-
2016 оны 1 сарын 07
БНХАУ-ын Засгийн газраас Монгол Улсын Засгийн газарт олгосон хөнгөлөлттэй зээлээр хэрэгжүүлж буй Цахим эрүүл мэнд төслийн нээлтийн ажиллагаа өнөөдөр боллоо.
-
2016 оны 1 сарын 07
Говьсүмбэр аймгийн засаг дарга Л.Одсэрийг шалгуулахаар АТГ-т гомдол гаргажээ.
-
2016 оны 1 сарын 07
Эр бяр, ид хаваа гайхуулсан 6002 хүчтэн зодоглуулж үндэсний бөхөө, 5000 ардын авь- яастан бүжүүлж бий бийлгээгээ ‘Тиннес”-т бүртгүүлсэн монголчуудговьнутгийн бахархал тэмээн сүргээ дэлхийн дээд амжилтын номонд бүртгүүлэхээр зэхэж байна. “Гиннес”-ийн дээд амжилтад бүртгүүлэх зорилготой “Монгол тэмээ 999” 1000 тэмээний уралдааныг гурав- дугаар сарын 6-7-нд Өмнөговь аймгийн Да- ланзадгад суманд зохион байгуулах аж. Говь нутгийн ард түмэн тэмээн сүргээ өсгөн үржүүлж, хайрлан хамгаалах чиглэлээр олон ажил зохион байгуулсаар ирсэн билээ. Үүний жишээ нь, ‘Тэмээн поло”, “Их говийн тэмээний баяр” арга хэмжээ юм. Өмнөговь аймгийн Баян-Овоо сумын Засаг дарга Х.Батболдын санаачилгаар зохион байгуулах гэж буй эл уралдаанд тус аймгийн 15 сумаас гадна бусад тэмээчид урилгаар оролцоно.
Тэмээ өсгөн үржүүлэх, хамгаалах чиглэлээр үйл ажиллагаа явуулдаг аж ахуйн нэгж, байгууллагууд ч уралдаанд оролцох боломжтой аж. Ингэнд ботго авахуулах уламжлалт зан үйлийг ЮНЕСКО-гийн Яаралтай хамгаалах соёлын биет бус өвд бүртгэсэн баярт явдал өнгөрсөн оны төгсгөлд тохиосон бол хоёр бөхт монгол тэмээ ‘Тиннес”-т бүртгүүлсэн сайхан мэдээ удахгүй дуулдах бололтой.
-
2016 оны 1 сарын 07
Р.Бурмаа, Н Ариунболд нарыг АТГ-тшалгуулна
Монголын Гурил үйлдвэр- лэгчдийн холбоо, Хүнсчдийн холбоо зэрэг байгууллагууд хамтарч УИХ-ын гишүүн, Хүнс, хөдөө аж ахуйн сайд Р.Бурмаа, тус яамны Төрийн нарийн бичгийн дарга Н.Ариунболд нарыг шалгуулах өргөдлөө АТГ өгчээ. Тодруулбал, шинэ он солигдохын өмнөх өдөр Н.Ариунболд А-467 тоот тушаал гаргаж энэ онд хоёр компанид улаанбуудайн гурил импортлох зөвшөөрөл олгох давуу эрхийг өгсөн байна.
Асуудлын гол нь дээрх тоот тушаалыг гаргахдаа үйлдвэрлэгчдэд бус харин наймаачдад гурил импортлох зөвшөөрөл олгожээ. Наймаачид гэдэгт “Алейка” гурилыг борлуулагч “Алейск импекс”, “Цесна” гурил борлуулагч “Өег” компаниуд багтаж байгаа юм. Энэ хоёр компани тус бүрдээ 7000 тонн гурил гаднаас импортлох эрхтэй болсон аж.
Мөн гурил импортлох зөвшөөрөл авсан бусад компаниудын хувьд нэлээд хэд нь дээрх хоёр компанийн охин компаниуд гэсэн мэдээлэл байгаа аж. Тиймээс мэргэжлийн холбоод энэ тушаалыг авлигын шинжтэй гэж үзэн АТГ-т гомдол гаргажээ.
-
2016 оны 1 сарын 07
“Дүнжингарав” худалдааны төвийн босс “Мон-Уран”-ы Б.Наранхүү түрээсийн үнээ огцом нэмсэн нь наймаачдыг бухимдахад хүргээд байна.
