-
2016 оны 4 сарын 30
Монгол, Хятадын авто замын хилийн боомтууд Олон улсын хөдөлмөрчдийн баярыг тохиолдуулан тавдугаар сарын нэгэнд амарна.
Харин тавдугаар сарын 2-ноос эхлэн цагийн хуваарийн дагуу ажиллана. “Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын Засгийн газар хоорондын хэлэлцээр”-т заасны дагуу ийн амрах аж.
Олон улсын хөдөлмөрчдийн баяр буюу тавдугаар сарын нэгний өдөр Монгол, Хятадын төмөр замын боомтууд Олон улсын галт тэрэгний цагийн хуваарийн дагуу иргэдэд үйлчлэх юм байна.
-
2016 оны 4 сарын 30
Халз барилдаан маргааш болно
-
2016 оны 4 сарын 30
Дархлааны системийг дэмжигч, олон олон витамины цуглуулга луувангийн шүүсийг ууж эхлэх шалтгаануудыг энд тоочиж байна.
Луувангийн шүүсийг ногооны шүүснүүдийн хаан гэж нэрлэж болно. Энэ нь амин дэм, бичил элементээр баялаг ундаа ба хаврын улиралд бие ядран сульдах үед эрч хүч сэлбэх, хүүхдийн дархлаа сайжруулах ид шидтэй эд юм. Сүүлийн үед та бид дархлаа сайжруулах эм, лаа, витамин гэх мэт химийн найрлага орсон бэлдмэлүүдийг ихээр хэрэглэх болсон. Яагаад дэлгүүр, хүнсний захын лангуун дээр хямд үнээр зарагддаг хүнсний ногоогоор бид эрүүл мэндээ хамгаалж болохгүй гэж. Иймд дархлааны системийг дэмжигч, олон олон витамины цуглуулга луувангийн шүүсийг ууж эхлэх шалтгаануудыг энд тоочихоор шийдлээ.
1. Дархлааг дэмжинэ. 100 гр луувангийн шүүсэнд витамин С -3 мг, бета-каротин 2.1 г, витамин А 350 мкг , витамин РР 0.2 мг, витамин Е нь 0.3 мг хүртэл агуулагддаг ба мөн төмөр, фосфор, кали, кальци, натри, магнигаар баялаг байдаг. Эдгээр нь түргэн тусламжийн үед зайлшгүй шаардлагатай байдаг амин дэмүүдэд багтдаг юм.
2. Хараа муудах асуудлаас ангижрана. Бага наснаас эхлэн та бид хараа сайжирна, витамин A аар баялаг хэмээн лууванг их иддэг байж. Харин сүүлийн үед хүүхдүүд лууванд их дургүй болж. Энэ нь бид луувангийн шүүс байтугай луувангаа ч хоол хүнсэндээ бага хэрэглэдэгтэй холбоотой. Ялангуяа хавтгай дэлгэцэнд донтдог цаг үе болсонтой холбоотойгоор бид лууванг, түүний шүүсийг урд урьдныхаасаа илүү их хэрэглэх хэрэгтэй.
3. Хорт хавдраас урьдчилан сэргийлнэ. Өдөр бүр 2,5 кг луувангийн шүүсийг хэрэглэсээр ходоодны хорт хавдрын 4р шатанд байсан нэгэн бүсгүй эдгэрсэн тухай нэгэн номноос уншиж байснаа саналаа. Химийн эмчилгээ хийлгэлгүй зөвхөн луувангийн шүүс уусаар эсүүд нь хэвэндээ орж, хавдрын ургалт нь зогссон гэдэг. Лууваншийн шүүс нь антиоксидантаар баялаг, чєлєєт радикалд дутагдаж байгаа электроныг нєхєж єгдөг, тухайн эсийг ч, организмыг ч бvхэлд нь аюулгvй болгож хамгаалдаг шидтэй юм.
4. Элэг сэргээдэг. Тогтмол луувангийн шүүс хэрэглэж байх нь таны элэгний үйл ажиллагаанд ихээхэн тусалдаг. Энэ нь цэвэрлэгээний болон хоргүйжүүлэх шинж чанартай байдаг.
Та нэг аяга шүүсэндээ чидун жимсний тос болон цөцгийнөөс нэг халбага нэмж хэрэглээрэй. Учир нь луувангийн шүүсэнд агуулагдах зарим амин дэмүүд тосонд задардаг учиртай юм.
