-
2017 оны 10 сарын 20
Иргэдийн эрүүл аюулгүй орчинд амьдрах нөхцөлийг бүрдүүлэх, гэмт хэрэгтэй тэмцэх, урьдчилан
-
2017 оны 10 сарын 20
УИХ-ын гишүүн Д.Гантулгад хүчиндүүлсэн гэх Ч.Наранзаяагийн эгч Ч.Саранзаяа Хууль зүй дотоод хэргийн сайд
-
2017 оны 10 сарын 20
Улаанбаатар хотын Шуурхай удирдлага, зохицуулалтын төвийн 2017 оны үйл ажиллагааны төлөвлөгөөний дагуу 2017 оны аравдугаар сарын 19-ний өдөр “Нийслэлийн нутаг дэвсгэрт үйл ажиллагаа явуулдаг Инженерийн хангамжийн байгууллагуудын шугам сүлжээнд технологийн горим зөрчигдсөн осол гарахаас урьдчилан сэргийлэх, ослын үед ажиллах хүн хүч, техник хэрэгслийн бэлэн байдлыг хангуулах штабын дадлага, сургуулийн удирдамж”-ийг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, Нийслэлийн Онцгой байдлын газрын дарга хурандаа Ж.Чүлтэмсүрэнгээр тус тус батлуулан, инженерийн хангамжийн байгууллагууд болон Орон сууц, нийтийн аж ахуйн удирдах газар, Ус сувгийн удирдах газар, Улаанбаатар Дулааны сүлжээ ТӨХК, Улаанбаатар Цахилгаан түгээх сүлжээ ТӨХК, Хэсэгчилсэн инженерийн хангамжийн удирдах газрыг хамруулан дадлага, сургуулийг зохион байгуулав.
Уг штабын дадлагад Улаанбаатар хотын Захирагчийн ажлын албаны Инженерийн байгууламжийн хэлтсийн дарга, Нийслэлийн Онцгой байдлын газрын мэргэжилтэн, Улаанбаатар хотын Шуурхай удирдлага, зохицуулалтын төвийн дарга болон инженерүүд дээрх 5 байгууллагын шуурхай бригад, техник хэрэгслийн бэлэн байдлыг газар дээр нь очиж цагийн байдлын дагуу хийгдэж буй үйл ажиллагааг шалгаж, зөвлөгөө өгч ажиллав гэж Улаанбаатар хотын шуурхай удирдлага, зохицуулалтын төвөөс мэдээллээ.
-
2017 оны 10 сарын 20
Хот хоорондын замд үйлдэгддэг гэмт хэрэг, зөрчлөөс урьдчилан сэргийлэх, иргэдийн аюулгүй зорчих нөхцөлийг бүрдүүлэх зорилгоор цагдаагийн байгууллагаас энэ сарын 11-ний өдрөөс эхлэн улсын чанартай автозамд байрлах 13, орон нутгийн 19 хяналтын цэг 24 цагийн байнгын ажиллагаатай болгож, үйл ажиллагааг нь эрчимжүүлж эхэлсэн.
Төв аймгийн Лүн, Баянчандмань сумын хяналтын постод үүрэг гүйцэтгэж байсан цагдаагийн алба хаагчид гэмт хэрэг, зөрчлийг илрүүлэн ажилласан байна.
Баянчандмань сумын хяналтын постод үүрэг гүйцэтгэж байсан цагдаагийн алба хаагчид 2017 оны 10 дугаар сарын 19-ний өдөр иргэн Э.М нь хууль бусаар мансууруулах, сэтгэцэд нөлөөт бодисын төрлийн ургамал каннабис хоёр уутыг тээвэрлэж явсныг илрүүлэн шалгаж байна. Мөн этгээд нь мансууруулах төрлийн зүйл хэрэглэсэн байсныг шалгалтаар тогтоожээ.
Мөн постод үүрэг гүйцэтгэсэн алба хаагчид Сэлэнгэ аймгийн харьяат Ш.Т нь хууль бусаар 8 м/куб банз тээвэрлэж явсныг илрүүлэн шалгаж байна.
Лүн сум дахь хяналтын постод үүрэг гүйцэтгэсэн цагдаагийн алба хаагчид 2017 оны 10 дугаар сарын 19-ний өдөр Улаанбаатар хот руу зорчиж явсан иргэн С.Б нь 18 ширхэг туламласан тарвагыг “Т.Кролла” маркын автомашиндаа тээвэрлэж явсныг илрүүлжээ.
