Хонь - (3/21-4/19)

Бүхнийг гэрэлтүүлэгч нар Мэлхийн ордод оршин орон гэр, гэр бүлд хайрын гэрлээ цацруулна. Хэрвээ одоо амьдарч буй байр тань давчуу, хангалтгүй санагдаж байвал засвар хийх юмуу нүүх талаар бодох цаг болжээ. Хайрын харилцаанд стресс үүсч магадгүй, бие биедээ уураа гаргахгүй байхыг хичээ. Мэргэжлийн хүнтэй уулзах нь аль алины хувьд өөрчлөлт хийх талаар ярилцах боломж олгоно.

Үхэр - (4/20-5/20)

Харилцаа холбоо тогтоох, сурч боловсроход таатай өдөр. Мөн ирэх долоо хоногоос гадаад хэл сурч эхэлнэ. Энэ таньд сайнаар нөлөөлж та амжилттай суралцна. Сарны энерги танд дотнын хүнтэйгээ харилцаагаа шинээр эхлэх цаг хугацааг өгнө. Асуудалтай байгаа харилцаагаа сайжруулах зүтгэл гаргаснаар амжилт олно. Дотно хүнтэйгээ цагийг өнгөрөөж, хайр сэтгэлийнхээ үр шимийг хүрт. Хэрвээ та онцгой төлөвлөгөөтэйгөө урагшлах тохиромжтой үеийг хүлээж байгаа бол түр хойшлуулах нь дээр. Ирэх хоёр долоо хоногт таатай цаг ирнэ. Тэр үед бэлтгэж эхэл.  

Ихэр - (5/21-6/21)

Од эрхэс таны мөнгө санхүүгийн асуудалд нөлөө үзүүлнэ. Хэдийгээр таны бизнес тийм ч амжилттай биш байгаа ч та хэн нэгэнд их хэмжээний мөнгө зээлдүүлэх бололтой. Таны мэдрэмтгий байдал бусдын юу хүсч байгааг ойлгоход туслах болно. Таны урлагийн мэдрэмж маш өндөр байгаа хэдий ч та өөртөө хангалттай авъяас байгаа гэж үзэхгүй байгаа бололтой. Хөгжим сонсож, зураг зурж, дуртай ажлаа хийж урлагийн мэдрэмжээ сэргээ.  

Мэлхий - (6/22-7/22)

Ухаалаг Буд гараг ба өөртөө итгэлтэй Ангараг гараг хоёр жаргалтайгаар нэгдэж байгаа тул таныг бусдтай харьцахад сэргээж туслах болно. Мэлхийн урам зориг, энерги улам нэмэгдэж, энэ өдрийн халуун уур амьсгал танд нөлөөлөх болно. Цаашдын амжилтанд таны хурц сэргэлэн ухаан их тус болно. Санасан зүйл чинь ажил болж хэрэгжих боломжтой. Худалдааны тайлан, олон нийтэд хандаж хэлэх үг үзэгчдээс талархал хүлээнэ.

Арслан - (7/23-8/22)

Зарим нэг үерхэл нөхөрлөл таны амьдралын хэв маягт таарахгүй байж мэдэх юм. Танд хийх хэрэгтэй зүйл өчнөөн байхад найзууд танаас тусламж хүсэх байх. Хүмүүст тусалж, талархал хүлээхээс илүүтэйгээр өөрийн ажлыг эхэнд тавиарай. Энэ нь ч танд дээр байх болно. Таныг доройтуулж байгаа хүмүүс, эд зүйлс, хувийн хэвшлийн талаар сайн бодолхийлээд үзээрэй. Энэ дөрвөн долоо хоногийн хугацаанд шинэ ажил, төсөл хэрэгжүүлэх гэсний хэрэггүй. Түүний оронд өөрийгөө цэнэглээд ав. Сайхан зүйлийг хүсч мөрөөд. Хувийн хэрэгтээ бүх анхаарлаа төвлөрүүлээрэй.

Охин - (8/23-9/22)

Таны ажил бүтэмжтэй байх болно. Та ажилдаа амжилт гаргахаас гадна нэр хүнд тань өснө. Өөрийн үзэл бодолдоо итгэлтэй бай. Хэрвээ та тушаал ахиж, цалингаа нэмүүлэх юмуу нэмэлт шагнал урамшуулал авахыг хүсч байгаа бол энэ зорилгынхоо хойноос итгэлтэй явж бусдад өөрийгөө таниулахыг хичээ. Та эхэлсэн ажлаа ойрын өдрүүдэд ямар ч саадгүйгээр дуусгаж чадна. Бусдын анхаарлын төвд байх бөгөөд олон гайхалтай хүмүүс таныг өөрийн танилын хүрээндээ багтаахыг хүснэ.