5. Арьсны байдлыг сайжруулна. А аминдэмийн дутагдалтай байх нь арьсанд шууд нөлөөлдөг. Арьсны зарим хэсэгт жижиг хэмжээтэй шарх, улайлт үүсэж мөн хуурайшдаг. Та өдөр бүр луувангийн шүүс ууснаар эдгээр асуудлыг хурдан шийдвэрлэж чадна. Мөн луувангаар маск бэлдэж хэрэглэвэл маш үр дүнтэй байдаг.
6. Зүрхийг тэтгэнэ. Луувангийн шүүсэн дахь витамин нь өвөрмөц хослолуудыг агуулдаг ба цусан дахь холестерины түвшинг бууруулж судасны хана хатуурах, судасны нарийсалын эсрэг эмчилгээнд тустай, зүрхний үйл ажиллагааг сайжруулдаг. Луувангаа шүүс хэлбэрт оруулан хэрэглэх нь нэн чухал юм шүү.
7. Мэдрэлийн судлуудыг бэхжүүлдэг. Сонирхолтой улбар шар өнгөнөөс нь эхлэн сэтгэл санааны байдал сайжирч эхэлдэг гэнэ. A амин дэмээр баялаг луувангийн шүүс нь хүний аз жаргалын даавар буюу endorphins.ыг ихээр дэмждэг ба шүүсэнд нь агуулагдах бусад бодисууд мэдрэлийн системд ашигтай нөлөөг үзүүлдэг байна.
Анхааруулга: Луувангийн шүүс нь хоол боловсруулах эрхтэний эмгэгтэй болон чихрийн шижинтэй өвчтөнд эсрэг заалттай байдаг.
Луувангийн шүүсийг өдөрт 250 мл-ээс илүүг хэрэглэж болохгүйг анхаарна уу. Шинэ луувангийн шүүсийг зөвхөн 1 цаг хөргөгчинд хадгалж болно. Мөн шүүсээ буцалсан усаар шингэлж хүүхдүүддээ өгөөрэй.
Хоолондоо лууванг хэрэглэхдээ тосонд хамгийн түрүүнд хуурч улаан шар өнгийг нь гаргаж байгаарай. Энэ нь лууван дахь амин дэм тосонд задардагтй холбоотой юм шүү.
-
2016 оны 4 сарын 30
МАРГААШНААС ЭХЛЭН ЗАМЫН ЦАГДААГИЙН БАРУУН УРД УУЛЗВАРААС БАЯНМОНГОЛ ХОРООЛЛЫН УУЛЗВАР ХҮРТЭЛХ ЗАМЫГ ТҮР ХААНА
Мэдээ, мэдээлэл Цаг үеийн мэдээ
2016-04-28 17:20:29
Их Монгол Улсын гудамжны 2.1 км авто замын өргөтгөл шинэчлэлтийн ажлын хүрээнд Замын Цагдаагийн баруун урд уулзвараас Баянмонгол хорооллын уулзвар хүртэлх замын хөдөлгөөнийг түр хугацаагаар хааж хучилтын ажил хийнэ. Тодруулбал, Замын Цагдаагийн баруун урд уулзвараас Баянмонгол хорооллын уулзвар хүртэлх хэсгийн хөдөлгөөнийг 04 сарын 29-ний 00:00 цагаас 05 сарын 01-ний 23:00 цагийн хооронд, Замын Цагдаагийн баруун урд уулзварыг 04 сарын 29-ний 22:00 цагаас 04 сарын 30-ны 10:00 цагийн хооронд тус тус хэсэгчлэн хаах тул дээрх хугацаанд Та бүхэн өөр замыг сонгон зорчино уу.