Анх байгуулагдахдаа л багагүй шүүмж хүртэж байсан Дүнжингарав худалдааны төв “Нарантуул”-ыг бодвол тохилог орчинтой. Тийм ч учраас Дүнжингаравын сонгон худалдаа наймаагаа эрхлэх ард иргэд олширсон. Гэхдээ энэ бүхэн Дүнжингаравын удирдлагуудаас хямд түрээс, тохилог орчныг санал болгосны үр дүнд бий болсон гэхэд болно.
Хаа сайгүй хоосон лангуу цэлийж байсан энэ газар өдгөө хөл дээрээ бат гэгч нь зогссон худалдааны төв болж байгаа. Гэвч энэ байдлыг овжноор ашигласан “Дүнжингарав”-ын удирдлагууд түрээсийн үнээ нэмсэн нь багагүй шуугиан дэгдээж мэдэхээр байна.
Өнөөдөр ард иргэдийн амьдрал маш хэцүү, амьжиргааны баталгаажих түвшин доогуур байгааг хэн хүнгүй мэднэ. Гэтэл уламжлалт баяр наадмаар нь түрүү барьж наймаачдын түрээсийг нэмэгдүүлнэ гэдэг бизнесийг арга заль ч, олон нийтэд сөрөг нөлөө үзүүлэх юм.
Хэрэв энэ чигээрээ тогтвол түрээслэгчид өндөр түрээсийнхээ алдагдлыг нөхөхийн тулд барааныхаа үнийг хөөрөгдүүлэх юм. Харин энэ бүхний цаана худалдан авагч иргэд л хохирч үлдэх болж байна.
Хаа хаанаа, хэн хэндээ хохиролтой энэ асуудлын мөрөөр сурвалжилж бид эргэн мэдээлэх болно.
-
2016 оны 1 сарын 07
Авлигатай тэмцэх газар авлигаас урьдчилан сэргийлэх, олон нийтийг соён гэгээрүүлэх, албан тушаалтнуудын хувийн ашиг сонирхлын болон хөрөнгө, орлогын мэдүүлгийг бүртгэх, мэдээлэх, хянан шалгах, авлигын гэмт хэргийг илрүүлэх, мөрдөн шалгах чиглэлээр авлигын эсрэг хууль тогтоомжид заасан чиг үүргээ бүрэн дүүрэн хэрэгжүүлэхээр шинэ оны ажлаа эхлүүллээ.
Авлигатай тэмцэх газар 2016 оны үйл ажиллагааны зорилтоо дараах байдлаар тодорхойлж байна. УИХ-аар батлагдах Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрт нийцүүлэн байгууллагын дунд хугацааны стратегийг боловсруулах, авлига, ашиг сонирхлын зөрчлийн шалтгаан, нөхцөлийг арилгах арга хэмжээг цогцоор хэрэгжүүлэх, шударга байдлын үнэлэмжийг нэмэгдүүлэх, урьдчилан сэргийлэх, соён гэгээрүүлэх үйл ажиллагааны үр дүнг сайжруулах, мэдүүлгийн системийг боловсронгуй болгож, бүрэн цахимжуулах, мэдээллийн санд үндэслэн судалгаа, дүн шинжилгээний ажлыг гүнзгийрүүлэх, нийтийн албанд томилогдох нэр дэвшигчийн ашиг сонирхлын зөрчилд өртөх эрсдлийг бууруулах, албан тушаалтны хөрөнгө, орлогын мэдүүлэг, авлига, ашиг сонирхлын зөрчлийг хянан шалгах ажлын чанар, хүртээмжийг дээшлүүлэх, эрх зүйн шинэ орчинд техник технологийн дэвшлийг ашиглан авлига, албан тушаалын гэмт хэргийг илрүүлэх, мөрдөн шалгах ажиллагааг эрчимжүүлэх, төсвийн хэмнэлтийн горимд нийцүүлэн хуулиар хүлээсэн чиг үүрэг, зорилтоо бүрэн ханган биелүүлэхийн тулд байгууллагын өдөр тутмын үйл ажиллагааг удирдан зохион байгуулах, хэлтэс, албадын ажлыг уялдуулах, үйл ажиллагаагаа хэвийн явуулах бүх нөхцөлийг дээд зэргээр хангах зэрэг зорилт дэвшүүлэв.