Жинлүүр - (9/23-10/22)

Дараагийн дөрвөн долоо хоногийн турш амьдралын төлөөх сэтгэл хөдлөл, эрүүл ухаан хослох болно. Амьдралынхаа талаар бодоход тохиромжтой. Нийгэмд гүйцэтгэх үүргээ болон нийгэмд эзлэх байр сууриа тунгаа. Жилийн бусад үеэс илүү анхаарлын төвд байна. Өөрийгөө ямар шудрага, үнэнч гэдгээ харуулахад тохирсон цаг. Шинэ зүйл хийхдээ айдсаасаа болж бүү татгалз. Туршлагатай хүнтэй ярилцаж зөвлөгөө ав.

Хилэнц - (10/23-11/21)

Аливаа асуудлыг гүнзгий ухаж, шийдэх чадвар өснө. Хэрсүү Буд гараг, амьдралыг тань удирдагч Ангараг гарагтай баяр хөөртэй холбогдоход та гүйлгээ ухаан, хүчирхэг оюунаар гайхуулах бололтой. Маргаан, хэлэлцүүлэг өрнүүлсэн уулзалт, цугларалт энэ өдрийг хамгийн завгүй болгож мэднэ. Таны зохиосон төлөвлөгөө бусдын дэмжлэг туслалцаа, хөрөнгө мөнгө авч ирнэ. Чөлөөт цагаараа инээд баясал бэлэглэх хуучны хоббигоо оролд.

Нум - (11/22-12/21)

Хуулийн салбарт ажиллагсад өнөөдөр зарга, маргаан шийдвэрлэхэд таатай байна. Өөрийн баримталдаг зарчимаасаа ухрах, бусдын эрхшээлд орох, хэн нэгнээс л хамааралтай байх нь бусадтай үл ойлголцолд хүргэх шалтгаан болж болзошгүй. Эрүүл мэндэдээ анхаар. Нумуудын илэн далангуй, шударга шулуун зан чанар үргэлж өөрт нь хэрэг болдог гэдгийг санаарай.

Матар - (12/22-1/19)

Нар мэлхийн ордонд ороход таны өрсөлдөх чадвар эрчимжиж, амжилт авчрах агуу боломж өөрөө ирнэ. Сайн найзтайгаа хайрттайгаа болон хайрладаг хүмүүстэйгээ чөлөөт цагаа өнгөрүүлэхэд таатай цаг үе. Хамтдаа байж сэтгэл санаагаа хуваалцан, хоёр биенийхээ зорилго, үзэл бодол, ажил төрлийг ярилцах нь таны мэдрэмж, тогтвортой байдлыг нэмэгдүүлнэ. Үг болон үйл хөдлөлөөрөө хайртай хүндээ магтуул.

Бумба - (1/20-2/18)

Түргэн хийж дуусгах ёстой ажлаас болж хүндрэл үүснэ. Өөрийнхөө юу хүсч байгааг хамтран ажиллагсаддаа тайван тайлбарла. Ажлаа амархан болгохын тулд аливаа зөвлөгөөг анхааралтай сонсох хэрэгтэй. Хамт ажилладаг хүний гэр бүлд асуудал гарч, тантай ярилцахыг хүсч магадгүй. Албан харилцаагаа авч үлдэх нь хүнд байх болно. Магадгүй түүнийг зөвлөгөө өгөх дуртай хүн рүү явуулж болно.

Загас - (2/19-3/20)

Өнгөрсөн шөнө ирсэн cap буцаад явсан бөгөөд одоо Мэлхийн орд, таны бүтээлч байдал, хайр дурлалыг тань илтгэдэг тавдугаар гэрт орох болно. Мөн эдгээр бүх зүйлс дараагийн дөрвөн долоо хоногийн турш өлзийтэй, таатай ордны доор байна. Энэ үед танд үдэшлэг зохиох зөвшөөрөл сансраас өгөх болно. Хэрвээ та хайртай хүнтэй бол аялалаар явах тухай бодоод үзээрэй. Ганц бие хүмүүс ижлээ олно гэдгийг сана.