-
2016 оны 5 сарын 10
Хятадын Фужиань мужийн уулархаг бүсийн Санминь хотын барилгын ажилчдын байрлан ажиллаж байсан барилгыг хөрсний гулсалтын улмаас нурсан хад чулуу дарсан хэрэг явдал гарсан байна. Нурсан хад чулууны хэмжээг 100000 куб метр хэмээн дунджаар тооцоолсон байна. Энэхүү гамшгийн улмаас 34 хүн амь үрэгдэж, 14 хүн бэртэж, гэмтэн, 4 хүнийг одоо болтол олоогүй байгаа талаар орон нутгийн Коммунист Намын хэвлэлийн албанаас мэдээлсэн байна. Бэртэж гэмтсэн хүмүүсийг эмнэлэгт яаралтай хүргэсэн бөгөөд тэдний биеийн байдал хэвийн байгаа ажээ. Сураггүй алга бологсдыг эрж олох, аврах ажиллагаанд 600 гаруй аврагч, гал сөнөөгч, цагдаагийн албан хаагч нар оролцож байна. Нурсан хад чулууг зайлуулах ажил хүндрэлтэй байгаа талаар хятадын төв телевиз мэдээллээ. Хад чулуунд дарагдсан барилгачид төрийн өмчит Хуадиан Фушинь Энэржи ХХК-ий Читан усан цахилгаан станцын барилга дээр ажиллаж байсан бөгөөд уг цахилгаан станц нь 2017 оны 8 дугаар сард ашиглалтанд орохоор төлөвлөгдөж байсан талаар Синхуа агентлаг мэдээлжээ.
-
2016 оны 5 сарын 10
Австри улсын Канцлер Вернер Фейманн албан тушаалаасаа огцорч байгаагаа өчигдөр зарлалаа. Тэрээр Социал Демократ намаас түүнд үзүүлэх дэмжлэг сул байгааг энэ үеэр онцолсон байна. Мөн Австри улсад ар талдаа намын бүрэн дэмжлэгтэй Канцлер хэрэгтэй байна гээд улс эх орны өмнө тулгамдаж байгаа олон асуудлуудыг шийдвэрлэхийн тулд энэ загийн газарт эрч хүч бүхий шинэ Канцлер, шинэ эхлэл шаардлагатай байгааг чухалчилсан байна. 2008 оноос эхлэн Австрийн Канцлерийн албан тушаалыг хашсан Вернер Фейманны хувьд мөн дээрх хугацаанд Социал Демократ намын даргын албыг давхар хашсан бөгөөд 5 дугаар сарын 9-ний өдөр эдгээр албан тушаалуудаас өөрийн саналаар нэгэн зэрэг огцроод байна. Австрийн шинэ Канцлерийг сонгон томилох хүртэл энэхүү албан тушаалыг дэд Канцлерийн үүргийг гүйцэтгэж байсан Райнхольд Миттерленнер түр хугацаанд хашихаар болжээ.
-
2016 оны 5 сарын 10
Ялалтын баярын парад Улаан талбайд боллоо
-
2016 оны 5 сарын 09
Филиппин улсад нэгдсэн сонгуулийн санал хураалт эхэллээ
Ганбаатар Мөнх-Эрдэнэ
18 минутын өмнө
Филиппин улсын Ерөнхийлөгч, дэд Ерөнхийлөгч болон конгрессийн гишүүд, мөн засаг захиргааны удирдлагуудыг сонгох нэгдсэн сонгуулийн санал хураалт өнөөдөр өглөө эхэллээ. Олон сая филиппинчуудын саналыг хураах үйл ажиллагааг улс орон даяар аюулгүй байдлын өндөржүүлсэн бэлэн байдал, хараа хамгаалалтан доор зохион байгуулан явуулж байна. Тус улсын Ерөнхийлөгчийн сонгуульд таван нэр дэвшигч өрсөлдөж байгаагаас Манила хотын дарга Родриго Дуэрте сонгогчдын дунд явуулсан судалгааны дүнгээр тэргүүлсэн байна. Харин тус улсын конгресс болон үндэсний хэмжээний засаг захиргааны 18000 орон тооны суудалд 45000 гаруй нэр дэвшигч өрсөлдөж байна. Ерөнхийлөгч Бениньо Акуино нийт ард түмэндээ хандан, филиппинчууд тайван замаар дэг журамтай, эмх цэгцтэй ардчилсан сонгуулийг явуулж чаддаг гэдгээ дэлхий дахинд харуулахыг уриалсан байна.
