БАРИМТ 1
Кирибаяма Лхагвасүрэн 1996 онд Дорнод аймгийн Сэргэлэн суманд малчин ард Бямбасүрэнгийн гэр бүлд мэндэлжээ.
БАРИМТ 2
17 насандаа Улаанбаатарт ирсэн тэрээр анх үндэсний бөх болон жүдогоор хичээллэдэг байв.
БАРИМТ 3
Улмаар 2014 онд урилгаар "Мичинокү" дэвжээнд сүмогоор хичээллэхээр арлын орныг зорьсон түүхтэй.
БАРИМТ 4
Б.Лхагвасүрэн тухайн үед 180 см өндөр, 70 кг жинтэй байсан ба урилгаар Японд очсон бусад хөвгүүдээсээ илт илүү байсан гэж дэвжээний мастер Киришима ярьсан байна.
БАРИМТ 5
Гэвч Мичинокү дэвжээ нь 2011 онд барилдаан наймаалцсан хэргээр хөөгдсөн Хакүбагаас хойш гадаадын сүмочтой байгаагүй тул Лхагвасүрэн 2015 онд Япон улсын иргэншил авчээ. Улмаар тус оныхоо тавдугаар сард анх удаа сүмогийн дэвжээнд барилдсан байна.
БАРИМТ 6
Тэрбээр мэргэжлийн тамирчин болохын тулд дөрвөн жилийг зарцуулсан бөгөөд 2019 оноос ёкозүна Какүрюү М.Анандын хамт "Мичинокү" дэвжээнд барилдаж эхэлсэн. М.Ананд аварга одоо тус дэвжээний дасгалжуулагчаар ажиллаж байна.
БАРИМТ 7
Дээд зиндаанд дэвшсэн эхний тэмцээндээ 11 даваа, 4 унаатай амжилтыг үзүүлж “Fighting Spirit” буюу тулаанч бөхийн шагналыг хүртсэн билээ.
БАРИМТ 8
2022 оны долоодугаар сараас хойш комүсүби цолтой барилдаж 2023 оны нэгдүгээр сард 11-4 амжилтыг дахин үзүүлснээр “Technique Prize” шагналыг хүртсэн тэрээр гуравдугаар сараас нь сэкивакэ цолтой барилдаж эхэлсэн юм.
БАРИМТ 9
Сэкивакэ цолтойгоор барилдсан ердөө хоёр тэмцээний дараа озэки цолд хүрсэн тэрээр Монголын зургаа дахь озэки болсон төдийгүй Technique Prize шагналыг гурван тэмцээн дараалан хүртлээ.
БАРИМТ 10
Түүнийг 2023 оны тавдугаар сарын 31-ний Сүмогийн холбооны хурлаар озэки цолд албан ёсоор батламжилсан бөгөөд Нагоя башёгоос эхлэн дэвжээний нэрээ Киришима хэмээн өөрчилж байна. Энэ нь дэвжээний мастер озэки Киришимагийн нэрийг өвлөн авч буй хэрэг аж.
БАРИМТ 11
Мэргэжлийн сүмо бөхийн Кюүшү башё 15 өдрийн турш Фүкүока хотод 2023 оны 11 дүгээр сарын 26-нд болж озэки Киришима озэки Такакэйшог давснаар 13 даваа, хоёр унаатайгаар Кюүшү башёд түрүүлсэн.
БАРИМТ 12
Тухайн үед 27 настай байсан түүний хувьд энэ жилийн хоёр дахь түрүүгээ хүртэж байгаа хэрэг. Тэрбээр Хацү башёд үзүүрлэж, Харү башёд түрүүлсэн. Тэгвэл тэр сая гурав дахь удаага түрүүллээ.
БАРИМТ 13
Харамсалтай нь тэр 2023 онд озэки болоод, ердөө таван башёд уг цолтойгоо барилдаад 2024 оны тавдугаар сарын тэмцээнээр цолоо алдсан удаатай.
БАРИМТ 14
Озеки цолын болзол биелүүлэхийн тулд гурван тэмцээний нийлбэр нь 33-аас дээш давах шаардлагатай. Өнгөрсөн оны арваннэгдүгээр сарын тэмцээнд маэгаширагийн 2-оос барилдахдаа 11 ялсан бол нэгдүгээр сарын тэмцээнд сэкивакэ цолтой байхдаа мөн 11 ялсан. Ингээд энэ сард 12 ялснаар түүний нийлбэр ялалтын тоо 34 болжээ.
БАРИМТ 15
Б.Лхагвасүрэнгийн хувьд хоёр дахь удаагаа озеки болж байна.
БАРИМТ 16
2025 оны байдлаар тэрээр 186 см өндөр, 146 кг жинтэй байна.
БАРИМТ 17
Кирибаяма Монголоос төрсөн 26, гадаадын 49 дэх дээд зиндааны бөх болсон.
БАРИМТ 18
Түүний шүтдэг бөх нь ёкозүна Харүмафүжи. Барилдааны хэв маяг ч ялгахын аргагүй.
БАРИМТ 19
Мэргэжлийн сүмогийн түүхэнд Б.Лхагвасүрэнгээс өмнө озеки цолоо алдаад эргүүлэн авсан хоёр сүмоч бий. Эхнийх нь 1975 онд анх удаа озеки болсон ч 1976 онд цолоо алдсан Кайкэцү. Тэр 1977 онд цолоо буцаан авсан бол удаах нь ёкозүна асан Терүнофүжи Г.Ган-Эрдэнэ билээ.
Сэтгэгдэл (4)