“Тэс петролиум” ХХК-аас 2016 оны тавдугаар сарын 30-нд СЕХ-нд хандан УИХ-ын сонгуульд нэр дэвшигч Б.Гарамгайбаатарын нэрийг татуулах тухай мэдэгдлийг хүргүүлсэн. Учир нь түүний 100 хувийн эзэмшлийн “Монроуд” ХХК нь "Тэс петролиум" компаниас гэрээний дагуу хагас тэрбум төгрөгийн нефтийн бүтээгдэхүүн авч хэрэглэчихээд өнөөг хүртэл мөнгийг нь өгөхгүй байгаа гэдэг. Хоёр ч шатны шүүхээс Б.Гарамгайбаатарын “Монроуд” компаниас мөнгө гаргуулж "Тэс петролиум"-ийн хохирлыг барагдуулах шийдвэрийг гаргасан байдаг. Тэгвэл Б.Гарамгайбаатарын талаар энэ сарын 2-ны өдөр СЕХ-ны дарга Ц.Содномцэрэнгийн нэр дээр  дахин гомдол ирүүлсэн байна.

Уг гомдолд "Б.Гарамгайбаатар нь хуульд заасан шаардлагыг хангахгүй болох нь тодорхой болмогц өөрийн өмчлөлийн өртэй компаниа хүү Г.Тэнгисийн нэр дээр шилжүүлэх замаар өр төлбөргүй мэт дүр эсгэн, Монгол Улсын сонгууль, түүнийг зохион байгуулж байгаа төрийн байгууллага болох СЕХ-г, улмаар сонгогчдыг хууран мэхэлж, залилан нэрээ дэвшүүлэн бүртгүүлэх гэж байна” гэжээ.

 Б.Гарамгайбаатар мөнгөө төлөөгүйгээс болж "Тэс петролиум" компанийн ажилчид 18 сарынхаа цалинг авч чадаагүй байна. Үүүнээс болж 30 ажилчин өлсгөлөн зарлахаар болсноо мэдэгджээ.

Т.Энхэлээ