Улс төрд "хуучин хүү" ч энэ долоо хоногт УИХ-ын даргаар сонгогдсон М.Энхболдын түүхийг эргүүлцгээе. Түүний төрд хашсан албан тушаалыг тоочвол урт жагсаалт болно. Зүгээр л зураг үзэцгээе.

Хотод төрсөн хөдөөний хүүхэд. Зуны амралтаараа аавын нутаг Төв аймгийн Баян сумыг зорьдог байв.

Дээр үеийн дарга нарын хүүхдүүд эсвэл онц сурлагатнууд Орост очиж амардаг байсан. Харин түүний аав энэ үед МУИС-д багшилж байсан учир аль ангилалд нь хамарч амарсныг мэдэх хүн цөөн.

Ирээдүйн гэргий. М.Энхболд арван жилийнхээ нэг ангийн охинтой гэр бүл болсон. Ийм л хөгжилтэй оюутнууд байж. Хожмын улс төрч М.Энхболдын толгой дээр юу барисныг анзаарч байна уу? Түүнийг нэг амьтны нэрээр хочилдог юм.

Оюутан нас. Оюутан цагийн иймэрхүү зураг хүн болгонд дурсамжтай байдаг байх. Харин энэ зурган дээр МУИС-ийн оюутан М.Энхболд найз бүсгүйнхээ урилгаар тухайн үеийн ЗХУ-тай танилцаж явсныг нь гэрчлэх дурсамж болон үлджээ.

Аав, ээж хоёр. М.Энхболдын аав, ээж хоёр. Ээж нь хүн ардынхаа эрүүлийг хамгаалах салбарт ажиллаж байсан. Харин аавыг нь боловсролын салбарынхан андахгүй. Монгол улсын гавъяат бас ардын багш Миеэгомбо гуай юм. Түүний тухайд Монголын ард түмэн эмгэнэл илэрхийлж байна.

Шадар сайд М.Энхболдынх хоёр хүүхэдтэй. Эхнэр нь ШУТИС-д багшилдаг бол охин нь манайдаа л нэртэй гоо сайхны газар ажиллуулдаг гэсэн.

Бичиг цаас, тушаал шийдвэр хөглөрсөн хотын даргынхаа ширээний араас Монгол улсын 24 дэхь ерөнхий сайдаар томилогдож байсан юм.

Сүр бараа, амгалан тайван байдлаараа түүний өмнө орох улс төрч бараг үгүй дээ. За байз, түүний өмнө “АПУ”-гийн хэмээх тодотголтой Г.Батхүү дарга л орж мэднэ.

Хуучны МАХН, одоогийн МАН-ын “алдарт” залуучуудын холбоо жил бүрийн 12 сарын 31-ний орой “Алтан сарнай” хэмээх нүсэр наадам зохион байгуулаад олон жил боллоо. Уг наадмын хамгийн анхны “Оны шилдэг улс төрч”-өөр тухайн үеийн хотын дарга М.Энхболд, “Оны шилдэг бизнесмен”-ээр “Алтай трейд”-ийн ерөнхий захирал С.Батболд хоёр шалгарч байжээ. Хожим нь хоёулаа Монгол улсын ерөнхий сайд болох хувьтай байлаа.

М.Энхболд хотын дарга байхдаа хийсэн хамгийн том ажлынхаа нэгээр Сүхбаатарын талбайн асфальтыг хуулж одоогийн боржин чулуугаар гоёсныгоо хэлдэг. Харин зарим нь хэдэн зуун саяар бүтээсэн бэ гэж харддаг.

Магадгүй тэр хамгийн их шүүмжлүүлсэн хотын дарга байх. Тэрбээр нам дотроо "хотын" гэх бүлэглэлтэй.

Албан тасалгааны цонхоор амьдрал сайхан харагдахыг үзэж, дарга цэрэг болж явсан үе бий л дээ. Гэвч одоо өөр өөрсдийнхөө замаар замнасан. Уг нь М.Энхболдыг “дуулгавартай” гэж Н.Энхбаяр ерөнхий сайд болохыг нь дэмжсэн гэдэг. Дараа нь “үгэнд орохгүй байна” гээд “хусахад” нь бас оролцсон юм. Улс төр өө гэж...

Чой хамба М.Энхболд дарга хоёрыг Төв нутгийн гол төлөөлөгчид гэдэгтэй хэн ч маргахгүй.

М.Энхболд 2009 онд Монголын сүмо бөхийн холбооны дэд ерөнхийлөгчөөр томилогдон ажиллаж байгаад хэдэн жилийн өмнө уг ажлаа Д.Батбаярт хүлээлгэн өгсөн байна.

Намын дарга. М.Энхболд ахиад нэг даваа давж, гурван сонгуульд ялагдсан МАН-ын дарга боллоо. Ахин сонгогдсон түүнийг олон нүд, чих харсаар өнгөрсөн дөрвөн жилийг үдсэн юм.

Сөрөг хүчин. Өнгөрсөн дөрвөн МАН-ынхан улс төрд сөрөг хүчин болж "тоглов".

УИХ-ын дарга. Харин энэ жил эрх баригчийн суудалд шилжлээ. Энэ удаагийн сонгуулиар МАН үнэмлэхүй ялалт байгуулж УИХ-д 65 уулаа болсон. Харин МАН-д итгэл хүлээлгэсэн ард түмэн тэднийг хэрхэн ажиллахыг анхааралтай ажиглаж байна. М.Энхболд УИХ-ын даргаар сонгогдоод дөрөв л хонож байна...

Т.Энхэлээ