Өнөөдөр Улаанбаатар хотын авто замаар 200 мянга орчим автомашин хөдөлгөөнд орж байна. Агаарын чанарын албанаас хотын агаарын чанарт хийсэн тандалт судалгаагаар автомашины яндангаас агаарт хаягдах утааны хэмжээ нь агаарын бохирдлын 20 орчим хувийг эзлэж байгаа нь тогтоогджээ.
Харин үүнийг нэлээн өндөр хэмжээнд шийдэж чадах, байгаль орчинд ээлтэй, дэлхийн стандартын шаардлагыг хангасан бүтээгдэхүүн бол Евро-5 стандартын шатахуун юм. 6,7-р сард Солонгосын “Hyundai Oil Bank” компаниас болон  “TNK-BP” компаний Саратов үйлдвэрээс тус тус Евро-5 стандартын түлшийг оруулж ирж борлуулж байгаа бөгөөд, цаашид сар бүр авч байх гэрээтэйгээр ажиллаж байна. Евро-5 стандартын түлшнээс гадна өнгөрсөн жилийн 7-р сараас Евро-5 стандартын АИ-92, АИ-95, АИ-98 төрлийн шатахуунуудыг байнга Беларусиас, мөн Литви улсын “ТНК” компаниас авч, УБ хотын ШТС-уудаараа борлуулж байгаа билээ. УБ хотын ШТС-уудаас гадна Дархан, Эрдэнэт зэрэг хот суурин газруудад мөн Евро-5 стандартын шатахуунуудыг борлуулж байгааг юм.  

Ц.Болор