Энэхүү хязгаарлалтай холбогдуулан нийтийн тээврийн үйлчилгээний нийт 4 чиглэл буюу Ч:10 ”Ганц худаг-Сансар-Баянмонгол хороолол-Мишээл экспо”, Ч:28 ”Сэлх-7 буудал-Ард кино театр-Ривер гарден хороолол”, Ч:32 ”Улиастай-Баянмонгол хороолол-ТЭЦ3”, Ч:44 ”Нарангийн гол-ТЭЦ3-Дүнжингарав худалдааны төв” чиглэлүүдийн замналд өөрчлөлт ороод байна. Дээрх чиглэлүүдийн нийт 39 тээврийн хэрэгсэл Үндэсний цэцэрлэгт хүрээлэнгийн замаар үйлчилнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 30
4,9 тоогоор төгссөн тээврийн хэрэгслийн татвар төлөх хуулийн хугацаа дуусахад цөөн хоног үлдлээ
-
2016 оны 4 сарын 30
Маргааш хүүхдийг зодож шийтгэхийн эсрэг өдөр тохионо
-
2016 оны 4 сарын 30
Маргаашнаас иргэдийн шилжилт хөдөлгөөнийг хоёр сарын хугацаанд зогсооно. Энэ нь Монгол улсын Cонгуулийн тухай хуулийн 66.1 дэх хэсэгт иргэдийн засаг захиргааны нэг нэгжээс өөр нэгжид шилжин суурьших хөдөлгөөнийг санал авах өдрөөс 60 хоногийн өмнө түр зогсоож, санал авах өдрийн дараах өдөр сэргээнэ гэж заасан дагуу зохицуулагдаж байгаа юм.
УИХ-ын ээлжит сонгуулийг зургадугаар сарын 29-ний өдөр товлоод байгаа учраас маргааш буюу дөрөвдүгээр сарын 30-ний өдрөөс иргэдийн шилжин суурьших хөдөлгөөнийг түр зогсоож байгаа юм.
-
2016 оны 4 сарын 30
2016 оны 05 дүгаар сарын 01-нээс 05 дугаар сарын 05-ныг хүртэлх
цаг агаарын урьдчилсан төлөв:
1-нд ихэнх нутгаар, 2-нд зүүн зүгийн нутгаар, 3-нд баруун болон төвийн нутгийн хойд хэсгээр, 4-нд зарим газраар бороо, уулархаг нутгаар нойтон цас орно. Салхи 1-нд нутгийн зүүн хагаст секундэд 18-20 метр, 3-4-нд зарим газраар секундэд 14-16 метр хүрч шороон шуурга шуурна. Ихэнх нутгаар сэрүүсч Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Халх голын хөндийгөөр шөнөдөө 1-6 градус хүйтэн, өдөртөө 4-9 градус, говийн бүсийн нутгийн өмнөд хэсгээр шөнөдөө 3-8 градус, өдөртөө 13-18 градус, бусад нутгаар шөнөдөө 2 градус хүйтнээс 3 градус дулаан, өдөртөө 8-13 градус дулаан байна. 3-нд ихэнх нутгаар дулаахан байна.
-
2016 оны 4 сарын 30
Үс шинээр үргээлгэх буюу засуулбал эд эдлэл олдоно
-
2016 оны 4 сарын 30
БАРУУН АЙМГУУДЫН НУТГААР: Үүлэрхэг. Ихэнх нутгаар хур тунадас, уулархаг нутгаар нойтон цас орно. Салхи баруун өмнөөс хойш эргэж секундэд 7-12 метр, өдөртөө зарим газраар секундэд 18-20 метр хүрч шороон шуурга шуурна. Сэрүүсч Алтай, Хангайн уулархаг нутгаар шөнөдөө 2 градус хүйтнээс 3 градус дулаан, өдөртөө 3-8 градус, Алтайн өвөр говиор шөнөдөө 10-15 градус, өдөртөө 20-25 градус, бусад нутгаар шөнөдөө 3-8 градус, өдөртөө 8-13 градус дулаан байна.
ТӨВИЙН АЙМГУУЫН НУТГААР: Үүлшинэ. Шөнөдөө нутгийн хойд хэсгээр, өдөртөө зарим газраар хур тунадас орно. Салхи баруун өмнөөс зүүн хойш эргэж секундэд 7-12 метр, өдөртөө нутгийн өмнөд хэсгээр секундэд 18-20 метр хүрч шороон шуурга шуурна. Шөнөдөө Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр шөнөдөө 2 градус хүйтнээс 3 градус дулаан, бусад нутгаар 2-7 градус, өдөртөө Хангай, Хөвсгөлийн уулархаг нутгаар сэрүүсч 6-11 градус, бусад нутгаар 12-17 градус дулаан байна.
