Увс аймгийн Цагдаагийн газрын дарга, цагдаагийн хурандаа Д.Бадамрагчааг өөрт нь урьдчилан мэдэгдэлгүй, ажлын үр дүнг нь удирдлагын зөвлөлөөр хэлэлцүүлэхгүйгээр үүрэгт ажлаас нь чөлөөлсөн тухай  бид өмнө нь мэдээлсэн билээ. Тэгвэл ийм байдлаар түүнийг ажил, албан тушаалаас чөлөөлсөн нь хууль ёсны ашиг сонирхлыг зөрчсөн гэж үзэж, Д.Бадамрагчааг ажлаас чөлөөлөх тушаалыг Хууль зүйн сайд Д.Дорлигжав өчигдөр хүчингүй болгосон юм.

Хууль зүйн сайдын тушаалын дагуу Д.Бадамрагчаа эргэн ажлаа хийх гэсэн боловч түүний оронд түр ажилласан албан хаагч ажлаа хүлээлгэж өгөхгүй хэмээн гүрийж байгаа талаар эх сурвалж мэдээллээ. Увсын Цагдаагийн газрын даргаар хэдхэн хоног ажилласан тэрбээр ямар учраас ажлаа хүлээлгэн өгөхгүй байгаа нь олны анхаарлыг татаж байна. Түүний энэ үйлдлийг улс төртэй холбож тайлбарлах хүмүүсч байгаа юм. Энэ талаар бид эргэн мэдээлэх болно.

24tsag.mn