Улс төрийн амьдрал халуухан үйл явдлаар дүүрэн өдрүүдтэй давхцан нэгэн шинэ ном тун хязгаарлагдмал хүрээнд нээлтээ хийжээ.

   Улс төрийн амьдрал халуухан үйл явдлаар дүүрэн өдрүүдтэй давхцан нэгэн шинэ ном тун хязгаарлагдмал хүрээнд нээлтээ хийжээ.

   -Өвлийн сүүлчийн тээш тэнгэрээс бууж буй энэ цастай өдөр номын хур буулаа. Энэ хурын эзэн нь эмэгтэй хүн, тэр тусмаа элдэв жендер ярилгүй эрдэм чадлаараа эрчүүдтэй мөр зэрэгцэн яваа миний найз байгаад би бахархаж байна гэж яруу найрагч Ц.Хулангийн хэлсэн ном “Шатрын өрөг дэх Монгол. Олон улсын улс төр” нэртэй. Найрагч бүсгүйн найз буюу номын зохиогч нь Ерөнхийлөгчийн үндэсний аюулгүй байдлын бодлогын зөвлөх М.Батчимэг юм. “Интерном” их дэлгүүрт болсон номын нээлтэд Ц.Хулангийн тодорхойлсончлон “нам ондоо ч найзалж болдог, үнэт зүйлс дээрээ нэгдсэн” зохиогчийн нөхөд, албаны хүмүүс, эрдэмтэн судлаачид цугласан байв. Үнэхээр ч зочдын дунд олны өмнө цугтаа байхыг нь ховорхон харж болох эрхмүүд иржээ. ЕТГ-ын дарга Д.Баттулга ажлаа өгөөд Австралид томилогдсон тагнуулын экс дарга Р.Болдтой нэгийг хэлэлцэж, Ц.Хурцын албыг авсан, ҮАБЗ-ийн ажлын албаны дарга Б.Билэгт “Эрх чөлөө” төвийн Ц.Оюунгэрэлд хөгжилтэй түүх хуучилж, Ц.Хулан хатагтай ойрмогхны хэвлэлийн баатар “Монголын төмөр зам” ТӨХК-ий Б.Батзаяатай чухалчлан ярилцаж харагдана.

Харин “Шатрын өрөг дэх Монгол” номын зохиогч М.Батчимэг:

   -Дэлхийн геополитикийн алдарт сурах бичгүүдийн нэг “Шатрын их хөлөг” номыг бичсэн Збигнев Бзежински гуайтай уулзаж суухад номын нэр, санаа анх орж ирсэн юм. Олон улсын амьдралыг шатрын адармаатай хөлөгтэй зүйрлэвэл тэрхүү өрөг дэх Монголынхоо байрлалыг зөв тодорхойлох, оновчтой нүүдэл хийх тухай бодол эрхгүй төрнө гэж хэлсэн юм. Уг номд аюулгүй байдал, олон улсын улс төрийн чиглэлээр түүний сүүлийн 10 гаруй жил бичсэн өгүүллүүдийн дээжсийг 4 бүлэг болгон эмхэтгэжээ. Нэрт нийтлэлч Баабар түүний энэ номыг “Батчимэгээс Бзежинскид өгсөн хариу” хэмээн тодорхойлсон бол Батлан хамгаалахын сайд, Стратегийн судалгааны хүрээлэнгийн захирал асан, дэслэгч генерал Л.Моломжамц “...болзошгүй дүр зураг, зарим үйл явцыг нөлөөгүй толинд тусгасан” гэж дүгнэсэн байна.