Зам, тээврийн хөгжлийн яамны Төрийн захиргааны удирдлагын газрын дарга асан Б.Махбалд холбогдох эрүүгийн хэргийн урьдчилсан хэлэлцүүлэг Сүхбаатар дүүргийн эрүүгийн хэргийн шүүхэд үргэлжилж байна. Б.Махбал нь тус яамны Хяналт шинжилгээ, үнэлгээ, дотоод аудитын газрын дарга Т.Гомбосүрэнг зодож, амийг нь бүрэлгэсэн хэрэг өнгөрсөн оны наймдугаар сард гарсан байдаг.
Шүүх хуралдааны явцад Б.Махбалын өмгөөлөгчид хэргийг нэмэлт мөрдөн байцаалтад буцаах санал гаргажээ. Мөн Эрүүгийн хуулийн 5-р зүйлийн 3-т зааснаар хэргийг хаах хүсэлт гаргасан байна. Тэд үүнийгээ тайлбарлахдаа талийгаач Т.Гомбосүрэн нь хэргийг анх өдөөн турхирсан гэсэн бололтой. Тиймээс Б.Махбал ч шүүхийн өмнө хохирогчоор тооцогдох учиртай гэжээ.
Б.Махбал нь өдгөө цагдан хорих 461 дүгээр ангид саатуулагдаж байгаа юм. Түүнд Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.1 дэх хэсэгт зааснаар яллах дүгнэлт үйлдсэн буюу “Хүнийг онц харгис хэрцгийгээр алсан бол арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ”-ээр прокуророос яллах дүгнэлт үйлдээд байгаа билээ.
С.Сүлд
Сэтгэгдэл (72)