-
2016 оны 1 сарын 07
Авлигатай тэмцэх газарт иргэнээс ирүүлсэн гомдол, мэдээллийг хүлээн авч хяналт шалгалтын ажиллагааг явууллаа. Архангай аймгийн Хөдөлмөрийн хэлтсийн дарга Б.Баатарсүрэн нь эхнэрийнхээ үүсгэн байгуулж, 100 хувь эзэмшиж, үйл ажиллагаа явуулж байгаа хуулийн этгээдтэй Хөдөлмөр эрхлэлтийг дэмжих тухай хуульд зааснаар ажил олгогчийг дэмжих гэрээг байгуулж 2013 онд 3.369.600 төгрөгийн урамшууллыг олгосон, мөн төрсөн эцэг Батсайхан, төрсөн дүү Б нартай хувиараа хөдөлмөр эрхлэгч болон нөхөрлөл, хоршоо байгуулах иргэнийг дэмжих төсөл хэрэгжүүлэх тухай гэрээг байгуулж, тус бүр 3 сая төгрөгийн санхүүгийн дэмжлэг олгосон нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд заасан хориглолт, хязгаарлалтыг зөрчсөн байна.
Мөн Б.Баатарсүрэн нь 2013-2014 оны хувийн ашиг сонирхлын мэдүүлэг болон хөрөнгө, орлогоо мэдүүлсэн нь Авлигын эсрэг хуулийн 10 дугаар зүйлийн 10.2-т заасныг зөрчсөн байх тул түүнд хариуцлага тооцуулахаар Хөдөлмөрийн сайд Г.Баярсайханд Авлигатай тэмцэх газраас албан бичиг хүргүүлэв.
-
2016 оны 1 сарын 07
Хөдөө, орон нутгийн ерөнхий боловсролын сургуулийн сурагчдын амралтыг цагаан сар, мал төллөх үетэй уялдуулж хуваарилах малчин ардын хүсэлтийн дагуу БСШУ-ны сайд Л.Гантөмөр 2015 оны нэгдүгээр сарын 5-нд А/02 тоот тушаал гаргажээ. Ингэснээр хичээлийн жилийн хоёрдугаар улиралд аймаг, сум, тосгон багийн сургуулийн бага ангийн сурагчид 1-р сарын 19-өөс 2-р сарын 08 хүртэл гурван долоо хоног амарна. Дунд ангийн сурагчид 1-р сарын 12-осс 1-р сарын 25 хүртэл хоёр долоо хоног, ахлах ангийн сурагчид 1-р сарын 12-оос 1-р сарын 18 хүртэл нэг долоо хоног амрахаар болжээ. Харин гуравдугаар улирал буюу мал төллөх үеэр бага ангийн сурагчид 3-р сарын 29-өөс 4-р сарын 18 хүртэл гурван долоо хоног, дунд, ахлах ангийн сурагчид 3-р сарын 15-аас 3-р сарын 28 хүртэл хоёр долоо хоног амрах байдлаар амралтын хуваарьт өөрчлөлт оруулсан байна.
Харин нийслэлийн ерөнхий боловсролын сургуулийн сурагчид хуучин хуваарийн дагуу амрах юм байна.
Хичээлийн жилийн 2 дугаар улирлын амралт:
I–V ангийн сурагчид 2015 оны 12 дугаар сарын 22-ны өдрөөс 2015 оны 1 дүгээр сарын 25-ныг дуустал 5 долоо хоног;
VI-IX ангийн сурагчид 2015 оны 1 дүгээр сарын 05-наас 25-ныг дуустал 3 долоо хоног;
X-XII ангийн сурагчид 2015 оны 1 дүгээр сарын 12-ноос 25-ныг дуустал 2 долоо хоног тус тус амарна.
Хичээлийн жилийн 3 дугаар улирлын амралт:
Бүх сурагчид 2015 оны 3 дугаар сарын 29-нөөс 4 дүгээр сарын 04-ныг дуустал 1 долоо хоног амарна.
ЭХ СУРВАЛЖ: БОЛОВСРОЛ, СОЁЛ, ШИНЖЛЭХ УХААНЫ ЯАМ
-
2016 оны 1 сарын 07
Монголын хүндийн өргөлтийн холбооны нэрэмжит залуучуудын улсын аварга шалгаруулах тэмцээн өнөөдөр, маргааш Спортын төв ордны “А” зааланд болно.
Тэмцээн эрэгтэй 7, эмэгтэй 6 нийт 13 жинд болж, аваргуудаа тодруулна.
Жингийн ангилал:
Эрэгтэй: 50 кг, 56 кг, 62 кг, 69 кг, 77 кг, 85 кг, +85 кг.
Эмэгтэй: 48 кг, 53 кг, 58 кг, 63 кг, 69 кг, +69 кг.
