Монгол банкны зүгээс Шилэн дансыг хөтлөхгүй гэдгээ өчигдөр мэдэгдсэн. Тодруулбал, "Монгол банк"-ны Тамгын газрын захиргаа, хүний нөөцийн хэлтсийн дарга П.Эрдэнэтуяа Сангийн яамны Төрийн нарийн бичгийн даргад албан тоот хүргүүлж, Шилэн дансны хуулийг Монгол банк дагаж мөрдөх үндэслэлгүй гэдгээ мэдэгдсэн байна. Харин Шилэн дансны хэрэгжилтийг мөрдөхийг албан байгууллагуудаас тууштай шаардаж буйгаараа олны танил болсон "Шилэн Цогоо" буюу иргэн Б.Цогтгэрэл Монгол банкны тус тайлбарыг эсэргүүцэж "Төв банк шилэн данс заавал хөтлөх ёстой" гэж байгаа юм. Ингээд тэдний эсрэг, тэсрэг байр, суурийг 24VS24 онцолж байна.
|
"Монгол банк"-ны хэлтсийн дарга П.Эрдэнэтуяа Шилэн дансны тухай хуулийн зорилтыг улс, орон нутгийн төсөв хөрөнгийг үр ашигтай захиран зарцуулах зорилгоор төслийн удирдлагыг хэрэгжүүлэх шийдвэр, үйл ажиллагаа ил тод, нээлттэй байх, түүнд олон нийт хяналт тавих мэдээллийн тогтолцоог бүрдүүлнэ хэмээн тодорхойлсон болно. Түүнчлэн Шилэн дансны тухай хуулийн үйлчлэлд төрийн болон орон нутгийн өмчит байгууллага түүний эд хөрөнгө захиран зарцуулах эрх бүхий албан тушаалтан хамаарахаар заажээ. Монгол банкийг "Төрийн өмчит хуулийн этгээд" гэж үзэх нь төрийн болон орон нутгийн өмчийн тухай хуулийн зохицуулалтыг зөрчихөд хүргэнэ. Иймд дээр дурдсан Шилэн дансны тухай хуулийн зорилт, үйлчлэх хүрээний дагуу Сангийн яамнаас эрхлэн хөтөлж буй нэгдсэн цахим хуудсанд Монгол банк мэдээлэл тавих үндэслэлгүй гэж үзэж байна. |
Иргэн Б.Цогтгэрэл Төв банкны тухай хуулийн 3.2-т "Монголбанк нь төрөөс үүсгэн байгуулсан хуулийн этгээд" гэжээ. Мөн Шилэн дансны тухай хуулийн 3.1.1-д "Төрийн болон орон нутгийн өмчит хуулийн этгээд" гэж хамрах хүрээг заажээ. |
Сэтгэгдэл (14)