэм, эдийн засаг, дэд бүтцийн хөгжилд хийж хэрэгжүүлсэн ажил, ололт амжилт, гадаад харилцаа хамтын ажиллагаа, хөгжлийн хэрэгцээ шаардлага, “Чингэлтэйн Түншлэл” төслүүдийн талаар гадаад дотоодын хамтын ажиллагаатай хот, дүүрэг, аймаг, сумдын төлөөлөл, хамтын ажиллагаатай байгууллагууд, иргэдэд танилцууллаа.
Дүүргийн ойн арга хэмжээнд хүрэлцэн ирсэн иргэддээ “Монгол урлагийн гайхамшиг” хүндэтгэлийн концертыг 25 жилийн ойн ёслол хүндэтгэлийн үйл ажиллагааны үеэр толилуулсан юм.
-
2017 оны 9 сарын 18
Баянгол дүүргийн 3 дугаар хороо, “Рокмон төвийн урд зам дагуу явж байсан хүүхдийг дээрэмдсэн байна” гэсэн мэдээллийг тус дүүрэг дэх цагдаагийн нэгдүгээр хэлтсийн авто эргүүлийн алба хаагчид шуурхай шалгаж 9 настай иргэн Б.Х-ыг Дархан-Уул аймагт оршин суух хаягтай Н.Н хагархай шил гарган айлган сүрдүүлж “Samsung Hot 4” гар утсыг нь дээрэмдснийг илрүүллээ.
