-
2017 оны 8 сарын 26
Оройжин толины өмнө зогсож буржийлгасан үс үдэш өндөрлөх яагаа ч үгүй байхад сулраад хэлбэргүй болчих үе гардаг. Харин долгиолсон үсээ үдшийн турш сайхан хэвээр хадгалахыг хүсвэл дараах зөвлөгөөг уншаарай.
Бэлтгэл: Үсээ дөнгөж угаасан бол сэнсээр хатаагаарай. Дараа нь үсэндээ багахан хэмжээний спрей цацаад, толгойгоо тонгойлгоод үсний ар хэсэгтээ мөн цацна. Харин үсний дотор хэсэгт цацах хэрэггүй шүү.
photo 448_zps45311dd1.jpg
Үс буржийлгагчаа босоогоор нь барьж хэсэг үс авч үзүүрийг нь хавчаад, буржийлгагчаа гадагш эргүүлж үсээ уг хүртлээ орооно. 5 секунд бариад суллаарай.
Дөнгөж ороосон үсээ хуруугаараа дахин ороогоод нарийхан хавчаараар үсний угандаа тогтооно.
photo 447_zpsc523b05e.jpg
Дахин нэг хэсэг үс аваад үзүүрээр нь хавчина. Харин энэ удаад дотогш эргүүлж орооно. Гадагш, дотогш ээлжлэн эргүүлэн ороох нь ороосон үсийг хоорондоо нийлэхээс сэргийлнэ.
photo 446_zpsbe4e583e.jpg
Бүх үсээ ороож дуусаад дахин спрейэ цацна.
photo 445_zpsa5ddab4c.jpg
Таван минутын дараа бүх хавчаараа аваад хуруугаараа үсээ болгоомжтой самнаарай Үсээ хүссэн хэлбэртээ оруулсныхаа дараа дахин спрей цацаж өгөөрэй.
photo 444_zpsf04a9232.jpg
Ингээд л долгиолсон буржгар үстэй өдрийн турш сэтгэл тэнүүн, өөртөө итгэлтэй алхаж болохоор боллоо.
-
2017 оны 8 сарын 26
Амттанд дургүй хүн байна уу? Зөвхөн хүүхдүүд төдийгүй, насанд хүрэгчид, тэдний дотор эмэгтэйчүүд амттанд дуртай байдаг. Гэхдээ та жин нэмэхгүй байхаар шийдсэн бол амттан болгоныг хэрэглээд байж болохгүйг санах хэрэгтэй. Хоол судлаачид хүний биеийн жинд хамгийн аюулгүй таван амттаныг нэрлэжээ.
Зөгийн бал
Зөгийн бал ашигтай гэдэг нь маргаангүй. Илчлэгээрээ энэ идээ элсэн чихэртэй бараг адилхан байна. Нэг цайны халбага зөгийн бал 35 ккал бол нэг халбага элсэн чихэр 30 ккал байдаг ажээ. Гэхдээ элсэн чихрээс ялгаатай нь зөгийн баланд 70 төрлийн ашигтай бодис, тэдгээрийн дотор, В2, РР, С, В6, В5, Н амин дэм, фолийн хүчил, К болон Е амин дэм, кальци, натри, магни, төмөр, йод агуулдаг байна. Тэрчлэн зөгийн баланд агуулагддаг бодисууд хооллох дуршлыг нэмэгдүүлж, хоол боловсруулах эрхтний ажиллагааг сайжруулж, хоолны шингэцийг сайжруулдаг ажээ. Мөн зөгийн бал нь ханиад томуу туссан үед хамгийн сайн эм болдог байна. Хоол судлаачийн хэлснээр, өдөрт хоолны хоёр халбага зөгийн бал идэх нь биеийн эрүүл мэндэд тустай. Үүнээс илүү гарвал хүний биеийн жин нэмэгдэх ажээ.
- Хатаасан жимс
Зөгийн бал их харшил өгдөг, тийм болохоор зарим хүнд хэрэглэхийг хориглодог. Ийм тохиолдолд зөгийн балны оронд хатаасан жимс, жишээлбэл, үзэм, чангаанз, хар чавга зэргийг идэж болно. Хатаасан жимсэнд кальци, магни, натри, төмөр зэрэг хэд хэдэн эрдэс бодис агуулагддаг, тиймээс зүрхэнд тустай ажээ.Тэгээд ч хатаасан жимсээр өлөө дарахад амархан. Харин хэтрүүлэн идвэл хотдогоос илүү илчлэгтэй болохыг анхаараарай. Нэг өдөрт ердөө 30 грамм хатаасан жимс идвэл амттайн дээр биед тустай.