-
2016 оны 1 сарын 07
Энэ сарын эхний долоо хоногт хонины ястай нэг килограмм мах дунджаар 4160 төгрөг, үхрийн ястай мах нэг килограмм нь дунджаар 5680 төгрөгийн үнэтэй байна. Үхрийн ястай махны үнийг өмнөх долоо хоногтой харьцуулахад 135 төгрөгөөр өсч, харин үхрийн цул махны үнэ тогтвортой байна. Энэ 7 хоногийн ажиглалтаар үхрийн мах “Баянзүрх”, “Хүчит Шонхор”, “Хархорин” хүнсний захуудад хамгийн хямд буюу 5500 төгрөг, “Номин” супермаркетад хамгийн өндөр үнэтэй буюу 7600 төгрөг байна. Хонины ястай махны үнэ өмнөх долоо хоногтой харьцуулахад 105 төгрөгөөр, хонины цул мах 165 төгрөгөөр тус тус өсчээ. Энэ долоо хоногийн ажиглалтаар хонины мах “Макс”, “Хархорин” хүнсний захуудад хамгийн хямд буюу 3800 төгрөгөөр, харин “Меркури” хүнсний захад хамгийн өндөр үнэтэй буюу 7500 төгрөгөөр худалдаалж байна гэж Нийслэлийн Статистикийн газраас мэдээллээ.
-
2016 оны 1 сарын 07
Төрийн үйлчилгээний нэгдсэн төв туршилтаар ажиллаж эхэллээ
-
2016 оны 1 сарын 07
Улаанбаатар хотын нийтийн эзэмшлийн болон орон сууц, гэр хорооллын доторх гудамж, зам талбайд халтиргаа гулгаа үүсэхээс урьдчилан сэргийлэх, үүссэн халтиргааг шуурхай арилгах, хяналт тавих, шаардлагатай нэмэлт арга хэмжээг зохион байгуулж, халтиргаа гулгаанаас үүдэлтэй осол гэмтлийг бууруулах зорилгоор шалгалт хийж эхэллээ. Шалгалтын ажлын хэсгийн даргаар Улаанбаатар хотын Захирагчийн ажлын албаны Тохижилт, хог хаягдлын удирдлагын хэлтсийн дарга Т.Батбаяр ажиллаж байгаа юм. Нэгдүгээр ажлын хэсэг Баянзүрх, Сүхбаатар, Чингэлтэй дүүргийн тохижилт, үйлчилгээний байгууллагууд, төрийн болон хувийн хэвшлийн аж ахуйн нэгжүүдийн халтиргаа гулгаа үүсэхээс урьдчилан сэргийлэх чиглэлээр хийсэн ажил, үүссэн халтиргааг шуурхай арилгах ямар арга хэмжээ авсантай танилцав.
Хоёрдугаар ажлын хэсэг Сонгинохайрхан, Хан-Уул, Баянгол дүүрэгт ажиллаж байна. Ажлын хэсгүүдээс тохижилт, үйлчилгээний байгууллагууд, төрийн болон хувийн хэвшлийн аж ахуйн нэгжүүдэд “Халтиргаа гулгаа үүсэхээс нь өмнө шуурхай цэвэрлэгээг тогтмол хийж хэвшихийг үүрэг болгож, цаашид хийх ажлын талаар зөвлөмж өглөө гэж Улаанбаатар хотын Захирагчийн ажлын албанаас мэдээллээ.
-
2016 оны 1 сарын 07
Ашиглалтын хугацаа дууссан тээврийн хэрэгслийн хугацааг наймдугаар сар хүртэл сунгаагүй гэв
Монгол Улсын хэмжээнд ачаа тээвэрлэлтийн хяналт маш сул гэж хэлж болно. Өөрөөр хэлбэл, хаанаас хаа хүртэл хэр хэмжээний, ямар ачаалал явж байгаа нь тэр бүр тодорхой биш. Тэгвэл энэ бүхнийг цэгцэлж хууль бус ачаа тээвэрлэлт, хариуцлага хяналтыг баталгаажуулахын тулд Авто тээврийн үндэсний төвөөс цогц бодлогын хүрээнд үйл ажиллагаа явуулах гэж байна.
Ингэхдээ гааль, хуулийнхантай хамтарч ажиллаж нэг цэгийн үйлчилгээг төвлөрүүлж тээвэрлэлт гүйцэтгэдэг жолооч нарыг хариуцлагын механизм рүү шилжүүлэхээр бэлтгэл ажилдаа оржээ.