Хариу бичих
-
2016 оны 5 сарын 09
БНАСАУ-ын эрх баригч Хөдөлмөрийн намын ээлжит Долдугаар их хурал Пхеньянд энэ сарын 6-ны өдөр эхэллээ. Залуу удирдагч Ким Чен Уны удирдсан анхных гэдгээрээ онцлог энэ удаагийн хурлыг дэлхийн 100 гаруй хэвлэл мэдээллийн байгууллагын сэтгүүлчид сурвалжилж байна. Тэдний дунд ВВС зэрэг барууны агентлагийн төлөөллүүд ч байгаа бөгөөд аюулгүй байдлын ажилтнуудын хатуу хараа хяналтын дор ажил үүргээ явуулж байгаа аж.
БНАСАУ-ын Хөдөлмөрийн нам хамгийн сүүлд 1980 онд их хурлаа хийсэн бөгөөд удирдагч Ким Чен Ир 1972 онд залгамжлагчаараа зарласан хүү Ким Чен Иртээ албан тушаалаа албан ёсоор шилжүүлж өгч байв. Түүнээс хойд их хурал болоогүй бөгөөд 2010 онд “Таван жилд нэг удаа хуралдуулах” шийдвэр гаргасан ч VII их хурлын товыг өнгөрсөн жил л зарласан юм. Удирдагч Ким Чен Ун хурлыг нээж, гишүүдэд хийсэн мэдээлэлдээ “Манай улс хариуцлагатай улс болохынхоо хувьд олон улсад хүлээн зөвшөөрөгдсөн хэм хэмжээг чанд баримтлан, цөмийн зэвсэг үл дэлгэрүүлэх гэрээг хэлбэрэлтгүй мөрдөх болно” хэмээн мэдэгдсэн талаар олон улсын хэвлэлүүд мэдээллээ. Тэрээр цөмийн хөтөлбөрөө цаашид үргэлжлүүлнэ гэдгээ энэ үгээр илэрхийлжээ.
Цөмийн зэвсэг үл дэлгэрүүлэх гэрээг 1968 онд ЗХУ, АНУ, Их Британи, Франц, БНХАУ гэсэн таван улс байгуулсан бөгөөд цөмийн технологио бусдад дамжуулахгүй байх гэсэн гол агуулгатай юм. Гэрээнд дээрх таван улс цөмийн зэвсгийн сантай байхыг хуульчлан зааж, бусад улс тэдгээр орноос технологи дамжуулж авахгүй хэмээн гарын үсэг зурсан байдаг. Өөрөөр хэлбэл, гэрээ нь цөмийн технологи хөгжүүлэхийг биш, бусдаас авахыг хориглосон гэрээ юм. Тухайн улс өөрөө хөгжиж дэвшээд цөмийн зэвсэгтэй болж бүрэн болно. Гэрээнд Энэтхэг, Пакистан, Израиль гарын үсэг зураагүй бөгөөд БНАСАУ 2003 онд гарсан юм.
Ким Чен Ун хурлын төлөөлөгчдөд хандаж хэлсэн үгэндээ цөмийн зэвсгийг зөвхөн гадны улсаас халдан довтолж, улс орны аюулгүй, бүрэн бүтэн байдалд аюул учирсан тохиолдолд л хэрэглэнэ хэмээн цохон тэмдэглэсэн байна.
Мөн БНСУ-тай нэгдэх асуудлыг хөндөж, “Хөдөлмөрийн нам хоёр Солонгосыг нэгтгэхийн тулд багагүй мэрийлт гаргана” гэжээ. Тэрээр цаашдаа ч хоёр Солонгос нэгдэх ёстой, гэхдээ Ким Ир Сений нэгэн цагт тодорхойлсны дагуу Ардчилсан холбооны улс болох үзэл баримтлалыг дэмждэгээ илэрхийлжээ.
-
2016 оны 5 сарын 08
Итали улсьш Дээд шүүхийн шийдвэрээр хулгай хийсэн Украйны цагач Романы хэргииг хэрэгсэхгүй болгожээ.