-Бүржмэл чихэр /мармелад/
Marmelada буюу цэвэр жимсний чанамал гэсэн Португал үгнээс гаралтай үг. Бүржмэл чихрэнд жимсэнд агуулагддаг пектинүүд буюу ашигтай бодисууд байдаг. Пектинүүд нь цусан дахь холестерины хэмжээг бууруулж, ходоодны ажиллагааг сайжруулж, бие махбодиос хорт бодисыг гадагшлуулдаг. Үүний сацуу Британийн Хүнсний бүтээгдэхүүн судлалын хүрээлэнгийн мэргэжилтнүүдийн нотолж буйгаар, пектин нь хорт хавдрын эсийн өсөлтийг зогсоодог байна. Алим, чавга, тоор, нэрсэнд пектин хамгийн ихээр агуулагддаг. Тиймээс чухам эдгээр жимсээр хийсэн бүржмэл чихэр хүний эрүүл мэндэд хамгийн тустай. Гэхдээ бүржмэл чихэр болгон ашигтай биш гэнэ. Тэгэхээр бүржмэл чихэр худалдаж авахдаа түүний орцонд пектиний нэгдэл орсон эсэхийг харах хэрэгтэй. Хүн өдөрт бүржмэл чихрийг 20-30 граммаас хэтрүүлэхгүй идвэл эрүүл мэндэд сайнаар нөлөөлнө.
- Пастила ба зефир
Пастила болон зефир нь пектинүүд агуулсан байдаг. Пектингүйгаэр эдгээр жимс хоосон илчлэг өгч, ямар ч ашиггүй. Тиймээс пастила эсвэл зефирийг сонгохдоо доторх орцыг нь анхаарах хэрэгтэй.Мөн өөрсдөө хийж идсэн нь дээр. Үүний сацуу пастила болон зефир нь ходоодны салстын цочролыг дардаг учраас ходоод гэдэсний замын өвчин, тухайлбал, ходоодны шархтай хүмүүст тустай. Гэхдээ өдөрт 30 граммаас ихийг идэх хэрэггүй.
- Шоколад
Ашиг тустай амттануудын тавдугаарт шоколад оржээ. Гэхдээ зөвхөн хар шоколад шүү. Хар шоколад гашуун ч гэсэн амттанд тооцож болно. Шоколад гэдэг үг өөрөө тархинд ”амттай байна” гэсэн мэдээлэл өгдөг. Энэ амттан даралт ихсэх үед артерын даралт хэвийн хэмжээнд очиход тус болж, зүрх болон судсыг бэхжүүлж, сэтгэлийн хямралаас гарахад тусалж, улирлын чанартай хямралд орохгүй байлгаж чаддаг. Өдөрт 30 грамм шоколад идэж болно. Энэ хэмжээ бие махбодын ачаалал ихтэй үед тохиромжтой. Ер нь бол өдөрт 10-15 грамм шоколад идэх нь биеийн жингээ хэвийн байлгахад тустай ажээ.
Амттаныг хэзээ идвэл дээр вэ?
Үдээс өмнө амттанаа идсэн нь дээр. Ялангуяа та хоолны дэглэм барьж байгаа бол шүү дээ. Өглөөгүүр идвэл таны жинд нөлөөлөх магадлал нь бага байх юм. Гэвч үдээс хойш ч амттан идмээр санагддаг. Өдрийн 16.00-18.00 цагийн хооронд биеийн цусан дахь глюкозын хэмжээ буурдаг. Та эрүүл аж төрөх хэв маягийг баримталдаг бол биедээ шаардлагатай хүнс тэжээлийг бүрэн авдаг, биеийн зохих ачаалал үүрдэг байж таарна. Тийм бол үдээс хойш амттан идэхэд гэмгүй.
-
2017 оны 8 сарын 26
Хөхний сүүг саах, хадгалах заавар
-
2017 оны 8 сарын 26
Улсын Онцгой комиссын хуралдаан өнөөдөр /2017.08.03/ болж, цаг үеийн нөхцөл байдал, өвөлжилтийн бэлтгэл ажлын хүрээнд хэрэгжүүлж буй арга хэмжээний талаар мэдээлэл сонсч, Монгол Улсын Шадар сайд, Улсын онцгой комиссын дарга У.Хүрэлсүх үүрэг даалгавар өглөө.
