"Машинаа гараждаа тавичихаад ороод ирье” хэмээн гэрээсээ гарсан 27-хон настай залуу сураггүй алга болсон хэрэг гарсан байна. Тодруулбал Нийслэлийн Сүхбаатар дүүргийн аравдугаар хорооны долдугаар хорооллын … дүгээр байрны  ...тоотод  оршин суугч иргэн, 27 настай эрэгтэй Л нь энэ сарын 5-ны өдрийн 06:00 цагт  УБМ улсын дугаартай “Toyota Prado-120” загварын автомашинаа гараждаа хийнэ гэж гараад сураггүй болжээ.

Ингээд ар гэрийнхэн нь эрэл сурал болж, зургаа хоносны дараа буюу энэ сарын 11-нд 13:00 цагт  тус иргэний автомашиныг Хөвсгөл аймгийн Алаг-Эрдэнэ сумын харьяа Хатгал тосгон /тосгоноос зүүн хойд зүгт 35 км/ Хүслийн хадны зүүн талд Хөвсгөл нуурын эрэг дээр эзэнгүй байхад нь  цагдаагийн ахлагч О олсон байна.

        Д.Дуулим