ЗҮҮН АЙМГУУДЫН НУТГААР: Үүлшинэ. Шөнөдөө бороо орохгүй. Өдөртөө нутгийн баруун хэсгээр бороо орно. Салхи баруун өмнөөс секундэд 7-12 метр, өдөртөө зарим газраар секундэд 14-16 метр хүрч шороон шуурга шуурна. Шөнөдөө 1-6 градус, өдөртөө 18-23 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөд хур тунадас орохгүй, өдөртөө бага зэргийн хур тунадас орно. Салхи баруунаас секундэд 7-12 метр. Шөнөдөө 3-5 градус, өдөртөө 18-20 градус дулаан байна.
ГОВИЙН АЙМГУУДЫН НУТГААР: Солигдмол үүлтэй. Бороо орохгүй. Салхи баруун өмнөөс секундэд 7-12 метр, шөнөдөө Арцбогдын өвөр хоолойгоор, өдөртөө ихэнх нутгаар секундэд 18-20 метр хүрч шороон шуурга шуурна. Дундговийн нутгаар шөнөдөө 6-11 градус, өдөртөө 17-22 градус, бусад нутгаар шөнөдөө 9-14 градус, өдөртөө 22-27 градус дулаан байна.
УЛААНБААТАР ХОТ: Үүлшинэ. Хур тунадас орохгүй. Салхи баруун өмнөөс секундэд 7-12 метр, өдөртөө зүүн хойш эргэж түр зуур секундэд 18-20 метр хүрч шороон шуурга шуурна. Шөнөдөө 4-6 градус, өдөртөө 14-16 градус дулаан байна.
-
2016 оны 4 сарын 29
Монгол, Хятадын авто замын хилийн боомтууд Олон улсын хөдөлмөрчдийн баярыг тохиолдуулан тавдугаар сарын нэгэнд амарна.
-
2016 оны 4 сарын 29
Р.Отгонтулга: Иргэн н.Цээпил 400 сая төгрөгийн азтан биш
2016 / 04 / 29 | 17:08 | Нийтэлсэн: Ч.Ариунболд | 0
НӨАТ-ын урамшуулал сугалааны Супер азтан буюу 400 сая төгрөгийн азтанаар тодорсон гэх өргөдлийг хоёр иргэнээс ГТЕГ-т ирүүлсэн талаар өнөөдөр НӨАТУС-ын нэгжийн захирал Р.Отгонтулга мэдээлэв.
НӨАТ-ын сугалааны анхны супер азтан буюу 400 сая төгрөгийн баримт гуравдугаар сарын 20-нд тодорсон. Гэвч тухайн үед баримтыг www.ebarimt.mn цахим хуудсанд бүртгүүлээгүй байсан бөгөөд хуулийн дагуу 3 сарын дотор ГТЕГ-т шагналаа авах хүсэлтээ ирүүлэх ёстой. Харин энэ сард хоёр иргэнээс ГТЕГ-т 400 сая төгрөгийн эзнээр тодорсон тухай хүсэлт ирсэн.
Сугалаагаар хоёр азтан тодрох боломжгүй. Өөрөөр хэлбэл, сугалааны дугаараас гадна QR код баримтыг баталгаажуулж байгаа тул давхардах боломж байхгүй. Өргөдөл өгсөн эхний иргэн буюу н.Алтанзулын баримтын QR код элэгдлээс болж арилсан байсан тул лабораторит шинжилгээнд илгээжээ. Шинжилгээний хариу ирэх долоо хоногт гарах бөгөөд тухайн үед нь нийтэд мэдээлэх болно хэмээн Р.Отгонтулга захирал хэллээ.
Тэрбээр, “Хоёр дахь хүсэлт буюу иргэн н.Цээпилийн баримтын QR код сугалаанд хожсон баримттай нийцээгүй. Тиймээс н.Цээпил албан ёсны азтан биш гэсэн дүгнэлтэд хүрсэн. QR код давтагдашгүй бөгөөд зөвхөн ГТЕГ-аас мэдээллийн сангаас л гарах боломжтой. Бусад газарт дуурайлгах боломжгүй” хэмээв.
Мөн хуурамч баримт ирүүлсэн тохиолдолд хуулийн байгууллагуудаас шалгалт хийж, гэмт хэрэг, зөрчлийн шинжийг судлан хуулийн хариуцлага хүлээлгэнэ гэдгийг ГТЕГ-ын Хуулийн хэлтсийн дарга Б.Доржсүрэн хэллээ.
