БНСУ-ын үндэсний томоохон корпорацийн нэг “Hanwha”-гийн захирал Ким Сэн Ёонд хууль бус аргаар мөнгө олсон хэргээр тус улсын шүүхээс дөрвөн жилийн хорих ял оноолоо. Дээд шүүхийн албаны хүмүүсийн мэдээлснээр ноён Кимийг өөрийн албан тушаалыг урвуулан ашиглаж тус группийн хөрөнгийг өөртөө болон гэр бүлийн гишүүддээ зарцуулсан хэмээн буруутгаад байгаа юм байна.
Түүнийг “Hanwha” группийн 5.1 тэрбум вон буюу 4.5 сая ам.долларын хөрөнгө хувьдаа завшсан хэмээн тус улсын шүүх үзэж байгаа аж.
Харин “Hanwha” группийн төлөөлөгчид хэргийг дахин мөрдөн шалгаж, дээд шүүхийг шийдвэрээ эргэн хянах хэрэгтэй хэмээн үзэж байгаагаа шүүх хурлын үеэр мэдэгджээ. Ким Сэн Ёоныг одоогоор баривчлаад байгаа боловч өөрийг нь хилс хэрэгт гүтгэж байна хэмээн Yonhap мэдээллийн агентлагт тэрбээр ярилцлага өгчээ.
БНСУ-ын Hanwha групп нь бизнесийн чиглэлээр үйл ажиллгаа явуулдаг, 53 салбартай улсдаа хамгийн томд тооцогддог аж ахуйн нэгж аж.
Б.Чимэг