Үнэхээр энэ ажил амжилттай болвол манай улсын ачаа тээвэрлэлийн ажилд маш том ахиц болохын сацуу тээвэрлэлийн хэмжээнд байдаг далд хөрөнгө ч ил гарах боломжтой болж байгаа юм. Мөн тээвэрлэлийн аюулгүй байдал, жолооч, үйлчлүүлэгчдийн эрсдэл ч хяналтанд шилжихийг албаныхан онцолж байна.
-Хот, улс хоорондын тээвэрлэлтийн хяналт, хариуцлагыг нэмэгдүүлнэ-
Дээрх асуудлын хүрээнд Авто тээврийн үндэсний төвийн дэд захирал Д.Батбаатараас зарим зүйлийг тодрууллаа.
-Тээвэрлэлтийг хяналтанд авч, хариуцлагажуулах асуудал яригдаж байна. Энэ талаар дэлгэрэнгүй мэдээлэл өгөхгүй юу?
-Авто тээврийн үндэсний төвөөс 2016 онд нэлээн өргөн хүрээнд ажил зохион байгуулахаар төлөвлөж байна.
Тодруулбал, Монгол Улсын нутаг дэвсгэрт тээвэрлэлт гүйцэтгэж байгаа аж ахуй нэгж, иргэд байгууллага замын хөдөлгөөнд оролцохдоо замын хуудас буюу ачаа тээвэрлэлтийн дагалдах хуудастай байх явдал юм.
Энэ бол хуучин мөрдөгдөж байсан зүйл ч илүү боловсронгуй болгож, амьдрал дээр бодитойгоор хэрэгжүүлэх шаардлага тулгарч байна. Авто тээврийн хэрэгслээр ачаа, зорчигч тээвэрлэх дүрэмд ч заагдсан байдаг. Тээвэрлэлт хийж буй тухайн аж ахуй нэгж, байгууллагатай хариуцлага ярих хэрэгтэй байна. Тиймээс ачаа тээвэрлэлтийн дагалдах хуудас нь нэг талаасаа гэрээ болж явах юм. Тэгэхээр хаана ямар ачаа хаанаас, хаа хүрч байгаа гэдэг нь ч ойлгомжтой болно.
Ер нь сүүлийн жилүүдэд улс хот хоорондын зорчигч тээвэрлэлт хяналттай байсан. Гэвч бусдынх нь хяналт сул байсан. Өөрөөр хэлбэл, жонш, уул уурхайн тээвэрлэлт, хөдөө орон нутгаас явж байгаа тээвэрлэлтүүд, цаашлаад Нарантуул гэх мэт томоохон захаас тээвэрлэлт хийх явдалд хяналт сул байдаг. Тиймээс тээвэрлэлийн чанарын шаардлага алдагдахаас эхлээд тээвэрлэлт хийгчид амандаа орсон үнээ хэлэх зэрэг асуудал, бэрхшээлүүд бий. Тэгвэл үүнийг бүртгэлжүүлж, хяналт тавих чухал ажлыг эхлүүлэхээр зэхэж байна.
Орон нутгуудын Засаг дарга ч энэ үйл ажиллагаанд идэвхтэй оролцвол өөрийн аймаг сумаасаа гарч байгаа тээвэрлэл, буцан ирж байгаа тээвэрлэлт зэрэгт ч хяналт тавих боломжтой болж байгаа юм.
-Энэ бүхэн эцэстээ жолооч нарт дарамт болох юм биш биз?
-Алдаа, оноотой зүйл гарах ч аль болох хариуцлагажуулах зүйлрүүгээ шилжихгүй бол болохгүй. Цаашдын зорилго чиглэл, эерэг талыг нь харахгүй жолооч нарыг “чангалах” гэж байгаа мэтээр үзэх нь зохимжгүй.
Хяналтууд 2-3 янзаар явагдана.
Мэдээж эхний ээлжинд байнгын пост гаргаж бүртгэлжүүлнэ. Улмаар GPS-ийн хяналтыг нэвтрүүлнэ.
Өнөөг хүртэл постууд тухайн зам дээр хөдөлгөөнд оролцож байгаа машинуудаас төлбөр авах зориулалттай байсан. Тэгвэл энэ бүхнийг эцэслэнэ. Постууд дээр цагдаа, татвар, тээврийнхэн байрлаж бүртгэлээ хийнэ. Хяналтыг бэхжүүлнэ.