НӨАТ-ын тухай хуулийн шинэчилсэн найруулга хэрэгжиж эхэлснээс хойш нийт 9 удаагийн сугалаа зохион байгуулж 94 мянга гаруй азтан тодорчээ. Эдгээр иргэд 3.8 тэрбум төгрөг хожсон бөгөөд одоогоор 986 сая төгрөг азтануудын дансанд шилжээд байна.
-
2016 оны 4 сарын 29
Шаардлага хангахгүй хайс хашлагыг засварлах, буулгах ажлыг хийж байна
-
2016 оны 4 сарын 29
НИЙСЛЭЛИЙН ЗАРИМ ЕРӨНХИЙ БОЛОВСРОЛЫН СУРГУУЛИЙН ЗАХИРАЛ,
ЦЭЦЭРЛЭГИЙН ЭРХЛЭГЧИЙН АЛБАН ТУШААЛД ТОМИЛОГДОХ ИРГЭНИЙ
СОНГОН ШАЛГАРУУЛАЛТЫН УРИЛГА
Нэг.Нийтлэг зүйл
1.1. Төрийн үйлчилгээний албаны удирдах албан тушаалд тавигдах шаардлагыг хангасан төрийн албаны зорилт, чиг үүргийг мэргэжил, мэргэшлийн өндөр түвшинд хэрэгжүүлэх чадвартай удирдах ажилтыг сонгон шалгаруулах зорилготой.
1.2. Боловсролын тухай хуулийн 281 дугаар зүйлийн 281.1.7, Төрийн албаны зөвлөлийн 2013 оны 60 дугаар тогтоол “Төрийн үйлчилгээний албаны удирдах албан тушаалд томилогдох ажилтныг сонгон шалгаруулах журам”–ыг тус тус үндэслэн нийслэлийн төрийн өмчийн ерөнхий боловсролын сургуулийн захирлын албан тушаалд 7, цэцэрлэгийн эрхлэгчийн албан тушаалд 14 нийт 21 ажлын байранд томилогдох удирдах ажилтны сонгон шалгаруулалтыг зарлаж байна.
1.2.1. Нийслэлийн ерөнхий боловсролын сургуулийн захирлын албан тушаалд
№ Дүүрэг Албан тушаал
1 Чингэлтэй дүүрэг 138 дугаар сургуулийн захирал
2 Баянзүрх дүүрэг 136 дугаар сургуулийн захирал
3 137 дугаар сургуулийн захирал
4 Сонгинохайрхан дүүрэг 124 дүгээр сургуулийн захирал
5 129 дүгээр сургуулийн захирал
6 Хан-Уул дүүрэг 130 дугаар сургуулийн захирал
7 135 дугаар сургуулийн захирал
1.2.2. Нийслэлийн цэцэрлэгийн эрхлэгчийн албан тушаалд
№ Дүүрэг Албан тушаал
1 Баянгол дүүрэг 88 дугаар цэцэрлэгийн эрхлэгч
2 Сонгинохайрхан дүүрэг 92 дүгээр цэцэрлэгийн эрхлэгч
3 119 дүгээр цэцэрлэгийн эрхлэгч
4 176 дугаар цэцэрлэгийн эрхлэгч
5 214 дугаар цэцэрлэгийн эрхлэгч
6
Баянзүрх дүүрэг 168 дугаар цэцэрлэгийн эрхлэгч
7 210 дугаар цэцэрлэгийн эрхлэгч
8 213 дугаар цэцэрлэгийн эрхлэгч
9 Сүхбаатар дүүрэг 40 дүгээр цэцэрлэгийн эрхлэгч
10 Чингэлтэй дүүрэг 220 дугаар цэцэрлэгийн эрхлэгч
11 Хан-Уул дүүрэг 218 дугаар цэцэрлэгийн эрхлэгч
12 219 дүгээр цэцэрлэгийн эрхлэгч
13 Налайх дүүрэг 153 дугаар цэцэрлэгийн эрхлэгч
14 Багахангай дүүрэг 44 дүгээр цэцэрлэгийн эрхлэгч
1.3. Ерөнхий боловсролын сургуулийн захирал, цэцэрлэгийн эрхлэгчийн албан тушаалд сонгон шалгаруулалт өгөх иргэн нь Боловсрол, Соёл Шинжлэх ухааны сайдын 2010 оны 351 дүгээр тушаалаар батлагдсан ажлын байрны үлгэрчилсэн тодорхойлолтонд тавигдах ерөнхий шаардлага болон томилох эрх бүхий этгээдийн баталсан ажлын байранд тавигдах дараах шаардлагыг хангасан
байна.