Хүнс хөдөө аж ахуй хөнгөн үйлдвэрийн сайдын мэдээллээр улсын хэмжээнд 150 сум гантай, 50 сум гандуу байна. Ихэнх аймаг хадлан тэжээл бэлтгэх бололцоо тааруу болсон учраас ОХУ-аас 400 мянган тонн хадлан, тэжээл бэлтгэх гарц хайж буй аж.
Энэ жил 517.4 мянган га-д тариалалт хийснээс үр тариа 391.6 мянган га-д, үүнээс улаанбуудай 367.2 мянган га-д, төмс 14.6 мянган га-д, хүнсний ногоо 7.2 мянган га-д, тосны ургамал 75.9 мянган га-д, тэжээлийн ургамал 25.7 мянган га-д, эмийн ургамал 1.9 мянган га-д, жимс, жимсгэнэ 287.1 га-д тус тус тариалсан.
Нарны хэт их халалт, хур тундасны дутагдлын улмаас бүх бүс нутагт тариалсан таримлын өсөлт саарч удааширснаар үр тариа, улаанбуудайн бутлалт байхгүй, намхан давжаа, жижиг товчин түрүү гарч улмаар нэгжээс хураан авах ургацын хэмжээ эрс буурах магадлалтай. Төмс, хүнсний ногоо, тэжээлийн таримлын ургац ч мөн ганд өртөж хураан авах ургацын хэмжээ төлөвлөснөөс 20 орчим хувиар буурахаар байна гэж ХХААХҮ-ийн сайд хэллээ.
Хатуу өвөл болохыг анхааруулав
Цаг уур орчны шинжилгээний газрын дэд дарга мэдээлэл хийх үеэрээ хамгийн хатуу өвөл болохоор тооцож, хадлан тэжээлээ хангалттай бэлтгэж, нөөцөлж өвлийн бэлтгэлээ хангах шаардлага байна гэдгийг анхаарууллаа.
Наймдугаар сарын байдлаар цаг агаар эхний арав хоног, дунд арав хоногийн сүүл, сүүлийн арав хоногийн дунд үеэр бороотой байх урьдчилсан төлөв гарчээ.
Түүнчлэн 8 дугаар сарын 1,2 дугаар арав хоногуудын сүүлчээр 2-3 хоногоор ихэнх нутгаар бага зэрэг халах ч гуравдугаар арав хоногийн эхээр уулархаг нутгаар шөнөдөө хөрсөн дээр 0-5 градус хүрч цочир хүйтэрч болзошгүй аж. Иймээс тариаланчид цаг агаарын төлөв байдалд анхааралтай хандаж ажиллах шаардлагатайг санууллаа.
Хот хоорондын хөдөлгөөнийг зогсоожээ
Арвайхээр- Баянхонгор чиглэлийн улсын чанартай авто замд өнгөрсөн шөнө хүчтэй адар бороо орсны улмаас төмөр бетон гүүрний далан сэтэрчээ. Иймээс дээрх чиглэлийн тээврийн хөдөлгөөнийг зогсоосон байна. Төмөр бетон гүүрний даланг сэргээн засварлахаар Өвөрхангай аймгийн зам арчлалтын компани ажиллаж байна гэж Зам тээвэр, хөгжлийн сайд Д.Ганбат хэллээ.
Хүчтэй аадар борооны улмаас эвдэрсэн зам, гүүр цөөнгүй байна. Тухайлбал, Хяргас нуур Сонгино чиглэлийн хатуу хучилттай авто зам үерт автаж, засах шаардлагатай болсон.
Тээврийн хөдөлгөөнийг хаагаад байсныг саяхнаас нээжээ. Тус авто замыг Увс аймгийн АЗЗА компани ажиллаж, нэг эгнээг нь зассан. Үргэлжлүүлэн дахин нэг эгнээг засаж буй юм.
Увс аймгаас 7 км газарт ширүүн аадар борооны улмаас мөн улсын чанартай авто зам эвдэрсэн. Энэ мэтчилэн байгаль цаг уурын давагдашгүй хүчин зүйлтэй холбоотойгоор гарч байгаа эвдрэл гэмтлийн улмаас хот хоорондын зорчигч тээврийн зарим үйлчилгээ саатаж байгаа гэдгийг тодотголоо.
