Өнөөдөр Нийслэлийн иргэний танхим анхны хуралдаанаа “Нийслэлийн зам засвар, шинэчлэл ба замын хөдөлгөөний ачааллыг бууруулах зарим арга хэмжээ” сэдвээр хийлээ. Энэ хуралд нийслэлийн засаг дарга Э.Бат-Үүл, НИТХ-ын дарга Д.Ганболд нар болон бусад албаны хүмүүс оролцлоо. Нийслэлийн засаг дарга төрийн албан хаагчдыг хувийн машинаар биш нийтийн тээврийн хэрэгслээр зочдог болвол 15 мянган машин замын хөдөлгөөнөөс хасагдаж, түгжрэл багасах боломжтой байгааг хэллээ. Энэ саналыг иргэдтэй болон НИТХ-ын төлөөлөгчидтэй зөвшилцөж байж захирамж болгох аж.

 Нийслэлийн засаг дарга Э.Бат-Үүлийн хэлснээр эхний хоёр сард эхний ээлжинд нийтийн тээврийн үйлчилгээг шинэ шатанд гаргахаар төлөвлөж байгаа гэв. Юун түрүүнд нийтийн тээврийн хэрэгслийн стандартыг хэвшил болгож, нийтийн тээврийн компаниудад сард 150 сая төгрөгөөр хэмжигдэх урамшуулал өгөхөөр төлөвлөж байгаа аж. Мөн тэтгэвэртээ гарсан ахмадуудыг замын хөдөлгөөнд зохицуулахад цалинтайгаар оролцуулах боломжийг хайж байгаа гэлээ.

  Дараагийн Нийслэлийн иргэдийн танхимын хэлэлцүүлгийг хэвлэл мэдээллийн хэрэгслээр дамжуулан зарлах юм. Мөн иргэдийг irgen@citycouncil.mn электрон шуудан болон 328886, 321163 дугаарын утсаар бүртгэж эхний 60 иргэнийг оролцуулах юм байна.