1.3.1. Нийслэлийн ерөнхий боловсролын сургуулийн захирлын албан тушаалд:
1.Ажлын байранд тавигдах шаардлага
1.1.Ерөнхий шаардлага: Үзүүлэлт Чухал шаардлагатай Шаардлагатай
Боловсрол Дипломын дээд болон бакалавраас дээш зэрэгтэй байх Магистр болон түүнээс дээш зэрэгтэй байх
Мэргэжил Багш Багш
Мэргэшил Боловсролын менежмент, удирдахуйн ухаан, хүний нөөцийн болон мэдээллийн технологийн чиглэлээр мэргэшсэн
Туршлага
Боловсролын салбарт 5-аас доошгүй жил ажилласан байх Багшлах ба боловсролын удирдлагаар хосолсон дадлага туршлагатай байх
Ур чадвар
· Удирдан зохион байгуулах
· Монгол кирил бичгийн үсгийн дүрмийн шаардлага хангасан, утга зохиолын хэлний хэм хэмжээнд бүрэн нийцсэн бичиг баримт боловсруулах ур чадвартай байх
· Оновчтой зөв шийдвэр гаргах
· Санхүүгийн болон хууль, эрх зүйн тодорхой мэдлэгтэй байх
· Стратегийн болон үйл ажиллагааны хөгжлийн төлөвлөлт хийх
· Судалгаа шинжилгээ хийх
· Багаар ажиллах
· Бусдад нөлөөлөх, бусдын дэмжих, манлайлах
· Компьютерийн хэрэглээний програмуудыг эзэмшсэн
· Мэдээлэл харилцааны технологи ашиглах
Түгээмэл гадаад хэлний аль нэг (хэд хэдэн) гадаад хэлээр мэдээлэл ашиглах, боловсруулах, бичгээр болон амаар харилцах
Мэдээлэл боловсруулах
Судалгаа шинжилгээ хийх
1.2.Тусгай шаардлага:
· Сургуулийн захирлын албан тушаалын сонгон шалгаруулалтад тэнцсэн байх
· Багш, удирдах ажилтны ёс зүйн хэм хэмжээг сахих
· Тусгай хэрэгцээт боловсрол олгох сургуулийн хувьд согогзүйч, сэтгэлзүйч мэргэжилтэй, дохионы хэлний анхан шатны мэдлэгтэй байна.
· Сургуулийнхаа хэв шинжийн онцлогийн талаар зохих мэдлэг, туршлагатай байх
1.3.2. Нийслэлийн цэцэрлэгийн эрхлэгчийн албан тушаалд:
1.Ажлын байранд тавигдах шаардлага 1.1.Ерөнхий шаардлага: Үзүүлэлт Чухал шаардлагатай Шаардлагатай
Боловсрол Дипломын дээд болон бакалавраас дээш зэрэгтэй байх Магистр болон түүнээс дээш зэрэгтэй байх
Мэргэжил Сургуулийн өмнөх боловсролын багш Сургуулийн өмнөх боловсролын багш
Мэргэшил
Сургуулийн өмнөх боловсролын менежмент, удирдахуйн ухаан, хүний нөөцийн чиглэлээр мэргэшсэн
Туршлага
Мэргэжлээрээ 5-аас доошгүй жил ажилласан байх Багшлах ба боловсролын удирдлагаар хосолсон дадлага туршлагатай байх
Ур чадвар
· Удирдан зохион байгуулах
· Оновчтой зөв шийдвэр гаргах
· Санхүүгийн болон хууль, эрх зүйн тодорхой мэдлэгтэй байх
· Стратегийн болон үйл ажиллагааны хөгжлийн төлөвлөлт хийх
· Бусдад нөлөөлөх, бусдыг дэмжих, манлайлах