Үүнээс гадна Элсэн тасархайн гүүр мөн суулт өгч хаахаас аргагүй болсон аж. Одоо 400 орчим км замыг түр нээснээр хөдөлгөөн хэвийн үргэлжлэх боломжоор хангасан.
Тус яамнаас гаргасан тооцоогоор авто замын эвдрэл гэмтлийг засахад 4.7 тэрбум төгрөг шаардлагатай.
Улсын төсөвт суулгасан байсан хөрөнгийг тус яам наадмаас өмнө авто замуудаа сэргээн засахад зориулж, зарцуулсаар дууссан. Одоо ямар ч хөрөнгө, мөнгөгүй болсон. Тиймээс энэ асуудалд Улсын Онцгой комисс анхааралдаа авахыг хүсэв.
Хурлын төгсгөлд Улсын Онцгой комиссын дарга, Монгол Улсын Шадар сайд У.Хүрэлсүх
-Ургацын урьдчилсан балансыг энэ сарын 18-ны дотор таримлын төрөл тус бүрээр нарийвчлан гаргах,
-Засгийн газрын 186 дугаар тогтоолоор батлагдсан энэ онд бүрдүүлэх аймаг, сумын өвс, тэжээлийн аюулгүйн нөөцийг бүрдүүлэхэд хяналт тавьж, үр дүнг Улсын онцгой комиссын хуралдаанд танилцуулах,
-Багануур, Шивээ-Овоогийн нүүрсний уурхайн өвөлжилтийн бэлтгэл хангуулах ажлыг төлөвлөсөн хугацаанд чанартай хийж гүйцэтгүүлэх, санхүүгийн хүндрэлтэй байдлыг шийдвэрлэх, дулааны цахилгаан болон дулааны станцуудыг 20-иос доошгүй хоногийн нүүрсний нөөц бүрдүүлэхэд анхаарч, нүүрс татан авалтын ажилд хяналт тавьж, нэгдсэн удирдлагаар хангаж ажиллах,
-2017-2018 оны өвөлжилт, хаваржилтыг хохирол багатай даван туулах ажлын хүрээнд алслагдмал айл өрх, жирэмсэн эхчүүд, өндөр настан, хөгжлийн бэрхшээлтэй иргэд, бага насны хүүхдүүдийн судалгааг эртнээс гаргаж, төв, орон нутгийн эмнэлгүүдийн машин, техник, эм, эмнэлгийн хэрэгслийн нөөц бүрдүүлэх, эрүүл мэндийн салбарын барилга байгууламжийн засварын ажлыг дуусгах,
-Цаг агаарт зориудаар нөлөөлж, хур тундас оруулах үйл ажиллагааны явцыг ард иргэдэд сурталчилан таниулах, нэгдсэн ойлголт өгөх зорилгоор телевизийн нэвтрүүлэг хийж мэдээллийн хэрэгслээр олон удаагийн давтамжтайгаар нэвтрүүлэх,
-2017 оны эхний хагас жилд улсын хэмжээнд тохиолдсон ой, хээрийн гал түймэр, үер, мал, амьтны гоц халдварт өвчин, цаг агаарын аюулт үзэгдлийн улмаас учирсан хохирлыг арилгах, гамшгийн голомтод үүрэг гүйцэтгэсэн алба хаагчид, дайчлагдсан иргэдийн томилолт, урамшууллын зардлыг Засгийн газрын хуралдаанаар хэлэлцүүлэн шийдвэрлүүлэхийг холбогдох сайд, дарга нарт үүрэг болгож, биелэлтийг Улсын онцгой комиссын дараагийн хуралдаанд танилцуулахыг даалгалаа гэж Онцгой байдлын ерөнхий газраас мэдээллээ.
-
2017 оны 8 сарын 26
Суга бол хүний бие махбодийн тун амархан гижиг хүрдэг хамгийн эмзэг хэсэг юм.Харин түүний гижгийг хүргээд суганы ажиллагааг байнга нэмэгдүүлж байх нь эрүүл мэндэд барагдашгүй их олон сайн нөлөө үзүүлдгийг хүмүүс төдийлөн ойшоохгүй явж байна.