Ийнхүү орон нутгийн замд байнгын хяналтын пост ажилласнаар гэмт хэрэг, зөрчлөөс урьдчилан сэргийлэх, иргэдийн амь нас, эрүүл мэнд, эд хөрөнгийг хамгаалахад үр дүнтэй юм. Хяналтын постуудын үйл ажиллагааг ЦЕГ-ын Шуурхай удирдлагын төвд цахим сүлжээгээр хянаж, мэдээллийг шуурхай дамжуулан, мэргэжлийн удирдлагаар хангаж ажиллаж байгаа юм.
-
2017 оны 10 сарын 20
Төв аймгийн Цагдаагийн газрын Лүн сум дахь байнгын хяналтын пост 24 цагаар
-
2017 оны 10 сарын 20
Хууль зүй, дотоод хэргийн
-
2017 оны 10 сарын 20
Хойд эцэгтээ хүчиндүүлсэн гэх таван настай охиноос Шүүхийн шинжилгээний үндэсний хүрээлэн шаардлагатай
-
2017 оны 10 сарын 20
Засгийн газрын анхны хуралдааныг өнөөдөр 12:00 цагаас зохион байгуулахаар болсон байна. Хуралдаанаар нэгдүгээрт сахилга хариуцлагын асуудлыг, хоёрдугаарт өвөлжилтийн бэлтгэл ажлыг хэлэлцэхээр болжээ.
Нийт нутаг дэвсгэрийн 80 орчим хувьд нь буюу Архангай аймгийн 17 сум, Баян-Өлгий аймгийн 9 сум, Баянхонгор аймгийн 19 сум, Булган аймгийн 12 сум, Говь-Алтай аймгийн 17 сум, Говьсүмбэр аймгийн 3 сум, Дархан-Уул аймгийн 4 сум, Дорнод аймгийн 2 сум, Дорноговь аймгийн 7 сум, Дундговь аймгийн 9 сум, Завхан аймгийн 22 сум, Орхон аймгийн 2 сум, Өвөрхангай аймгийн 17 сум, Өмнөговь аймгийн 11 сум, Сүхбаатар аймгийн 4 сум, Сэлэнгэ аймгийн 7 сум, Төв аймгийн 22 сум, Увс аймгийн 18 сум, Ховд аймгийн 16 сум, Хөвсгөл аймгийн 19 сум, Хэнтий аймгийн 10 сум гантай, гандуу (нийт 15 аймгийн 94 сум гантай, 21 аймгийн 153 сум гандуу) зэрэглэлд хүрээд байгаа юм гэж Онцгой байдлын ерөнхий газраас мэдээллээ.
-
2017 оны 10 сарын 20
Гантай болон гандуу аймаг, сумын нутаг дэвсгэрт өвс хадлан бэлтгэх боломжгүй болсон, аюулгүйн нөөцөд өвс, тэжээл бэлтгэх санхүүгийн бэрхшээл гарсан, мал сүрэг тарга хүчээ дутуу авсан, улаан буудай, тэжээлийн таримал ургамлын ургац буурсан, малын усан хангамж дутагдсан, үлийн цагаан оготно, царцаа ихэссэн, өөрийн болон зэргэлдээ аймаг, сумдад отор нүүдэл хийх зэрэгт хүндрэлтэй нөхцөл байдал үүсээд байна.
Нийт мал сүргийн 60 орчим хувь нь дундаас доош тарга хүч авсан нь зуны ихэнх хугацаанд гантай, гандуу байсантай холбоотой юм.
2017-2018 онд урьдчилсан байдлаар 1629 багийн 177480 өрхөд 65.9 сая толгой мал өвөлжиж, хаваржихаар байна.
Засгийн газрын 186 дугаар тогтоолоор аймаг, сумын аюулгүйн нөөцөд 30.8 мянган тонн өвс, 11.7 мянган тонн тэжээл бэлтгэхээс одоогийн байдлаар 12.4 мянган тонн өвс буюу 40.2 хувьтай, 2.5 мянган тонн тэжээл буюу 21.1 хувьтай бэлтгэжээ.
Малчдын түвшинд 712.3 мянган тонн өвс, 816.0 тонн сүрэл, 6266.4 тонн ногоон тэжээл, 6528.3 тонн үйлдвэрийн тэжээл, 28.5 мянган тн гар тэжээл, 289.8 тонн дарш, 37.3 мянган тонн давс, хужир бэлтгэж, бэлтгэл ажил 57.9 хувьтай байна гэж Онцгой байдлын ерөнхий газраас мэдээллээ.
