Эрvvгийн цагдаагийн газрын Эдийн засгийн гэмт хэрэгтэй тэмцэх тасгийнхан өнгөрсөн аравдугаар сарын 30-нд Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг цагдан хорьж баривчилсан юм. Тvvнээс шинэ төмөр замтай холбоотой хэргээр байцаалт авч байгаа юм.

Түүнийг баривчилсан даруйдаа Зайсан дахь хорих газар саатуулсан юм. Түүнээс гадна Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирлыг баривчилсан юм. 

Тэгвэл Б.Батзаяагийн хамт шалгагдаж байсан хүмүүсийн цагдан хорих хугацааг сунгах уу, үгүй юу гэдэг асуудлыг Эрүүгийн хэргийн анхан шатны шүүхэд хэлэлцсэн байна.

Улмаар Б.Батзаяаг батлан даалтад гаргасан байна. Түүнийг яг одоо хорих ангиас ар гэрийнхэн нь авч явж байгаа аж. Түүний өмгөөлөгчөөр Пүрэвбаатар ажиллаж байгаа юм байна.

Мөн Солонгосын “Самсунг С&Т” компанийн захирал Ли Жон Гёл батлан даалтад гаргажээ. Тэгэхээр Ли Жон Гёл гадуур байцаагдаж эхэлнэ гэсэн үг. Түүний хувьд өнгөрсөн аравдугаар сарын 30-наас хойш өнөөдрийг хүртэл цагдан хоригдсон юм. Түүний  өмгөөлөгчөөр Г.Батбаяр, Данзанноров, Мөнхбат нар ажиллаж байна.

Д.Дуулим