-
2019 оны 10 сарын 23
АН-ын Ерөнхий нарийн бичгийн дарга Ц.Туваан эрх баригч намын бодлого болон бусад асуудлаар NTV телевизийн “Улаан бал” нэвтрүүлэгт оролцлоо. Тэрбээр энэ үеэр УИХ-ын ирэх оны сонгуульд тойргоосоо нэр дэвших талаар онцолсон юм. Ингээд түүний хэлсэн 24 эшлэлийг онцлон хүргэе.
-
2019 оны 10 сарын 21
Ерөнхий сайд, Ардчилсан намын дарга асан Н.Алтанхуяг үндэсний өдөр тутмын “Зууны мэдээ” сонинд цаг үеийн асуудлаар дэлгэрэнгүй ярилцлага өгсөн билээ. Түүний ярилцлагаас онцлох 24 эшлэлийг хүргэж байна.
-
2019 оны 10 сарын 16
Монголын Мянганы Сорилтын сангийн гүйцэтгэх захирлаар ажиллаж буй Э.Содонтогос VTV телевизээр нийтлэлч Д.Жаргалсайханы бэлтгэн хүргэдэг “De Facto” нэвтрүүлэгт оролцсон юм. Түүний талаарх 24 эшлэлийг хүргэж байна.
-
2019 оны 10 сарын 14
Монгол Улс 2004 онд APG буюу Ази-Номхон далайн бүсийн мөнгө угаахтай тэмцэх бүлэгт элсч, FATF-ын 40 зөвлөмжийг дагахаа илэрхийлсэн билээ. FATF буюу Санхүүгийн хориг арга хэмжээ авах олон улсын байгууллага нь мөнгө угаах, терроризмыг санхүүжүүлэх үйл ажиллагаатай тэмцэх стандартыг гаргадаг. Харин Монгол Улс FATF-ын 40 зөвлөмжийг хэрэгжүүлсэн эсэхээ бид APG-д үнэлүүлж ирсэн юм. Улмаар 2014 онд тус байгууллагын “Саарал жагсаалт”-аас гарсан ч 2017 оноос эрчимтэй хяналтад нь ороод байгаа юм. Энэ дагуу 2018 онд FATF-аас Монгол Улсыг “Саарал жагсаалт”-д оруулах эсэх талаар 12 сарын хугацаа өгсөн. Уг хугацаа өнгөрсөн есдүгээр сард дуусгавар болсон. Харин хоёр хоногийн дараа буюу аравдугаар сарын 15-нд Парист болох ФАТФ-ын ээлжит хурлаар манай асуудлыг хэлэлцэхээр төлөвлөжээ.
Тиймээс FATF гэж ямар байгууллага болох Монгол Улсыг “Саарал жагсаалт”-д оруулсан тохиолдолд ямар эрсдэл үүсэх талаар 24 баримт хүргэж байна.
-
2019 оны 10 сарын 11
Ерөнхий сайд асан Н.Алтанхуяг Монголын төрд үүрэлсэн шударга бустай тэмцэх асуудал саармагжиж байгаа талаар байр сууриа илэрхийлж, МАНАН бүлэглэлийн бүрэлдэхүүнийг зарласан билээ. Түүний мэдэгдлээс ОНЦЛОХ-24 эшлэлийг хүргэж байна.
-
2019 оны 10 сарын 02
Нэгэн жарны турш Монгол Улсыг залуурдсан МАХН-ын Төв хороо, Улс төрийн товчооны гишүүд тэртээх үг хэлэх, үзэл бодлоо илэрхийлэх эрх чөлөөний төлөөх тэмцэл бүхий 1989-1990 оны хооронд үргэлжилсэн “цусгүй хувьсгал”-ын үр дүнд бүрэн бүрэлдэхүүнээрээ огцорч байв. Цагаан морин жилийн хэмээн тодотгодог тэрхүү хувьсгалын үр дүнд коммунист Бүгд Найрамдах Монгол Ард Улсын удирдлага огцорч, Ардчилсан Монгол Улсыг /1992 оноос/ байгуулжээ. Жирийн нэгэн айлаар жишихэд тоонотоо тусгаарлаж, өрхөө татжээ. 1998 оны аравдугаар сарын 1-2-нд шилжих шөнө, маргааш нь угтах хар өдрүүд. С.Зориг амиа алдсан тухай мэдээ нийт монголчуудад түгэв. Тэр өдрөөс хойш түүний амь насыг хороосонтой олон арван хардлага явсан шүүхээр эцэслэн мухарласан нь 2016 он. Үүнээс хойш юу болж өнгөрөв. Нэгнээ хардаж, сэрдсэн, нэжгээд хүний улс төр хийх бай нь С.Зориг болон хувирч, түүнийг тойрсон улс төр хүчээ авчээ. Түүнтэй холбоотой болон амьд ахуйдаа төрийн тогтолцоотой холбоотой хэлж байсан 24 баримтыг хүргэж байна.