-
2016 оны 5 сарын 07
Ачаалал багатай ажил хийлгэлээ гэж ШүүХЭД ӨГӨВ
-
2016 оны 5 сарын 06
Кирсти хуримын даашинз өмсөхийн тулд турж мөрөөдлөө биелүүлжээ
-
2016 оны 5 сарын 06
Өнөөдөр манайд орон сууц, газар, ажлын байр гээд юм бүхэн л эрэлт ихтэй болж, зарим нь энэ бүхнийг хулгай, худал аргаар зарсан, олсныхоо төлөө өнөөдөр хуулийн байгууллагад дуудагдаж байгаа нь нэг биш.
Гэтэл цэцэрлэгт хүрээлэн, худалдааны төв, хот суурин гээд огт эзэнгүй орхигдсон газар манай өмнөд хөршид нэг биш байна аа, цаана чинь. Хэн ч хайхрахгүй орхисон томоохон сүнс хии үзэгдэлтэй байгууламж юм.
-
2016 оны 5 сарын 06
Тампоноос болж хөлөө тайруулсан бүсгүй
-
2016 оны 5 сарын 05
-Талибанчууд утсаар заналхийлэх нь улам нэмэгдсэн тул Мохаммед эд хогшлоо зарж, Муртаза хүүгээ болон гэр бүлийнхнээ аврахын тулд тосгоноосоо нүүжээ-
Алдарт хөлбөмбөгчин Лионел Мессигийн гарын үсэгтэй цамц бэлгэнд авч байсан таван настай афган хүү Муртаза эх нутгаа орхихоос аргагүйд хүрчээ.
Афганистаны хөдөөгийн бөглүү тосгонд амьдардаг хүү өөрийн шүтээн, Аргентины хөлбөмбөгч Лионел Мессигийн 10 дугаартай өмсгөлийг авч өгөхийг гуйдаг ч аав нь авч өгч чадахгүй байжээ. Харин хүүгийн ах 15 настай Хомаюн гялгар уутаар дүүдээ Мессигийн өмсгөлийг дуурайлган хийж өгч, зургийг нь интернэтэд тавьсан нь дуулиан болсон юм. Домогт хөлбөмбөгчний шүтэн бишрэгч хүүгийн зураг олон хүний сэтгэлийг хөдөлгөсөн. Удалгүй хүүд Афганистаны Газни муж руу НҮБ-ын Хүүхдийн сангаар дамжуулан Лионел Мессигийн гарын үсэгтэй, 10 дугаартай өмсгөл илгээж, түүний мөрөөдлийг биелүүлсэн билээ.
Гэтэл интернэтэд од болсон хүүгийн гэр бүлийг тус бүс нутагт хяналтаа тогтоосон Талибанчууд утсаар заналхийлж, сүрдүүлснээс болж хүүгийн аав Мохаммед Ариф Ахмади гэр бүлийнхээ хамт хөрш Пакистаны Кветта хотод суурьшихаар шийджээ.
Мохаммед Ариф Ахмади “Бидний амьдрал тун хэцүү байна” хэмээн Ассошиэтед пресс агентлагт утсаар ярилцлага өгчээ. Мохаммедынхан төрөлх нутгаасаа явах дургүй байсан ч Талибанчууд өдөр ирэх тусам заналхийлэх нь улам нэмэгдсэн байна. Мохаммед сонин хэвлэлээр гарч, интернэтийн од болсон хүүг нь Талибанчууд хулгайлж, гэр бүлийнхний нь амь насанд халдах вий гэхээс айх болсон гэнэ.
Мохаммед утсаар заналхийлсэн тэр этгээдүүд хэн болохыг мэдээгүй ч хүүд тохиолдсон азтай явдлын дараа тэднийг их мөнгөтэй болсон гэж хардсан гэмт хэрэгтнүүд байж магадгүй гэж эхэндээ таамаглаж байжээ. Харин тосгоны нэгэн жолооч түүнд сүрдүүлсэн захиа авчирч өгсний дараа тэднийг Талибанчууд болохыг ойлгосон байна.