-
2017 оны 10 сарын 20
Нийтийн тээврийн салбарт удахгүй томоохон өөрчлөлт хийгдэх гэж байна. Энэ бол ”Тусгай замын автобусны төсөл” юм. Өнөөдрийн байдлаар Улаанбаатар хотын замын хөдөлгөөнд оролцож буй нийт тээврийн хэрэгслийн 1 хүрэхгүй хувийг нийтийн тээврийн хэрэгсэл эзэлж байгаа ч нийт иргэдийн 60 гаруй хувь буюу өдөрт 700 мянга, жилд 284,9 сая зорчигч тээвэрлэж байна.
2014 оны байдлаар Монгол улсын хэмжээнд 736.2 мянган тээврийн хэрэгсэл бүртгэлтэй байгаагаас 62.1 % нь буюу 441.8 мянган тээврийн хэрэгсэл Улаанбаатар хотод бүртгэгдэж, өдөрт 200.0 мянган тээврийн хэрэгсэл замын хөдөлгөөнд оролцож байгаа нь нийтийн тээврийн салбарын хувьд толгой өвтөгсөн асуудал болоод байна. Хэрэв энэ өсөлтийг сааруулах ямарваа арга хэмжээ авахгүй бол 2020 он гэхэд Улаанбаатар хотын нийт тээврийн хэрэгслийн тоо 970.0 мянган хүрэх юм. Гэхдээ энэ өсөлт нийтийн тээврийн салбарт төдийлөн нөлөөлөхгүй учраас нийтийн тээврийн асуудал улам л хүндрэх төлөв байдал ажиглагдаж байна. Тэгвэл энэ хүндрэлээс гарах арга замыг дэлхийн олон оронд нэвтрүүлж, ашиглаж байгаа тусгай замын автобусыг нийтийн тээвэрт нэвтрүүлсэнээр зорчих хугацаа 20-40 хувь буурахаас гадна байршил тодорхойлох бүртгэл, хяналтын GPS систем бүрэн нэвтэрч, иргэдэд хямд өртөгтэй үйлчилгээ үзүүлэхийн зэрэгцээ энэ салбарт зарцуулж байгаа үргүй зардлууд хэд дахин буурна. Мөн хүрээлэн буй орчинд үзүүлж буй сөрөг нөлөө ч 70-80 хувиар буурна гэсэн урьдчилсан тооцоо байна.
”Тусгай замын автобусны төсөл”-ийг АХБ-аар дамжуулан БНХАУ-ын засгийн газраас техникийн туслалцаатайгаар, санхүүжүүлж нийтийн тээврийн салбарт хэрэгжүүлэх бөгөөд төслийн хүрээнд хотын босоо тэнхлэгт нийт 42,5 км замыг барьж байгуулах, 57 км замыг засварлах, 10 уулзварт өргөтгөлийн ажлууд хийгдэхээс гадна 146 тусгай замын автобус нийтийн тээврийн үйлчилгээнд оролцоно.
2023 он хүртэл хэрэгжих энэ төслийн хэрэгжилт, явцын талаар НИТХ-ын дарга С.Амарсайхан холбогдох албаны хүмүүсийг хүлээн авч уулзлаа. Тэрээр нийтийн тээврийн салбарт олон шинэ хуудас нээх, аюулгүй тохь тухтай, ухаалаг систем нэвтрүүлэх энэ төслийн хэрэгжилтийг дэмжиж хамтарч ажиллахаа мэдэгдлээ Нийслэлийн иргэдийн төлөөлөгчдийн хурлын хэвлэл мэдээллийн албанаас мэдээллээ.
-
2017 оны 10 сарын 20
МЕНИНГОКОККЫН ХАЛДВАРААС УРЬДЧИЛАН СЭРГИЙЛЭХ ЗӨВЛӨМЖ
-
2017 оны 10 сарын 20
”Иргэн бүр эрсдэлгүй орчин” байгаль орчны хяналтын сарын аяны хүрээнд ХУД дэх Мэргэжлийн хяналтын хэлтсийн улсын ахлах байцаагчид хамтран шөнийн эргүүл хийжээ.
