Японы нийслэл Токио хотын Итабаши дүүргийн хүүхэд, багачууд өөрсдийн эдэлж хэрэглэж байсан сурагчийн цүнхийг манай улсын өнчин, ядуу буурай өрхийн хүүхдүүдэд хандивлахаар цуглуулсан байна.
Үүнийг Монгол-Японы найрамдлын Фүжи сан эздэд нь гардуулжээ. Японы бага сургуульд өргөн хэрэглэгддэг дээрх цүнх нь хүүхдийн биед ирэх ачааллыг хөнгөвчлөх загвартай зохион бүтээсэн гэдгээр онцлогтой бөгөөд нийт 1348 ширхэг цүнхийг Баянзүрх дүүргийн VIII, Хан-Уулын VII, Сүхбаатар дүүргийн XVI, Чингэлтэй дүүрийг IX хороо болон Улсын хүүхдийн асран хүмүүжүүлэх төв, Хүүхэд хамгаалал, хаяг тогтоох төвийн багачуудад гардуулан өгсөн байна.