Энэтхэгийн хууль тогтоох  дээд байгууллагаас дархан цаазтай бүсүүд тэр  дундаа бартай газруудаар жуулчдыг аялахыг хориглосон  байна. Түүх, дурсгалын  холбогдолтой болон байгалийн  дурсгалт газрыг хамгаалах хуулийн  дагуу ийнхүү нэмэлт заалт орууж байгаа аж. Мөн сүүлийн  жилүүдэд  барын тоо эрс цөөрч байгаагаас  ийнхүү анхаарлын төвдөө авч байгаа гэнэ. 2011 онд хийсэн зэрлэг ан амьтдыг тоолох тооллогоор 1700 зэрлэг бар бүртгэгдсэн байна. Барын  тоо цөөрөх болсон нэг   томоохон  шалтгаан нь хулгайн ан бөгөөд барын үнэлгээ  бага байгаатай ч  холбоотой гэж тус улсын хууль тогтоох байгууллагынхан үзэж байна. Түүнчлэн, ирэх хоёр дугаар сараас Ражастан районыг бүхэлд нь амьтан хамгаалах бүс болгон   хөгжүүлэхээр яригдаж байна. Ингэхдээ ялангуяа барын тоо  толгойг  нэмэгдүүлэхэд чиглэн ажиллах гэнэ.