Үнэндээ, суганы хөдөлгөөнөөс бий болсон инээд нь хоол боловсруулах системд угсруулсан хурдасгуур юм шиг хоолны дуршлыг нэмэгдүүлж, амны хөндий, улаан хоолой, ходоод, нарийн гэдэс, бүдүүн гэдэс, элэг, нойр болон хошногны шавхрууг гадагшлуулах болон хүнсний зүйлийг задруулах химийн идэвхжилийг дээшлүүлдэг байна.
Суганы хөдөлгөөнөөс бий болсон инээд нь бөөрний системд зэвэрдэггүй ган хоолой угсруулсан юм шиг бөөр, шээс дамжуулах хоолой, давсаг болон шээсний сүвийн чадавхийг сайжруулж, бие махбодийн бодисын солилцоон дахь шээсний хүчил, шээсний эд, эрдэс давс зэрэг хаягдал бодис болон үлдэгдэл усыг цаг даруйд нь саадгүй гадагшлуулдаг байна.
Суганы хөдөлгөөнөөс бий болсон инээд нь амьсгалын системд олон хэрэгцаат агааржуулагч угсруулсан юм шиг уушигны ажиллагааг сайжруулдаг төдийгүй хамар, хоолой багалзуур, мөгөөрсөн хоолой зэрэг системийн хийн солилцоог идэвхжүүлж, хүчилтөрөгчийг хүлээн авах болон нүүрсхүчлийн хийг гадагшлуулахад тун сайн нөлөө үзүүлдэг байна.
Суганы хөдөлгөөнөөс бий болсон инээд нь дотор гадар бэлгийн эрхтэн болон бэлгийн эсийн эрүүл хөгжилд тустай төдийгүй хурьцлын урмыг ихээр нэмэгдүүлдэг байна.
Суганы хөдөлгөөнөөс бий болсон инээд нь судасны системд бичил насос угсруулсан юм шиг зүрх, артерийн судас, тогтуун судас болон хялгасан судасны цусыг саадгүй урасгаж, бүх бие дэх эргэлтийг сайжруулдаг бөгөөд тархины цусыг зохицуулж, сэтгэл санааг баяр баясгалантай, цусны даралтыг тогтвортой байлгаж чаддаг байна.
Суганы хөдөлгөөнөөс бий болсон инээд нь сэрлийн эрхтэний системийн хамгаалагч шиг нүд, чих, хамар, хэл болон арьс зэрэг нь гаднын сэдэлтэд учрах үед нэн идэвхтэй ажилладаг байна. Ялангуяа ихээр хөхрөлдөх үед нулимсны булчирхайнууд нь нулимсыг идэвхтэй шүүрлүүлж, салст бүрхэвчинд байсан үлдэгдэл бодисыг үр ашигтай гадагшлуулдаг байна. Энэ нь нүдийг хамгаалах үүрэг гүйцэтгэдэг төдийгүй бас янз бүрийн нүдний өвчин эмгэгээс сэргийлж чаддаг юм байна.
Суганы хөдөлгөөнөөс бий болсон инээд нь бие махбодийн хэт богино долгион үүсгэгч шиг бүх биеийн 206 хэсэг яс, тэрчлэн ястай холбогдсон бүх булчин шөрмөсийг хөдөлгөдөг төдийгүй чөмөгний цус төлжүүлэх чадавхийг нэмэгдүүлж, ясыг бөх болгон, булчин махыг нэн цулжуун, арьсыг нэн зөөлөн, үс гэзгийг нэн өнгөлөг хар болгодог юм байна.
Суганы хөдөлгөөнөөс бий болсон инээд нь бүрэн автомат зохицуулагч шиг бамбай булчирхай, бамбайн дагалт булчирхай, өнчин тархи, боргоцгийн булчирхай, нойр, өндгөн цэврүү, шар бие зэрэг дотоод шүүрлийн эрхтнүүдийнг тэнцвэртэй ажиллахад тусалдаг төдийгүй хүчиллэг болон хужирлаг зүйлийг ерөнхийд нь тэнцүүлэн зохицуулж, бие махбодийн дотоодын ажиллагаа нь бүрмөсөн нэгдэлтэй байхыг сайтар хамгаалж, лимфийн 9 булчирхайн дархлааг ихээр нэмэгдүүлж, өмөн үүгээс сэргийлэх үүргээ үр ашигтай биелүүлдэг байна
-
2017 оны 8 сарын 26
Шөрмөс татах нь кали, магни, кальцийн дутагдалд орсны шинж. Шөрмөс татсан хэсэгт дараа нь удаан хугацаанд хөндvvрлээд байвал дээрх шинж тэмдэг баттай мөн.
