Лондон хотод олимпийн наадам эхлэхэд цөөхөн хоног дутуу байна. Наадмыг зохион байгуулагчид олимпийн нээлтийн үеэр олон сонирхолтой арга хэмжээ зохион байгуулахаар төлөвлөжээ. Тэд наадмын үеэр "Биг Бен" цагны хонхыг 40 удаа дуугаргахаар төлөвлөж байгаа аж. Сонирхолтой нь  энэ үеэр Биг Бен цагны бүх хонхыг цохиж, чимээ нь орон даяар сонсогдох юм байна. Ингэснээр хамгийн олон хонхыг зэрэг цохисон дэлхийн дээд амжилтийг эвдэнэ гэж тооцжээ.

Английн парламентийн ордны оройд байх 96 метр өндөр энэ цагийг хатан хаан II Элизабетэд зориулан босгосон түүхтэй юм. Английн парламентийн цамхагийг 1858 онд барьсан бол Биг Бен цагийг жилийн дараа байруулсан байна. Ингэснээр тус цамхагийг нийтээр нь Биг Бен цагийн нэрээр нэрлэх болсон байна.

  Олимпийн наадмын нээлт болох өдөр буюу баасан гарагт Английн бүсийн цагаар өглөөний 08.20 цагт "Биг Бен" цаг ийнхүү дээд амжилт тогтоох нь.