Олон тэрбум төгрөгний зээл авч дэд бүтцээ сайжруулна хэмээн зам тавьж байна. Гэтэл өнөөх зам дээр нь нийтийн тээврийн хэрэгслийн стандартыг бариагүй, даац хэтэрсэн тээврийн хэрэгсэл явах тохиолдол элбэг. Ийм байдлаас болж замын эвдрэл гэмтэл бий болдог.
Тэгэхээр энэ бүхнийг хянаснаар даац хэтэрсэн тээврийн хэрэгсэлд арга хэмжээ тооцох, тусгай замаар явуулах асуудлуудыг шийдэж чадна.
Өнгөрсөн жил л гэхэд, “Алтай хүдэр” ХХК 50 тоннын билаанзтай Улаанбаатарт орж ирсэн. Гэтэл манай нийтийн хэрэглээний замын бүрэн жин 44 тонн байх ёстой. Ийм хэмжээний зөрчил гарсаар байдаг.
-Энэ бүхнийг хийхэд төсөв мөнгө их шаардагдах байх?
- Бага зардлаар их зүйлийг хийх төлөвлөгөөтэй явж байгаа.
Монгол Улс авто тээвэргүйгээр хөдлөхөө больсон. Бүтээн байгуулалт, айл өрхийн амьдрал бүгд авто тээвэртэй холбоотой болсон. Тэгэхээр авто тээврийг бүртгэлжүүлэх, хяналттай байлгана гэдэг маш хэрэгтэй.
Эргээд иргэд хийгээд тээвэрлэл хийдэг компаниудад ч ашигтай. Техникийн өндөр төвшинд Техникийн хяналтын төвийг ажиллагаанд оруулахаар зэхэж байна. Өмнө нь хийж байсан зүйлсийг чанаржуулна. Онцгой байдал, хууль хяналтынханд ч чухал ажил болно гэж үзэж байгаа.
-Яг хичнээн пост нэмж байгуулахаар байна?
-Одоогоор улсын хэмжээнд 29 байнгын пост нэмж ашиглалтанд оруулна хэмээн төлөвлөсөн байгаа.Үүнтэй уялдаад хөрөнгө мөнгөний асуудал тулгамдаж байгаа.
Гэвч орон нутаг дэмжээд, хяналт тавихад анхаарвал түлхэц болно. Өөрөөр хэлбэл, төрийн байгууллагууд нэгдээд энэхүү үйл ажиллагаанд идэвхтэй оролцвол цаашид маш хэрэгтэй зүйл болно.
-Улс хоорондын тээвэрлэлтэд хяналт тавьж байгаа юу?
-Улс хоорондын нүүрсний тээвэрлэлт явагдаад эхэлчихсэн. Шивээ хүрэн дээр өдөрт 400 гаруй машин явж байна. Гашуун сухайт тээвэрлэлтээ эхэлж байна. Эхэлж байгаа энэ нөхцөлд эхнээс нь бид тээврийн төлөвлөлтийг зөв хийе гэж ярилцсан байгаа. Бүх гэрээгээ шинэчилж байна. Аж ахуй нэгжүүдтэй нэг биш гурван жилээр гэрээ хийж ажиллах бололцоог нь нээж өгч байна.
Гурван жил сэтгэл өвдөхгүй, төрийн байгууллагын дарамтанд байхгүйгээр ажиллаж болохоор боллоо. Мөн жолооч нарт тавих хяналт, дэвжлэгийг ч ярилцаж байна.
-Шаардлага хангаагүй нийтийн тээврийн автобусуудыг наймдугаар сарын 1-н хүртэл сунгаж явуулахгүй-
Микро автобус буюу жижиг оврын автобусны ашиглалтын хугацаа энэ сарын 1-нд дуусч байгаа учраас үйлчилгээнд явуулахгүй гэдгийг нийслэлийн Тээврийн газраас мэдэгдэж байсан. Гэвч эдгээр микро автобусыг наймдугаар сарын 1-ээс явуулахгүй байхаар гэрээ хийсэн гэх мэдээлэл байгаа. Тэгвэл энэ асуудалтай холбоотойгоор Автотээврийн үндэсний төвийн тээвэр зохицуулалтын газрын дарга Ж.Энхбат зарим зүйлийг онцлов.
-Хот хоорондын нийтийн тээврээс хасагдсан микро автобусуудыг наймдугаар сарын 1-н хүртэл сунгаж явуулахаар боллоо гэх мэдээлэл байна?
