МАХН-МҮАН-ын “Шударга ёс” эвслээс намын листэд ороод байсан Н.Энхбаяр, Э.Батшугар, С.Нарангэрэл нарыг СЕХ-ноос нэр дэвшүүлэхгүй хэмээн хассан. Тиймээс тэд Үндсэн хуулийн цэцэд хандан гомдол гаргасан ч цэцийн бага суудлын хуралдаанаар тэдний гомдлоор маргаан үүсгэн хэлэлцэх үндэслэлгүй гэсэн шийдвэр гаргасан. Нэгэнт цэц ийм шийдвэр гаргаснаар УИХ-ын гишүүний түр үнэмлэхээ авсан гурван хүн УИХ-д тангараг өргөх эрх нь нээгдсэн юм. Харин тэд хэзээ тангараг өргөх эсэх нь шийдэгдээгүй байна. Тэдний тангараг өргөх эсэхийг Удирдах зөвлөл хуралдаж байж, тангаргийн өдрийг товлохоор болжээ. Б.Золбоо
