Нас биенд хүрсэн дөрвөн залуу 15 настай охин Б-г нэгнийдээ аваачин хоёр өдөр дараалан хүчиндсэн энэ хэрэг

Хан-Уул дүүрэгт гарчээ. ... Тэр өдөр долдугаар ангид сурдаг Б охин хичээлээ тараад харьж явав. Ардаас нь дөрвөн залуу сэмхэн дагаж явааг охин мэдсэнгүй.

Хүний гүйцэж ирэх хөлийн чимээгээр эргэж харвал зүс таних Даваа хэмээх залуу байв. Тэд мэнд усаа мэдээд Даваа -Дүү охин, хичээлээ тараад харьж явна уу? Өнөө орой 18 цагт “Тэнгис” кино театрт хамт очиж “Үнсэлт” гэдэг шинэ кино үзэх үү? Би чамайг урьж байна гэхэд битүүхэндээ Давааг хүндэлж таалж явдаг Б охин -Аав, ээж дургүйцэхгүй бол тэгье гэжээ. Б охин бол чинээлэг амьдралтай айлын хүүхэд. Эцэг нь нэгэн компаний захирал. Ээж нь улсын байгууллагад ажилтай. Найзтайгаа гоё кино үзчихээд удахгүй ирнэ гэсэн охиныгоо хоёр хоног ор сураггүй алга болж, хүн аймаар царайтай орж ирнэ гэж тэд яахан санах билээ.

Оройн 17. 30-д “Тэнгис”-ийн гадаа Даваа охин Б-тэй уулзаж, Даваа охиныг ойролцоох “Анкара дөнэр”-т урьж тэнд тав арван минут тухалж тансаг амттанаар дайлжээ. Даваа 21 настай, “Нарантуул” зах дээр наймаа эрхэлдэг нэгэн. Тэд “Анкара дөнэр”-өөс гарч шинээр гарсан “Үнсэлт” гэдэг монголын уран сайхны киногоо үзлээ. Кино үзэж байхдаа Даваа охины мөрөөр тэврэн өөртөө наалдуулж гарыг нь атгана. Анх удаа эр хүнтэй ийн ойртон дотносож буй Б охинд эвгүй санагдавч, бас цаанаа нэгаятай ч юм шиг. Удалгүй кино дуусч тэднийг танхимаас гарахад өвлийн өдөр богино хойно хэдийнэ харанхуй болжээ. Гэр рүүгээ яарсан Б охиныг Даваа хоргоон -Хоёул жаахан ярьж хөөрмөөр байх юм. Өнөөдөр миний нэг найзын төрсөн өдөр болж байгаа. Намайг урьсан юм. Хоёулаа хамт дөнгөж ороод гаръя. Тэнд чиний сонсох дуртай Болд, “ВХ”-ийн цоо шинэ дуунууд байгаа.

Чамайг би гэрт чинь унаагаар хүргэж өгнө гэж өчнөөн ятгажээ. Тээнэгэлзэж ядсан охин -Тэнд удахгүй шүү. Дөнгөж ороод ганц нэг дуу сонсоод гаръя гэхэд Даваа уриалгахан аргагүй -Тэгэлгүй яахав гэснээр тэд такси хөлслөн XI хорооллыг зорилоо. Даваагийн найз гэх Гансүхийнд очвол нил тамхины утаа хөшиглөж, дуу хөгжим хангинасан орчин угтав. Гансүх тэр хоёрт хөл алдан сүйд болж телевизийнхээ сувгийг байн байн сольж охинд хандан -Ямар кино үзэж, ямар дуу сонсох вэ гэж халамжилна. Даваа ч ялсан баатар шиг дагуулж ирсэн хөөрхен охиноороо бахархана. Төдөлгүй хаалганы хонх дуугарч тэдний найз Энхтүвшин, Доржбат нар орж ирэв.

Барьсан торонд баахан пиво архи харагдана. Цочирдон эвгүйцсэн Б охин Баттөрийн ханцуйнаас чангаан -Явъя. Би харьмаар байна гэхэд өнөөх Гансүх -Дүү охин, өнөөдөр миний төрсөн өдөр. Ах нарынхаа урилгаас татгалзаж, арай гомдоохгүй биз дээ гэж үг хаяв. Залуусын идэжуух, наргиж цэнгэх эхэлж, Б охиныгхоол зууш, архи пивоор шахаж эхлэв. Олон удаагийн шахаанд орж уусан нэг лааз пиво, тал стакан архи охины толгойд гарч ухааныг нь мансууруулав. Уралдан ярих залуус, уянгалаг хөгжим, Даваагийн мөрийг түшиж наалинхайтан бүжиж байснаа Б охин тод санана. Шөнө дунд нэг сэртэл Б охин чармай нүцгэн, хажууд нь мөн Даваа шав шалдан согтуу унтаж байв.

Охины толгой тархи задрах нь уу гэлтэй өвдөнө. Том өрөөнөөс өнөөх гурван залуугийн чанга чанга ярих сонсогдоно. Охины бэлэг эрхтэн учиргүй өвдөж байв. Сандарч ичингүйрсэн Б охиныг өндийж хувцсаа тэмтчтэл Даваа гараас нь барьж -Чи яах гэж байна. Чамайг хааш нь ч явуулахгүй гэх нь тэр. Гэтэл хаалга онгойж Гансүх орж ирснээ -Даваа чи болсон бол хурдан бос гэж согтуу дуугаар тушаахад Даваа хувцсаа хам хум цуглуулаад дуулгавартайяа гарч одов. Мунаг тачаалдаа автсан Гансүх охин руу улангассан бух шиг дайрч хүслээ гүйцээв.

Дараа нь өнөө хоёр нь орж ирж мөн хүслээ гүйцээв. Тэр шөнө охин цурам хийлгүй цурхиран уйлж согтуу залуус нөгөө өрөөнд наргисаар хонов. Маргааш өглөө Б охин эртлэн босч гарах гэтэл хаалга цоожтой. Түлхүүрийг нь хайгаад олсонгүй. Ямар зургаан давхраас үсрэлтэй биш. Давааг сэрээж явах хүслээ хэлтэл -Битгий дэмийр. Чамайг явуулахгүй. Өнөөдөр бид шараа тайлж наргина. Чи бас байх болно гэж тушаав. Хөөрхий охин яаж ч чадахгүй тэдний ая эвийг харан гал тогооны өрөөнд сууж байтал залуус цувралдан босч “Ам хатлаа, толгой задарлаа” гэж үглэлдсээр нэгнийгээ архи пивонд явуулав. Өнөөх нөхөр нь төдөлгүй ирж охиныг дахин дараалан хүчирхийлж доромжлов.

Шараа тайлж дахин согтож унасан залуусыг унтаж байх зуур Б охин түлхүүрийг олж, гэрийнхээ зүг зугтаажээ. Хэрэгтнүүдийг согтуу хэвтэж байхад нь сэргийлэх ирж барьснаар тэрхүү тэнэг залуус шоронгийн хаалга татсан боловч 15-хан настай охины сэтгэлийн зовлон шаналал эдгэхгүй нь гачлантай.