-Хот хоорондын нийтийн зорчигч тээврийн үйлчилгээнд явж байгаа стандартын бус 213 тээврийн хэрэгслийг 2016 оны нэгдүгээр сарын 1-нээс бүрэн программаас хасч тухайн аж нэгж байгууллагын тээврийн хэрэгсэлд суулгасан GPS-ийг хураан авсан. Парк шинэчлэл дээр насжилт залуу тээврийн хэрэгсэл дээр байршил тогтоох хийгээд хурдын төхөөрөмжүүдийг суулган ажиллаж байгаа.
Хэвлэлээр мэдээлж байгаа шиг, наймдугаар сарын 1-н хүртэл улс, хот хоорондын шаардлага хангаагүй тээврийн хэрэгслийг үйлчилгээнд явуулна гэсэн ойлголт байхгүй.
Зорчигч тээвэр нэгдүгээрт хөдөлгөөний аюулгүй байдлыг хангах ёстой. Хоёрдугаарт аюулгүй ажиллагаа чухал. Нийслэлийн нийтийн тээвэр нэг талдаа 20 км явдаг. Хот хоорондын нийтийн зорчих тээвэр нэг талдаа 1750 км явдаг. Өөрөөр хэлбэл, бартаатай, уул даваа өгсдөг олон нугачаатай чиглэлд бид стандартыг баривчлах ёстой.
-Стандартын шаардлага хангасан 45 хүний суудалтай автобусыг хот хооронд явуулах асуудал яригдаж байна. Энэ талаар иргэдэд мэдээлэл өгөхгүй юу?
- Сүүлийн гурван жил хот хоорондын нийтийн тээврийн зорчих үйлчилгээнд нийтдээ 19 аймагт 9 чиглэлд 45 хүний суудалтай автобус үйлчилдэг байсан. Тэгвэл 2015 оны байдлаар 21 аймагт 20 чиглэлд 45 хүний суудалтай автобус нэвтрүүлж эхэлсэн.
Энэ 2016 онд Баян-Өлгий аймагт 45 суудалтай автобус нэвтрүүлэхээр төлөвлөн ажиллаж байна. Ерөнхийдөө замын нөхцөл сайжирсан. Бүх чиглэл дунд болон том оврын стандартын шаардлага хангасан, ачаа тээш нь хувилтай, стандартын шаардлага хангасан автобус нийтийн тээвэрт явуулахаар бэлтгэж байна. Ер нь цаашдаа орон нутгаас Улаанбаатар, Улаанбаатараас сум, аймгаас аймаг хооронд нийтийн тээвэр зохицуулахаар төлөвлөж байна. Өнөөдрийн байдлаар 153 сумдад сум хоорондын нийтийн тээвэр явж байгаа. Цаашдаа 360 сумдаа нийтийн тээвэр явуулахаар төлөвлөн ажиллаж байна.
-Нийтийн тээврийн парк шинэчлэлийн хүрээнд ямар ажлууд хийгдэж байна?
-Нийтийн тээврийн автобусанд парк шинэчлэх зорилгоор Солонгос улсад үйлдвэрлэсэн манай замын нөхцөл, зорчигдын ая тух, буух суух хоорондын зайг хангасан нийтийн тээврийн автобусаар парк шинэчлэнэ. Энэ парк шинэчлэлийг 2016 онд бүрэн хийж дуусахаар бэлтгэл ажлаа хангаж байгаа.
Аж ахуй нэгж байгууллагуудтай хамтарч судалгаагаа хийгээд дуусч байна.
-Эрс хүйтэрч хальтиргаа гулгаа үүссэнтэй холбоотой танай төв 24 цагаар хянаж ажиллаж байгаа гэсэн. Замын нөхцөл байдал хэр байна?
-Хамгийн их цас орох сар нэгдүгээр сар байгаа. Үүнтэй холбоотой манай Авто тээврийн үндэсний төвийн захирлын шийдвэрээр 24 цагийн ажиллагаатай бэлэн байдалд шилжиж ажиллаж байна. Улаанбаатар хотын таван постод техникийн түргэн тусламжийг бүрэн байршуулсан. 21 аймгийн цэргийн анги, Батлан хамгаалахын яамтай хамтарч бэлэн байдалд шилжсэн.
Он гарсанаас хойш хоёр удаа маш их хэмжээний цас орлоо. Тэр дундаа Завхан, Увсын чиглэлд их хэмжээний цас орсон. Үүнээс болж орон нутгийн нийтийн тээвэрт хүндрэл орж байгаа.