Ийм зовиурыг багасгахын тулд хоол хvнс болон бусад замаар эрдэс бодисын дутагдлаа нөхөх хэрэгтэй. Шөрмөс татах vеэд хөлөө хөдөлгөж иллэг хий. Мөн булчингаа амрааж хvйтэн жин тавих юм уу спиртийн төрлийн шингэн тvрхэж хvчтэй vрээрэй. Урьдчилан сэргийлэхийн тулд унтахаасаа өмнө сунгалтын дасгал хийж хэвшихэд гэмгvй. Мөн өглөө бvр нэг аяга сvv ууж заншаарай. Хөл дээр гарсан юм удаан хугацаанд эдгэхгvй байх Энэ нь vрэлтээс vvссэн, юманд өнгөцхөн хэгз татагдсан, хөнгөхөн зvсэгдсэн зэрэг ердийн, байдаг л нэг шалбархайг хэлж байгаа гэдгийг анхаараарай.
Жижигхэн ч өвчний илрэл гэж анзаарахааргvй эдгээр шарх эдгэхгvй удах нь гарцаагvй чихрийн шижингийн шинж аж. Цусан дахь сахарын хэмжээ их байх нь хөлийн судас, мэдрэлийн судсуудыг “хорлонтойгоор” гэмтээдэг. Даамжирвал хөлөө тайруулахад ч хvргэдэг аюултай.
Мөн байнга цангах, ойр ойрхон бие засах, ядрах, өлсөх, турах зэрэг нь мөн энэ өвчний шинж юм. Байнга даарах Ихэвчлэн эмэгтэйчvvд энэ талаар гомдоллодог. Энэ нь бамбай булчирхайн талын өвчний илрэл байж болзошгvй. Мөн цусны эргэлт удааширснаас болж хөл байнга даарах нь бий. Даарахаас өөр бусад хавсарсан зовиур байдаг бол эмчид хандаарай. Vгvй бол ноолуур, тэмээний ноос зэрэг байгалийн гаралтай бvтээгдэхvvнээр хийсэн оймс, нэхий зэрэг дулаан дотортой гутал өмсөхийг хичээгээрэй. Хуурай, сайртсан хөл Хөл хуурайшсан л бол нvvр гарын арьс ч мөн дагаж хуурайшдаг. Ингэж хатаж, сайртах нь хөл мөөгөнцөрөөр өвдөхийн vндэс болдог.
Эхлээд хөлийн хурууны завсар мөөгөнцөртөж, маажсанаас болж аажимдаа бvх биеэр тархдаг байна. Vvнийг эмчилье гэвэл эхний ээлжинд зөөлөн арчлаад vз. Хөлөө угааж хаттал нь арчаад тос тvрхэж, гутал оймсондоо хөлийн хуурай пудр хэрэглэ. Хоёр долоо хоногийн дотор өөрчлөлт гарахгvй бол эмчид хандаарай.
-
2017 оны 8 сарын 26
Увс аймгийн Тариалан сумын Тарвагатай багийн /сумын төвөөс зүүн урд зүгт 34 км-т/ “Оорог” гэдэг газар өчигдөр буюу энэ сарын 6-ны 13:27 цагт 4.7 магнитудын хүчтэй газар хөдлөлт болжээ.
Энэ тухай мэдээллийг ООГХ-ээс цахим шуудангаар ирүүлсэн байна.
Тус аймгийн Онцгой байдлын газраар дамжуулан тус сумын Засаг даргын Тамгын газрын даргаас тодруулахад ”иргэдэд чичирхийлэл мэдрэгдээгүй, хохирол учраагүй” гэв.
-
2017 оны 8 сарын 26
Хичээлийн шинэ жил эхэлж байгаатай холбогдуулан Нийслэлийн Засаг дарга бөгөөд Улаанбаатар хотын Захирагч С.Батболд захирамж гаргасан. Захирамжийн дагуу хичээлийн шинэ жил эхлэхийн өмнөх амралтын өдрүүдэд автомашиныг улсын дугаарын тэгш, сондгойгоор ангилж, замын хөдөлгөөнд оролцуулах юм.
