Нийслэлийн хэмжээнд үйл ажиллагаа явуулдаг бүх их, дээд сургуулийн оюутнуудын дунд “ШИЛДЭГ 30 ОЮУТАН МЕНЕЖЕР” төслийг “Ноён Алтай Групп”-с зохион байгуулах гэж байгаа тухай тус компаний маркетингийн албаны дарга Е.Эрболдтой ярилцлаа.

-Танай байгууллагаас санаачлан хэрэгжүүлж буй уг төсөлд бүх салбарын их, дээд сургуулийн оюутнууд оролцох боломжтой юу?

-Тиймээ. Уг төсөлд заавал бизнес, менежмент, эдийн засаг гээд оюутнуудыг салбараар нь ангилсан зүйл байхгүй.

-Төсөлд оролцохыг хүссэн оюутнуудад ямар шаардлага тавигдаж байгаа вэ? Их өндөр шалгуур байх уу?

-Маш энгийн. Зөвхөн өөртөө итгэлтэй, удирдан манлайлах чадвартай, өөрийгөө цаашид хөгжүүлэх чин хүсэл эрмэлзэлтэй оюутан, залуучуудыг л бид урьж байгаа.

-Төсөл хэдэн үе шаттай, хэдэн хүнийг хамруулах вэ?

-Төсөл үндсэндээ 2 үе шаттай явагдана. 1-р үе шатанд нийт бүртгүүлсэн оюутнуудыг чадваржуулах сургалт хийгдэж, манай байгууллагаас оролцогч бүрт энгийн нэг даалгавар өгнө. Тус даалгаврыг хамгийн түрүүнд хугацаандаа багтаж гүйцэтгэсэн эхний 60 оюутан дараагийн шатанд шалгарна. Төслийн 2-р үе шатанд шалгарсан оюутан бүр англи хэл, илтгэх урлагийн сургалтыг түргэвчилсэн хугацаанд үнэ төлбөргүй авч, манайхаас өгөгдөх дараагийн даалгаварт орно. Уг даалгаварыг хамгийн түрүүнд гүйцэтгэсэн эхний нэг оюутан “Шилдэгийн шилдэг оюутан менежер” өргөмжлөл мөнгөн шагнал, хугацаандаа багтаж даалгавар гүйцэтгэсэн дараагийн 29 оюутан “Шилдэг оюутан менежер” өргөмжлөл мөнгөн шагналын хамт тус тус авна.

-Төслийн шагналын сан 40 сая төгрөг гэсэн. Энэ мөнгө хэрхэн хувиарлагдаж шагнагдах вэ?

-Тиймээ. Нийт шагналын сан 40 сая төгрөг. Үүнээс эцсийн шатанд тэнцсэн 30 оюутан тус бүр 1,000,000 төгрөгний эзэн болох ба шилдгийн шилдгээр тодорсон оюутан 2,000,000 төгрөгний эзэн болохоос гадна авто сургуульд үнэгүй сурах эрхийн бичиг давхар хожно. Мөн 2-р үе шатанд тэнцсэн 60 оюутан бүр 100,000 төгрөгийн шагналтай байгаа.

-Төслийн хугацаа ямар байх вэ?

-2015.10.19-10.26 хооронд оролцогчдыг бүртгэнэ. 2015.10.26-11.01 хооронд эхний шатны өрсөлдөөн эхэлнэ. 2015.11.02-11.30-ны хооронд 2-р үе шат явагдана. 2015.12.09-ны өдөр төслийн хаалт явагдаж, шилдэг менежер оюутнуудыг тодруулна.

-Хамрагдахыг хүсвэл бүрдүүлэх материал болон дэлгэрэнгүй мэдээллийг хаанаас авах вэ?

Noyonaltai.com website болон Ноён Алтай Групп facebook хуудаснаас авах боломжтой. Мөн 70117834, 96667834, 89959500 дугааруудаас дэлгэрэнгүй мэдээллийг авч болно.

-Баярлалаа танд.