Энэ сарын 9-нд Сонгинохайрхан дүүргийн 21 дүгээр хорооны нутаг дэвсгэр “Сайхан” нэртэй пабд үйлчлүүлэхээр орж явсан 47 настай эмэгтэйг тус газрын тэжээвэр хоёр нохой дайрч баруун хөлийнх нь шилбэ, булчин тус газарт ноцтой гэмтэл учруулсан талаар бид мэдээлсэн.

Тэгвэл энэ сарын 16-нд Чингэлтэй дүүргийн 7-р хороонд оршин суух эмэгтэй Б гэгчийн зөөлөн эд нь бүрэн зулгаагдсан буюу нохойд уруулсан шархтай нас барсан хэрэг дээр Чингэлтэй дүүргийн цагдаагийн нэгдүгээр хэлтэс эрүүгийн хэрэг үүсгэн шалгаж байна.  Талийгаачийг ямар учраас амиа алдсаныг Шүүх шинжилгээгээр тогтоох юм.

Нохой хүн хазаж гэмтээж, амь насанд нь аюул учруулсан тохиолдолд хөдөлмөрийн хөлсний доод хэмжээг 5-50 дахин нэмэгдүүлсэнтэй тэнцэх хэмжээний торгох буюу эсвэл 1-6 сар хүртэлх хугацаагаар баривчлах ялаар шийтгэх юм.

Эрүүгийн хуулийн 201.2 -т энэ хэргийн улмаас хүний амь нас хохирсон бусдад хүнд уршиг учирсан бол 3-6 сар хүртэлх хугацаагаар баривчлах, эсвэл 5 жил хүртэлх хугацаагаар хорих ялаар шийтгэнэ гэж заасан байдаг.

Д.Ундрах /24tsag.mn/