Шалгалтаар тусгай зөвшөөрөл нь цуцлагдсан “Бат-Адар” ХХК нь хайрга шигшиж байсан зөрчлийг илрүүлсэн байна. Тус компанийн үйл ажиллагааг холбогдох хууль тогтоомжийн дагуу шалгаж үйл ажиллагааг нь зогсоожээ.
Хяналт шалгалт үргэлжилж байна.
-
2017 оны 10 сарын 20
-Хор тайлагч-
Айлсан ирж буй өвлийн улирлыг сануулах мэт Улаанбаатар хотод утаан хөшиг татаж эхэллээ. Агаарын бохирдлоос үүдэлтэй элдэв янзын өвчлөл нэмэгдэж, том томуу төст өвчний гаралт ихсэж буйг мэргэжлийн эмч нар анхааруулж байна. Тэгвэл утаанд хордохгүй, агаарын бохирдлоос үүдэлтэй өвчинд нэрвэгдэхгүй байх боломжийг чацарганы 100 хувь цэвэр охь “Хуба хаяа” брэнд олгож байгаа юм. “Хуба хаяа”-гийн таван ид шидийн нэг нь яах аргагүй ХОР ТАЙЛАХ үйлчилгээ нь билээ.
Байгалийн цэвэр чацаргана жимсийг ямар ч хольцгүйгээр савладгаараа “Хуба хаяа” бусад ижил төрлийн бүтээгдэхүүнээс ялгардаг. Үүн шигээ хор тайлах үйлчилгээ нь ч бусдаасаа хавьгүй өндөр байдгийг эмч, мэргэжилтнүүд зөвлөж байна. Учир нь “Хуба хаяа”-гийн үндсэн түүхий эд болох чацаргана жимс нь хорт нэгдлийг саармагжуулах онцгой үйлчилгээтэйг “Хуба хаяа”-гийн зөвлөх инженер Д.Ганзориг хэлсэн юм. Тэрээр “Хоол хүнс, хүрээлэн байгаа орчноос авч байгаа бүх төрлийн хорыг тайлах чадвар чацаргана жимсэнд бий. Биологийн идэвхт бодисууд нь хорт хавдрын нянг дарангуйлж, энэ өвчнөөс ч урьдчилан сэргийлдэг” гэж байв.
Чацарганы энэхүү хор тайлах үйлчилгээ нь агаарын бохирдлоос үүдсэн төдийгүй шарталт гээд бүх төрлийн хордлогыг тайлдаг аж. Үүгээр ч зогсохгүй хорт хавдраар өвдсөн хүмүүсийн гол эмчилгээ болдог химийн эмчилгээний явцад цацраг идэвхт бодист хордох нь элбэг байдаг. Тэгвэл энэ төрлийн эмчилгээ хийлгэж байгаа хүмүүс чацаргана жимс, “Хуба хаяа”-г тогтмол хэрэглэвэл цацраг туяаны хордлогыг бууруулахад ихээхэн ач холбогдолтой ажээ.
Хор тайлагч онцгой үйлчилгээтэй чацаргана жимсний 100 хувь цэвэр охь “Хуяа хаяа”-г өдөрт нэг шилийг уухад л элдэв хордлогоос хамгаалах, дархлаагаа сайжруулах бүрэн боломжтой юм.
Танилц: “Хуба хаяа”-гийн таван ид шид-№2
-
2017 оны 10 сарын 20
Хан-Уул дүүрэг дэх Мэргэжлийн Хяналт Цагдаагийн 1-р хэлтэстэй хамтран 2017 оны 10 дугаар сарын 18-ны шөнө Хан-Уул дүүргийн 11-р хороо Зайсан Сарнайх супермаркетын баруун талд байрлах түргэн үйлчилгээний цэгүүдэд хяналт шалгалт хийлээ. Шалгалтаар эрүүл ахуй ариун цэврийн шаардлага хангахгүй нөхцөлд түргэн гэмтэх бүтээгдэхүүн, хагас боловсруулсан хүнсийг печинд халааж худалдсан, зөвшөөрөлгүй цэгт тамхи худалдан борлуулсан зэрэг зөрчлийг илрүүлж хүнсний бүтээгдэхүүн, утаат тамхийг хураан авч ажиллалаа. Хяналт шалгалт үргэлжилж байна.
-
2017 оны 10 сарын 20
“Хангарьд” ордны наймдугаар давхарт байрлах нийслэлийн Нийтлэг үйлчилгээний газрын дарга болон нэр бүхий хүмүүсийг АТГ-ынхан саатуулжээ. Өчигдөр АТГ-ынхан тус ажлын байранд нэгжлэг шалгалт хийжээ.