· Компьютерийн хэрэглээний програмуудыг эзэмшсэн
· Багаар ажиллах
· Соёлтой харилцах
Түгээмэл гадаад хэлний аль нэг(хэд хэдэн) гадаад хэлээр мэдээлэл ашиглах, боловсруулах, бичгээр болон амаар харилцах
Мэдээлэл боловсруулах
Судалгаа шинжилгээ хийх
1.2.Тусгай шаардлага: · Цэцэрлэгийн эрхлэгчийн албан тушаалын сонгон шалгаруулалтад тэнцсэн байх
· Багш, удирдах ажилтны ёс зүйн хэм хэмжээг сахих
· Тусгай хэрэгцээт боловсрол олгох цэцэрлэгийн хувьд согогзүйч, сэтгэл зүйч мэргэжилтэй, дохионы хэлний анхан шатны мэдлэгтэй байна
· Цэцэрлэгийн хэв шинжийн онцлогийн талаар зохих мэдлэг, туршлагатай байх
Хоёр. Сонгон шалгаруулалтад орох иргэдийн бүртгэл
2.1. Сонгон шалгаруулалтад орох иргэдийг Нийслэлийн Боловсролын газрын даргын тушаалаар томилогдсон Сонгон шалгаруулалтыг зохион байгуулах комисс нь 2016 оны 05 дугаар сарын 10, 11-ний өдрүүдийн 09:00-12:30, 13:30-18:00 цагийн хооронд хуваарийн дагуу нийслэлийн үйлчилгээний нэгдсэн төвийн салбарууд дээр бүртгэнэ.
Сонгон шалгаруулалтын бүртгэлийн хуваарь:
№ Дүүрэг Бүртгүүлэх албан тушаал Бүртгэл хийгдэх газар
1 Чингэлтэй дүүрэг 138 дугаар сургуулийн захирал
Нийслэлийн үйлчилгээний нэгдсэн төвийн Баянзүрх дүүрэг дэх Дүнжингарав худалдааны төвийн салбар /ажлын байр-8/
2 Баянзүрх дүүрэг 136 дугаар сургуулийн захирал
3 137 дугаар сургуулийн захирал
4 168 дугаар цэцэрлэгийн эрхлэгч
5 210 дугаар цэцэрлэгийн эрхлэгч
6 213 дугаар цэцэрлэгийн эрхлэгч
7 Налайх дүүрэг 153 дугаар цэцэрлэгийн эрхлэгч
8 Багахангай дүүрэг 44 дүгээр цэцэрлэгийн эрхлэгч
9
Хан-Уул дүүрэг 130 дугаар сургуулийн захирал Нийслэлийн үйлчилгээний нэгдсэн төвийн Хан-Уул дүүрэг дэх “Мишээл” худалдааны төвийн салбар /ажлын байр-7/
10 135 дугаар сургуулийн захирал
11 218 дугаар цэцэрлэгийн эрхлэгч
12 219 дүгээр цэцэрлэгийн эрхлэгч
13 Баянгол дүүрэг 88 дугаар цэцэрлэгийн эрхлэгч
14 Сүхбаатар дүүрэг 40 дүгээр цэцэрлэгийн эрхлэгч
15 Чингэлтэй дүүрэг 220 дугаар цэцэрлэгийн эрхлэгч
16 Сонгинохайрхан дүүрэг 124 дүгээр сургуулийн захирал Нийслэлийн үйлчилгээний нэгдсэн төвийн Сонгинохайрхан дүүрэг дэх “Драгон” салбар /ажлын байр-6/
17 129 дүгээр сургуулийн захирал
18 92 дүгээр цэцэрлэгийн эрхлэгч
19 119 дүгээр цэцэрлэгийн эрхлэгч
20 176 дугаар цэцэрлэгийн эрхлэгч
21 214 дугаар цэцэрлэгийн эрхлэгч
2.2. Сонгон шалгаруулалтад орох иргэн дор дурдсан материалыг бүрдүүлж өөрийн биеэр бүртгүүлнэ.
