УИХ дахь хоёр байнгын хорооны хамтарсан 10 гишүүний бүрэлдэхүүнтэй ажлын хэсэг гарч Хөгжлийн банкинд шалгалт хийсэн. Шалгалтаар хэд, хэдэн ноцтой зөрчил илэрсэн хэмээн УИХ дахь МАН-ын бүлгийн зарим гишүүд хэлж буй. Тодруулбал, Чингис, Самурай бондын хөрөнгөөс 5.4 сая доллар дутсан. Мөн зарим төслийн төсөвт өртөг нь өссөн, тендер зарлалгүйгээр нэг компанид давуу эрх олгосон гэх мэт зөрчлүүд илэрсэн гэж МАН-ын бүлгийн гишүүн Л.Энх-Амгалан, Ч.Хүрэлбаатар, Д.Чойжилсүрэн нарын гишүүд мэдэгдсэн юм. Тиймээс дээрх зөрчлүүдийг шалгах ёстой. Түүнээс биш компаниудад зээл олгосон асуудлыг хөндөөгүй гэж дээрх гишүүд хэлж байгаа. Харин АН-ын бүлгийн гишүүд “Шалгалт явуулсан ажлын хэсгийн дүгнэлт нь албан бус, баталгаажаагүй. Тийм байхад МАН-ынхан Хөгжлийн банктай холбоотой асуудлыг улс төржүүлж барин, тавин мэдээллээр иргэдийн толгойг угаалаа гэж хэлж байгаа юм. Ингээд уг асуудлаар АН, МАН-ын бүлгийн дарга нар юу гэж ярьсаныг 24 VS 24 онцолж байна.

Т.Энхэлээ