-
2017 оны 10 сарын 20
Монгол Улсын Ерөнхийлөгчийн санаачилгаар Агаарын бохирдлыг бууруулах Үндэсний чуулганыг Монгол Улсын Ерөнхийлөгчийн Тамгын газраас Орчны бохирдлыг бууруулах үндэсний хороо, БОАЖЯ, ЭМЯ, Эрчим хүчний яам, Барилга, хот байгуулалтын яам, Нийслэлийн Засаг даргын Тамгын газар, Дэлхийн эрүүл мэндийн байгууллагатай хамтран 2017 оны 10 дугаар сарын 23-ны өдөр зохион байгуулах гэж байна.
Үндэсний чуулганы өмнө Ерөнхийлөгчийн дэргэдэх Иргэний танхимд 3 удаа салбар хуралдаан, хэлэлцүүлэг болох юм.
Өчигдөр буюу 10 дугаар сарын 18-нд “Гэр хороололд үүсч буй агаарын бохирдол, түүнийг шийдвэрлэх арга зам” сэдвээр салбар хуралдаан хийсэн бол өнөөдөр буюу 19-ний өдөр “Тээврийн хэрэгсэл, орчны бохирдлоос үүсч буй агаарын бохирдол, түүнийг шийдвэрлэх арга зам” сэдэвт салбар хуралдаан зохион байгууллаа. Маргааш, 20-ны өдөр “Төвлөрлийг сааруулах, түүнийг шийдвэрлэх арга зам” сэдвээр салбар хуралдаан, хэлэлцүүлэг хийнэ.
Өнөөдөр болсон “Тээврийн хэрэгсэл, орчны бохирдлоос үүсч буй агаарын бохирдол, түүнийг шийдвэрлэх арга зам” салбар хуралдааныг нээж Монгол Улсын Ерөнхийлөгчийн Байгаль орчин, хот, хөдөөгийн хөгжлийн бодлого, агаарын бохирдлын асуудал хариуцсан зөвлөх Д.Пүрэвдаваа хэлэхдээ “Гэр хорооллын яндангийн утаанаас гадна агаар бохирдуулагч нэг эх үүсвэр нь авто тээврийн хэрэгсэл юм. Улаанбаатар хотод 2016 онд 439 мянга гаруй тээврийн хэрэгсэл тоологдсон бөгөөд эдгээрээс ялгарч байгаа угаарын хий нь нийслэлийн агаарын бохирдлын 10 хувийг эзэлж байна. Нийт авто тээврийн хэрэгслийн 60 гаруй хувь нь 10-аас дээш жилийн насжилттай, удаан эдлэгдсэн хуучин машин байгаа нь илүү их бохирдол үүсгэхэд нөлөөлж байна.
2017 оны байдлаар Улаанбаатар хотод 380 мянга орчим өрх амьдардгаас 210 мянга орчим өрх инженерийн төвлөрсөн шугам сүлжээнд холбогдоогүй гэр хороололд амьдарч байгаагаас шалтгаалж муу усны цооног, бие засах газар, ил задгай хог хаягдлын хэмжээ төдий хэмжээгээр нэмэгдэж, хотын агаар, ус, хөрсний бохирдлыг ихэсгэх гол хүчин зүйл болж байна.
Агаар орчны бохирдолд санаа зовнидог, бууруулах чиглэлд сэтгэл зүтгэлээ зориулж үйл ажиллагаа эрхлэгчид, эрдэмтэн судлаачид та бүхэн салбрт тулгамдаж буй асуудал, өнөөдрийн бэрхшээл, нөхцөл байдлыг бодитой үнэлж, цаашид хээргжүүлэх арга замыг хэлэлцэн ажлын уялдаа холбоогоо бэхжүүлэхэд чухал арга хэмжээ болно гэдэгт итгэлтэй байна” гэлээ.