-
2019 оны 10 сарын 01
Ардчилсан хувьсгалын 30 жилийн ой, Олон улсын ардчиллын өдрийг тохиолдуулан АН-ын шинэчлэлийн хөдөлгөөний тэргүүн П.Галиндэвийн хэвлэлд өгсөн ярилцлагаас онцлох 24 эшлэлийг хүргэж байна.
-
2019 оны 9 сарын 24
“C1” телевизийн “Цензургүй яриа” нэвтрүүлгээр НИТХ-ын дарга асан, 60 тэрбумын гэх хэргийн холбогдогч Ц.Сандуй оролцлоо. Ингээд түүний хэлсэн 24 эшлэлийг хүргэе.
-
2019 оны 9 сарын 17
Үндсэн хуульд нэмэлт, өөрчлөлт оруулах хуулийн төслийн хоёрдугаар хэлэлцүүлэг дууссантай холбогдуулан ард нийтээр санал асуулга явуулахыг УИХ-ын чуулганаас дэмжсэн билээ. Уг санал асуулгад Ерөнхийлөгч Х.Баттулга засаглалын хэлбэрээ ард түмнээсээ асуух ёстой гэсэн санал оруулсан юм. Үүнэй холбогдуулан C1 телевизийн “Цензургүй яриа” нэвтрүүлэгт Үндсэн хуульд нэмэлт, өөрчлөлт оруулах ажлын хэсгийн ахлагч, хуулийн төслийн санаачлагч, УИХ-ын гишүүн Д.Лүндээжанцан, Ерөнхийлөгчийн Тамгын газрын дарга З.Энхболд нар уригдлан оролцсон юм. Ингээд онцлох 24 эшлэлийг хүргэе.
-
2019 оны 9 сарын 16
Монгол Улсын 27 дахь Ерөнхий сайд Н.Алтанхуяг VTV телевизийн “IN Out” нэвтрүүлэгт оролцож цаг үеийн асуудлаар байр сууриа илэрхийлжээ. Түүний ярианаас 24 эшлэлийг хүргэж байна.
-
2019 оны 8 сарын 30
Монгол Улс-БНХАУ-ын хооронд дипломат харилцаа тогтоосны түүхт 70 жилийн ой энэ жил тохиож байна. Ойн арга хэмжээний хүрээнд хоёр орны соёл, уламжлал, аялал жуулчлалыг хөгжүүлэх чиглэлээр олон арга хэмжээ зохиогдож байна. Ингээд тус арга хэмжээтэй холбоотой 24 баримтыг онцлон хүргэе.
-
2019 оны 8 сарын 27
УИХ-ын гишүүн Б.Чойжилсүрэн сэтгүүлч Л.Мөнхбаясгалангийн бэлтгэн хүргэдэг “Цензургүй яриа” нэвтрүүлэгт оролцлоо. Цаг үеийн болон түүнтэй холбоотой асуултад байр сууриа илэрхийлсэн түүний ярилцлагаас онцлох 24 эшлэлийг хүргэж байна.
-
2019 оны 8 сарын 06
Засгийн газрын ээлжит баталсан тогтоолын дагуу “Эрдэнэс Тавантолгой” ХК-ийн дэргэд “Эрдэнэс Тавантолгой майнинг” бүхий охин компанийг байгуулж, гүйцэтгэх захирлаар нь УИХ-ын Х.Наранхүүг томилжээ. Түүнтэй холбоотой 24 баримтыг онцлон хүргэе.
-
2019 оны 7 сарын 26
Монголын улстөрчдийн сүнсийг зайлуулах шахтал нь айлгадаг хүн бол ТЕГ-ын дарга асан, хошууч генерал Б.Хурц гээд хэлчихэд нэг их буруудахгүй болов уу. “Цааш нь ярих уу, яах уу” гэсэн сүржин үгээрээ нэг биш нэлээд хэдэн улстөрчдийн өвдгийг чичрүүлсэн түүнд холбогдох хэргийн шүүх хурал энэ сарын 23-нд болсон ч ирэх сарын 12-ныг хүртэл хойшилсон юм. Төр, нийгмийн зүтгэлтэн С.Зоригийн амь насыг хөнөөсөн хэрэгт буруутгагдсан этгээдүүдийг цагдан хорихдоо гүйцэтгэх ажлын журам зөрчсөн, эрүүдэн шүүсэн гэх хэрэгт нэр бүхий есөн хүн буруутгагдаж буй. Энэ талаар Б.Хурц болон УЕП-ын орлогч прокурор асан Г.Эрдэнэбат нар ийм тушаал өгөөгүй, мэдээгүй гэдгийг хэлээд амжсан. Тэгвэл Б.Хурцын талаар бид хэр ихийг мэдэх вэ. Ингээд түүний талаарх 24 баримтыг хүргэе.