Мохаммедынхан эхлээд Пакистаны нийслэл Исламабадад суурьшихаар очсон боловч амьжиргааны өртөг дэндүү өндөр байсан учраас удалгүй Кветта руу нүүжээ. Талибанчууд захидалдаа хүүд Исламын ариун судар гэгддэг Коранаас заахын оронд хөлбөмбөг зааж өгсөн гэж буруутгасан байжээ. Гэвч удалгүй Талибанчууд утсаар заналхийлэх нь улам нэмэгдсэн тул Мохаммед эд хогшлоо зарж, Муртаза хүүгээ болон гэр бүлийнхнээ аврахын тулд тосгоноосоо нүүжээ.
1996-2001 оны хооронд Афганистан дах Талибанчуудын дэглэмийн үед спортын зарим төрлүүдийг Исламын шашинд харш хэмээн хориглож байсан билээ. Тэр хоригт хөлбөмбөгийг оруулаагүй боловч Талибанчууд Кабул хотын хөлбөмбөгийн цэнгэлдэх хүрээлэнг цаазын ял гүйцэтгэх газар болгож хувиргасан гэдэг.
Харин Талибанчуудын дэглэм нурсны дараа Афганистаны хүүхэд залуучууд эргээд хөлбөмбөг сонирхож, тоглодог болсон аж. Муртаза хүүгийн түүх цахим ертөнцөд олон хүний сэтгэлийг хөдөлгөсөн тул Афганистаны хөлбөмбөгийн холбоо хүүг НҮБ-ын Хүүхдийн сангийн сайн санааны элч Лионел Месситэй уулзуулах уулзалт зохион байгуулахаа амласан билээ. Түүнээс гадна зарим мэдээллийн хэрэгслээр Лионел Месси Муртаза хүүтэй уулзахаар Афганистанд очиж, түүнийг Испанид дагуулан очиж, Барселон клубт авах гэж буй тухай мэдээлж байв.
Гэвч үүний аль нь ч биелээгүй хэмээн хүүгийн аав санаа алдан ярьжээ.
-
2016 оны 5 сарын 05
ЮНИСЕФ-ийн сайн санааны элч, жүжигчин Орландо Блум зүүн Украйнд зочиллоо
-
2016 оны 5 сарын 05
Сирид өнгөрөгч сард 3.9 сая хүнд хүнсний тусламж хүргэжээ
-
2016 оны 5 сарын 05
Исламын үхуулга сурталчилгаа явуулж байсан 4 этгээдийг баривчилжээ
-
2016 оны 5 сарын 05
Сирийн асуудлаарх НҮБ-ын тусгай төлөөлөгч Стаффан Де Мистура, ОХУ-ын Гадаад Хэргийн Сайд Сергей Лавровтой мягмар гаригт Москва хотноо Сирийн асуудлаар уулзаад байна. Энэ үеэр тэрээр энэ тавдугаар сар Сирийн хувьд маш чухал сар болж өнгөрөхийг дурьдсан байна. Өчигдрийн уулзалтын гол сэдэв Сирийн гал зогсоох гэрээ зөрчигдсөөр байгаа асуудлыг зохицуулах тухай байлаа. ОХУ-ын ГХ Сайд С.Лавровын хувьд АНУ болон ОХУ хамтран Сири дэх гал зогсоох гэрээ зөрчигдөж байгаа эсэхийг хянах төвийг Женев хотноо үүсгэхээр зорьж байгаа гэдгийг энэ үеэр хэллээ. Уг төвийг ойрын өдрүүдэд ажиллуулж эхлэх болно гэж С.Лавров мэдэгдлээ. Синхрон: Сергей Лавров, ОХУ-ын Гадаад Хэргийн Сайд “Хоёр улсын Батлан хамгаалах яамд энэхүү асуудлаар өдөр бүр холбогдож байгаа. Видео холбоо ашиглан ярилцаж байгаа энэхүү ярианы үр дүнд Сирийн гал зогсоох гэрээг зөрчигдөж байгаа явдлыг хянах Орос-Америкийн хамтарсан хяналтын төвийг ойрын өдрүүдэд Женев хотноо ажиллуулж эхлэхээр болоод байна.