1. Төрийн албан хаагчийн анкет /маягт №1/
2. Боловсролын дипломын нотариатаар гэрчлүүлсэн хуулбар / Дипломын голч дүн байхгүй тохиолдолд тухайн төгссөн их, дээд сургууль, коллежоос голч дүнгийн тодорхойлолтыг авсан байх/
3. Монгол улсын иргэний үнэмлэхний нотариатаар гэрчлүүлсэн хуулбар
4. Нийгмийн даатгалын дэвтрийн нотариатаар гэрчлүүлсэн хуулбар /тухайн ажлын байранд тавигдах шаардлага болох боловсролын салбарт 5-аас доошгүй жил ажлласанг батлах/
5. Ажил байдлын тодорхойлолт /Өмнөх болон одоогийн ажил олгогчийн 2-оос доошгүй/
6. 4x6 хэмжээтэй 2% зураг
7. Сонгон шалгаруулалтад оролцохыг хүссэн өргөдөл /Албан тушаалаа тодорхой тусгах/
8. Шалгалтын хураамж 20.000 төгрөг
Баримт бичиг дутуу бүрдүүлсэн иргэдийг бүртгэхгүй болно.
Гурав. Мэдээлэл лавлагаа
3.1. Тухайн байгууллагыг хөгжүүлэх дунд хугацааны төлөвлөгөөг сорилын шалгалтанд ирэхдээ авчрах ба сорилын шалгалтанд тэнцсэн иргэдээс хүлээж авна.
3.2. Сонгон шалгаруулалтыг Төрийн албаны зөвлөлийн 2013 оны 60 дугаар тогтоол “Төрийн үйлчилгээний албаны удирдах албан тушаалд томилогдох ажилтныг сонгон шалгаруулах журам”, нийслэлийн Боловсролын газрын даргын 2016 оны А/32 дугаар тушаалаар батлагдсан “Нийслэлийн төрийн өмчийн ерөнхий боловсролын сургуулийн захирал, цэцэрлэгийн эрхлэгчийн албан тушаалд томилогдох ажилтны сонгон шалгаруулах ажлыг зохион байгуулах заавар” болон энэхүү зааврын дагуу батлагдсан “Нийслэлийн зарим ерөнхий боловсролын сургуулийн захирал, цэцэрлэгийн эрхлэгчийн албан тушаалд томилогдох ажилтны сонгон шалгаруулалтын удирдамж”-ийн дагуу явуулна.
3.3.Шалгалт авах хуваарь, хугацаа, байрыг бүртгэлийн явцад жич зарлана.
3.4.Нийслэлийн Боловсролын газраас зарласан сонгон шалгаруулалттай холбогдох мэдээллийг www.edub.edu.mn сайт болон 70113039 дугаарын утсаар /Ц.Ууганбаяр, Л.Ариунсанаа/ авна.
НИЙСЛЭЛИЙН БОЛОВСРОЛЫН ГАЗАР
-
2016 оны 4 сарын 29
Зэвсэгт хүчний нөхөн хангалт, захиалга, тухайн жилд цэргийн жинхэнэ албанд татах иргэдийн тоо, татлага явуулах ээлж, хугацааг тогтоох тухай Монгол Улсын Засгийн газрын тогтоол гардаг. Энэ тогтоолыг үндэслэн аймаг, нийслэл /дүүрэг/-ийн Засаг даргын захирамжийн дагуу хугацаат албаны цэрэг татлагыг зохион байгуулан явуулж байна.
-
2016 оны 4 сарын 29
Үндсэн хуулийн цэцээс Сонгуулийн хуулийн пропорциональ тогтолцооны заалт нь Үндсэн хууль зөрчсөн гэсэн дүгнэлтийг гаргасан билээ.
-
2016 оны 4 сарын 29
Нам, эвслүүд нийслэлийн ИТХ-ын 2016 оны ээлжит сонгуульд оролцох хүсэлтээ нийслэлийн сонгуулийн хороонд өгч эхэллээ
-
2016 оны 4 сарын 29
Монголын Банкны холбоо хууль бус үйл ажиллагаа явуулсан нь тогтоогджээ
-
2016 оны 4 сарын 29
Иргэдийн шилжин суурьших хөдөлгөөнийг энэ сарын 30-наас буюу маргаашнаас эхлэн 60 хоногийн хугацаанд зогсоохоор болсон.
-
2016 оны 4 сарын 29
Баянгол дүүргийн 20 дугаар хороонд байрлах “Барс-2” худалдааны төвийн урд байрладаг “Монинжбар” компанийн хашаанаас тэсрэх бөмбөг олджээ.