Уг салбар хуралдаанаар “Агаарын бохирдлыг бууруулах зорилтын хүрээнд Улаанбаатар хотын нийтийн аж ахуйн чиглэлээр хэрэгжүүлж буй ажлууд, цаашдын зорилт”, “Агаарын бохирдол, эрүүл мэнд”, “Улаанбаатар хотын агаарын чанарын хяналт, шинжилгээ”, “Хотын экологийн систем, түүний өнөөгийн байдал, цаашид авах арга хэмжээ”, “Улаанбаатар хотын агаар дахь тоосонцорын РМ2.5-ийн судалгаа”, “Улаанбаатар хотын хөрсний бохирдлын судалгаа”, “Улаанбаатар хотын тоосонцорын бохирдлыг бууруулах сайжруулсан зуухны хөтөлбөр”, “Агаар, орчны бохирдлыг бууруулах чиглэлээр нийслэлийн Тааврийн газраас хэрэгжүүлж буй арга хэмжээ”, “Өндөр технологи ашиглан авто машинаас ялгарах утааг бууруулах нь” зэрэг сэдвээр илтгэл сонсч хэлэлцүүлэг өрнүүлэв.
Энэхүү хэлэлцүүлэгт Улаанбаатар хотын захирагчийн ажлын албаны ерөнхий менежер бөгөөд Захирагчийн ажлын албаны дарга Т.Гантөмөр, ЗТХЯ-ны газрын ахлах мэргэжилтэн Э.Мөнхнасан, ЭМЯ-ны Нийгмийн эрүүл мэндийн үндэсний төвийн Орчны эрүүл мэндийн албаны дарга А.Энхжаргал, Цаг уур, орчны шинжилгээний газрын мэргэжилтэн Б.Цацрал, МХЕГ-ын Дэд бүтцийн хяналтын газрын Зам тээвэр, холбоо мэдээллийн асуудал хариуцсан хэлтсийн дарга Ш.Амгаланбаяр, МУИС-ийн Хэрэглээний шинжлэх ухаан, инженерчлэлийн сургуулийн Хүрээлэн буй орчин, ойн инженерчлэлийн тэнхимийн дэд профессор Ч.Сономдагва, ШУА-ийн эрдэм шинжилгээний ажилтан О.Батхишиг, Монгол-Германы Ашигт малтмал, технологийн их сургуулийн ахлах судлаач С.Лодойсамба, Нийслэлийн Тээврийн газрын дарга Х.Булгаа нарын зэрэг хүмүүс оролцож илтгэл хэлэлцүүллээ.
Салбар хуралдаанд оролцогчид тээврийн хэрэгслийг хийн болон цахилгаан эх үүсвэртэй болгох, ногоон байгууламжийг нэмэгдүүлэх, зүлэгжүүлэх боломжгүй элэгдэлд орсон газруудыг өнгөт хавтангаар хучих, ухаалаг тээврийн хэрэгсэл нэвтрүүлэх, автобусны янданд шүүлтүүр суулгах, гэр хорооллын өрхүүд гүн боловсруулсан нүүрс түлшиндээ хэрэглэх зэрэг аргаар агаар, орчны бохирдлыг бууруулах боломжтой хэмээж байлаа.
Нийтийн тээврийн хэрэгсэлд парк шинэчлэлт хийх, насжилт өндөр, утаа их хаядаг машинуудыг хэрэглээнээс гаргах, сайн чанарын шатахуун хэрэглэх, хүчилтөрөгч дутсанаас дутуу шаталт үүсдэгийг анхаарах зэргээр тээврийн хэрэгслээс үүсч байгаа агаар, орчны бохирдлыг бууруулж болно гэдгйиг судлаач, мэргэжилтнүүд хэлж байв.
-
2017 оны 10 сарын 20
Булган аймгийн Баяннуур сумын замын хяналтын постод үүрэг гүйцэтгэж байсан эрүүгийн мөрдөгч, цагдаагийн дэд хурандаа Т.Норпил,
-
2017 оны 10 сарын 20
09:30 цагт
Соёлын бүтээлч үйлдвэрлэлийн үндэсний хэмжээний уулзалт Бишрэлт зочид буудалд болно.
-
2017 оны 10 сарын 20
“Залуусаа нэмье” өдөрлөг болно
-
2017 оны 10 сарын 20
”Оргил рашаан сувилал” дуудлага худалдаагаар хувьчлагдсаныг зарлав. Ингэхдээ зарлагдсан үнийг нь гурван тэрбум төгрөгөөр өсгөж худалдаж авсаныг тодотгожээ. Хувьчлах асуудлыг нэлээд хэдэн жилийн өмнөөс ярьж, улс төрчдийн халаасанд орох гэж байна хардаж, ажилчид нь сувиллын барилга, газар нэгээрээ ор танихгүй хүний мэдэлд орж байгааг сануулсаар өдийг хүрсэн тус сувилал Д.Ганбат гэж хүний мэдэлд орсон байна.