-
2016 оны 5 сарын 04
Олимпийн галт бамбар өчигдөр РИО 2016 зуны Олимпийн наадмыг зохион байгуулагч Бразил улсад хүрэлцэн ирлээ. Бразилын Олимпийн Хорооны Тэргүүн Карлос Нузман галт бамбарыг барьсаар нисэх онгоцноос бууж ирсэн байна. Галт бамбарыг нийслэл Бразилиа хотноо байрлах Планальто ерөнхийлөгчийн ордонд Ерөнхийлөгч Дилма Руссеффт гардуулсан байна. Дилма Руссефф Бразил улсыг тойрох галт бамбарын аялал эхэлж байгааг зарлан, галт бамбарыг барьж гүйх эхний тамирчин болох 2008 болон 2012 оны Олимпийн эмэгтэйчүүдийн воллейболын алтан медальт Фабиана Клаудинод гардуулсан байна. Галт бамбарын аялалд оролцох хүн бүр 200 метрийн зайд гүйх бөгөөд Фабиана Клаудиногийн дараа Бразилын нэрт математикч Артур Авила Кордейро де Мело бамбарыг барьж гүйхээр болжээ. 8 дугаар сарын 5-ны өдөр эхлэх Олимпийн нээлтээс өмнө галт бамбарыг 12000 хүн тус улсын 329 хотуудаар аялуулах юм байна.
-
2016 оны 5 сарын 04
Мексикийн нийслэл Мехико хотын захиргааны зүгээс агаарын бохирдлыг онцгой байдлыг мягмар гаригт зарлаад байна. Хотын агаарын бохирдол хэвийн хэмжээнээс 1.5 дахин ихэссэн тул онцгой байдал зарлаад байгаа бөгөөд агаарын бохирдлыг бууруулах үүднээс хотын нийт автомашины 40 хувийг замын хөдөлгөөнд оролцуулахгүй байх шийдвэрийг гаргасан байна. Ирэх 6 дугаар сарыг дуустал үргэлжлэх энэхүү дүрмийн дагуу тус хотын 5 автомашин тутмын нэг нь дугаарын хязгаарлалтын зачрмаар замын хөдөлгөөнд оролцохгүй болж байгаа юм. Ийнхүү Мехико хотноо нэг сарын хугацаанд хоёр дахь удаагаа онцгой байдал зарлаад байна. Хотын эрх баригчдын зүгээс агаарын бохирдлыг бууруулах талаар олон арга хэмжээг авч хэрэгжүүлж байгаа ч мэдэгдэхүйц үр дүн ажиглагдахгүй байгаа тул цаашдаа автомашинуудын агаар бохирдуулах хэмжээг шалган тооцож, уг шалгалтад тэнцээгүй автомашиныг замын хөдөлгөөнд оролцохыг нь хориглох хатуу арга хэмжээг авч эхлэх болно хэмээн мэдэгджээ.
-
2016 оны 5 сарын 02
Шинэ долоо хоногийн арилжааны эхний өдөр Токиогийн биржийн хувьцааны үнэ 3.6 хувиар буурсан үзүүлэлттэй гарлаа. Токиогийн хөрөнгийн биржийн Никкей индекс 3.6 хувиар буурч 16,062 болсон байна. Хувьцааны үнэ буурсан шалтгааныг Японы Төв банкнаас хөрөнгө болон зээлийг хөнгөвчлөхөөс татгалзах шийдвэрийг гаргасантай холбон тайлбарлаж байна. Харин энэ үеэр Японы иений Америк долларын эсрэг ханш сүүлийн 18 сард байгаагүй дээд хэмжээнд хүрч өсөөд байна.
-
2016 оны 5 сарын 02
Гиннесийн амжилтын номонд Испаний нийслэл Мадрид хотын төвд байрлах Ботин рестораныг албан ёсоор дэлхийн хамгийн хөгшин буюу олон жил оршин тогтносоор байгаа ресторанаар нэрлэсэн байна. Уг рестораныг 1725 онд франц тогооч Жан Ботин үүсгэн байгуулж байсан ажээ. Өнөөдөр энэхүү рестораныг ахлан ажиллуулж байгаа Хосе Гонзалесийн хэлснээр түүний өвөг эцэг нь уг рестораны бизнесийг 1930-аад оны үед анхны үүсгэн байгуулагчдын үр хүүхдүүдээс авсан байна.
-
2016 оны 5 сарын 02
Кени улсад үерийн улмаас барилга нурж,10 хүн амь үрэгдэв
