Оюутны ширээнээс амьдралын гараагаа эхэлж байгаа хоёр залуугийн Яахоо компанийг хэрхэн үүсгэсэн болоод модны үйлдвэрээс хүмүүсийн хэрэглээ болж чадсан Nokia гар утасны хөгжлийн талаар та бүхэнд сонирхуулъя.
Ирээдүйг мэдэрсэн залуус “Yahoo!”-г санаачилжээ
1994 оны хоёрдугаар сард Станфордын сургуулийн төгсөх курсын оюутнууд болох Жерри Яанг, Давид Фило нар Яахоог үүсгэн байгуулжээ. Тэд цахилгаан инженерийн ангийн оюутнууд байсан бөгөөд хүсэл сонирхолдоо хөтлөгдөн уг интернет сүлжээг зохиожээ. Гэтэл нилээн хэдэн жилийн өмнө тэд энэ талаар хоорондоо ярилцаж байж. Эхэндээ үүнийг “Дэлхий даяар аялах Жерригийн хөтөч ” гэж нэрлэж байсан ч тэрээр нэгэн удаа “Давид маань бүх л ажил үүргийг гүйцэтгэж, харин би бүх гавьяа шагналыг авах нь зохистой зүйл мөн гэж үү” хэмээн боджээ. Түүний энэхүү бодол уг нэрийг өөрчлөхөд хүргэсэн бөгөөд үүнээс хойш “Дэлхий даяар аялах Давид болон Жерригийн хөтөч”хэмээн нэрлэх болжээ.Харин хожим нь энэхүү нэр нь дэндүү урт сунжирсан, хэлэхэд төвөгтэй байсан тул “Yahoo” гэсэн богино нэрээр нэрлэсэн байна. Эхлээд тэр хоёр үндсэн үйлчилгээг хүмүүст санал болгож байсан нь: Вэб хуудас руу хэрхэн орох удирдамж, мөн интернетээс хайлт хийх гэсэн хэрэгслүүдийг ашиглаж байв. Ингээд тэр жилийнхээ намар гэхэд хэрэглэгчийн тоо 100, 000 давсан байлаа. Тиймээс тэдэнд үйлчилгээгээ өргөжүүлэх бас нэг боломж олдсон нь Яахоог хуудийн этгээд болгож бүртгүүлжээ. Ингээд 1995 оны гуравдугаар сард компанидаа “Секуя капитал ” байгууллагаас хоёр сая долларын санхүүгийн баталгаа гаргуулж чаджээ. Өнөөдөр Яахоо нь сар бүр 200 сая хэрэглэгчдийг хүлээн авдаг дэлхийн хэмжээний хамгийн том сүлжээний үйлчилгээг үзүүлж чаддаг шилдэг байгууллага юм.
Модны үйлдвэрээс дэлхийн брэнд болсон “Nokia” компани
Зуугаад жилийн өмнө энэ компанийг Фредрик Едистам гэгч хүн үндэслэсэн аж. Тэрбээр 1860 оны дундуур Финландад мод бэлтгэх үйлдвэрүүд хүчээ авч байх үед Едистам Имакос мөрний хөвөөнд цаасны үйлдвэрээ байгуулжээ. Эхний хоёр жил хүнд байдалд ажиллаж ирсэн ч удалгүй ажил үйлс нь дээшилсэн байна. 1867 онд Парист болон дэлхийн үзэсгэлэн худалдаанд өөрийн зохион бүтээсэн мод тээрэмдэгч машинаараа хүрэл медаль авчээ. Улмаар Nokia компани үйлдвэрийнхээ дэргэд цахилгаан станц байгуулснаар олон хамтрагчаа өөртөө татаж чаджээ. Тэдний нэг нь резин үйлдвэрлэдэг компани байсан ба дэлхийн нэгдүгээр дайны дараа тэр компанийг худалдан авчээ. Ингээд кабел, цаас, резин, цахилгаан гэсэн салбарт хүчээ үзсээр зуун жилийн турш тогтсон хүчтэй компани алдагдал хүлээж дампуурлын ирмэг дээр иржээ. Тухайн үед ажилд ороод таван жил болсон нэгэн залууг гар утасны салбарт томиллоо. Түүний нэрийг Иорма Оллила гэдэг бөгөөд тэрбээр 1992 онд гүйцэтгэх захирлаар томилогджээ. Түүнийг ажилласнаас хойш тус компани модонд биш хүнд анхаарлаа хандуулж дэлхийн хэмжээний 20 тэрбум долларын хөрөнгөтэй олон сая хэрэглэгчтэй компани болжээ.
Д.Ундрах 24tsag.mn
