Мексикийн Чихуахуа муж дахь нэгэн дэлгүүрийн шилэн хоргоны цаана сүүлийн 75 жилийн турш зогсож байгаа "La Pascualita" буюу бяцхан Pascuala гэдгээрээ алдартай хуримын даашинзны манекений талаар нуруугаар хүйт даам түүхийг танд хүүрнэе. Энэ  манекен нэг дэлгүүртээ бүхэл бүтэн 75 жилийн турш байна гэдэг бага зэрэг сонин санагдаж байгаа биз?  La Pascualita хэмээх энэхүү манекен нь дэлгүүрийн эзний төрсөн охины сайтар занданшуулсан шарил гэсэн цуу яриа тэндэхийн хүмүүсийн дунд байдаг ажээ. Манеканы  тухай олон  янзын цуу яриа байдагч өнөө хэр  нэг  нь  баталгаажаагүй  л байна. Тодорхой баримт сэлт ч үгүй ажээ.

Шөнө дунд манекений нүд нь эргэлдэж, дэлгүүр доторхийг бүхэлд нь ажигладаг гэж зарим хүмүүс ярьдаг. Шөнийн цагаар тэрээр цонхны дэргэдэх байрлалаа байн байн өөрчилдөг гэх ч яриа бий. Pascualita-г өдөр бүр харж, долоо хоногт хоёр удаа хувцасыг нь сольдог дэлгүүрийн ажилчдад бүүр ч аймшигтай байдаг биз ээ. Тэд хувцасыг нь солих ажлаа хаалттай хөшигний цаана, хэнд ч харагдахгүйгээр хийдэг гэнэ. Уг дэлгүүрийн ажилтан Sonia Burciaga хэлэхдээ: “Pascualita-гийн дэргэдүүр өнгөрөх бүрт нуруугаар хүйт дааж, хүйтэн хөлс цутгадаг. Түүний гар нь үнэхээр олон жил хадгалагдсан шарил болохыг нь илтгэж байдаг. Түүний хөлийн судаснууд нь өргөсч бүдүүрсэн болох нь даашинзны доороос харагддаг.

Орон нутгийн хүмүүс бүгд La Pacualita-г удаан хадгалангдсан цогцос гэдэгт итгэлтэй байхад, интернетээр үүнийг байж боломгүй зүйл гэдгийг нотлон тайлбарласан баримтуудыг олноор тавьжээ. Занданшуулсан шарилын музейн мэргэжилтнүүд жишээлбэл занданшуулсан шарилыг ямар ч битүүмжгүй, жирийн агаарын температурт ийм удаан хадгалах боломжгүй гэж тайлбарладаг. Гэхдээ хүмүүс зарим нэг шалтгаанаас болж цогцсыг энгийн температурт хадгалах нь харин ч боломжтой зүйл гэдэгт итгэж байгаа ажээ.