Монголын улсад мэргэжлийн бокс хөгжөөд удаж байгаа боловч, түүнийг албан ёсоор зохиодог эрх бүхий промоутергүй олон жил явж иржээ. Промоутер гэдэг нь мэргэжлийн боксын байгууллагатай гэрээ хийж нэр хүндтэй тулааныг зохиох эрх авах, түүнд тамирчидаа оролцуулах эрх бүхий хүнийг хэлдэг бөгөөд нэлээдгүй санхүүгийн чадвартай байх шаардлагыг мэргэжлийн боксын холбоодоос тавьдаг байна. Энэ удаа Монголын кикбоксын холбооны ерөнхий нарийн бичгийн дарга, кикбоксын спортын ОУХМ О.Алтанпүрэвт Дэлхийн мэргэжлийн боксын байгууллага WBO (World Boxing Organization), промоутерын эрх бүхий гэрчилгээг олгожээ.
Эрх ёсоор манай промоутер маань өөрийн эх орондоо “WBO Oreintal feather weight championship”  буюу “WBO”-холбооны  хөнгөн жингийн аваргын тулааныг зохион байгуулахаар гэрээ байгуулаад байгаа юм байн.

Ц.Болор