МАН-ын нарийн бичгийн дарга У.Хүрэлсүх намынхаа гишүүдийг ганцаарчилсан уулзалтад дуудахаар ирэхгүй байгаа гэнэ. Энэ нь нам дотор үүсч байгаа хагарал хурцдаж байгааг илэрхийлж байж болох юм. Тэдний дотоод хагарал хэд хэдэн үйлдлээр батлагдаж байна. Саяхан УИХ-ын танхимд суудаг гишүүд муудалцаж, түлхүүрээр “байлдсан”. Зарим эх сурвалж Н.Ганбямба гишүүн сангийн сайд Д.Хаянхярваа руу түлхүүр биш гар утас шидсэн гэдгийг хэллээ. Мөн УИХ-д орохдоо амалж байсан 1.5 сая төгрөгөө цувуулж өгсөнд уурссан гишүүд С.Батболд дарга руу давшилсан гэж байгаа. Сүүлийн үед мэдээллийн хэрэгслийн баатар болоод байгаа ХЗДХ-ийн сайд Ц.Нямдорж миний хэлсэн үг, хийж байгаа зүйлийг намынхан дэмжсэнгүй хэмээн гишүүдээ зэмлэсэн гэхчлэн МАН-ын дотор хаврын хагарал үндсэлжээ. Энэ хагарлын эхний оношоор 10 гаруй гишүүн намаасаа гарах гэж байгаа гэсэн мэдээлэл тодров. Тэдний дотор Б.Бат-Эрдэнэ, Д.Тэрбишдагва, Ч.Улаан, Д.Балдан-Очир, Ц.Даваасүрэн, Р.Раш гээд хөвөрч өгнө. Энэ хүмүүс намаасаа гарах гэж байгаа тухай 24tsag.mn мэдээлж байсан билээ.