-
2019 оны 7 сарын 16
Монголын хөгжмийн зохиолчдын ноён оргилуудын нэг Хөдөлмөрийн баатар, Төрийн шагналт, Урлагийн гавьяат зүтгэлтэн Б.Шарав хүнд өвчний улмаас таалал төгсөж, тэнгэрт дэвшжээ. Оюутан ахуй цагаасаа алдарт “Нэг, хоёрдугаар” симфонио туурвиж, Улс тунхагласны 60 жилийн ойн хүрээнд “Сэрсэн тал” хэмээх хүн бүрийн сэтгэлд хоногшсон бүтээлээ бичиж байсан тэрбээр нэг л өглөө нийт монголчууддаа хөнгөн гуниг төрүүлээд гэгээн алсад буцсан нь энэ байв. Түүний араас хүн бүр сэтгэлийн зул өргөж, хэн бүхэн дурсаж байна. Түүний тухай 24 баримтыг хүргэж байна.
-
2019 оны 7 сарын 11
Монгол бөхийн зүлэг ногоон дэвжээнээ XX зууны сүүлийн хагаст тодрон гарч ирсэн, угсраа олон мэхний хувилбар, уран хурц барилдаанаараа гайхагдаж, бөхийн төгс бие галбираар сод төрсөн хүмүүсийн нэг бол халхын их хүчтэн, дархан аварга Дашдоржийн Цэрэнтогтох билээ. Түүний эр ханагар цээжний цаана хүүхдийнх шиг “гэнэн цайлган” зүрх цохилж байсныг Монголын ард түмэн одоо ч мартаагүй. Ингээд түүний талаарх сонирхолтой 24 баримтыг хүргэж байна.
-
2019 оны 7 сарын 10
Монгол бөхийн түүхэнд луутнууд хэмээн нэгэн үедээ нэрлэгдсэн хүчитнүүдийн нэг нь Монгол Улсын гавьяат тамирчин, улсын гарьд “Том” хэмээх П.Сүхбат билээ. Түүний уран хурц, түргэн шаламгай барилдаанууд бөхийн хорхойтнуудыг олон жил суудалд нь тухтай суулгаж байсан удаагүй гэхэд болно. Түүний унасан ч, давсан ч инээж л байдаг гүндүүгүй, хэнэггүй занд нь монголчууд хайртай билээ. Тиймдээ ч жил бүрийн Улсын наадмаар "инээдтэй" П.Сүхбатаа эргэн дурсаж, шүүрс алддаг нууц биш ээ. Ингээд түүний тухай 24 баримтыг онцолж байна.
-
2019 оны 7 сарын 02
Ардын хувьсгалын 98 жил, Үндэсний Их баяр наадам болоход ес хоногийн хугацаа үлдлээ. Үүнтэй холбоотойгоор бөх сонирхчигдын дунд энэ наадмын түрүү бөх хэн байх тухай таамаг, мэтгэлцээн өрнөж эхлээд байна. Тиймээс бөх 24цаг.мн сайтын зүгээс өнгөрсөн 24 жилийн хугацаанд Үндэсний Их баяр наадмаар хэчнээн начин, харцага, заан, гарьд, арслан, аварга цолтон төрснийг хүргэж байна.
-
2019 оны 6 сарын 22
Хууль зүй, дотоод хэргийн сайд Ц.Нямдорж “Eagle” телевизийн Бадарчийн Жаргалмаа нэвтрүүлэгт оролцож цаг үеийн асуудлаар дэлгэрэнгүй ярилцлага өглөө. Түүний ярилцлагаас онцлох 24 эшлэлийг хүргэж байна.
-
2019 оны 6 сарын 18
УИХ-ын чуулганы нэгдсэн хуралдаанаар Үндсэн хуульд нэмэлт, өөрчлөлт оруулах тухай Д.Лүндээжанцан нарын гишүүний зүгээс өргөн барьсан хуулийн төслийг хэлэлцэж эхэллээ. Ардчилсан Үндсэн хуулийг 1992 онд баталснаас хойш 1999, 2000 онд нэмэлт, өөрчлөлт оруулж байсан бол түүнээс хойш 19 жилийн дараа парламент дахин “Эцэг хууль”-даа гар хүрэхээр болж байгаа нь энэ. Үүнтэй холбогдуулж Үндсэн хуульд нэмэлт, өөрчлөлт оруулах тухай хуулийн төслийн “ОНЦЛОХ-24” заалтыг хүргэж байна.
