Цэргийн ёсолгоо гэдэг мэндчилгээний маш онцгой хэлбэр юм. Мөн тухайн улсоронд мөрдөгддөг хууль дүрмээсээ үүдээд мэндчилгээ, ёсолгоо өөр өөр байдаг.Ингэхэд  цэргийн  ёсолгооны түүх  торгон  цэргүүдийн  үеэс  эхтэй.  Тэр  үед  торгонцэргүүд ямар үед ч  зэр зэвсэг,  илд бамбайгаа байнга  агсан,  хөө хуягаа үргэлж өмсөж явдаг байжээ. Ингээд тэд хаа нэгтээ хоорондоо таарлаа гэхэд зөрж өнгөрөх үедээ  хэн  нэгэндээ  дайсагнаагүй  гэдгээ  илэрхийлэхийн  тулд  баруун  гар  дахь бамбайгаа өргөнө. Харин зүүн гараасаа сэлмээ огтхон ч салгадаггүй байжээ.

Энэхүү уламжлал яван явсаар эдүгээгийн цэргийн ёсолгоо болж хувирсан агаад үүнийг Англиас эхтэй гэж үздэг.  Гэхдээ эхэн үедээ бараг бүх улсын армид доод албан  тушаалтан  дээдчүүлдээ  малгай  аван  мэндчилдэг  байв.  Гэтэл  XIX зууны эхээр Английн цэргийн албан хаагчдын малгай ихээхэн том хэмжээтэй болсон тулцаг үргэлж түүнийгээ аван мэхийгээд байх тун хүндрэлтэй болжээ. Тиймээс баруунгарынхаа  тэнийлгэсэн  хурууны  үзүүрийг  чамархайн  тушаагаа  аваачин  ёсолдогболсон байна.  Яг энэ үед Шотландийн армийн цэргийн дүрэмд ийм маягаар ёслох,мэндчилэх  тухай  заалт  оржээ.  Энэ  ёсолгоо  үндсэндээ  түүхийнхээ  хугацаанд ганцхан удаа өөрчлөлт орсон бөгөөд энэ нь британи цэргүүд ёслохдоо гарынхаа алгыг дээш харуулдаг болсон явдал юм.

Харин  Америкийн  цэргийн  албан  хаагчид  ёслохдоо  гарынхаа  алгыг  доош  нь харуулан,  бага  зэрэг  урагш хандуулдаг.  Энэ  ч  бас  учиртай  гэнэ.  Яагаад  гэхээртухайн  үед  тэнгисийн  цэрэгт  алба  хааж  байсан  усан  цэргүүдэд  цагаан  бээлий тавьж өгдөг байсан бөгөөд  тэд байнга давирхайгаар усан онгоцоо лайддаг байсантул дарга нартаа бохир заваан бээлий харуулахгүйн тулд алгаа доош нь харуулдаг болжээ. Ингэхэд францчууд бас энэ шалтгаанаар гарын алгыг доош нь харуулан ёсолдог болсон байна.   Дундад зууны үеийн Орост баруун чамархайн орчим хоёр хуруугаа ойртуулан ёсолдог байв. Малгай авахад энэ хуруунууд онцгой үүрэг гүйцэтгэдэг байсан учир ийнхүү хоёр хуруугаараа ёсолдог байв гэнэ. Энэ уламжлал Польшийн армид одоохүртэл хадгалагдан үлдсэн байдаг.  Харин Октябрийн хувьсгалын дараа Оросын армийн цэргүүд  одоогийн маягаар ёсолдог болсон ажээ.