2015 оны 7 дугаар сарын 23-ны өдрийн 10 цагийн байдлаар
Монгол улсад:
Тарваган тахал өвчний сэжигтэй тохиолдол:
Ховд аймгийн Булган сумын харьяат “Г” 14 настай, эрэгтэй. Цогцсноос нийт 7 сорьц дээжлэн авч лабораторийн шинжилгээ үргэлжилж байна.
Сумын төвд хөдөлгөөн хязгаарлаж, 4 цэгт газарт хяналтын пост ажиллаж байна.
Сумын төвд 1-р хавьтлын 18 хүнийг тусгаарлаж, сэргийлэх эмчилгээнд хамруулж байна.
Голомтод талбарын судалгаа хийж, хариу арга хэмжээг зохион байгуулан ажиллаж байна.
Эх сурвалж: ЗӨСҮТ
Хэрэгжүүлж буй хариу арга хэмжээ
ЗӨСҮТ-ийн мэргэжилтнүүдтэй хамтран эрсдлийн түргэвчилсэн үнэлгээ хийж, хариу арга хэмжээний зөвлөмж боловсруулан хэрэгжүүлж ажиллаж байна.
Голомтод 18 машин техник хэрэгсэлтэйгээр 59 хүн ажиллаж, хариу арга хэмжээг зохион байгуулж байна.
Улаанбурхан өвчин:
-Улсын хэмжээнд 20863 сэжигтэй тохиолдол бүртгэгдсэний 1183 хүн лабораторийн шинжилгээгээр, 6800 хүн эпидемиологийн холбогдол, эмнэлзүйн шинж тэмдгээр тус тус батлагджээ.
-ХӨСҮТ-д нийт 113 хүн хандаж, 9 хүн шинээр хэвтэж, 5 хүн эмчлэгдэн гарч, 61 хүн одоо эмчлэгдэж байна. Үүнээс 30 өвчтөн хүнд болон хүндэвтэр явцтай, 8 хүн эрчимт эмчилгээнд эмчлэгдэж байна.
Эх сурвалж: ХӨСҮТ
Хэрэгжүүлж буй хариу арга хэмжээ
Улаанбурхан өвчний талаарх мэдээллийг холбогдох байгууллагад түгээж, мэдээлэл сурталчилгааг ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.
Дэлхий дахинд:
Хүний Коронавирүст (MERS-CoV) халдвар:
Саудын Араб улсад хүний коронавирүст халдварын 6 тохиолдол шинээр мэдээлэгдсэн байна.
БНСУ, БНХАУ-д нийт 186 лабораториор батлагдсан тохиолдол бүртгэгдэж, 36 хүн нас барсан байна. Нас баралтын түвшин 19.3%.
Дэлхий дахинд 1374 лабораториор батлагдсан тохиолдол бүртгэгдэж, 490 (35.6%) хүн нас барсан байна.
Эх сурвалж: ДЭМБ
Хэрэгжүүлж буй хариу арга хэмжээ
Гадаад хэргийн яам, БНСУ-ын Элчин сайдын яамтай өдөр бүр мэдээлэл солилцож ажиллаж байна.
ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.
Эбола вирүст халдвар:
2015 оны 07 дугаар сарын 19-ны байдлаар 27807 хүн өвчилж, 11333 (40.7%) хүн нас баржээ. Эрчимттэй тархалттай байгаа Гвиней, Сьерра-Леон, Либери улсад өнгөрсөн долоо хоногийн хугацаанд нийт 26 хүн шинээр мэдээлэгдсэн байна.
Эх сурвалж: ДЭМБ
Хэрэгжүүлж буй хариу арга хэмжээ
ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.
