Шинэ төмөр замтай холбоотой хэргийг ЦЕГ, АТГ-ын хамтарсан ажлын хэсгийнхэн шалгаж байгаа билээ. Шалгалтын хүрээнд Ухаа худаг-Гашуунсухайт чиглэлийн 267 км төмөр зам барих төслийг хэрэгжүүлэхдээ хууль зөрчсөн, мөнгө угаасан гэх үндэслэлээр хэд, хэдэн хүнийг яллагдагчаар татсан. Тодруулбал, Зам тээврийн яамны төрийн нарийн бичгийн дарга асан Б.Батзаяа, УИХ-ын гишүүн Х.Баттулгын хоёр ч туслахыг шалгаж буй. Мөн уг хэрэгт холбогдуулан УИХ-ын гишүүн Х.Баттулгыг мөн шалгасан юм.

Зарим эх сурвалжийн хэлж буйгаар шинэ төмөр замтай холбоотой хэрэгт монгол компаниуд холбогдоод зогсохгүй томоохон бүтээн байгуулалтын төсөл ч холбогдож байгаа гэнэ. Түүнчлэн ажлын хэсгийнхэн төмөр замын бүтээн байгуулалтын ажлыг хэд, хэдэн газар дээр нь шалгасан дүгнэлтээ гаргаж дууссан бололтой. Хэргийн мөрдөн байцаалт дуусч байгаа талаар эх сурвалж хэлж байна.