Уржигдар Сүхбаатар аймгийн Эрдэнэцагаан суманд цас их орсон. Улмаар цасаа цэвэрлэж дийлэхгүй зорчигчдоо Асгат сумын Аймгийн тамгийн газрын байранд хоноглууллаа. Ер нь цаашдаа их хэмжээний цас орвол орон нутгийн чанартай замуудын зам арчлалт, нөхцөл байдал хүндрэх төлөвтэй байгаа.
Үүнтэй холбоотой бид аймгийн онцгой байдал, Авто зам арчлалтын байгууллагуудтай жижүүрлэж, мэдээлэл солилцож, техникийн түргэн тусламжийг үзүүлэн ажиллаж байна.
-
2016 оны 1 сарын 06
Үндсэн хуулийн Цэц нь УИХ-аас баталсан Иргэний хууль болон Үл хөдлөх эд хөрөнгийн барьцааны тухай хуулийн зарим заалт Үндсэн хууль зөрчсөн гэх дүгнэлтийг өнгөрсөн 2015 оны арванхоёрдугаар сард гаргасан. Тэгвэл үүнийг “Шинэ хөдөлгөөн” гэгчээс сонордуулга гарган эсэргүүцсэн билээ.
-
2016 оны 1 сарын 06
Нийслэлд үйлдвэрлэл, технологийн парк байгуулах бэлтгэл ажлыг зохион байгуулах чиг үүрэг бүхий “Эмээлтийн хөнгөн үйлдвэрийн үйлдвэрлэл, технологийн парк” ОНӨТҮГ нь НИТХ-ын 2014 оны есдүгээр сарын 8-ны өдрийн 149 дүгээр тогтоолоор байгуулагдаж байсан.
-
2016 оны 1 сарын 06
Улаанбаатар хотын Замын хөдөлгөөний удирдлагын төв, Замын цагдаагийн газартай хамтран зөрчил илрүүлэгч хяналтын камерын тусламжтайгаар замын хөдөлгөөний дүрэм зөрчсөн жолооч нарт хариуцлага тооцон ажиллаж байна. 2016 оны 1-р сарын 5-ны өдөр 63 зөрчил бүртгэгдсэн байна. Үүнээс улаан гэрэл дохионы 63 зөрчил бүртгэгдсэн бол хурд хэтрүүлсэн 0 зөрчил бүртгэгджээ. “Замын хөдөлгөөний хяналтын камераар илрүүлсэн зөрчилд хариуцлага тооцох журам”-ыг мөрдөж эхэлснээс хойш гарч болзошгүй зам тээврийн ослоос урьдчилан сэргийлж, замын хөдөлгөөний зөрчил буурч байна гэж Улаанбаатар хотын Замын хөдөлгөөний удирдлагын төвөөс мэдээллээ.
-
2016 оны 1 сарын 06
БНХАУ-д манай улсын 21 иргэн шүүхээр ял шийтгүүлэн хорих ял эдэлж байна. Харин хоёр хүн гэмт хэрэгт холбогдон сэжигтнээр саатуулагдан шалгагдаж байгаа аж.
-
2016 оны 1 сарын 06
Их, дээд сургуулийн оюутнууд сургалтын төлбөрийнхөө 10 хүртэлх хувийг буцаан авах хүсэлтэй иргэдийн материалыг татварын байгууллагууд авч эхэлжээ.
-
2016 оны 1 сарын 06
Инфографик:
-
2016 оны 1 сарын 06
Цагдаагийн хэлтэст тус сумын 3-р багт авто машин шатаж байна гэх мэдээлэл ирсний дагуу Цагдаагийн хэлтсийн зохицуулагч цагдаа, а/ч Ж.Түмэндэмбэрэл, жижүүрийн жолооч а/ч Б.Нямдаваа нар дуудлагын дагуу очиход иргэн Одбаяр өөрийн эзэмшлийн авто машинд угаартсан байдалтай байсныг машинаас гарган эмнэлэгийн анхны тусламж үзүүлж амь насыг нь аварчээ.
Цагдаагийн байгууллагад ирүүлсэн мэдээллийн дагуу шуурхай ажиллаж бусдын амь насыг аварч Баатарлаг үйлс бүтээсэн а/ч Ж.Түмэндэмбэрэл, жижүүрийн жолооч а/ч Б.Нямдаваа нарт иргэн С.Одбаяр баярласан, талархсанаа илэрхийлсэн байна.