Үүний дагуу Тэгш тоогоор буюу 0, 2, 4, 6, 8-р төгссөн автомашин наймдугаар сарын 19,26 -ны Бямба гарагуудад, Сондгой тоогоор буюу 1, 3, 5, 7, 9-р төгссөн автомашин 20,27-ны Ням гарагуудад 08:00-20:00 цагийн хооронд зуны хязгаарлалтын бүсэд замын хөдөлгөөнд оролцох юм.
-
2017 оны 8 сарын 25
Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний Их баяр наадмын шөвгийн 16 бөх болон сур харваачдаас Монгол Улсын Баяр наадмын тухай хуулийн дагуу тэмцээний үеийн допингийн шинжилгээ авдаг.
-
2017 оны 8 сарын 25
Амжиргааны баталгаажих түвшнээс доогуур орлоготой, зорилтот бүлгийн 1000 хүүхдэд 1 жилийн хичээлийн хэрэгсэл бүхий цүнх гардууллаа. Энэхүү аяныг Монголын банк бус санхүүгийн байгууллагуудын холбоо “Мянга мянган мөрөөдөл жигүүрээ дэлгэнэ” уриатайгаар 2 дахь жилдээ зохион байгуулж байна.
-
2017 оны 8 сарын 25
ОБЕГ-ын дэд дарга, хурандаа П.Баттогтохоор ахлуулсан “Гангийн үнэлгээ хийх, өвөлжилтийн бэлтгэл ажил явцтай танилцах ажлын хэсэг-2” Хэнтий, Дорнод, Сүхбаатар, Дорноговь, Өмнөговь, Дундговь, Говьсүмбэр, Төв аймгуудад ажиллалаа.
-
2017 оны 8 сарын 25
2017-2018 оны хичээлийн жилийн сурах бичгийн жагсаалт, үнийн дээд хязгаар, сурах бичиг худалдах компанийн нэрс, худалдах байршил
-
2017 оны 8 сарын 25
А.Гансүхийг Ерөнхийлөгчийн Х.Баттулга өөрийн бие төлөөлөгчөөрөө томилсон билээ. Тэгвэл шүүхээс
-
2017 оны 8 сарын 25
Чингис бонд, Үнэ тогтворжуулах хөтөлбөртэй холбоотой авлига, албан тушаалын хэрэгт Монгол банкны ерөнхийлөгч асан
-
2017 оны 8 сарын 25
Олон улсын эрэн сурвалжлах сэтгүүлчдийн байгууллагын мэдээлж байгаагаар Оффшор бүсэд данстай 130 мянга орчим этгээдийн 2.5 сая мэдээлэл ил болсон байдаг.
-
2017 оны 8 сарын 25
Авлигатай тэмцэх газар Хөгжлийн банкны Б.Шинэбаатар, Н.Мөнхбат нартай холбоотой эхний үйлдлийг нь
-
2017 оны 8 сарын 25
2017-2018 оны хичээлийн жилийн цэцэрлэгийн бүртгэл өнгөрсөн 7 дугаар сарын 25-наас өчигдөр буюу 8 дугаар сарын 25-ны өдрийн 00 цаг хүртэл явагдаж дууссан. Өнөөдөр өглөө
-
2017 оны 8 сарын 25
Сүүлийн тав хоногийн хугацаанд үргэлжлэн орсон борооны улмаас орон нутгийн зарим замд эвдрэл үүсчээ. Тодруулбал, Арвайхээр-Улаанбаатар чиглэлийн
-
2017 оны 8 сарын 25
МАН-ын удирдлагууд төрийн албыг ахлах мэргэжилтнээс эхлээд дарга, сайдын суудлыг үнэлж наймаалах маягаар зөвхөн нийслэлээс гэхэд л 60 тэрбум төгрөг босгох талаар ярилцсан бичлэг нь өдгөө АТГ-т шалгагдаж байгаа билээ.
-
2017 оны 8 сарын 25
УИХ-ын гишүүн Д.Гантулгад хүчиндүүлсэн гэх хохирогчийн эгч Ч.Саранзаяа өнөөдөр мэдээлэл хийлээ. Учир нь тэрбээр өнгөрсөн сард УЕПГ-д гомдол гаргасан бөгөөд
